|
|
Səhifələr : # 7 8 9 10 11 12 13 14 15 #
|
|
Gənc Tamaşaçılar Teatrı “Məhv olmuş gündəliklər”i vərəqləyir
|
|
Dövlət Gənc Tamaşaçılar Teatrı Xalq yazıçısı İlyas Əfəndiyevin “Məhv olmuş gündəliklər”inə ikinci səhnə ömrü bəxş edib. Teatrdan “KƏLAMİNFO”ya verilən məlumata görə, eyniadlı tamaşa üzərində yeni heyətin yaradıcılıq işləri başa çatmaq üzrədir. Musiqi tərtibatı Mixail Simanovskiyə məxsus olan tamaşada əsas rolları Əməkdar artist Şövqi Hüseynov, aktyorlar Şəfəq Əliyeva, Nəsibə Eldarova, Rasim Cəfərov, Elnur Hüseynov, Nicat Kazımov, Elnur Kərimov, Günel Məmmədova, Şəbnəm Hüseynova, Elşən Rüstəmov, Sərvər Əliyev, Rəşad Səfərov, Kərəm Hadızadə, Elşən Şirəliyev, Manaf Dadaşov, Asya Atakişiyeva, Nigar Məmmədova, Roza İbadova, Anar Seyfullayev ifa edəcəklər.
|
17.06.11 Məqaləni oxumaq
|
| |
|
|
|
Georgi Xaindrava: “ABŞ Gürcüstana qoyun dərisində olan canavar qismində daxil olub”
|
|
«Tbilisidə mayın 26-da müxalifətin aksiyası zor gücünə dağıdıldıqdan sonra ABŞ-ın Gürcüstandakı səfirinin mənəvi cəhətdən burada qalması mümkün deyil və o, ölkəni tərk etməlidir. «KƏLAMİNFO» «RBK»-ya istinadən xəbər verir ki, bununla bağlı müxalifətçi gürcü siyasətçisi, rejissor Georgi Xaindrava bəyanat verib. Onun sözlərinə görə, ABŞ-ın bu ölkədəki səfirinin dəstəyi ilə «hakimiyyət ləyaqətli insanların ədalətli dövlətdə yaşamaq arzusunu qan içində boğdu». «Biz qonağa çox şeyi bağışlaya bilərik, lakin hər şeyin bir həddi var. Sizin favorit Mixail Saakaşvili ədalətsizlik, qanunsuzluq və həddən artıq zorakılıq həyata keçirir. Şəxsən siz ləyaqətinizi itirmisiniz» - deyə Xaindrava vurğulayıb. Onun qənaətincə, ABŞ Gürcüstana qoyun dərisində olan canavar qismində daxil olub. «Xahiş edirik, çıxın gedin, necə ki, bunu qonaq edir» - deyə o, amerikalı səfirə məsləhət verib.
|
|
17.06.11 Məqaləni oxumaq
|
| |
|
|
|
Adı qalmaqalda hallandırılan konqresmen istefa verdi
|
|
ABŞ Nümayəndələr Palatasının üzvü demokrat Entoni Viner internetdə seksual qalmaqalla əlaqədar Nümayəndələr Palatasından istefa verdiyini elan edib. Nyu-York ştatından demokrat nümayəndə istefasını bu gün elan edərək yol verdiyi səhvlərə görə üzr istəyib. «KƏLAMİNFO»nun məlumatına görə, bu barədə məlumatı «The New York Times» siyasətçinin yaxın ətrafından əldə edib. Bundan öncə Nümayəndələr Palatasında azlıqda olan demokratların lideri Nensi Pelosi və spiker Con Beyner deyiblər ki, qalmaqal Konqresdə diqqətin lazımi məsələlərdən yayınmasına səbəb olub.
Viner son üç il ərzində internetdə altı qadına öz şəkillərini və açıq məzmunlu mesajlar göndərdiyini etiraf edib. O, öz səlahiyyətlərini tərk etmək barədə qərarını xanımı Xuma Abedinilə müzakirə etdikdən sonra atıb. Qeyd edək ki, hətta prezident Barak Obama onun barəsində «konqresmenin yerində olsaydım istefa verərdim» sözlərini işlətmişdi.
|
|
17.06.11 Məqaləni oxumaq
|
| |
|
|
|
“Rus bölməsinin abituriyentləri ana dilindən yüksək nəticə göstərir”
|
|
Rus bölməsinin abituriyentləri ana dilindən ötən illərlə müqayisədə yüksək nəticə göstərir. Rus bölməsinin abituriyentlərinin Azərbaycan dili üzrə vəziyyəti ilbəil yaxşılaşır. “KƏLAMİNFO” xəbər verir ki, bu barədə TQDK-nın sədr müavini Namiq Babayev bildirib.
