|
|
Səhifələr : # 3 4 5 6 7 8 9 10 11 #
|
|
ABŞ 500 milyard dollarlıq ixtisar planını açıqlayıb
|
|
ABŞ prezidenti Barak Obama respublikaçı və demokrat qanunvericiləri büdcə razılığı ilə bağlı yolların müəyyən edilməsi səylərini davam etdirməyə çağırıb. «KƏLAMİNFO»nun məlumatına görə, hər iki partiya nümayəndələrindən təşkil edilən «altılar qrupu» məsrəflərin 500 milyard dollarlıq ixtisar planını açıqlayıb. Bu, gələn 10 il ərzində xərclərin 4 trilyon azaldılması səylərinin bir hissəsidir. Plan sosial təminat proqramında böyük dəyişikliklərə yol aça və gələn 10 il ərzində vergiləri 1 trilyon artıra bilər. ABŞ prezidenti planı «balanslı yanaşma» adlandırsa da, onu təsdiq edəcəyi barədə heç nə deməyib.
|
21.07.11 Məqaləni oxumaq
|
| |
|
|
|
Magistraturaya qəbul olanlardan 3935-i qeydiyyatdan keçib
|
|
Magistraturaya qəbul olunan 4396 bakalavrdan yalnız 3935-i qeydiyyatdan keçib. Bu barədə “KƏLAMİNFO”ya Tələbə Qəbulu üzrə Dövlət Komissiyasının mətbuat xidmətinin rəhbəri Elnur Nağızadə məlumat verib.
Onun sözlərinə görə, 461 nəfərin adı ali məktəblərin magistraturasına qəbul olunanların siyahısından çıxarılıb. “Qaydalara əsasən, magistraturaya qəbul olunan şəxslər iyulun 18-i saat 17:00-a kimi daxil olduqları ali məktəbdə qeydiyyatdan keçməli idilər. Əks halda bu, onların daxil olduqları ixtisasdan imtinası kimi qəbul ediləcəkdi. Magistratura pilləsinə daxil olanlardan yalnız 89,51%-i daxil olduqları ali məktəblərdə qeydiyyatdan keçib”-deyə o əlavə edib. E.Nağızadə həmçinin TQDK-nın avqustun əvvəllərində magistraturaya vakant yerlərlə də qəbul elan edəcəyini bildirib.
|
|
21.07.11 Məqaləni oxumaq
|
| |
|
|
|
Aztəminatlı ailələr üçün turizm səfərləri təşkil ediləcək
|
|
Turist axını çox olan rayonlarda “Bu Vətən bizimdir” adlı turist düşərgələri təşkil ediləcək. “KƏLAMİNFO” xəbər verir ki, bu barədə “Turizm ili” ilə bağlı Tədbirlər Planında öz əksini tapıb. Tədbirlər Planına əsasən, düşərgələr iyul-sentyabr aylarında Mədəniyyət və Turizm Nazirliyi, Təhsil Nazirliyi, Gənclər və İdman Nazirliyi, həmçinin yerli icra hakimiyyəti orqanları və bələdiyyələr tərəfindən yaradılacaq.
Sənəddə, həmçinin aztəminatlı ailələrin, dövlət himayəsində olan əlil və kimsəsiz uşaqların Azərbaycanın müxtəlif yerlərinə xüsusi səyahətlərinin təşkili də nəzərdə tutulur. İlin ikinci yarısında reallaşdırılması planlaşdırılan tədbirin təşkili Əmək və Əhalinin Sosial Müdafiəsi Nazirliyi, Ailə, Qadın və Uşaq Problemləri üzrə Dövlət Komitəsi, Qaçqınların və Məcburi Köçkünlərin İşləri üzrə Dövlət Komitəsi, Azərbaycan Həmkarlar İttifaqları Konfederasiyası, Mədəniyyət və Turizm Nazirliyinə həvalə edilib.
|
|
21.07.11 Məqaləni oxumaq
|
| |
|
|
|
Turizm İnstitutunun nəzdində Bakı Turizm Peşə Məktəbi yaradılacaq
|
|
Azərbaycan Turizm İnstitutunun nəzdində Bakı Turizm Peşə Məktəbi yaradılacaq. “KƏLAMİNFO” xəbər verir ki, bu barədə məlumat prezidentin təsdiq etdiyi Azərbaycan Respublikasında 2011-ci ilin “Turizm ili” elan edilməsi ilə bağlı Tədbirlər Planında əks olunub. Məktəbin yaradılması işini Mədəniyyət və Turizm, Təhsil nazirlikləri və yerli icra hakimiyyəti orqanları icra edəcəklər. Tədbirlər Planında məktəbin il ərzində yaradılması qeyd edilib.
