|
|
Səhifələr : # 2 3 4 5 6 7 8 9 10 #
|
|
2015-ci ilə qədər məcburi köçkünlərin böyük əksəriyyətinin mənzil-məişət problemi həll ediləcək
|
|
Ölkənin ayrı-ayrı şəhər və rayonlarında qaçqın və məcburi köçkün ailələri üçün 67 yeni qəsəbə salınıb. “KƏLAMİNFO”nun məlumatına görə, Qaçqınların və Məcburi Köçkünlərin İşləri üzrə Dövlət Komitəsi sədrinin müavini Gəray Fərhadov Azərbaycanda səfərdə olan ABŞ konqresmenlərindən bir qrupunun köməkçilərinin daxil olduğu nümayəndə heyətinin məcburi köçkünlərlə görüşü zamanı söyləyib. G.Fərhadov bildirib ki, 20 min ailə, yəni 100 min nəfərdən çox soydaşımız yeni evlərə köçürülüb. Onun sözlərinə görə, qaçqın və məcburi köçkünlər üçün 130 təhsil, 50-yə yaxın səhiyyə, onlarla rabitə və mədəniyyət ocaqları tikilib istifadəyə verilib, müvafiq infrastruktur yaradılıb. G.Fərhadov qeyd edib ki, 2015-ci ilə qədər məcburi köçkünlərin böyük əksəriyyətinin mənzil-məişət problemi həll ediləcək.
O, qonaqlara ermənilərin azərbaycanlılara qarşı təcavüzü, onun ağır nəticəsi, bu təcavüz nəticəsində ölkəmizə dəyən ziyan və digər məsələlər barədə ətraflı məlumat verib.
|
22.08.11 Məqaləni oxumaq
|
| |
|
|
|
Kür və Araz transsərhəd çaylarda monitorinqin nəticələri açıqlanıb
|
|
Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür və Araz transsərhəd çaylarının, həmçinin onların transsərhəd qollarının çirklənmə səviyyəsini öyrənmək məqsədilə avqust ayının II ongünlüyü üçün növbəti monitorinq həyata keçirib. Nazirlikdən “KƏLAMİNFO”ya verilən məlumata görə, avqust ayının II ongünlüyündə Kür çayında suyun sərfi avqust ayının I ongünlüyünə nisbətən 1 m3/san artaraq 105 m3/san təşkil edib. Monitorinqin nəticələrinə əsasən, Kür çayında Gürcüstan və Ermənistan ərazilərindən təmizlənmədən birbaşa su obyektlərinə axıdılan məişət tullantıları və sənaye müəssisələrinin çirkab sularının təsiri nəticəsində biogen maddələrin miqdarı normadan dəfələrlə artıq olub. Suyun tərkibindəki spesifik çirkləndiricilərdən fenol və mis birləşmələri yol verilən qatılıq həddini (YVQH) keçib. Belə ki, Şıxlı-2 məntəqəsində suyun əsas çirkləndiricilərindən fenollar 3, mis birləşmələri 2, Ağstafaçay məntəqəsində fenollar 4, mis birləşmələri 2, Ağstafaçay su anbarında isə fenollar və mis birləşmələri 2 dəfə YVQH-ni keçib.
|
|
22.08.11 Məqaləni oxumaq
|
| |
|
|
|
Qəddafinin qalası alındı
|
|
Liviyada bu ilin mart ayından bəri Qəddafiyə qarşı davam edən üsyan dalğasının mühasirə xətti getdikcə daralır. “KƏLAMİNFO” BBC-yə istinadən xəbər verir ki, uzun müddətdir ölkənin paytaxtını gözaltı edən üsyançılar nəhayət ki, Tripoliyə daxil olublar. Şəhərin mərkəzinə doğru istiqamət alan üsyançılar əhalidən böyük dəstək görüb. Belə ki, onlar əsl xilaskar ordu kimi qarşılanıb. Üsyançılar isə sevinclərini torpağı öpərək ifadə ediblər. Onların bu addımına daha bir güclü dəstək isə okeanın o tayından gəlib. Belə ki, Birləşmiş Ştatlar prezidenti Obama üsyançıların Tripoliyə girməsi xəbərinin ardından verdiyi açıqlamada: “Qəddafinin sonu gəldi, geri çəkilmək vaxtıdır” - deyə bildirib. İngiltərənin baş naziri Devid Kameron isə Qəddafiyə geri çəkilməyi və üsyançıları Tripolidən çıxarmaq üçün silaha əl atmağa cəhd etməməyi məsləhət görüb.
