TQDK sədri: Təhsil haqlarının artırılması təhsilin keyfiyyətinin də artırılmasını tələb edir
|
Dövlət ali təhsil müəssisələrində ödənişli ixtisaslar üzrə təhsil haqlarının qaldırılması Tələbə Qəbulu üzrə Dövlət Komissiyasına (TQDK) aid məsələ deyil. “KƏLAMİNFO” xəbər verir ki, bunu TQDK sədri Məleykə Abbaszadə deyib.
Komissiya sədri eyni zamanda onu da deyib ki, təhsil haqlarının artırılması təhsilin keyfiyyətinin də artırılmasını tələb edir. O, təhsil haqlarının hesablanması üçün xüsusi metodologiyasının olduğunu deyib: “Bu bütün dünyada belədir. Mən bilmirəm bu metodologiyadan nə dərəcədə istifadə edərək bu addımı atıblar. Ümidvaram ki, bu addımın elmi əsasları var”.
|
10.06.11 Məqaləni oxumaq
|
|
|
Asəf Hacıyev İstanbulda QİƏT PM-nin iclasında iştirak edəcək
|
İyunun 13-dən 14-dək İstanbulda Qara Dəniz İqtisadi Əməkdaşlıq Təşkilatı Parlament Məclisinin Prosedur qaydaları üzrə işçi qrupun iclası keçiriləcək. İclasda Azərbaycanı Milli Məclisin bu təşkilatdakı nümayəndə heyətinin rəhbəri, deputat Asəf Hacıyev təmsil edəcək. Bu barədə məlumatı “KƏLAMİNFO”ya parlamentdən veriblər.
Tədbirdə Qara Dəniz İqtisadi Əməkdaşlıq Təşkilatı Parlament Məclisinin Prosedur qaydalarına təklif olunan əlavə və dəyişikliklər müzakirə olunacaq.
|
10.06.11 Məqaləni oxumaq
|
|
|
ABŞ-ın Dünya İşləri üzrə Şurasının nümayəndə heyəti DİP-in qonağı olub
|
Demokratik İslahatlar Partiyasının (DİP) sədri Asim Mollazadə ABŞ-ın Dünya İşləri üzrə Şurasının prezidenti və icraçı direktoru Lori Mürreyin başçılıq etdiyi nümayəndə heyətini qəbul edib. Bu barədə məlumatı “KƏLAMİNFO”ya DİP-dən veriblər. Görüşdə ABŞ-Azərbaycan münasibətləri, Ermənistanın Azərbaycana təcavüzünün aradan qaldırılması yolları, Azərbaycanın inkişaf perspektivləri, Avroatlantik məkana inteqrasiya məsələləri müzakirə olunub. Asim Mollazadə, həmçinin qonaqlara rəhbərlik etdiyi partiyanın fəaliyyəti barədə ətraflı məlumat verib.
Qonaqlar da öz növbələrində bildiriblər ki, Azərbaycanla bağlı həqiqətləri ABŞ ictimaiyyətinə çatdıracaqlar.
|
10.06.11 Məqaləni oxumaq
|
|
|
YAP Gənclər Birliyinin nümayəndə heyəti Rumıniyaya səfər edəcək
|
YAP Gənclər Birliyinin nümayəndə heyəti Rumıniyanın hakim Liberal Demokrat partiyası Gənclər Birliyinin dəvəti ilə 11 - 17 iyun tarixlərində bu ölkədə səfərdə olacaqlar. Bu barədə məlumatı “KƏLAMİNFO”ya YAP-dan veriblər.
Səfər çərçivəsində YAP Gənclər Birliyinin nümayəndə heyəti Rumıniyanın Liberal Demokrat Partiyasının bir sıra rəsmiləri ilə, parlamentin deputatı Danuts Liga, partiyanın müxtəlif bölgələrdən olan gəncləri ilə görüşəcək, münasibətlərin daha da inkişaf etməsi üçün qarşılıqlı maraq doğuran məsələlər haqqında fikir mübadiləsi aparacaqlar. Səfər çərçivəsində gənclər, həmçinin, Rumıniyanın parlament binasında olacaq, ölkənin ali qanunverici orqanında iş prosesini izləyəcəklər.
|
10.06.11 Məqaləni oxumaq
|
|
|
Ekspert: “Dağlıq Qarabağla Kosovonu eyniləşdirməyi doğru yanaşma kimi qəbul etmək çətindir”
|
“Bu gün Azərbaycanın Serbiya kimi ölkələrlə münasibətlərini inkişaf etdirməsi mübahisə doğurmur, hətta rəsmi Belqradın istəyi əsasında bu ölkəyə qaz da sata bilərik”. Bunları “KƏLAMİNFO”ya müsahibəsində siyasi ekspert Elxan Şahinoğlu bildirib.
