|
|
Səhifələr : # 8 9 10 11 12 13 14 15 16 #
|
|
ABŞ və Rusiya prezidentləri Dağlıq Qarabağ münaqişəsini müzakirə ediblər
|
|
Rusiya prezidenti Dimitri Medvedevlə ABŞ prezidenti Barak Obama arasında telefon söhbəti olub. “KƏLAMİNFO” Kremlin rəsmi saytına istinadən xəbər verir ki, iki ölkənin dövlət başçıları telefon danışıqları çərçivəsində regional və beynəlxalq problemlərin həllinə kömək məqsədi ilə ikitərəfli koordinasiya suallarını müzakirə ediblər.
Məlumatda bildirilir ki, "ATƏT-in Minsk qrupunun həmsədr dövlətlərin başçıları olaraq, Dmitri Medvedev və Barak Obama Dağlıq Qarabağ münaqişəsinin həllinin hazırki vəziyyəti haqqında fikirləri mübadiləsi aparıblar."
Rusiyalı həmkarın bu istiqamətdə atdığı addımları, həmçinin, bu yaxınlarda Kazanda Azərbaycan və Ermənistan liderləri ilə keçirmiş görüş ABŞ prezidenti tərəfindən yüksək qiymətləndirilib. Bundan əlavə, tərəflərin gələcəkdə də Bakı və Yerevanın problemin sülh yolu ilə həllinin axtarışlarında yardımçı olmaq məqsədi ilə birgə addımların atılmasına niyyətli olduqları qeyd olunub.
|
13.07.11 Məqaləni oxumaq
|
| |
|
|
|
Dədə Qorqud 17-ci Beynəlxalq Sənət Festivalı keçiriləcək
|
|
Sabahdan etibarən iyulun 18-dək Türkiyənin Bayburt şəhərində “Dədə Qorqud” 17-ci Beynəlxalq Sənət Festivalı keçiriləcək. Mədəniyyət və Turizm Nazirliyindən “KƏLAMİNFO”ya verilən xəbərə görə, 1995-ci ildən Dədə Qorqudun şərəfinə keçirilən bu ilki festivalda Bayburt Dədə Qorqud 17-ci Beynəlxalq Sənət Festivalına Türkiyə, Azərbaycan, Albaniya, Makedoniya və s. kimi ölkələrdən siyasət, elm, ədəbiyyat və incəsənət xadimləri dəvət olunub. Festivalda Azərbaycanı Milli Məclisin deputatı Qənirə Paşayeva və şair Elxan Zal Qaraxanlı təmsil edəcək.
Milli Məclisin deputatı Qənirə Paşayeva festivalın açılış mərasimində çıxış edəcək və tədbir çərçivəsində Türkiyədən və digər türkdilli dövlətlərdən və toplumlardan olan rəsmi şəxslər, bölgə rəsmiləri ilə görüşlər keçirəcək.
Xatırladaq ki, türkdilli dövlətlərin, o cümlədən başqa ölkələrin ərazilərində yaşayan türk icmalarının elm, siyasət, ədəbiyyat, incəsənət xadimlərinin iştirak edəcəyi mərasimin proqramı rəngarəng olacaq. Burada türk dünyasının foto və rəsm sərgiləri, müxtəlif ölkələrdən folklor ansambllarının çıxışları, tarixi yerlərə ziyarətlər, şeir yarışmaları, “Dədə Qorqud” mövzusunda teatr tamaşaları və s. kimi tədbirlərin də keçiriləcəyi planlaşdırılıb.
|
|
12.07.11 Məqaləni oxumaq
|
| |
|
|
|
Obama borc və defisitlə bağlı razılığın əldə olunmasını istəyir
|
|
Birləşmiş Ştatlar prezidenti Barak Obama Konqres liderləri ilə borc və defisitlə bağlı razılığın avqust ayının 2-nə qədər əldə edilməli olduğunu deyib. “KƏLAMİNFO” “Amerikanın səsi”nə istinadən xəbər verir ki, Obama deyib ki, razılıq əldə edildiyi təqdirdə Birləşmiş Ştatlar iqtisadiyyatının yenidən əvvəlki səviyyəyə qaytarılması üçün lazımi investisiya qoyuluşuna imkan veriləcək.
