|
|
Səhifələr : # 1 2 3 4 5 6 #
|
|
Qəbul imtahanlarının cavabları avqustun 4-ü açıqlanacaq
|
|
Bu vaxta qədər bütün qruplar üzrə müsabiqəyə buraxılanların 22619 nəfəri öz ərizələrini təsdiqləyib. “KƏLAMİNFO” xəbər verir ki, bu barədə məlumatı Tələbə Qəbulu üzrə Dövlət Komissiyasının sədri Məleykə Abbaszadə keçirdiyi mətbuat konfransında söyləyib.
İxtisas seçiminin 22 iyuldan başladığını diqqətə çatdıran M.Abbaszadə ümid etdiyini bildirib ki, qalan abituriyentlər də öz ixtisas seçimini edərək ərizələrini təsdiqləyəcəklər. Bu prosesin avqustun 2-də başa çatacağını diqqətə çatdıran M.Abbaszadə bu tarixə qədər ixtisasını seçməyən və ərizələrini təsdiqləməyən abituriyentlərə güzəşt olunmayacağını qeyd edib. Onun sözlərinə görə, bir gün ərzində baza yoxlanacaq və çox güman ki, avqustun 4-də nəticələr açıqlanacaq. Nəticələr həm jurnalda həm də internetdə əks olunacaq.
|
29.07.11 Məqaləni oxumaq
|
| |
|
|
|
Orta ixtisas təhsili müəssisələrində oxumaq istəyənlərin 23034 nəfəri ərizəsini təsdiq edib
|
|
Bu vaxta qədər orta təhsil bazasında (9 illik) orta ixtisas təhsili müəssisələrinə qəbul imtahanlarında iştirak etmək üçün 23034 nəfər ərizəsini təsdiq edib. “KƏLAMİNFO” xəbər verir ki, bu barədə məlumatı Tələbə Qəbulu üzrə Dövlət Komissiyasının sədri Məleykə Abbaszadə keçirdiyi mətbuat konfransında söyləyib.
Ərizə qəbulunun internet vasitəsilə iyulun 5-dən başladığını xatırladan M.Abbaszadə bu prosesin avqustun 10-da başa çatacaqını açıqlayıb. TQDK sədri deyib ki, qəbul haqqında elan, qəbul qaydaları, qəbul aparılan ixtisasların siyahısı, müsabiqə şərtləri və digər məlumatlar “Abituriyent” jurnalının 4-cü sayında dərc edilib. Onun sözlərinə görə, qəbul imtahanının avqustun 28-də keçirilməsi nəzərdə tutulub.
|
|
29.07.11 Məqaləni oxumaq
|
| |
|
|
|
Bahar Muradova: “Sarkisyan başda olmaqla erməni siyasətinin iç üzü ifşa olunmalıdır”
|
|
“13 yaşlı qızın ermənilər tərəfindən öldürülməsi daim gündəmdə saxlanılmalı, bununla əlaqədar ATƏT-ə, cavabdeh olan bütün aidiyyəti qurumlara sorğular göndərilməlidir”. “KƏLAMİNFO” xəbər verir ki, bu barədə Milli Məclisin vitse-spikeri Bahar Muradova deyib. Onun sözlərinə əsasən, qarşı tərəfin bu addımları cavabsız qoyulduqca, erməni gülləsinin qurbanları da günbəgün artacaq. “Sarkisyan başda olmaqla erməni siyasətinin iç üzü ifşa olunmalıdır. Mən özün beynəlxalq qurumlara, təşkilatlara 13 yaşlı qızın faciəli ölümü ilə bağlı sorğular göndərmişəm. Ancaq bizə hələ ki, cavab məktubu göndərilməyib” - deyə o, əlavə edib.
|
|
29.07.11 Məqaləni oxumaq
|
| |
|
|
|
Rumıniyanın mədəniyyət naziri Fəxri Xiyabanı və Şəhidlər Xiyabanını ziyarət edib
|
|
Azərbaycanda səfərdə olan Rumıniyanın mədəniyyət və milli irs naziri Hunor Kelemen bu gün Fəxri Xiyabana gələrək ümummilli lider Heydər Əliyevin xatirəsini ehtiramla yad edib, məzarı önünə gül dəstəsi qoyub. “KƏLAMİNFO” xəbər verir ki, görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.
Sonra Şəhidlər Xiyabanına gələn qonaq Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini ehtiramla yad edib, məzarları üzərinə tər çiçəklər düzüb.