Ekspertin fikrincə, ancaq Azərbaycanla Serbiya arasında oxşarlıq quraraq, hər iki ölkənin ərazi bütövlüyü bərpa olunacaq və Dağlıq Qarabağla Kosovo oxşar problemlədir deməyin nə dərəcədə reallığı əks etdirməsi mübahisə doğurur. “Çünki, Kosovonun müstəqilliyini dünyanın əksər dövləti, hətta Azərbaycanın strateji müttəfiqi Türkiyə də tanıyıb. Rəsmi Bakının Serbiyanın ərazi bütövlüyünü dəstəkləməsi və zamanında Kosovodan sülhməramlı qüvvələrini çıxarması doğru qərar idi. Ancaq Dağlıq Qarabağla Kosovonu eyniləşdirməyi doğru yanaşma kimi qəbul etmək çətindir”,-deyə E.Şahinoğlu vurğulayıb.
|
10.06.11 Məqaləni oxumaq
|
|
|
Ceyms Appaturay Bakıya gələsi olmadı
|
NATO-nun Qafqaz və Mərkəzi Asiya üzrə xüsusi nümayəndəsi Ceyms Appaturayın Azərbaycana səfəri təxirə salınıb. Bu barədə məlumatı “KƏLAMİNFO”ya Rumıniyanın Azərbaycandakı səfirliyindən veriblər. Səfərin təxirə salınmasına səbəb Brüssel aeroportu işçilərinin tətil etməsidir.
Xatırladaq ki, NATO-nun Qafqaz və Mərkəzi Asiya üzrə xüsusi nümayəndəsinin Azərbaycana səfəri ikinci dəfədir təxirə salınır.
|
10.06.11 Məqaləni oxumaq
|
|
|
Hərbi Hava Qüvvələri hazırlıq uçuşları həyata keçiriblər
|
Hərbi Hava Qüvvələri parada hazırlıq məqsədilə Azərbaycan paytaxtı üzərində uçuşlar edib. Azərbaycanda 26 iyun - Silahlı Qüvvələr Günü və müstəqilliyin bərpasının 20 illiyi münasibətilə keçiriləcək hərbi parada hazırlıq məqsədilə bu gün “MİQ-29” qırıcı təyyarələri və helikopterlər manevrlər ediblər. “KƏLAMİNFO” xəbər verir ki, Azərbaycan Hərbi Hava Qüvvələrinin (HHQ) təyyarələri və helikopterləri Bakı səmasında hazırlıq uçuşları həyata keçiriblər.
Azərbaycan Hərbi Hava Qüvvələrinin (HHQ) Mi-8 tipli 20-yə yaxın helikopteri Azadlıq meydanı üzərindən keçməklə bir neçə dəfə dövrə vurub.
|
10.06.11 Məqaləni oxumaq
|
|
|
Oruc Zalov: Qanunlardan kənara çıxan polislər barəsində ciddi tədbir görüləcək
|
Azərbaycanda demokratik polisin yaradılması dövlətin, Daxili İşlər Nazirliyi rəhbərliyinin iradəsindən irəli gələn məsələdir. “KƏLAMİNFO” xəbər verir ki, bunu Bakıda “Cəmiyyət dəstəkli polis” işinə dair keçirilən ikinci beynəlxalq konfransda daxili işlər nazirinin müavini Oruc Zalov söyləyib.
“Biz, bu məsələyə çox böyük önəm veririk və çalışırıq ki, hər bir əməkdaşımız demokratik polis simasında insanlara xidmət etsin və onların hüquqlarını pozanlara qarşı ciddi mübarizə aparsınlar”,-deyən O.Zalov həmçinin əlavə edib ki, bu yolda təlimatlara əməl etməyən polis əməkdaşlarına qarşı da ciddi tədbirlər görülür. O.Zalov xatırladıb ki, 2008-2010-cu illərdə insan hüquq və azadlıqlarını pozduğuna görə 720 nəfər polis əməkdaşı daxili işlər nazirinin əmri ilə cəzalanıb. Onun sözlərinə görə, onlardan 14-ü cinayət məsuliyyətinə cəlb edilib, 36-sı tutduqları vəzifələrdən azad edilib.
|
10.06.11 Məqaləni oxumaq
|
|
|
Prezident İlham Əliyev dövlət qulluğunda olmasının yaş həddinin 65 olmasını təsdiqləyib
|
Prezident İlham Əliyev “Dövlət qulluğu haqqında” qanuna dəyişiklikləri təsdiqləyib. “KƏLAMİNFO” xəbər verir ki, dəyişikliklərə əsasən dövlət qulluqçusunun dövlət qulluğunda olmasının yaş həddi 65-dir. 65 yaşına çatmış dövlət qulluqçusunun dövlət qulluğunda olma müddəti müvafiq dövlət orqanının rəhbəri tərəfindən hər dəfə 1 ildən çox olmayaraq uzadıla bilər. Dövlət qulluqçusunun dövlət qulluğunda olma müddətinin 5 ildən çox uzadılmasına yol verilmir.
Dövlət orqanına aid edilən sahədə dövlət qulluğunda olma müddəti uzadılmış dövlət qulluqçularının sayı həmin dövlət orqanının vahid sistemini təşkil edən qurumların işçilərinin ümumi sayının 15%-dən artıq ola bilməz.
Dövlət orqanının aparatı və tabeliyində olan qurumun çalışma müddəti uzadılmış işçilərin sayı müvafiq olaraq onun aparatı və tabeliyində olan həmin qurumun işçilərinin sayının 2%-dən artıq ola bilməz.
|
10.06.11 Məqaləni oxumaq
|
|
|
İran nüvə silahının sınağına hazırlaşır
|
İran İslam İnqilabı Keşikçiləri Şurasının nümayəndələri dərc etdikləri məqalədə İranın nüvə silahının sınağını keçirə biləcəyini bəyan ediblər. «KƏLAMİNFO» «Miqnyus»a istinadən xəbər verir ki, məqalədə göstərilir ki, “sabahkı gün adi gün olacaq, lakin bizlərdən bir çoxu üçün millətin intibahı günü ola bilər”.
|
10.06.11 Məqaləni oxumaq
|
|
|
|