Müxbirlərlə görüşü zamanı prezident iqtisadiyyatda tənəzzülün əsasən az gəlirli insanlarla yanaşı, hamıya təsir etdiyini deyib. Obama iqtisadiyyatda sabitliyi bərpa etmək və tənəzzülü aradan qaldırmaq üçün administrasiyasının ciddi addımlar atdığını bildirib.
|
|
12.07.11 Məqaləni oxumaq
|
| |
|
|
|
“Gənc alimlərin elm festivali” adlı tədbir keçiriləcək
|
|
İyulun 13-15-də Azərbaycan Milli Elmlər Akademiyası (AMEA) “Gənc alimlərin elm festivali” adlı tədbir keçirəcək. Bu barədə məlumatı “KƏLAMİNFO”ya AMEA-dan veriblər. Festival Azərbaycanın müstəqilliyinin 20-ci ildönümünə həsr olunub. Festival çərçivəsində 13-14 iyul tarixlərində “Gənc alimlərin elmi tədqiqatlarının müasir istiqamətləri” adlı konfransı da keçiriləcək. Konfransın birinci günü texniki və təbiət elmləri sahəsində tədqiqat aparan gənc alimlərin təqdimatları, ikinci günü isə humanitar və ictimai elmlər üzrə araşdırmaçıların çıxışları olacaq. Konfransda gənc tarixçi alimlər Səfəvilər dövlətinin 510-cu ildönümünə həsr olunmuş elmi araşdırmaların, həmçinin, Qarabağın tarixinə aid tədqiqat işlərinin təqdimatlarını edəcəklər. Onu da qeyd edək ki, iyulun 15-i “Beynəlxalq Kimya İli – 2011: nəzəri-eksperimental kimyanın problemləri gənc alimlərin araşdırmalarında” adlı konfrans işinə başlayacaq.
|
|
12.07.11 Məqaləni oxumaq
|
| |
|
|
|
TQDK I ixtisas qrupu üzrə keçirilmiş qəbul imtahanının düzgün cavablarını açıqlayıb
|
|
Tələbə Qəbulu üzrə Dövlət Komissiyası (TQDK) iyulun 10-da ali məktəblərə qəbulla bağlı I ixtisas qrupu üzrə keçirilmiş qəbul imtahanında istifadə olunmuş test tapşırıqlarının düzgün cavablarını açıqlayıb. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Azərbaycan və rus bölməsi üzrə bütün variantların düzgün cavabları TQDK-nın internet saytında yerləşdirilib. I ixtisas qrupunda xüsusi qabiliyyət imtahanı tələb edən ixtisaslara qəbul olmaq istəyən və qabiliyyət imtahan komissiyasında qeydiyyatdan keçmiş abituriyentlər iyulun 14-dən 20-dək qabiliyyət imtahanı verməlidirlər.
Qabiliyyət imtahanını müvəffəqiyyətlə verən abituriyentlər ixtisas seçimi zamanı elektron ərizələrində müvafiq ixtisasın kodunu göstərə bilərlər. Qabiliyyət imtahanından müvəffəqiyyətlə keçməyən abituriyentlər isə I ixtisas qrupuna daxil olan digər ixtisasların müsabiqəsində iştirak edə biləcəklər.
|
|
12.07.11 Məqaləni oxumaq
|
| |
|
|
|
DSMF tərəfindən 6 ayda 98 010 vətəndaşa fərdi hesab açılıb
|
|
Dövlət sosial sığorta sistemində fərdi uçotun inkişafı və tətbiqi məqsədilə davam etdirilən tədbirlər nəticəsində, cari ilin əvvəli ilə müqayisədə sistemdə fərdi şəxsi hesabı olan sığortaolunanların sayı 5,44 faiz artıb. Belə ki, cari ilin 6 ayı ərzində Dövlət Sosial Müdafiə Fondu (DSMF) tərəfindən əlavə olaraq 98 010 vətəndaşa sosial sığorta nömrəsi verilib və onlar üçün fərdi hesab açılıb. Dövlət Sosial Müdafiə Fondundan “KƏLAMİNFO”a verilən məlumata görə, nəticədə 01.07.2011-ci il tarixə olan statistikaya əsasən, Azərbaycanda fərdi şəxsi hesabı olan sığortaolunanların sayı 1 898 462 nəfərə catıb. Sığortaolunanların 55,8 faizi kişi, 44,2 faizi isə qadındır.
Fərdi şəxsi hesabı olanlar arasında 40-50 yaş aralığında sığortaolunanlar üstünlük təşkil edir. Göstərilən yaş kateqoriyalarına aid olan vətəndaşlar ümumi sığortaolunanların 25 faizini əhatə edir. Bundan başqa, fərdi uçot sistemində qeydiyyatda olan sığortaolunanların 21,7 faizini 30 yaşa kimi vətəndaşlar, 22,6 faizini 30-40 yaş aralığında olan vətəndaşlar, 21,1 faizini 50-60 yaş aralığında olan vətəndaşlar, 9,6 faizini 60 yaşdan yuxarı olan vətəndaşlar təşkil edir.
