|
|
Səhifələr : # 16 17 18 19 20 21 22 23 24 #
|
|
Magistraturada oxumaq istəyənlər bu gündən proqram və ixtisas seçimi etməlidirlər
|
|
Bu gündən etibarən ali məktəblərin magistraturalarına 20 fevral tarixində keçirilmiş qəbul imtahanının birinci mərhələsinin nəticələrinə görə müsabiqə şərtlərini ödəyərək imtahanın ikinci mərhələsinə buraxılmış bakalavrlar proqram və ixtisas seçimi etməlidirlər. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının mətbuat xidmətindən veriblər.
Bunun üçün onlar bu gündən etibarən iyunun 15-dək elektron ərizələrinə daxil olaraq bitirdikləri bakalavr ixtisasına uyğun qəbul proqramını və ixtisaslaşmaları seçib təsdiq etməlidirlər. Proqram və ixtisaslaşmaları seçib təsdiq etmiş bakalavrlar iyunun 23-dən 25-dək öz elektron ərizələrinə daxil olaraq ikinci mərhələ üçün "Bakalavrın imtahana buraxılış vərəqəsi"ni çap edib götürməlidirlər. Qəbul imtahanının ikinci mərhələsi iyunun 26-da Bakı, Naxçıvan və Gəncə şəhərlərində keçiriləcək. İmtahanın ikinci mərhələsində bakalavrların ixtisas üzrə bilikləri test üsulu ilə onlara 50 test tapşırığı təqdim olunmaqla yoxlanılır. İkinci mərhələdə imtahan suallarının cavablandırılmasına 1 saat 30 dəqiqə vaxt ayrılır.
|
09.06.11 Məqaləni oxumaq
|
| |
|
|
|
Elmar Məmmədyarov ABŞ dövlət katibinin Avrasiya enerji məsələləri üzrə xüsusi elçisini qəbul edib
|
|
Xarici işlər naziri Elmar Məmmədyarov ABŞ dövlət katibinin Avrasiya enerji məsələləri üzrə xüsusi elçisi Riçard Morninqstarı qəbul edib. XİN-nin mətbuat xidmətindən “KƏLAMİNFO”ya verilən məlumata görə, Bakıda keçirilən ənənəvi Xəzər neft-qaz sərgisində iştirak etməsindən məmnun olduğunu bildirən qonaq, qlobal enerji təhlükəsizliyinin təmin olunmasında regionda gerçəkləşdirilən enerji layihələrinin əhəmiyyətini və onların perspektivlərini yüksək qiymətləndirib.
E.Məmmədyarov Azərbaycanın həyata keçirdiyi enerji strategiyasının uğurları barədə danışaraq bu xüsusda Azərbaycanın Avropanın enerjidaşıyıclarla təchizində maraqlı olduğunu qeyd edib.
Görüşdə həmçinin qlobal enerji məsələləri, regiondakı vəziyyət barədə də fikir mübadiləsi aparılıb.
|
|
09.06.11 Məqaləni oxumaq
|
| |
|
|
|
Prezident İlham Əliyevin saytının iPad planşet kompüterlər üçün xüsusi əlavəsi istifadəyə verilib
|
|
Prezident İlham Əliyevin saytının iPad planşet kompüterlər üçün xüsusi əlavəsi istifadəyə verilib. Prezident Administrasiyasından “KƏLAMİNFO”ya verilən məlumata görə, iPad istifadəçiləri xüsusi əlavəni yükləməklə dövlət başçısının çıxışları, müsahibələri, onun iştirakı ilə keçirilən tədbirlərdən xəbərlər, fotomateriallarla tanış ola biləcəklər. Əlavəni yükləmək üçün “Apple Applications Store”da öz akkauntunuzdan istifadə etməyiniz lazımdır.
