|
|
Səhifələr : # 5 6 7 8 9 10 11 12 13 #
|
|
Tələbələrə sosial dəstək artırılacaq
|
|
Tələbələrin elmi, mədəni fəaliyyətinin dəstəklənməsi və sosial müdafiəsi ilə bağlı bir sıra tədbirlər görüləcək.
“KƏLAMİNFO” xəbər verir ki, bu, “Azərbaycan gəncliyi 2011-2015-ci illərdə” Dövlət Proqramının həyata keçirilməsi üzrə Tədbirlər Planında əks olunub. Həyata keçiriləcək tədbirlərdən biri “Azərbaycan tələbə kartı”nın tətbiq edilməsi və gənclərin vahid beynəlxalq güzəştli kartlar sisteminə qoşulmasına şəraitin yaradılması olacaq. Məqsəd təhsil alan gənclərə sosial dəstəyin artırılmasından ibarətdir. 2011-2012-ci illəri əhatə edəcək tədbirləri Gənclər və İdman və Təhsil nazirlikləri icra edəcək.
|
19.07.11 Məqaləni oxumaq
|
| |
|
|
|
Elmar Məmmədyarov Moskvada rəsmi səfərdədir
|
|
Xarici işlər naziri Elmar Məmmədyarov Moskvada rəsmi səfərdədir. Xarici İşlər Nazirliyindən “KƏLAMİNFO”ya verilən məlumata görə, bu gün E.Məmmədyarov rusiyalı həmkarı Serqey Lavrovla görüşərək, bir sıra ikitərəfli və beynəlxalq məsələlərə dair fikir mübadiləsi aparacaq. Azərbaycan XİN rəhbərinin səfəri zamanı eyni zamanda Rusiya prezidenti D.Medvedyevin Qarabağ tənzimlənməsinə dair Azərbaycan prezidentinə ünvanladığı şəxsi məktubuna rəsmi Bakının cavabı çatdırılacaq.
E.Məmmədyarov və S.Lavrov, həmçinin Azərbaycan Respublikası və Rusiya Federasiyası arasında 3 sentyabr 2010-cu ildə imzalanmış dövlət sərhədi haqqında sazişin ratifikasiyasına dair sənədlərin mübadiləsini həyata keçirəcək, 2011-2012-ci illər üçün Azərbaycan və Rusiya XİN-ləri arasında məsləhətləşmələr planını imzalayacaqlar.
E.Məmmədyarovun Rusiya baş nazirinin müavini A.Xloponin və Federasiya Şurasının sədr müavini Svetlana Orlova ilə görüşləri də planlaşdırılır.
|
|
19.07.11 Məqaləni oxumaq
|
| |
|
|
|
Vəfa Quluzadə: “Moskva bölgədə təsirini “dondurulmuş” münaqişə vasitəsilə saxlayır”
|
|
“Bu gün Qarabağ münaqişəsinin həllində yaranan yeganə əngəl ondan ibarətdir ki, Kreml ermənilərə tapşırıb ki, Dağlıq Qarabağa yalnız müstəqillik tələb edin”. Bu barədə “KƏLAMİNFO”ya politoloq Vəfa Quluzadə bildirib.
Politoloq bunu onunla əlaqələndirir ki, ruslara sülh lazım deyil. “Moskva yaxşı bilir ki, Azərbaycan Dağlıq Qarabağ müstəqilliyi ilə razılaşmayacaq. Onların əsas məqsədi odur ki, bölgədə sülh olmasın. Bölgədə sülh olması ruslar üçün Azərbaycan və Ermənistanın NATO-ya daxil olması təhlükəsini yaradır. Moskva bölgədə təsirini “dondurulmuş” münaqişə vasitəsilə saxlayır” - deyə V.Quluzadə vurğulayıb. Ekspert deyir ki, bu gün Rusiya Ermənistanın müstəqil dövlət olmasına imkan vermir. “Ona görə də Ermənistanla aparılan istənilən danışıq əbəsdir və vaxt itirməkdir. Çünki Ermənistan müstəqil dövlət deyil, Rusiyanın bir əyalətidir. Son diplomatik səylər də bir nəticə verməyəcək. İndiyə kimi görünən praktika bunu deyir. 1998-ci ildə ABŞ, Rusiya və Fransa prezidentləri Bill Klinton, Boris Yeltsin və Jak Şirak Dağlıq Qarabağ münaqişəsi haqda birgə bəyanat verdilər. Həmin bəyanatda deyilirdi ki, münaqişə gələn ilədək həll olunacaq. Hanı nəticə, niyə münaqişə həll olunmadı? Səfərlər, görüşlər, telefon danışıqları, bəyanatlar boş şeylərdir. Bunlar nəsə deməlidirlər də. Bu onların işidir. Azərbaycan dövləti ölkənin, ordunun inkişafı ilə məşğul olmalıdır ki, vaxt çatanda hazır olaq” - deyə o, əlavə edib.