|
|
21.07.11 Məqaləni oxumaq
|
| |
|
|
|
Mübariz Əhmədoğlu: “Moskva mütləq adına bağlanan Qarabağ münaqişəsinin həllində irəliləyiş əldə etməlidir”
|
|
“Artıq Qarabağ məsələsi uzun zaman davam edəcək bir problemdir”. “KƏLAMİNFO” xəbər verir ki, bunları bu gün keçirdiyi “Qarabağ saatı”nda Siyasi İnnovasiya və Texnologiya Mərkəzinin rəhbəri, politoloq Mübariz Əhmədoğlu bildirib. Politoloqun fikrincə, son vaxtlar Cənubi Qafqazda gedən yeni siyasi oyunlara nəzər saldıqda o qənaətə gəlmək olur ki, proses hələ davam edəcək. “Son Kazan görüşü yeni siyasi dividentlər ortaya qoydu və nəticə etibarı ilə görüşün uğursuzluğu daha çox Rusiyanın ziyanına işləyir” - deyə politoloq vurğulayıb. M.Əhmədoğlu deyir ki, bu gün Qarabağ məsələsinin həlli ilə bağlı onun nizamlanmasından başqa hər cür mövzularda danışıqlar gedir. “Rusiyanın MDB məkanında mövqeyinin zəiflədilməsi, İranın vurulması, İranın özünün bu münaqişədən istifadə edərək bölgədə nüfuz qazanmağa cəhd etməsi, Qərbin Cənubi Qafqazda yeni planları və sair danışıqlar bu gün Qarabağ münaqişəsinin “altında yatır”. Məsələ ilə bağlı bölgəyə səfər edənlərin əsas mövzuları da elə budur” - deyə o, əlavə edib.
|
|
21.07.11 Məqaləni oxumaq
|
| |
|
|
|
Oqtay Əsədov: “Bu günədək Azərbaycan Avropa Şurasının 55 sənədinə qoşulub”
|
|
“Azərbaycanla AŞPA arasında mövcud olan əməkdaşlıq daha da dərinləşəcək, yeni məna kəsb edəcək. Bu baxımdan ikitərəfli səyləri mütləq artırmaq lazımdır”. Parlamentdən “KƏLAMİNFO”ya verilən məlumata görə, bunları Milli Məclisin spikeri Oqtay Əsədov Azərbaycanda səfərdə olan AŞPA Avropa Xalq Partiyasının üzvləri ilə görüşü zamanı deyib.
O qeyd edib ki, Avropaya inteqrasiya, AŞPA-ya üzv ölkələrlə əməkdaşlıq Azərbaycanın xarici siyasətinin başlıca prioritetlərindəndir. “Quruma tamhüquqlu üzv olduğumuz dövr ərzində əlaqələrimiz daha da möhkəmlənib. Bu müddətdə Azərbaycanda demokratiya, qanunun aliliyi, insan haqları sahəsində böyük nailiyyətlər əldə edilib. Bu prosesdə Avropa Şurasının rolunu biz yüksək qiymətləndiririk” - deyə O.Əsədov vurğulayıb.
|
|
21.07.11 Məqaləni oxumaq
|
| |
|
|
|
Axtarışda olan sonuncu hərbi cani həbs edildi
|
|
Serbiyanın hakimiyyət orqanları Qoran-Hadcicin həbs edildiyi barədə məlumat yayıb. Haaqa tribunalı tərəfindən Balkanlarda müharibə zamanı hərbi cinayətlər törətdiyinə görə axtarışda olan bu şəxsin həbsi barədə məlumatı Serbiya prezidenti Boris Tadiç verib. «KƏLAMİNFO» «B92» telekanalına istinadən xəbər verir ki, serb mənşəli xorvat siyasətçi Xorvatiya ərazisində 1992-1993-cü illərdə fəaliyyət göstərmiş tanınmamış Serbskaya Kraina Respublikasının rəhbəri olub. 2004-cü ildə Haaqa məhkəməsi ona qarşı 14 epizod üzrə ittiham irəli sürüb. O, xorvat əhalisinin qətlində və deportasiyasında günahlandırılır. Onun ələ keçirilməsi üçün ABŞ hökuməti beş milyon dollarlıq mükafat təyin etmişdi. Əlavə 1,4 mln. dollar isə Serbiya hökuməti təyin etmişdi.