Qonaq Bakının ən hündür nöqtəsindən Azərbaycan paytaxtının mənzərəsini seyr edib.
|
|
29.07.11 Məqaləni oxumaq
|
| |
|
|
|
Qəddafi: “Qorxmuruq, onlara meydan oxuyuruq”
|
|
Liviya prezidenti Müəmmar Qəddafi NATO-ya yenə meydan oxuyub. Paytaxt Tripolinin 120 kilometr qərbində yerləşən Zaltendə səsli mesajla tərəfdarlarına səslənən Qəddafi: «Qorxmuruq, onlara meydan oxuyuruq. Həyatlarımız, qadınlarımız və uşaqlarımızla bir əvəz ödəyirik. Düşmənə qalib gəlmək üçün canımızı fəda etməyə hazırıq» deyib. «KƏLAMİNFO»nun məlumatına görə, Liviya dövlət televiziyasında yayımlanan mesajda Qəddafi tərəfdarlarını ölkənin cənub-qərbindəki dağlıq bölgəyə - Əl Abal Əl Harbiyə yürüşə keçməyə çağırıb. Qəddafi müxalifətə xitabən: «Xainlər, silahlarınızı atın. Təslim olmaq, ya da ölmək arasında seçim edin» ifadəsini işlədib.
Liviya hökuməti isə İngiltərənin yeganə legitim hökuməti olaraq Milli Keçid Şurasını tanımasını və Qəddafi hökuməti ilə diplomatik əlaqələri kəsməsini qanunsuz və məsuliyyətsiz qərar kimi dəyərləndirib.
|
|
29.07.11 Məqaləni oxumaq
|
| |
|
|
|
Qəbul imtahanlarında ən yüksək nəticə göstərən abituriyentlərin adı məlum olub
|
|
Bu il ali məktəblərə qəbul imtahanlarında respublika üzrə 4 məzun ən yüksək nəticə əldə edib. Bakı Şəhəri üzrə Təhsil İdarəsindən “KƏLAMİNFO”ya verilən məlumasta görə, 700 bal toplayanların hamısı İdarənin tabeçiliyində fəaliyyət göstərən ümumtəhsil müəssisələrinin məzunlarıdır. Həmin şagirdlər 287 saylı “Zəkalar liseyi”nin məzunu Əliyev Əli, 299 saylı orta məktəbin məzunu Xavər Feyzullayeva, 169 saylı məktəbin məzunu Ləman Məmmədova və 263 saylı məktəbin məzunu Cahandar Camallıdır.
|
|
29.07.11 Məqaləni oxumaq
|
| |
|
|
|
Hidayət Orucov: QMİ-nin təqvimindən istifadə edin
|
|
“Bəzi şiə məscidlərində sünnilərə “Təvvərrük” namazının qılınmasına, sünni məscidlərində isə Məhərrəmlik ayının qeyd olunmasına imkan verilmir. Belə şeylər yolverilməzdir”. “KƏLAMİNFO” xəbər verir ki, bu barədə Dini Qurumlarla İş üzrə Dövlət Komitəsinin sədri Hidayət Orucov bildirib. O, həmçinin Ramazan ayında təqvimlə bağlı problemlərin təkcə Azərbaycanda deyil, digər İslam ölkələrində də müşahidə olunduğunu söyləyib. Onun sözlərinə əsasən, bəzi məscidlər Qafqaz Müsəlmanları İdarəsinin təqvimi, bəziləri isə digər təqvimlərlə bayramı keçirir. Bu isə məscidlərdə azanın verilməsində vaxt fərqi yaradır. Komitə sədri tövsiyə edib ki, QMİ-nin təqvimindən istifadə olunsun.