|
|
19.07.11 Məqaləni oxumaq
|
| |
|
|
|
Azərbaycanda 29 abituriyent IV ixtisas qrupu üzrə keçirilən qəbul imtahanlarından xaric edilib
|
|
Tələbə Qəbulu üzrə Dövlət Komissiyası iyulun 16-da 2011/2012-ci tədris ili üçün Azərbaycan Respublikası ali təhsil müəssisələrinə və tam orta təhsil bazasında (11 illik) orta ixtisas təhsili müəssisələrinə IV ixtisas qrupu üzrə qəbul imtahanı keçirib. TQDK-dan “KƏLAMİNFO”ya verilən məlumata görə, imtahan respublikanın 4 şəhərində - Bakıda 21, Naxçıvanda 3, Gəncədə 3, Lənkəranda 2 binada aparılıb.
İmtahanın idarə olunması üçün Komissiyada operativ qərargah fəaliyyət göstərib, müntəzəm olaraq bütün binalarla əlaqə saxlanıb və imtahan prosesinin gedişi nəzarətdə olub.
Bütün binalarda imtahan təlimata uyğun şəkildə keçirilib, abituriyentlərin öz biliklərini nümayiş etdirmələri üçün zəruri şərait yaradılıb.
Hazırda Komissiyada imtahan protokollarının və cavab kartlarının emalı aparılır. İlkin statistik məlumatlara əsasən 2011-ci ildə IV qrup üzrə ərizə vermiş 14619 abituriyentdən 689 nəfəri imtaha gəlməyib. Abituriyentlərdən 29 nəfəri imtahan qaydalarına zidd hərəkətlərə yol verdiklərinə görə imtahandan xaric olunublar.
İmtahandan dərhal sonra müstəqil ekspertlər tərəfindən IV ixtisas qrupu üzrə test suallarının ekspertizası aparılıb.
|
|
19.07.11 Məqaləni oxumaq
|
| |
|
|
|
Səlim Müslümov: “Pensiyaçıların 99,4 faizi pensiyasını plastik kartlarla alır”
|
|
“2011-ci ilin ilk yarısında Fondun xərcləri 905,8 mln. manat təşkil edib”. “KƏLAMİNFO” xəbər verir ki, bunu Dövlət Sosial Müdafiə Fondunun rəhbəri Səlim Müslümov fondun kollegiya iclasında bildirib. Onun sözlərinə görə, hesabat dövründə pensiya və müavinətlərin maliyyələşdirilməsi üçün bütün xərclərin 97,8 faizi və ya 886, 4 mln. manatı yönəldilib ki, bu da əvvəlki ilin ilk 6 ayına nisbətən 14 faiz çoxdur.
DSMF sədri əlavə edib ki, hazırda şəhərlərdə yaşayan pensiyaçıların 100 faizi, kəndlərdə isə 98,7 faizi, ümumilikdə ödəniş aparılan pensiyaçıların 99,4 faizi pensiyasını plastik kartlarla alır. İlin ilk yarısında ehtiyac olan ərazilərdə əlavə olaraq 10 bankomat quraşdırılıb və pensiyaçılara xidmət göstərən bankomatların sayı 507-yə çatdırılıb.
|
|
19.07.11 Məqaləni oxumaq
|
| |
|
|
|
Mübarək komadadır
|
|
Misirin sabiq prezidenti, kütləvi xalq etirazları ilə hakimiyyətdən düşürülən Hüsnü Mübarək komaya düşüb. «KƏLAMİNFO» «Cihan»a istinadən xəvər verir ki, bu barədə məlumatı Mübarəkin vəkili Fərid əl Deeb verib. Deeb Hüsnü Mübarəkin Şarm əl-Şeyx şəhərindəki xəstəxanada komaya düşdüyünü deyib: «Mənə xəbər gəldi ki, Hüsnü Mübarəkin səhhəti qəfildən pisləşib. İndi Şarm əl-Şeyxə gedirəm. Hal-hazırda bildiyim bir şey var ki, Mübarək komadadır».
|
|
19.07.11 Məqaləni oxumaq
|
| |
|
|
|
Səfir Hulusi Kılıç Tovuzda 13 yaşlı qızın faciəli ölümünü qınayıb
|
|
Türkiyənin Azərbaycandakı səfiri Hulusi Kılıç Tovuz rayonunda 13 yaşlı qızın faciəli ölümü ilə bağlı açıqlama yayıb. Səfirlikdən “KƏLAMİNFO”a verilən məlumatda bildirilir ki, səfir 13 yaşlı Aygün Şahmalıyevanın çaya atılan, içinə partlayıcı qurğu quraşdırılmış oyuncağın partlaması nəticəsində ölümündən böyük kədər hissi keçirdiyini bildirib, bu qeyri-insani davranışı hiddətlə qınayıb.