|
|
12.07.11 Məqaləni oxumaq
|
| |
|
|
|
Ərdoğan Əziz Yıldırımın həbs olunmasına münasibət bildirdi
|
|
Türkiyənin baş naziri Rəcəb Tayyib Ərdoğan “Fənərbaxça” klubunun prezidenti Əziz Yıldırımın həbs olunmasına münasibətini bildirib. Jurnalistlərin suallarına cavab verən Ərdoğan bunun məhkəmə qərarı olduğunu, bu barədə danışmasının doğru olmayacağını deyib: “Bu məhkəmə qərarıdır. Onların əllərində olan səbəbləri isə mən onsuzda bilmirəm”. “KƏLAMİNFO” “CNN Turk”ə istinadən xəbər verir ki, jurnalistlərdən birinin, qərarın açıqlanmasından sonra “Fənərbaxça” azarkeşlərinin törətdiyi qalmaqallar barədə verdiyi suala Ərdoğan özünün də “Fənərbaxça” tərəfdarı olduğunu, fiziki şəxslərlə hüquqi şəxsləri düzgün qiymətləndirmək lazım olduğunu deyib: “Məhkəmənin verdiyi qərarı qəbul etmək lazımdır. Belə addım atmaqları demokratik parlamentar sistem daxilində “Fənərbaxça” icmasına yaraşan rəftardır. Mən də “Fənərbaxça” tərəfdarıyam. Amma məhkəmənin verdiyi qərar var və bunu qəbul etməliyik. Əsas olan fiziki şəxslərlə hüquqi şəxsləri doğru qiymətləndirməkdir”.
|
|
12.07.11 Məqaləni oxumaq
|
| |
|
|
|
Nazir: “Hər hansı bir beynəlxalq tədbirin Azərbaycanda keçirilməsi bizim üçün böyük fürsətdir”
|
|
“Biz Azərbaycanın gerçəkliklərini hər zaman dünya miqyasında təbliğ etməyə böyük əhəmiyyət veririk. Bilirsiniz ki, Azərbaycan turizm potensialı, Azərbaycanın reklamı, müxtəlif iqtisadi inkişafı ilə bağlı müxtəlif suallar, sərgilər, tədbirlər keçirilir”. “KƏLAMİNFO” xəbər verir ki, bu sözləri jurnalistlərə açıqlamasında mədəniyyət və turizm naziri Əbülfəs Qarayev deyib.
“Düşünürük ki, hər hansı bir beynəlxalq tədbirin Azərbaycanda keçirilməsi bizim üçün böyük bir fürsətdir ki, ölkəmizin gerçəkliyini, inkişafını müasir durumunu, Azərbaycanda gedən işlər haqqında geniş məlumatı yayaq və Azərbaycanı təbliğ edək”,-deyə Ə.Qarayev əlavə edib.
Beynəlxalq tədbirlərin Azərbaycan üçün əhəmiyyətindən danışan nazir 2012-ci ildə ölkəmizdə keçiriləcək “Eurovision–2012” mahnı müsabiqəsinə də toxunub: “Eurovision” mahnı yarışmasının keçirilməsi üçün dövlət tərəfindən işlər görülür. Sözsüz ki, bu müsabiqənin ölkəmizdə keçirilməsi Azərbaycana yeni bir təkan olacaq. Ölkəmizin həqiqətlərini dünyaya təqdim etmək üçün “Eurovision” müsabiqəsi ərəfəsində də bu yöndə çox gözəl işlərimiz planlaşdırılıb”.
|
|
12.07.11 Məqaləni oxumaq
|
| |
|
|
|
ATƏT PA Dağlıq Qarabağda gərginliyin artmasından narahatdır
|
|
ATƏT PA Dağlıq Qarabağda gərginliyin artmasından narahatlığını ifadə edib. Qurumun iyunun 10-da Belqrada başa çatan illik iclasının yekun bəyannaməsində belə deyilir. “KƏLAMİNFO” “News.am”a istinadən xəbər verir ki, təşkilatın yaydığı sənəddə vurğulanır ki, Dağlıq Qarabağ, eləcə də Moldova və Gürcüstanda münaqişələrin nizamlanmasında daha aktiv səy göstərilməsinə çağırıb. ATƏT PA-nın yekun bəyannaməsində 23 qətnaməni qəbul edib. Qeyd edək ki, ATƏT PA-nın sessiyası Serbiya paytaxtında iyulun 6-dan başlayıb. Sessiyada təşkilata üzv ölkələrdən 56 parlamentari iştirak edib.
|
|
12.07.11 Məqaləni oxumaq
|
| |
|
|
|
Prezident Qurbanqulu Berdiməhəmmədova başsağlığı verib
|
|
Prezident İlham Əliyev Türkmənistanın prezidenti Qurbanqulu Berdiməhəmmədova başsağlığı məktuğu göndərib. “KƏLAMİNFO” xəbər verir ki, məktubda deyilir: “Hörmətli Qurbanqulu Məlikquliyeviç, Abadan şəhərində baş vermiş partlayışlar nəticəsində insan tələfatı xəbəri məni olduqca kədərləndirdi. Sizə, həlak olanların ailələrinə və yaxın adamlarına dərin hüznlə başsağlığı verirəm.”
Allah rəhmət eləsin!
|
|
12.07.11 Məqaləni oxumaq
|
| |
|
|
|
Səhifələr : # 8 9 10 11 12 13 14 15 16 # |
|
Torpaqlarımızı qaytaraq..
|
| |
|
|
|
Açılış Səhifəsi et 