|
|
22.08.11 Məqaləni oxumaq
|
| |
|
|
|
İran yenə ABŞ-ı məyus etdi
|
|
İran casusluqda ittiham edilən iki Amerika vətəndaşı – Şeyn Bor və Coş Fattal haqqında səkkiz il azadlıqdan məhrum etmə qərarı alıb. “KƏLAMİNFO” BBC-yə istinadən xəbər verir ki, ABŞ dövlət katibi Hillari Klinton İranın Amerika vətəndaşları haqqında səkkiz illik həbs cəzası qərarı almasının Birləşmiş Ştatları çox məyus etdiyini bildirib. Müttəhimlər isə 2009-cu ildə çıxdıqları dağ səyahəti zamanı ölkə ərazisinə təsadüfən girdiklərini iddia edir və ittihamnamədəki casusluq iddialarını rədd edirlər. Müttəhimlərin iranlı vəkili Məsud Şafiyə: “Onların ikisinin də günahsız olduğuna əminəm. Bu məsələ siyasi səviyyəyə qaldırıldığından həll tapa bilmirlər. Onların casus olduğunu sübuta yetirən bir fakt belə yoxdur”. Məsələ ilə bağlı danışan dövlət katibi Klinton gənclərin dərhal azadlığa buraxılmasını tələb edib: “Onların ailələrinə qovuşmasının vaxtı çoxdan çatıb”.
Məlumat üçün onu da bildirək ki, Şeyn Borun nişanlısı Sara Şurd keçən il həbs edilən iki gənclə birgə ABŞ-ın ödədiyi 500 min dollar təzminat qarşılığında sərbəst buraxılmışdı.
|
|
22.08.11 Məqaləni oxumaq
|
| |
|
|
|
“Yeni Dağlıq Qarabağ müharibəsi münaqişəni davamlı şəkildə həll edə bilməz”
|
Herbert Kvelle: “Danışıqlar prosesinin əvəzinə digər uğurlu nativ yol görmürəm”
Almaniyanın Azərbaycandakı fövqəladə və səlahiyyətli səfiri Herbert Kvelle “KƏLAMİNFO“ya müsahibə verib.
- Cənab səfir, Siz Almaniya-Azərbaycan əməkdaşlığının səviyyəsini qənaətbəxş hesab edirsinizmi?
- Almaniya-Azərbaycan əməkdaşlığı sıx və səmimidir. Mədəniyyət sahəsində müntəzəm mübadilə mövcuddur. Azərbaycan musiqiçiləri və rəssamları Almaniyaya səfər edirlər və alman sənətkarlarının iştirakı ilə Azərbaycanda konsertlər keçirilir. Məsələn, 2011-ci ildə Bakıda məşhur caz-orqançalan Barbara Dennerlaynın və “New Generation” kvartetinin konsertləri təşkil olunub. Almanlar həm də “Qız Qalası Rəssamlıq Festivalında” da iştirak ediblər. İqtisadi münasibətlərin inkişafı fərəhləndiricidir. Biz ümid edirik ki, Bakıda yaxın zamanda ikitərəfli Ticarət Palatası açılacaq. Layihələrə dəstək və məsləhət sahəsində Kreditanştalt für Videraufbau bankı (KfV) və Beynəlxalq Əməkdaşlıq Təşkilatı (GİZ) təhsil, iqtisadi inkişaf, kənd təsərrüfatı və ekologiya nazirlikləri, Ali Məhkəmə, Dövlət Qulluğu Məsələləri üzrə Komissiya və bir sıra universitetlər ilə əməkdaşlıq edir. Siyasi sahədə mən Azərbaycan hökuməti, parlament və bütün ictimai nümayəndələrlə intensiv dialoq aparıram.
