|
|
Səhifələr : # 1 2 3 4 5 6 7 8 #
|
|
Barak Obama təcili iclas keçirib
|
ABŞ prezidenti Barak Obama ölkənin şimal-şərqində baş verən zəlzələ ilə bağlı təcili iclas keçirib. “KƏLAMİNFO” Türkiyə mətbuatına istinadən xəbər verir ki, "Prezident Milli Təhlükəsizlik Nazirliyinin və Fövqəladə Hallar özrə Federal Agentliyin rəhbərliyi ilə danışıqlar aparıb.
B.Obamaya bildirilib ki, infrastrukturlarda, o cümlədən aeroportlarda və atom elektrik stansiyalarında iri miqyasda dağıntı yoxdur.
Qeyd edək ki, bu gün səhər ABŞ-ın şərq sahillərində 5, 8 bal gücündə zəlzələ baş verib. Yeraltı təkanlar Şimali Karolina, Virciniya, Merilend, Nyu-York, Ohayo və Kolumbiyanın mərkəzində hiss olunub. Kapitoli təpəsində və Pentaqonda evakuasiya həyata keçirilib
Dağıntı və xəsarət alanlar barədə məlumat yoxdur. Sunami təhlükəsi barədə xəbərdarlıq edilməyib.
|
24.08.11 Məqaləni oxumaq
|
| |
|
|
|
Xəzər dənizində zəlzələ olub
|
|
Bu gün yerli vaxtla saat 10:36:47–də Xəzər dənizində, Bakı şəhərindən 211 km şərqdə zəlzələ qeydə alınıb. AMEA Respublika Seysmoloji Xidmət Mərkəzindən ”KƏLAMİNFO”ya verilən məlumata görə, zəlzələ hiss olunmayıb. Zəlzələ maqnituda 3.80, dərinliyi isə 65 km olub.
|
|
24.08.11 Məqaləni oxumaq
|
| |
|
|
|
Məhkəmə zorlamada ittiham olunan Stross Kana bəraət verdi
|
Nyu-York məhkəməsi Beynəlxalq Valyuta Fondunun keçmiş rəhbəri Dominik Stross Kan üzərindən zorlama ilə bağlı bütün ittihamları ləğv edib. “KƏLAMİNFO” “Reuters”ə istinadən xəbər verir ki, bu barədə qərarı ali məhkəmənin hakimi Maykl Obus çıxarıb. Bununla da BVF-nin eks-rəhbərinə qarşı cinayət işi başa çatıb.
Qeyd edək ki, bir neçə gün əvvəl Nyu-York prokurorluğu məhkəmədən Kan üzərində bütün ittihamların ləğv edilməsini xahiş edib.
Xatırladaq ki, Kan otel xidmətçisi olan qaradərili qadını zorlamqda ittiham olunurdu.
|
|
24.08.11 Məqaləni oxumaq
|
| |
|
|
|
Yağışların başlaması Bayıldakı sürüşmə zonasında ciddi fəsadlar törətməyib
|
Yağışların başlaması Bayıl ərazisindəki sürüşmə zonasında ciddi fəsadlar törətməyib. “KƏLAMİNFO” xəbər verir ki, bu barədə baş nazirin müavini, Dövlət Fövqəladə Hallar Komissiyasının sədri Abid Şərifov söyləyib.
O, sürüşmə zonasında son vəziyyəti sabit qiymətləndirib. “Baxmayaraq ki, dünən gecədən ara vermədən yağış yağır, hadisə yerində sakitlikdir, mayaklarımız yerindədir. Bizim burda yığışmağımız səbəbi isə işlərin gedişatı ilə tanış olmaq və layihələri müzakirə etməkdir” - deyə A.Şərifov qeyd edib. Baş nazir məsləhətləşmələrin həftə sonuna qədər davam edəcəyini diqqətə çatdırıb.
|
|
24.08.11 Məqaləni oxumaq
|
| |
|
|
|
Ankaradan Binqaziyə böyük dəstək
|
Türkiyənin xarici işlər naziri Əhməd Davudoğlu liviyalı üsyançılara rəhbərlik edən Beynəlxalq Müvəqqəti Şura rəsmiləri ilə görüşüb.
“KƏLAMİNFO” BBC-yə istinadən xəbər verir ki, Şura sədri Mustafa Əbdülcəlil ilə iki saata yaxın fikir mübadiləsi aparan nazir Liviyada uğurla tamamlanan bu üsyanın ölkəni demokratik və aydın gələcəyə aparacağından əminliyini vurğulayıb. “Müqəddəs Ramazan boyu türk xalqının ürəyinin bir yarısı Somali, digər bir yarısı isə Liviya üçün atdı” deyən Davudoğlu keçid dövründə Türkiyənin Liviyaya əlindən gələn yardımı edəcəyini də vurğulayıb.