Prezident Administrasiyasından bu əlavənin hazırlanmasını ictimaiyyətlə əlaqələrə diqqətin artırılması, həmçinin yeni kommunikasiya formalarından istifadə ilə əlaqələndiriblər.
|
|
08.06.11 Məqaləni oxumaq
|
| |
|
|
|
Ağsuda aparılan arxeoloji tədqiqatların son nəticələri açıqlanacaq
|
|
İyunun 11-də “Miras” Mədəni İrsin Öyrənilməsinə Kömək İctimai Birliyi və Ağsu arxeoloji ekspedisiyası Ağsu şəhərində KİV nümayəndələri üçün “Ağsuda aparılan arxeoloji tədqiqatların ən yeni nəticələri” və “Şirvan xəzinəsinə aparan yollar” mədəni irs turlarının təqdimatına həsr olunan brifinq keçirəcək. “KƏLAMİNFO”nun məlumatına görə, Ağsu arxeoloji ekspedisiyasının rəis müavini, AMEA Milli Azərbaycan Tarixi Muzeyinin şöbə müdiri, tarix elmləri namizədi Fariz Xəlilli qeyd edib ki, brifinq iştirakçıları yolüstü “Şirvan xəzinəsinə aparan yollar” mədəni irs turuna daxil olan Diri Baba türbəsini (Qobustan) və Şamaxı rayon Tarix Diyarşünaslıq Muzeyini ziyarət edəcəklər.
İştirakçılar Ağsuda aparılan qazıntılarla, bərpa və konservasiya işləri ilə tanış olacaq, arzu edənlərə qazıntı işlərində iştirak etmək imkanı yaradılacaq. Mədəni irsin təbliğində fəal iştirak edən KİV nümayəndələrinə “Miras” Mədəni İrsin Öyrənilməsinə Kömək İctimai Birliyi və Ağsu arxeoloji ekspedisiyasının xüsusi diplomları təqdim ediləcək.
|
|
08.06.11 Məqaləni oxumaq
|
| |
|
|
|
Vladimir Doroxin: “Rusiya vasitəçi kimi əlindən gələn hər şeyi edir”
|
|
Bu gün Rusiyanın Azərbaycandakı səfiri Vladimir Doroxin 12 iyun –Rusiya günü ilə əlaqədar mətbuat konfransı keçirib. “KƏLAMİNFO” xəbər verir ki, səfir Azərbaycan–Rusiya münasibətlərindən fəxrlə danışılması gərəkliyini vurğulayıb. “Bu gün Rusiya-Azərbaycan münasibətləri haqqında inamla, hətta qürurla danışmaq olar. O qədər də sadə olmayan bir nöqtədən başlayaraq biz bu gün strateji tərəfdaşlıq adlandırılan səviyyəyə qalxa bildik” - deyə səfir söyləyib.
O, Dağlıq Qarabağ münaqişəsinə toxunaraq, Rusiyanın bu məsələdə əlindən gələni etdiyini deyib. Rusiya MDB məkanında, eləcə də Qafqazda sabitliyin həlli üçün köməyini əsirgəmir və bunda bilavasitə maraqlıdır.
|
|
08.06.11 Məqaləni oxumaq
|
| |
|
|
|
Xaricdə təhsil almaq istəyənlər üçün daha bir şans
|
|
Malayziyanın Ali Təhsil Nazirliyi tərəfindən bu ölkənin universitetlərində bir sıra ixtisaslar üzrə magistratura və doktorantura pillələrində təqaüdlü təhsil proqramları elan edilib. Təhsil Nazirliyindən “KƏLAMİNFO”ya verilən məlumata görə, proqramda azərbaycanlı gənclər də iştirak edə bilərlər.
Qeyd edək ki, təqaüd proqramına elm və mühəndislik, kənd təsərrüfatı və balıqçılıq, iqtisadiyyat və İslam dünyasında maliyyə, informasiya - kommunikasiya texnologiyaları, biotexnologiya, biotəhlükəsizlik və qida təhlükəsizliyi, infrastruktur və kommunal xidmətlər, ətraf mühit elmləri və tibb ixtisasları daxildir.