Ratko Mladiçin həbsindən sonra o, Haaqa məhkəməsinin Serbiyadan tələb etdiyi sonuncu cinayətkar idi. Hərbi cinayətkarların təhvil verilməsi Serbiyanın AB-yə üzvlüyündə əsas şərtlərdən biridir.
|
|
21.07.11 Məqaləni oxumaq
|
| |
|
|
|
Əbulfəs Qarayev Qusar, Xaçmaz və Şabran rayonlarına səfər edib
|
|
Mədəniyyət və turizm naziri Əbülfəs Qarayev Şahdağ Yay Qış Turizm Kompleksinin tikinti işlərinin gedişatına baxış keçirmək məqsədilə Qusarda səfərdə olub. Nazirliyin mətbuat xidmətindən “KƏLAMİNFO”ya verilən məlumata görə, 19 iyul tarixində layihənin tikinti işlərini aparan yerli və xarici şirkətlərin rəhbərləri ilə geniş müşavirə keçirilib.
Həmin gün Ə.Qarayev Nabran zonasında fəaliyyət göstərən turizm obyektlərinin vəziyyəti ilə tanış olub və burada istirahət edən insanlarla söhbət aparıb. Həmçinin Xaçmaz və Şabran rayonlarının mədəniyyət obyektlərinə baxış keçirilib.
Səfərin nəticələrinə uyğun olaraq nazir Xaçmaz və Şabran rayonlarında mədəniyyət və turizm sahələri üzrə müvafiq göstərişlər verib.
|
|
21.07.11 Məqaləni oxumaq
|
| |
|
|
|
Sahibə Qafarova: Dünya ictimaiyyəti ermənilərin vəhşiliklərinə göz yummamalıdır
|
|
“Bu, ermənilərin ilk təxribatı deyil. Bundan öncə də dəfələrlə ən çirkin terror üsullarına əl ataraq, öz milli kimliklərini, niyyətlərini ortaya qoyublar. Amma ən ağrıdıcısı odur ki, bu kimi cəhdlərdə uşaqları, qadınları hədəfə götürürlər. Bu isə bir daha onu göstərir ki, ermənilər uzun müddət Azərbaycan xalqına qarşı həyata keçirdiyi soyqırımı siyasətindən bu gün də əl çəkmir və hər fürsətdə irqçi, bütün beynəlxalq hüquqi sənədlərə, eyni zamanda, bölgədə sülhün təmin olunmasına yönəlmiş cəhdlərə zidd olan bu kimi təxribatları təkrarlayırlar”. “KƏLAMİNFO” xəbər verir ki, bu fikirləri www.yap.org.az saytına açıqlamasında Azərbaycanın Avropa Şurası Parlament Assambleyasındakı nümayəndə heyətinin üzvü, Milli Məclisin deputatı Sahibə Qafarova deyib.
|
|
21.07.11 Məqaləni oxumaq
|
| |
|
|
|
Əbülfəs Qarayev Azərbaycanda səfərdə olan türkiyəli jurnalistlərlə görüşüb
|
|
Mədəniyyət və turizm naziri Əbülfəs Qarayev Azərbaycanda səfərdə olan Türkiyənin bir sıra aparıcı qəzetlərinin nümayəndələri ilə görüşüb. Nazirliyin mətbuat xidmətindən “KƏLAMİNFO”ya verilən məlumata görə, nazir Azərbaycan-Türkiyə tərəfdaşlığının güclənməsində medianın mühüm rolunu vurğulayıb. Qeyd olunub ki, ölkəmizin tarix və mədəniyyətinin təbliği, Azərbaycan həqiqətlərinin dünyaya doğru-düzgün çatdırılmasında kütləvi informasiya vasitələrinin fəaliyyəti böyük önəm kəsb edir. Azərbaycanın regionda ən inkişaf etmiş ölkə olduğunu qeyd edən nazir Azərbaycan-Türkiyə arasında mədəniyyət və turizm sahəsində əlaqələrin genişlənməsindən söhbət açıb. Xüsusilə ölkəmizdə turizmin inkişafına türkiyəli mütəxəssislərin mühüm töhfə verdiyini vurğulayıb: “Bu yaxınlarda Bakıda Türkiyənin aparıcı turizm qurumlarının rəhbərləri ilə görüş keçirildi. Azərbaycanda turizm sisteminin təkmilləşməsində Türkiyənin rolunu yüksək qiymətləndiririk. Hazırda ölkəmizdə hotel sahəsində çoxlu sayda türkiyəli mütəxəssis çalışır”.
|
|
21.07.11 Məqaləni oxumaq
|
| |
|
|
|
Səhifələr : # 3 4 5 6 7 8 9 10 11 # |
|
Torpaqlarımızı qaytaraq..
|
| |
|
|
|
Açılış Səhifəsi et 