Görüşdən sonra mətbuata açıqlama verən nazir Türkiyənin Liviyaya 100 milyon dollar nağd, 100 milyon dollar mərhələ-mərhələ kreditlə, 100 milyon dollar isə investisiya formasında dəstək olacağını açıqlayıb.
|
|
24.08.11 Məqaləni oxumaq
|
| |
|
|
|
“Yanacaqdoldurma məntəqələrinin vergiyə cəlb olunmasına nəzarət imkanları xeyli artacaq”
|
İlham Əmirəliyev: “Yeni nəzarət-kassa aparatlarının quraşdırılması gələn il yanvarın 1-dək başa çatdırılacaq”
Vergilər Nazirliyi Operativ Nəzarət İdarəsinin rəisi, baş vergi xidməti müşaviri İlham Əmirəliyevin müsahibəsi
- Nazirlər Kabineti yanacaqdoldurma məntəqələrində xüsusi konstruksiyalı və texniki göstəricilərə malik yeni növ nəzarət-kassa aparatlarının tətbiqi ilə bağlı qərar qəbul edib. Bu nəzarət-kassa aparatlarının tətbiqi nə ilə bağlıdır və onların hansı texniki nəzarət imkanları olacaq?
- Bilirsiniz ki, hökumət daim vergi inzibatçılığının, o cümlədən vergi nəzarətinin təkmilləşdirilməsi istiqamətində müxtəlif addımlar atır. Bununla bağlı müxtəlif dövlət proqramları, konsepsiyalar icra olunur, mövcud metod və vasitələr modernləşdirilir, müasir texnologiyaların tətbiqi genişləndirilir. Başlıca məqsəd dövlət büdcəsinə vergi daxilolmalarının səfərbər edilməsi və bu istiqamətdə həyata keçirilən tədbirlərin səmərəliliyinin artırılmasından ibarətdir. Nazirlər Kabinetinin 11 iyul 2011-ci il tarixli qərarı da məhz bu istiqamətdə atılmış növbəti addımlardan biridir. Qərara görə, yanacaqdoldurma məntəqələrində tətbiq olunması üçün xüsusi konstruksiyalı və texniki göstəricilərə malik, o cümlədən çek verilmədən neft məhsullarının və maye qazın alıcıya satılmasını istisna edən nəzarət-kassa aparatlarının dövlət reyestrinə daxil edilməsi tapşırılıb. Qərar qüvvəyə minənədək yanacaqdoldurma məntəqələrində istifadədə olan nəzarət-kassa aparatları 2012-ci il yanvarın 1-dək dövlət reyestrinə daxil edilmiş yeni aparatlarla əvəz olunmalıdır. Tətbiq ediləcək yeni kassa aparatlarının başlıca üstünlüyü çek verilmədən neft məhsullarının və maye qazın alıcıya satılmasının mümkünsüzlüyü olacaq. Yəni bu yeniliyin tətbiqi yanacaqdoldurma məntəqələrinin vergiyə cəlb olunması mexanizmlərini daha da təkmilləşdirməklə yanaşı, nəzarət imkanlarını da xeyli artıracaq.
|
|
24.08.11 Məqaləni oxumaq
|
| |
|
|
|
Obama: Ölkənin gələcəyi indi Liviya xalqının əlindədir
|
|
ABŞ prezidenti Barak Obama bəyan edib ki, Liviya lideri Müəmmar Qəddafi rejiminin sonu gəlib çatıb. O, Liviya liderini hakimiyyətdən getməyə çağırıb.
Onun sözlərinə görə, Şimali Afrikanın bu ölkəsində vəziyyət olduqca qeyri-müəyyəndir və Qəddafi rejimi dağılıb. ABŞ prezidenti vurğulayıb ki, ölkədə hələ də ağır döyüşlər gedir, lakin tamamilə aydındır ki, Qəddafinin dövrü bitib və üsyançılar paytaxt Tripolinin böyük hissəsinə nəzarət edirlər. Obama bildirib ki, Liviyada vəziyyət zirvə nöqtəsinə çatıb və ölkənin gələcəyi indi Liviya xalqının əlindədir. «KƏLAMİNFO» «Lenta ru»ya istinadən xəbər verir ki, Obama bu bəyanatı Massaçusets ştatında ailəsi ilə birlikdə dincəldiyi Martas Vinyard kurort şəhərindən verib.
|
|
24.08.11 Məqaləni oxumaq
|
| |
|
|
|
Bu gün Füzuli rayonunun işğalından 18 il keçir
|
|
Füzuli rayonunun işğalından 18 il keçir. “KƏLAMİNFO” xəbər verir ki, 23 avqust 1993-cü ildə ümumi sahəsi 139393 hektar olan Füzuli rayonun qərb hissəsindən (50 kənd) 125368 hektar ərazi ermənilər tərəfindən işğal olunub. Qeyd edək ki, işğal nəticəsində 80 məktəb, 13 xəstəxana, 69 mədəniyyət evi və klub, 90 kitabxana, 2 muzey, 9 musiqi məktəbi, Dövlət Dram Teatrının binası dağıdılıb.