Onun dediklərinə görə, keçən il Azərbaycan dili fənnindən 700 rus bölməsinin abituriyenti kəsilib. O, həmçinin rusdilli abituriyentlərin sayının stabil olduğunu vurğulayıb. “İyunun 22-də Azərbaycan dili fənnindən kəsilən rus dili bölməsinin abituriyentləri iyunun 26-da yenidən imtahan verəcəklər. Birinci imtahandan 10087 abituriyentdən yalnız 8696 nəfəri müvəffəqiyyətlə keçib. İyunun 26-da isə 2538 nəfər iştirak edəcək”,-deyə sədr müavini deyib. Onun sözlərinə görə, 2538 abituriyentdən 1572 nəfəri mayın 22-də keçirilən imtahandan kəsilənlər, 966 nəfəri isə ərizəsini həmin imtahanda iştirak üçün nəzərdə tutulmuş vaxtdan sonra təsdiqlədənlərdir. O, imtahanların Bakı və Naxçıvan şəhərlərində keçiriləcəyini də qeyd edib.
|
|
17.06.11 Məqaləni oxumaq
|
| |
|
|
|
Magistratura pilləsinin ixtisaslaşmaları üçün ayrılmış yerlərin sayı 5816-ya qaldırıldı
|
|
Cari ildə aparılan ixtisaslaşmalar üçün ayrılmış yerlərin ümumi sayı 5815-dir. Ötən illə müqayisədə yerlərin sayı 10,9% artıb. “KƏLAMİNFO” xəbər verir ki, bu barədə Tələbə Qəbulu üzrə Dövlət Komissiyasının sədr müavini Namiq Babayev deyib.
Onun sözlərinə əsasən, magistraturaya qəbul olmaq istəyənlərin 7866 nəfəri ixtisaslaşmaları və qəbul proqramını seçərək təsdiqləyib. “183 ərizə təsdiq edilməyib. Ərizədə bütün ixtisas seçimi düz olanların sayı cəmi 17-dir. Yerdə qalanlar isə bakalavr ixtisaslarına uyğun olmayan yerləri işarələyiblər”,-deyə o əlavə edib.
Sədr müavini ötən illə müqayisədə magistraturaya sənəd verən bakalavrların sayının 20% artdığını da nəzərə çatdırıb. “İyunun 26-da magistraturanın ikinci mərhələsi üçün keçiriləcək imtahanlarda iştirak edənlərdən 6809 nəfəri Azərbaycan, 1057 nəfəri isə rus bölməsinin məzunudur.
|
|
17.06.11 Məqaləni oxumaq
|
| |
|
|
|
Elmar Məmmədyarov İspaniyalı sahibkarlarla görüşüb
|
|
Xarici işlər naziri Elmar Məmmədyarov İspaniya Krallığına rəsmi səfəri çərçivəsində bu ölkənin Sahibkarlar Konfederasiyaları Təşkilatında (İSKT) aparıcı şirkətlərin nümayəndələri ilə görüşüb. Bu barədə məlumatı “KƏLAMİNFO”ya XİN-nin mətbuat xidmətindən veriblər.
Tədbirdə Konfederasiyanın Beynəlxalq Əlaqələr Komissiyasının prezidenti J.Banegas və İspaniya Xarici İşlər Nazirliyinin Qafqaz ölkələri üzrə xüsusi səfiri M.V.Scola iştirak edib.
J.Banegas Azərbaycanın surətlə inkişaf etdiyini, İspan şirkətlərinin bu yeni bazara çıxmasının vacibliyini, İSKT-nın bu sahədə lazımı köməkliyin göstərilməsinə hazır olduğunu bildirib və E.Məmmədyarovun səfərinin iki ölkə arasında əməkdaşlığın inkişafı üçün yeni sahələrin tapılmasına töhfə verəcəyini qeyd edib.
|
|
17.06.11 Məqaləni oxumaq
|
| |
|
|
|
Vəfa Quluzadə: “Azərbaycan torpaqlarını nüvə dövləti olan Rusiya işğal edib”
|
|
“Birdəfəlik əmin olmaq lazımdır ki, Azərbaycan torpaqlarını ermənilər yox, nüvə dövləti olan Rusiya işğal edib”. Bunları “KƏLAMİNFO”ya müsahibəsində politoloq Vəfa Quluzadə bildirib.