Düşünürəm ki, hər səy çox yaxşı səslənir. Bunlar məni qane edirmı? Bəli, əldə olunan nailiyyətlər məni qane edir. Amma mən işsiz qalmaq istəmirəm. Buna görə yeni fəaliyyət sahələri axtarıram və mövcud sahələri genişləndirməyə çalışıram.
|
|
22.08.11 Məqaləni oxumaq
|
| |
|
|
|
İlkin Əhmədov “Qarabağ şikəstəsi”nə klip çəkdirəcək
|
|
“Mənim planlarımın əvvəlində muğam dəsgahlarımızı yazmaq durur”. Bu sözləri “KƏLAMİNFO”ya müsahibəsində Birinci Respublika Muğam Müsabiqəsinin laureatı, Akademik Opera və Balet Teatrının solisti İlkin Əhmədov deyib. Yay mövsümü və istirahət vaxtının olmasına baxmayaraq, yaradıcılıq işlərini davam etdirən gənc xanəndə cari ilin oktyabr ayında 2-ci diskini də buraxacağını bildirib: “Bilirsiniz ki, bir diskim artıq işıq üzü görüb, hal-hazırda isə ikinci diskimin üzərində işləyirəm. Allah qismət edərsə, oktyabr ayında buraxılacaq bu diskimdə xalq və bəstəkar mahnıları yer alacaq”. 2008-ci ildən Opera və Balet Teatrının solisti olan, gənc Məcnun kimi fəaliyyət göstərən İlkin Əhmədov 30 illik fasilədən sonra “Əsli və Kərəm” operasında Kərəm rolunu canlandırmağın məhz onun qismətinə düşdüyünü qeyd edib. Yayın isti günlərində elə öz yaradıcılığından da hərarətlə danışan İlkin Əhmədov “Aşıq Qərib” operasında da rol alacağını, qastrol səfərlərinin olacağını söyləməklə bərabər, Opera və Balet Teatrında yeniliklərin gözlənildiyini də vurğuladı: “Bilirsiniz, yaradıcılıqla məşğul olan şəxs elə bir sahənin işçisidir ki, orada onun üçün hər zaman iş olur. Mənim planlarım çoxdur.
|
|
20.08.11 Məqaləni oxumaq
|
| |
|
|
|
Ərdoğanı müşayiət edən təyyarə qəzaya uğrayıb
|
|
Türkiyənin baş naziri Rəcəb Tayyip Ərdoğanı Somali səfərində müşayiət edəcək iş adamları, siyasətçilər və sənət adamlarından ibarət heyəti Moqadişoya aparan təyyarə qəzaya uğrayıb. “KƏLAMİNFO” “HaberTürk” qəzetinə istinadən xəbər verir ki, “Türk Hava Yolları”na aid “Ordu” adlı təyyarə Moqadişo hava limanına enən zaman baş verib. Uçuş zolağının qısa olması səbəbilə təyyarə enən zaman sağ qanadı yerə sürtülüb. Sürtünməyə rəğmən təyyarədə alışma baş verməyib. Təyyarənin sağ qanadı ciddi zədələnib. Təyyarədə parlamentdə AKP fraksiyasının rəhbəri Mustafa Elitaş, TOBB başqanı Rıfat Hısarcıklıoğlu, “Doğan Holdinq” İdarə Heyətinin sədri Arzuhan Doğan Yalçındağ, İTObaşqanı Nevzat Yalçıntaş, sənətçilə Ajda Pekkan, Sertap Erener, Müəzzəz Ərsoy, Nihat Doğan, jurnalistlər, millət vəkilləri və mühafizə xidməti olub.
Xatırladaq ki, baş nazir Rəcəb Tayyip Ərdoğan bu gün aclıqdan əziyyət çəkən Somaliyə bir günlük səfərə gedib. Ərdoğanı bu səfərdə xanımı Əminə Ərdoğan, baş nazirin müavini Bəkir Bozdağ, Ailə və sosial siyasət naziri Fatma Şahin, səhiyyə naziri Rəcəb Akdağ, xarici işlər naziri Əhməd Davudoğlu, AKP sədrinin müavini Ömər Çelik müşayiət edir.
|
|
20.08.11 Məqaləni oxumaq
|
| |
|
|
|
Təhsil naziri əmr imzalayıb
|
|
Təhsil naziri "Azərbaycan Gəncliyi 2011-2015-ci illərdə" Dövlət Proqramı"ndan irəli gələn vəzifələrin icrası ilə bağlı əmr imzalayıb. Təhsil Nazirliyindən “KƏLAMİNFO”ya verilən məlumata görə, əmrə əsasən nazirliyin tədbirlər planı təsdiq edilib.