|
|
29.07.11 Məqaləni oxumaq
|
| |
|
|
|
SAM ilin ilk altı ayı ilə bağlı hesabatını açıqlayıb
|
|
Strateji Araşdırmalar Mərkəzinin (SAM) bu ilin ilk altı ayı ərzində mətbuatda və elektron mediada 91 məqalə və 16 müsahibəsi çap edilib. Bu barədə “KƏLAMİNFO”ya SAM-dan məlumat verilib. SAM-ın elmi tədqiqatları arasında türk dilində yazılmış “Güney Kafkasiya. Toprak bütünlüyü, jeopolitik mücadeleler ve enerji” kitabı, Türkiyədə fəaliyyət göstərən Avrasiya Elm Adamları Dərnəyi tərəfindən təsis edilmiş və SAM-ın dəstəyi ilə nəşr olunmuş Caucasus International (ingilis dilində) rüblük jurnalının ilk sayı, “2011-ci ilin dövlət büdcəsinə edilən dəyişikliklərin makroiqtisadi sabitlik, iqtisadi inkişaf və sosial rifaha təsirləri” adlı hesabat yer alıb. Bu siyahıya eləcə də Moskva Dövlət Universitetinin Tarix fakültəsinin Yaxın xarici ölkələr tarixi kafedrası və SAM-ın birgə layihəsi çərçivəsində ərsəyə gəlmiş "Mayendorfdan Astanayadək: Ermənistan-Azərbaycan, Dağlıq Qarabağ münaqişəsinin prinsipial aspektləri" adlı kitab daxildir ki, o, Cənubi Qafqazda problemlərin təhlili və münaqişədən sonrakı nizamlanmanın optimal modellərinin axtarışı üçün maraqlı bələdçidir.
|
|
29.07.11 Məqaləni oxumaq
|
| |
|
|
|
Gürcüstanda III Elat Mədəniyyəti günləri keçirilib
|
|
“Borçalı” İctimai Cəmiyyətinin təşkilatçılığı ilə Gürcüstanın Dmanisi rayonunun Armudlu yaylasında III Elat Mədəniyyəti günləri keçirilib. “KƏLAMİNFO” xəbər verir ki, “Borçalı türklərinin elat mədəniyyəti günü” mövzusunda keçirilən tədbirdə Azərbaycan, Türkiyə və Gürcüstan ziyalıları iştirak edib.
Tədbirdə çıxış edən “Borçalı” İctimai Cəmiyyətinin sədri Zəlimxan Məmmədli xatırladıb ki, Armudlu yaylasında 2009 və 2010-cu illərdə də eyni bayram təşkil edilib. Cəmiyyət sədri vurğulayıb ki, Gürcüstanla Azərbaycan tarix yaranandan və bu millətlər mövcud olandan bir-biri ilə qonşudurlar. Onun sözlərinə görə, bu illər ərzində hər iki xalq bir-birinə sevgi və sayğı şəraitində yaşayıb, həmçinin bütün zamanların ağrı-acılarına bərabər sinə gəriblər: “Bu gün Gürcüstan və Azərbaycan müstəqil dövlətdir. Hər iki ölkənin müstəqilliyinin əbədiləşdirilməsində, hər iki xalqın layiq olduğu daha firavan həyata qovuşmasında bu dostluğun əsas amil olduğunu düzgün dərk edən və bunu yüksək qiymətləndirən “Borçalı” İctimai Cəmiyyəti bu xalqların bir-birinə daha da yaxınlaşması yolunda çox uğurlu addımlar atır”.
|
|
29.07.11 Məqaləni oxumaq
|
| |
|
|
|
QMİ-nin Qazılar Şurası Ramazan ayının başlanması ilə əlaqədar fətva verib
|
|
Qafqaz Müsəlmanları İdarəsinin (QMİ) Qazılar Şurası Ramazan ayının başlanması ilə əlaqədar fətva verib. QMİ-dən “KƏLAMİNFO”ya verilən məlumata görə, Qazılar Şurasının cümə axşamı keçirilən iclasında bildirilib ki, Ramazan ayının ilk günü bu il miladi təqvimlə avqustun 1-də başlayır və iyul ayının 31-i niyyət gecəsidir. Ayın görünməsindən asılı olaraq Ramazan Bayramı Ramazan ayının 29-u və ya 30-na (miladi təqvimlə avqustun 30-na və ya 31-nə ) təsadüf edəcək.
QMİ Ramazan orucunu tutanlara kömək məqsədilə Şamaxı Astrofizika Rəsədxanası ilə birgə xüsusi cədvəl və yaddaş kitabçası hazırlayıb. Cədvələ riayət olunmasının təmin edilməsi qazılara, yerlərdəki səlahiyyətli nümayəndələrə, axundlara, imamlara həvalə olunub.
QMİ-nin tərtib etdiyi cədvələ əsasən, Qədr gecələri Ramazan ayının 18-dən 19-na, 20-dən 21-nə, 22-dən 23-nə, və 26-dan 27-nə keçən gecələrə təsadüf edir.
|
|
29.07.11 Məqaləni oxumaq
|
| |
|
|
|
Səhifələr : # 1 2 3 4 5 6 # |
|
Torpaqlarımızı qaytaraq..
|
| |
|
|
|
Açılış Səhifəsi et 