Proqramda iştirak etmək arzusunda olan namizədlər cari ilin 15 iyun tarixinə qədər http://www.portal.mohe.gov.my/portal/page/portal/ExtPortal/Basic_search internet səhifəsində elektron qeydiyyatdan keçməlidirlər.
|
|
08.06.11 Məqaləni oxumaq
|
| |
|
|
|
Pan Qi Mun istəyini rəsmən açıqladı
|
|
BMT-nin baş katibi Pan Qi Mun rəsmən ikinci dəfə qurumun baş katibi olmaq istədiyini açıqlayıb. «KƏLAMİNFO» "İnterfaks"a istinadən bildirir ki, baş katib bununla bağlı Baş Assambleyaya və Təhlükəsizlik Şurasına məktub göndərdiyini açıqlayıb. Nizamnaməyə görə, baş katib TŞ üzvlərinin təklifi və Baş Assambleya tərəfindən təsdiq olunduqdan sonra bu posta seçilir. Onun səlahiyyət müddəti bu ilin sonunda başa çatır. O, hələ ki, bu posta irəli sürülən ilk namizəddir. Fransa və Çin onun namizədliyini artıq dəstəklədiklərini bildiriblər.
|
|
08.06.11 Məqaləni oxumaq
|
| |
|
|
|
Fərasət Qurbanov: “QHT-lərə ayrılan vəsait azdır”
|
|
“Turizmlə bağlı QHT-lərə ayrılan vəsait olduqca azdır. Məhz buna görə biz ixtisaslaşmış təşkilatların iştirakını daha arzuolunan sayırıq”. “KƏLAMİNFO”nun məlumatına görə, bunu QHT-lərə Dövlət Dəstəyi Şurası Katibliyinin İcraçı Direktoru Fərasət Qurbanov deyib. Onun sözlərinə görə, vəsaitin azlığı ümumiyyətlə şuranın özünün büdcəsinin az olması ilə əlaqədardır: “Biz əlbəttə, istərdik vəsait çox olsun, daha böyük layihələr maliyyələşdirilsin. Çünki turizm bir illə bitmir, turizm ölkənin əsas biznes sahələrindən birinə çevrilməlidir. İstərdik ki, turizm davamlı olaraq ölkəmizin həm iqtisadiyyatına öz töhfəsini versin, həm də ölkəmizin tanıdılması baxımından əhəmiyyəti daha da artsın. Buna böyük vəsait lazımdır. Amma QHT işinin əsas mahiyyəti ondan ibarətdir ki, az vəsaitlə çox iş də görmək mümkündür”.
|
|
08.06.11 Məqaləni oxumaq
|
| |
|
|
|
Barak Obama: ABŞ Azərbaycanla davamlı əməkdaşlıq etmək niyyətindədir
|
|
Azərbaycanda dövlət və özəl sektorlar arasında uğurlu əməkdaşlıq öz növbəsində beynəlxalq ictimaiyyətin qlobal enerji tələbatının ödənilməsinə böyük töhfə verib. “KƏLAMİNFO” xəbər verir ki, bu barədə ABŞ prezidenti Barak Obama “18-ci Beynəlxalq Xəzər Neft və Qaz, Qaz Emalı və Neft Kimyası Sərgi”sinin açılışı münasibəti ilə prezident İlham Əliyevə yazdığı təbrik məktubunda bildirib. Məktubda qeyd olunur ki, ən böyük və geniş layihələrdən olan “Cənub dəhlizi”nə qoşulmaq barədə verilən qərar Azərbaycanda energetika sahəsində yeni mərhələnin başlanmasına, həmçinin ölkə iqtisadiyyatının inkişafına təkan verəcək, təbii qaz ehtiyatlarının mənimsənilməsini təkmilləşdirəcək.
|
|
08.06.11 Məqaləni oxumaq
|
| |
|
|
|
Vitse-prezident Arif Həşimov Türkiyəyə gedəcək
|
|
AMEA-nın birinci vitse-prezidenti, akademik Arif Həşimov iyunun 19-da Türkiyəyə səfər edəcək. Bu barədə məlumat “KƏLAMİNFO”ya AMEA-dan veriblər.
Məqsəd Türkiyənin Doğuş Universiteti tərəfindən İstanbul şəhərində təşkil ediləcək Engin Arık və onun həmkarlarının xatirəsinə həsr edilən Parçacıq Fizikası üzrə II Beynəlxalq konfransda iştirak etməkdir.
|
|
08.06.11 Məqaləni oxumaq
|
| |
|
|
|
Səhifələr : # 16 17 18 19 20 21 22 23 24 # |
|
Torpaqlarımızı qaytaraq..
|
| |
|
|
|
Açılış Səhifəsi et 