Qeyd edək ki, partlayıcı qurğu quraşdırılmış “itəbənzər” uşaq oyuncağı Ermənistan tərəfindən Əlibəyli kəndinə daxil olan Tovuz çayına buraxılıb. Həmin ərazidə oynayan 1998-ci il təvəllüdlü Şahmalıyeva Aygün Zirəddin qızı oyuncağı taparaq evə gətirib. Evdə oynayan zaman A.Şahmalıyeva oyuncağı masanın üstünə vurub, nəticədə partlayış baş verib. Partlayış nəticəsində A.Şahmalıyeva həlak olub, onun anası 1979-cu il təvəllüdlü Şahmalıyeva Elnarə Məmmədtağı qızı isə bədəninin bud nahiyəsindən xəsarət alaraq yaralanıb.
|
|
16.07.11 Məqaləni oxumaq
|
| |
|
|
|
Qəddafi Tripolini partladacaq
|
|
Liviya lideri Müəmmar Qəddafi bəyan edib ki, əgər paytaxt Tripoli üsyançıların əlinə keçərsə, şəhəri partladacaq. «KƏLAMİNFO»un məlumatına görə, bu barədə Rusiya mətbuatı Kremlin Liviyadakı nümayəndəsinə istinadən məlumat yayıb.
Rusiya rəsmisi Mixail Marqelov «İzvestiya»ya bildirib ki, bu yaxınlarda Liviyanın baş naziri əl Bağdadi əl-Mahmudi ilə görüşüb. Həmin şəxs isə ona «əgər üsyançılar şəhəri tutsalar, biz onu raketlərlə partladacağıq» deyib. «Mən hesab edirəm ki, belə bir dəhşətli plan Qəddafinin beynindədir» -deyə Marqelov bildirib.
|
|
16.07.11 Məqaləni oxumaq
|
| |
|
|
|
Respublika Baş Prokurorluğunda kadr dəyişikliyi olub
|
|
Respublika Baş Prokurorluğunda kadr dəyişikliyi olub. Bu barədə “KƏLAMİNFO”a Baş Prokurorluğunun mətbuat xidmətindən məlumat verilib.
Məlumata görə, baş prokuror Zakir Qaralovun müvafiq əmrləri ilə Baş Prokurorluğun Prokurorluqda istintaqa nəzarət idarəsinin rəis müavini Nazim İmanov, Baş Prokurorluğun Daxili işlər orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin böyük prokuroru Azər Hətəmov, Bakı şəhər prokurorluğunun Prokurorluqda istintaqa nəzarət şöbəsinin prokuroru Tariyel Qurbanov tutduqları vəzifələrdən azad ediliblər. Onlar müvafiq olaraq Binəqədi, Tərtər və Hacıqabul rayon prokuroru vəzifələrinə təyin ediliblər.
|
|
16.07.11 Məqaləni oxumaq
|
| |
|
|
|
I qrup ixtisası üzrə 9513 abituriyent müsabiqəyə buraxılıb
|
|
I qrup ixtisası üzrə 9513 abituriyent 200-dən çox bal toplayaraq müsabiqəyə buraxılıb. “KƏLAMİNFO” xəbər verir ki, bu barədə Tələbə Qəbulu üzrə Dövlət Komissiyasının sədri Məleykə Abbaszadə qeyd edib.
Onun sözlərinə görə, bu ixtisas qrupu üçün ümumilikdə 7533 plan yeri ayrılıb. Yerlərdən 4186-sı dövlət sifarişlidir. Dövlət sifarişli yerlərdən 3996-sı xüsusi qabiliyyət tələb etməyən ixtisaslar üçün, 190-ı isə qabiliyyət tələb edən ixtisaslar üçün nəzərdə tutulub. TQDK sədri dövlət sifarişli 3996 yerə 4511 nəfər abituriyentin buraxıldığını qeyd edib. “Builki məzunlardan 42 %-i imtahan verəndən sonra ixtisas seçmə müsabiqəsinə buraxılıb. Onlardan 22%-i dövlət sifarişli yerlərə namizəddir. Keçən ilki məzunlardan isə 475 nəfər müsabiqəyə buraxılıb ki, bu da imtahan verənlərin 13%-ni təşkil edir. Onlar 3%-i isə dövlət sifarişli yerlərə iddialıdır” - deyə o əlavə edib.
|
|
16.07.11 Məqaləni oxumaq
|
| |
|
|
|
Səhifələr : # 5 6 7 8 9 10 11 12 13 # |
|
Torpaqlarımızı qaytaraq..
|
| |
|
|
|
Açılış Səhifəsi et 
