|
|
Səhifələr : # 1 2 3 4 5 6 7 8 9 #
|
|
Füzuli Ələkbərov: 2015-ci ilə kimi ölkədə yoxsulluğun tamamilə aradan qaldırılacağı gözlənilir
|
|
“Bu gün ölkəmizdə uğurla həyata keçirilən modern sosial siyasətin malik olduğu konkret parametrlərdən biri yoxsulluğun azaldılmasıdır. Qeyd edilən istiqamətdə Prezident İlham Əliyevin 2008-ci il sentyabrın 15-də təsdiq etdiyi "2008-2015-ci illərdə Azərbaycan Respublikasında yoxsulluğun azaldılması və davamlı inkişaf Dövlət Proqramı" uğurla icra edilir’. “KƏLAMİNFO” xəbər verir ki, bu fikirləri yap.org.az saytına müsahibəsində əmək və əhalinin sosial müdafiəsi naziri Füzuli Ələkbərov deyib.
Nazirin sözlərinə görə, bunun nəticəsidir ki, 2010-cu ilin yekunlarına əsasən, ölkəmizdə yoxsulluq səviyyəsi 9 faiz təşkil edib və 2015-ci ilə kimi ölkədə yoxsulluq probleminin tamamilə aradan qaldırılacağı gözlənilir.
F.Ələkbərov bildirib ki, 2003-2010-cu illər ərzində ölkəmizə 900 mindən çox iş yerinin açılması yoxsulluğun ləğvinə uğurlu töhfə verib, digər tərəfdən, əmək haqqı sisteminin mütəmadi təkmilləşdirilməsi, vətəndaşların məşğulluq imkanlarının artırılması və onların potensial imkan və qabiliyyətləri sayəsində gəlirlərini artırmasına münbit şəraitin yaradılması və s. amillər bu uğurun əldə edilməsində mühüm rol oynayıb.
|
24.06.11 Məqaləni oxumaq
|
| |
|
|
|
Bu il müəllimlərə təyinat verilməyəcək
|
|
Bu il müəllimlər təhsil müəssisələrinə təyinatla göndərilməyəcək. Ona görə də iyul ayının 1-dən etibarən vakant yerlər elan ediləcək və elektron ərizələr qəbul ediləcək. “KƏLAMİNFO” xəbər verir ki, bu barədə açıqlamanı Təhsil Nazirliyinin Strateji təhlil, planlaşdırma və kadrların idarə olunması şöbəsinin müdiri Fərzəli Qədirov söyləyib.
Şöbə müdiri qeyd edib ki, elanda həm ümumi qayda ilə işə qəbul, həm də güzəştli şərtlərlə ucqar kənd məktəblərinə qəbul prosesi barədə məlumat veriləcək. Onun sözlərinə görə, iyulun 15-dək sənədlər qəbul ediləcək: “Sonra Təhsil Nazirliyi tərəfindən müəyyən təhlil aparılacaq və avqust ayından isə imtahan keçiriləcək”. F.Qədirov güman edir ki, yeni dərs ilinə qədər müəllimləri iş yerlərinə göndərə biləcəklər.
Ölkədə 2 minə qədər vakant yerin olduğunu açıqlayan F.Qədirov Bakıda fiziki tərbiyə, gənclərin hərbi çağırışa qədərki, informatika fənn müəllimlərinə daha çox ehtiyac olduğunu vurğulayıb. Onun sözlərinə görə, rayon yerlərində isə əsasən Azərbaycan dili, ədəbiyyat, kimya, fizika, biologiya, xarici dil fənn müəllimlərinə ehtiyac var. O, daha çox İmişli, Yardımlı, Masallı, Cəlilabad rayonlarında müəllimlərə böyük ehtiyac olduğunu açıqlayıb.