Əmrə əsasən, nazirliyin icraya məsul strukturları, yerli təhsili idarəetmə orqanları, təhsil müəssisələrinin rəhbərləri planda nəzərdə tutulan tədbirlərin icrasını təmin etməli və görülən işlər barədə hər ilin dekabr ayının 5-dək nazirliyin rəhbərliyinə hesabat verməlidirlər. Əmrin icrasına nəzarət nazir müavini E.Qasımova həvalə edilib.
|
|
20.08.11 Məqaləni oxumaq
|
| |
|
|
|
Orta ixtisas təhsili müəssisələrinə 31251 abituriyent ərizə təqdim edib
|
|
Cari tədris ili üçün ümumi orta təhsil bazasından orta ixtisas təhsili müəssisələrinə avqustun 28-də keçiriləcək qəbul imtahanlarında iştirak etmək üçün 31251 abituriyent ərizə təqdim edib. “KƏLAMİNFO” xəbər verir ki, bunu bu gün keçirdiyi mətbuat konfransında Tələbə Qəbulu üzrə Dövlət Komissiyasının (TQDK) sədri Məleykə Abbaszadə deyib. O qeyd edib ki, abituriyentlər imtahana buraxılış vərəqəsi və abituriyentin vəsiqəsini elektron ərizələrini təsdiq etdirdikləri Sənəd Qəbulu Komissiyalarından avqustun 24-ü, 25-i, 26-sı və 27-də saat 10:00-dan 17:00-dək ala bilərlər. “Cari tədris ili üçün ümumi orta təhsil bazasında 635 ixtisas üzrə 46 orta ixtisas təhsili müəssisəsinə qəbul aparılacaq. Ayrılmış 9642-i yerin 8449-u Azərbaycan, 312 yer rus bölməsinə, 881 yer isə birgə müsabiqə aparılan ixtisaslara aiddir. Qəbul imtahanları Bakı, Sumqayıt, Naxçıvan, Gəncə, Lənkəran, Mingəçevir, Şəki, Şirvan, Ağcabədi, Göyçay, Ağcabədi və Xaçmaz şəhərlərində keçiriləcək.
|
|
20.08.11 Məqaləni oxumaq
|
| |
|
|
|
“Dağlıq Qarabağ bölgəsinin azərbaycanlı icması” İB-nin xaricdə nümayəndəlikləri yaradılacaq
|
|
Xarici ölkələrdə “Azərbaycan Respublikası Dağlıq Qarabağ bölgəsinin azərbaycanlı icması” İctimai Birliyinin nümayəndəliklərinin yaradılması ilə bağlı işlər davam edir. “KƏLAMİNFO” xəbər verir ki, bu barədə yap.org.az saytına ictimai birliyin sədri Bayram Səfərov məlumat verib. B.Səfərov bildirib ki, artıq Qarabağ həqiqətlərinin dünya ictimaiyyətinə çatdırılması işində xeyli irəliləyiş əldə olunub və bu da müsbət nəticələr verməkdədir. Onun sözlərinə görə, Azərbaycan dövləti bu məsələyə xüsusi diqqət yetirir və görülən işlər öz bəhrəsini verir. “Eyni zamanda, xarici ölkələrdəki səfirliklərimiz, diaspor təşkilatlarımız bu işdə çox fəaldırlar. Biz də “Azərbaycan Respublikası Dağlıq Qarabağ bölgəsinin azərbaycanlı icması” İctimai Birliyi olaraq Ermənistanın işğalçılıq siyasətini beynəlxalq müstəvidə ifşa etmək fəaliyyətimizi davam etdiririk” - deyə o vurğulayıb.
|
|
20.08.11 Məqaləni oxumaq
|
| |
|
|
|
Səhifələr : # 2 3 4 5 6 7 8 9 10 # |
|
Torpaqlarımızı qaytaraq..
|
| |
|
|
|
Açılış Səhifəsi et 
