|
|
Səhifələr : # 10 11 12 13 14 15 16 17 18 #
|
|
III ixtisas qrupu üzrə əsas müsabiqə vəziyyəti dövlət sifarişli yerlərdə yaranacaq
|
|
Cari tədris ilində ali məktəblərin III ixtisas qrupu üzrə əsas müsabiqə vəziyyəti dövlət sifarişli yerlərdə yaranacaq. “KƏLAMİNFO” xəbər ki, bunları Tələbə Qəbulu üzrə Dövlət Komissiyasının (TQDK) sədri Məleykə Abbaszadə bu gün keçirdiyi mətbuat konfransında deyib.
O, qeyd edib ki, bu il III ixtisas qrupu üzrə 8981 nəfər müsabiqəyə buraxılıb və bu qrup üzrə plan yeri isə 8 814-dür. “Bir yerə müsabiqə vəziyyəti bir nəfərdir. Bu qrup üzrə dövlət sifarişli yerlərin sayı isə 2099-dur. Bu yerlərə III qrup üzrə qəbul imtahanında 350-dən yuxarı bal toplayan abituriyentlər buraxılacaqlar. Həmin abituriyentlərin sayı isə 4525 nəfərdir. Buna əsasən deyə bilərik ki, III qrup üzrə dövlət sifarişli yerlərə müsabiqə vəziyyəti bir yerə iki nəfər təşkil edəcək”,-deyə M.Abbaszadə vurğulayıb. Onun sözlərinə görə, ixtisas seçərkən abituriyentlər daha çox öz istəklərini yox, ballarını nəzərə almalıdırlar.
|
08.07.11 Məqaləni oxumaq
|
| |
|
|
|
Gənclər və gənc alimlər barəsində məlumat bankı yaradılacaq
|
|
Azərbaycanda istedadlı gənclər və gənc alimlər barəsində məlumat bankının yaradılması nəzərdə tutulub. “KƏLAMİNFO” xəbər verir ki, bu barədə məlumat “Azərbaycan gəncliyi 2011-2015-ci illərdə” Dövlət Proqramının həyata keçirilməsi üzrə Tədbirlər Planında əks olunub.
Ölkənin təhsil, elm, mədəniyyət, idarəetmə sahəsində potensialı haqqında dolğun məlumat¬ın formalaşdırıl¬ması, dövlət dəstəyinin ünvanlılığı və səmərəliliyinin təmin edilməsi məqsədi daşıyan layihənin formalaşması 2011-2012-ci illəri əhatə edəcək. Məlumat bankının yaradılmasını Gənclər və İdman, Təhsil, Mədəniyyət və Turizm, Rabitə və İnformasiya Texnologiyaları nazirlikləri, Azərbaycan Prezidenti yanında Elmin İnkişafı Fondu, Tələbə Qəbulu üzrə Dövlət Komissiyası və Azərbaycan Milli Elmlər Akademiyası həyata keçirəcəklər.
Tədbirlər Planında, həmçinin bu illər ərzində gənc alimlərin iştirak etdiyi layihələrə qrantların verilməsi üzrə müsabiqələrin təşkili də nəzərdə tutulub. Məqsəd onların elmi fəaliyyətinin stimullaşdırılmasından ibarətdir. Bu işin icraçısı isə Azərbaycan Prezidenti yanında Elmin İnkişafı Fondu olacaq. Qeyd edək ki, iyulun 7-si 2011-ci ildə prezidentin Sərəncamı ilə “Azərbaycan gəncliyi 2011-2015-ci illərdə” Dövlət Proqramı təsdiq edilib.
|
|
08.07.11 Məqaləni oxumaq
|
| |
|
|
|
Gürcüstan: “Dörd fotoqrafın həbsi casusluqla bağlıdır”
|
|
Gürcüstanda 4 fotoreportyorun saxlanması onların peşəkar fəaliyyəti ilə bağlı deyil. “KƏLAMİNFO”nun “Presa.ge” agentliyinə istinadən verdiyi xəbərə görə, bunu Gürcüstan prezidentinin mətbuat xidmətinin katibi Manana Mancqaladze bildirib.
“Şübhəli şəxslər fotoqraf işləyirlər, onların təqsiri fotoqraf kimi göstərdikləri fəaliyyətlə bağlı deyil. Saxlanılanlar məxfi informasiya, xüsusilə də yazılı sənədləşmə, yaxud məxfi tədbirlərin cədvəlini casus şəbəkə ilə eyniləşdirilən təşkilata göndərməkdə ittiham olunurlar”,- deyə o bildrib.
Qeyd edək ki, dünən Gürcüstan hakimiyyətindən bəyan ediblər ki, fotomüxbirlərə qarşı cinayət işi məxfiləşdirilib.