Politoloq deyib ki, hər gün bu məsələyə toxunulmalıdır ki, ermənilərin ağlı başına gəlsin. “Çünki rusların çoxunu inandırıblar ki, guya ermənilər gəlib buranı işğal edib. Heç nəyi olmayan ermənilər kimdir ki, bizə təcavüz etsin? Rus qüvvələri bizim kəndlərə, rayonlara gələrək deyiblər ki, çıxın burdan ermənilər gəlir. Bizimkilər də nə etsinlər, şələ-şülələrini yığışdırıb çıxırdılar. Ondan sonra ruslar ermənilərə deyiblər “indi girə bilərsiniz”. Bax, Azərbaycan torpaqları belə işğal olunub”,-deyə V.Quluzadə vurğulayıb.
|
|
17.06.11 Məqaləni oxumaq
|
| |
|
|
|
Donor təşkilatlar qarşısında şərt qoyulub
|
|
“Ermənistanın Azərbaycana təcavüzündən əziyyət çəkən qaçqın və məcburi köçkünlərlə bağlı layihə həyata keçirən beynəlxalq təşkilatlar, yaxud donorlar diqqətli olmalıdırlar. Onlar Azərbaycanda həyata keçirdikləri layihələrdə mütləq qeyd etməlidirlər ki, bu, Ermənistanın Azərbaycana təcavüzündən əziyyət çəkən insanlar üçün keçirilir”. “KƏLAMİNFO” xəbər verir ki, bu fikirləri baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov söyləyib.
|
|
17.06.11 Məqaləni oxumaq
|
| |
|
|
|
Ali məktəblərdə magistraturaya ixtisas seçimi başa çatdı
|
|
Bu gün ali məktəblərin magistratura pilləsinə ixtisas seçimi başa çatdı. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının mətbuat xidmətindən veriblər.
Seçimdə 7846 bakalavr ikinci mərhələnin elektron ərizəsini təsdiq edib. Hazırda bakalavrların elektron ərizələrinin statistik təhlili aparılır. Magistraturaya qəbul imtahanının ikinci mərhələsində iştirak hüququ olan 8000 bakalavrdan 7846-sı internetlə elektron ərizələrinə daxil olaraq bitirdikləri bakalavr ixtisasına uyğun qəbul proqramını və ixtisaslaşmaları təsdiq ediblər. Ali məktəblərin magistraturasına qəbul imtahanlarının ikinci mərhələsi iyunun 26-da Bakı, Naxçıvan və Gəncədə keçiriləcək.
|
|
17.06.11 Məqaləni oxumaq
|
| |
|
|
|
Millət vəkili: “Rusiyanın Cənubi Qafqazla bağlı arzuları ilə imkanları üst-üstə düşmür”
|
|
“Qaz bazarında Azərbaycan özünü bir az rahat hiss edir, çünki özünün potensial qaz alıcısı kimi yenə də Avropanı nəzərdə tutur. Amma Avropanın Azərbaycandan gözləntiləri, artıq deyildiyi kimi, təkcə bu deyil”. Bunları “KƏLAMİNFO”ya müsahibəsində millət vəkili, siyasi ekspert Musa Qasımlı bildirib.
Onun sözlərinə görə, Azərbaycanın siyasi və iqtisadi potensialı gücləndikcə regionda marağı olan dünyəvi güclərin ölkəmizlə bağlı planları da dəyişir. “Təbii ki, bunların arasında Azərbaycanın seçiminə təsir edən geosiyasi amillərə nəzər salanda, gərək birinci Rusiyanı yada salasan. Sözsüz ki, Rusiya indiki halda ən azı bütün Azərbaycan qazını Mərkəzi Asiya qazı kimi də öz ərazisindən nəql etmək istərdi. Elə bu səbəbdən Rusiyanın maraqları bu sahədə müəyyən mənada Azərbaycanın seçiminə də təsir edəcək. Bəli, Rusiyanın müəyyən təzyiqləri ola bilər. Amma bu təzyiqi şişirtmək də düzgün olmazdı, çünki son vaxtlar onun Cənubi Qafqazla bağlı arzuları ilə imkanları üst-üstə düşmür. Moskvanın real imkanları xeyli daralıb”,-deyə M.Qasımlı vurğulayıb.
|
|
17.06.11 Məqaləni oxumaq
|
| |
|
|
|
Səhifələr : # 7 8 9 10 11 12 13 14 15 # |
|
Torpaqlarımızı qaytaraq..
|
| |
|
|
|
Açılış Səhifəsi et 