Müharibə zamanı rayon sakinlərindən 470 nəfər hərbçi, 270 nəfər mülki şəxs şəhid olub, 192 nəfər girov götürülüb, 1240 nəfər sağlamlığını itirib. 5 nəfər Azərbaycanın Milli Qəhrəmanı adına layiq görülüb.
1994-cü ilin yanvarında rayonun 21 kəndi və Horadiz qəsəbəsi işğaldan azad olunub. Hazırda rayonun 1382 kvadratkilometr ərazisinin 682 kvadratkilometri – 1 şəhər, 51 kənd işğal altındadır. Füzulinin 115 min nəfərlik əhalisinin 49 mini respublikanın 50 şəhər və rayonunda, 66 mini isə rayonun işğaldan azad edilmiş ərazisində məskunlaşıb.
|
|
24.08.11 Məqaləni oxumaq
|
| |
|
|
|
Seyf əl İslam: “Biz üsyançıların onurğa sütununu qıra bildik”
|
|
Liviya lideri Müəmmar Qəddafinin oğlu Seyf əl İslam nə üsyançıların əlindədir, nə də onu əsir götürüblər. «KƏLAMİNFO» BBC-yə istinadən xəbər verir ki, o, zirehli avtomobildə əcnəbi jurnalistlərin qaldığı mehmanxanaya gəlib və yaranmış vəziyyətlə bağlı onlara açıqlama verib. Müxbirlərdən biri ondan atasının Tripolidə olub-olmadığını soruşub.
O isə cavabında «əlbəttə ki, buradadır» deyib. Seyf əl İslam atasının Tripolidə təhlükəsiz yerdə olduğunu da vurğulayıb. Onun sözlərinə görə, əsas güc artıq Qəddafinin tərəfindədir: «Biz üsyançıların onurğa sütununu qıra bildik. Bu, tələ idi. Onların həyatını daha da ağırlaşdırdıq, ona görə də qalib gəlirik. Biz buradayıq və bu bizim ölkədir. Bu bizim xalqımızdır və biz burada yaşayırıq. Biz qalib gələcəyik, çünki xalq bizimlədir».
Bəzi məlumatlara görə, Qəddafi Bab əl-Əzizədəki iqamətgahında gizlənir.
|
|
24.08.11 Məqaləni oxumaq
|
| |
|
|
|
TQDK texnikumlara sənəd verən abituriyentlərə müraciət etdi
|
|
Tələbə Qəbulu üzrə Dövlət Komissiyası ümumi orta təhsil bazasında (9 illik) orta ixtisas təhsili müəssisələrinə qəbul imtahanında iştirak etmək üçün sənəd vermiş abituriyentlərə müraciət edib.
TQDK-dan “KƏLAMİNFO”ya verilən məlumata görə, 2011/2012-ci tədris ili üçün ümumi orta təhsil bazasında (9 illik) orta ixtisas təhsili müəssisələrinə qəbul imtahanı avqustun 28-də keçiriləcək. Abituriyentlər imtahanda iştirak etmək üçün avqustun 24-dən etibarən elektron ərizələrini təsdiq etdirdikləri Sənəd Qəbulu Komissiyasından “İmtahana buraxılış vərəqəsi”ni və “Abituriyentin vəsiqəsi”ni əldə etməlidirlər.
Abituriyentlər imtahana aşağıdakı sənədləri gətirməlidirlər: imtahana buraxılış vərəqəsi"ni; şəxsiyyəti təsdiq edən sənədin əslini, “Abituriyentin vəsiqəsi”ni.
Göstərilən sənədlərdən biri olmadıqda və ya sənədlər arasında uyğunsuzluq olduqda abituriyent imtahana buraxılmayacaq.
TQDK tərəfindən abituriyentlərə Sənəd Qəbulu Komissiyasında ödənişsiz “Yaddaş kitabçası” təqdim olunacaq. Burada onların imtahanda davranış qaydaları, hüquq və vəzifələri geniş şərh olunub.
İmtahan binasına köməkçi vasitə gətirmək qəti qadağandır. Buraxılış rejimində üzərində mobil telefon, konspekt və digər yardımçı vasitələr aşkar olunan abituriyentlər barədə akt tərtib olunacaq, onların imtahan sənədləri alınacaq və imtahan binasına buraxılmayacaqlar.
|
|
24.08.11 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