Mixail Saakaşvilinin mətbuat katibi “ayrı-ayrı şəxslərin fotoqrafların saxlanmasını söz azadlığı ilə əlaqələndirməsini iyrənc və yersiz” adlandırıb. Saxlanılanların vəkilləri bəyan ediblər ki, müdafiə etdiyi şəxslər onlara qarşı irəli sürülən ittihamları təkzib edirlər.
|
|
08.07.11 Məqaləni oxumaq
|
| |
|
|
|
Aydın İsmiyev: “Bakıdakı hotellər “Eurovision – 2012” qonaqlarını qəbul etməyə hazırdır”
|
|
Bakıdakı hotellər “Eurovision – 2012” mahnı yarışmasında iştirak etmək üçün Azərbaycanın paytaxtına gələcək qonaqları qəbul etməyə hazırdır.
“KƏLAMİNFO” Bakı Şəhər Mədəniyyət və Turizm İdarəsinə istinadən xəbər verir ki, bunu Azərbaycan Mədəniyyət və Turizm Nazirliyinin turizm şöbəsinin müdiri Aydın İsmiyev deyib. Onun sözlərinə görə, paytaxtdakı hotellər qonaqlara lazımi səviyyədə xidmət göstərə biləcəklər.
Nazirlik nümayəndəsi bildirib ki, bütün yerli turizm şirkətlərinin saytlarında onların təklif etdiyi xidmətlər göstərilib. Xarici vətəndaşlar saytlara daxil olaraq bu xidmətlərlə tanış ola və onlardan istifadə edə bilərlər: “Mənə elə gəlir ki, qonaqlar üçün hotellərin özlərində də hansısa xidmətlər təşkil ediləcək. Təbii ki, mehmanxanalar da öz növbələrində ekskursiya xidmətləri göstərməlidir. Mehmanxanalar ekskursiya xidmətini ya özləri təşkil edə, ya da bunun üçün əməkdaşlıq etdiyi turizm şirkətinə müraciət edə bilərlər”.
|
|
08.07.11 Məqaləni oxumaq
|
| |
|
|
|
Ədliyyə Nazirliyi elektron xidmət köşkləri yaradıb
|
|
Ədliyyə Nazirliyində kollegiya iclası keçirilib. Nazirlikdən “KƏLAMİNFO”ya verilən məlumata görə, iclasın əsas müzakirə mövzusu ölkə prezidentinin “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” fərmanından irəli gələn tapşırıqların icrası ilə bağlı olub.
Kollegiyada müasir elektron sistemlərin tətbiqinin genişləndirilməsi, internet saytda elektron xidmətlərlə bağlı xüsusi bölmənin yaradılması, xarici ölkələrin təcrübəsinin öyrənilməsinə dair həyata keçirilmiş işlər müzakirə edilib və əlavə tapşırıqlar verilib. Bununla bağlı ədliyyə orqanları tərəfindən əhaliyə elektron xidmətlərin göstərilməsinin təşkil edilməsi məqsədilə universal elektron xidmət köşkləri hazırlanaraq 1 iyuldan etibarən sınaq rejimində bir sıra yerli qurumlarda istifadəyə verilib.
|
|
08.07.11 Məqaləni oxumaq
|
| |
|
|
|
Obama "Twitter"də 18 istifadəçinin suallarına cavab verib
|
|
ABŞ prezidenti Barak Obama prezidentliyi dövründə ilk dəfə "Twitter" üzərindən xalqın suallarını cavablandırıb. «KƏLAMİNFO»nun məlumatına görə, «Youtube», «Facebook», «Twitter» kimi populyar sosial şəbəkələrin xidmətlərindən istifadə edən Obama Ağ Evdə 140 dəvətlinin iştirak etdiyi toplantıda «Twitter»in qurucularından olan Cek Dorsi ilə birlikdə 18 istifadəçinin suallarına cavab verib.
Bir saata yaxın davam edən toplantıda Obamaya əsasən iqtisadiyyat, işsizlik, borc, ev, tələbələrin borcları və NASA ilə bağlı suallar verilib. Ağ Evə çağırılan 140 nəfər isə «Twitter» mesajlarının 140 işarəyə izn verməsini simvolizə edib. Obama ilk «Twitter» mesajında ABŞ-da iqtidarın və Konqresin qarşısındakı ən vacib mövzu olan borcların azaldılması məsələsinə toxunub. ABŞ prezidenti «Borcların azaldılması üçün hansı xərclərə qənaət edərdiniz və hansı investisiyaları qoruyardınız» - deyə mesaj yazıb. Sonra isə gələn suallara əhatəli cavablar verib.
|
|
08.07.11 Məqaləni oxumaq
|
| |
|
|
|
TQDK yeni vəsaitlər nəşr edib
|
|
Tələbə Qəbulu üzrə Dövlət Komissiyası (TQDK) ümumi orta təhsil bazasında orta ixtisas məktəblərinə qəbul olmaq istəyən abituriyentlər üçün yeni vəsait nəşr edib.
Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Ümumi orta təhsil bazasında orta ixtisas təhsili müəssisələrinə 2010-cu ilin tələbə qəbulu müsabiqəsində formalaşmış keçid balları olan vəsait Azərbaycan və rus dillərində nəşr edilib. Vəsaiti TQDK-nın qarşısındakı “Abituriyent” köşkündən almaq və ya onu www.abiturient.az saytından sifariş etmək olar.
|
|
08.07.11 Məqaləni oxumaq
|
| |
|
|
|
Ekspert: “İranın müsəlman dünyasındakı rolu getdikcə sarsılmaqdadır”
|
|
“Bu yaxınlarda adını dəyişən İslam Əməkdaşlıq Təşkilatı (İƏT) Azərbaycan üçün çox önəmlidir və həmişə onun dəstəyinə ehtiyac duyulur”. Bunları “KƏLAMİNFO”ya müsahibəsində siyasi ekspert Elxan Şahinoğlu deyib.
Ekpsertin sözlərinə görə, bəzən belə ehtimal irəli sürülür ki, İranla münasibətlər Azərbaycanın İƏT-lə əlaqələrinə də təsir edə bilər, amma orada Türkiyə, Pakistan kimi Azərbaycana dəstək verən və onu müdafiə edən dövlətlər də var. “Əslində, İranın müsəlman dünyasındakı rolu getdikcə sarsılmaqdadır. Onun “ərəb baharı” ilə bağlı ümidləri tamam fiaskoya uğradı. İran güman edirdi ki, ərəb dünyasında proseslər elə onun ssenarisi ilə inkişaf edəcək.
|
|
07.07.11 Məqaləni oxumaq
|
| |
|
|
|
Türkmənistan kitabları Milli Kitabxanaya təqdim olundu
|
|
“Azərbaycanın Milli Kitabxanası Türkmənistanın ölkəmizdəki səfirliyi ilə səmərəli əməkdaşlıq edir. Bizi məmnun edən bu əməkdaşlığa səbəb iki ölkə prezidentlərinin və xalqlarının tarixi dostluq əlaqəsi, eyni zamanda iki ölkə prezidentlərinin hər sahədə olduğu kimi, mədəni sahələrdə imzaladığı əməkdaşlıq sənədləridir”.
“KƏLAMİNFO” xəbər verir ki, bu sözləri bu gün M.F.Axundov adına Milli Kitabxanada Türkmənistnın Azərbaycan Respublikasındakı səfirliyi tərəfindən kitabxanaya hədiyyə edilən Türkmənistanın mədəniyyət, incəsənət və tarixinə aid kitabların sərgisi və təqdimat mərasimində kitabxananın direktoru Kərim Tahirov bildirib. “İki ölkə arasında belə tədbirlərin keçirilməsi hər iki xalqın mədəniyyətini, adət və ənənəsini, müasir dövrdə inkişafını belə gözəl kitabların nəşri daha tez-tez nəzərə çarpdırır və indiki zamanda Milli Kitabxanaya təqdim edilən bu kitablar Azərbaycan oxucuları üçün Türkmənistanı tanımaqda ən yaxşı vasitəçi olacaq”. K.Tahirov üzünü digər səfirlərə tutaraq bu cür əməkdaşlığın onlarla da edilməsinin zəruriliyindən danışıb.
|
|
07.07.11 Məqaləni oxumaq
|
| |
|
|
|
Vəfa Quluzadə: “Məgər Vaşinqton ədalətli mövqe tutaraq, deyə bilməzmi ki, qurtarın bu işğalı?!”
|
|
“Moskva bu gün də maraqlıdır ki, Qarabağ münaqişəsi nə hərb, nə sülh vəziyyətində qalsın, Azərbaycan və Ermənistan Qərbə, xüsusilə də NATO-ya heç vaxt inteqrasiya etməsin”. Bunları “KƏLAMİNFO”a müsahibəsində politoloq Vəfa Quluzadə bildirib.
Onun sözlərinə görə, Kazanda da Rusiya bu amillə iştirak etdi. “Lakin bizi ABŞ-ın və Fransanın da mövqeləri təəccübləndirir. Əgər ABŞ və Fransa təcavüzkarı barmaqla göstərməsə, belə olanda Azərbaycanda Amerikanın demokratiyasına şübhə ilə yanaşırlar. Məgər Vaşinqton ədalətli mövqe tutaraq, deyə bilməzmi ki, qurtarın bu işğalı?!”,-deyə V.Quluzadə vurğulayıb.
Ekspert deyib ki, nə qədər bu belə gedəcək, Qərb də, Rusiya da deyəcək ki, bu iki ölkə özü danışsın bir razılığa gəlsin, heç bir şey əldə olunmayacaq.
|
|
07.07.11 Məqaləni oxumaq
|
| |
|
|
|
Səhifələr : # 10 11 12 13 14 15 16 17 18 # |
|
Torpaqlarımızı qaytaraq..
|
| |
|
|
|
Açılış Səhifəsi et 