F.Qədirov müəllimlərin attestasiyadan keçməsi məsələsinə də münasibət bildirib. O qeyd edib ki, hələlik Azərbaycanda müəllimlərin attestasiyasını keçirməyə ehtiyac yoxdur: “Dünyada da müəllimləri attestasiyası adlı mexanizm yoxdur. Hər təhsil müəssisəsi özü mütəmadi olaraq müəllimlərin monitorinqini keçirir, müşahidələr aparır və onların fəaliyyətini qiymətləndirir. Müəllimlərin inkişafı ilə məktəb məşğul olmalıdır. Təhsil Nazirliyi ölkədə olan yüz yetmiş minə yaxın müəllimin monitorinqini apara bilməz. Biz təhsil müəssisələri, yerli təhsil idarəetmə orqanlarına tapşırıq vermişik və onlar mütəmadi olaraq bu işləri aparır”.
|
|
24.06.11 Məqaləni oxumaq
|
| |
|
|
|
Rusiya XİN prezidentlərin Kazan görüşü ilə bağlı bəyanat yayıb
|
|
Rusiya Xarici İşlər Nazirliyi Azərbaycan, Ermənistan və Rusiya prezidentlərinin Kazan görüşü ilə bağlı bəyanat yayıb. “KƏLAMİNFO” xəbər verir ki, bəyanatda bildirilir ki, sabah Kazanda Azərbaycan prezidenti İlham Əliyev və Ermənistan prezidenti Serj Sərkisyanın Rusiya prezidenti Dmitri Medvedyevin iştirakı ilə görüşü keçiriləcək: “Bu görüşün Dağlıq Qarabağ münaqişəsinin nizamlanması prosesində müəyyən mərhələnin keçilməsi xarakteri daşıyacağı gözlənilir. Gözləyirik ki, Bakı və İrəvan ATƏT-in Minsk Qrupuna həmsədrlik edən ölkələrin dövlət başçılarının Dovil bəyanatına konstruktiv münasibət bildirəcəklər. Rusiya, ABŞ və Fransa prezidentləri bu bəyanatda Azərbaycan və Ermənistan liderlərini siyasi iradə nümayiş etdirməyə və Kazan sammitinin gedişində Dağlıq Qarabağ münaqişəsinin nizamlanmasının əsas prinsiplərinin layihəsini müzakirə etdirməyi başa çatdırmağa çağırıblar. Kazanda müzakirə olunacaq sənəd tərəflərin və həmsədr ölkələrin birgə işinin mühüm dövrünün məhsuludur və irəliyə addım atmaq və hamı tərəfindən qəbul edilən Sülh Sazişi hazırlamaq üçün real əsas yaradır. Ümidvarıq ki, tərəflər sülh, regionun inkişafı və çiçəklənməsi naminə bu əsasa söykənərək razılığa gələcəklər”.
|
|
24.06.11 Məqaləni oxumaq
|
| |
|
|
|
Zərdüşt Əlizadə: “Ermənistan Azərbaycandan təminat istəyir ki, müharibə olmasın”
|
|
“İndiyə qədər Dağlıq Qarabağla bağlı danışıqların yeganə düyün nöqtəsi odur ki, Ermənistan işğal etdiyi bu bölgəyə status tələb edir. Azərbaycanın isə buna razılaşması Qarabağı itirmək deməkdir”. Bunları “KƏLAMİNFO”ya müsahibəsində politoloq Zərdüşt Əlizadə deyib. O qeyd edib ki, ermənilərin Qarabağa status tələbi indi də olmasa. beş il, on il sonra üçün də nəzərdə tutulub. “Amma Azərbaycanın istənilən vaxt buna razılıq verməsi Qarabağa əlvida deməyə bərabərdir” - deyə Z.Əlizadə vurğulayıb. Onun sözlərinə görə, indi ermənilərin də Kazan görüşü ərəfəsində dirənişi budur ki, statusla bağlı təminat alsınlar. “Ermənistan Azərbaycandan təminat istəyir ki, müharibə olmasın və beş, lap on ildən sonra referendum olacaq. Azərbaycanın isə buna razılaşması ağlabatan deyil” - deyə o, əlavə edib.
|
|
24.06.11 Məqaləni oxumaq
|
| |
|
|
|
“Google” rekord vurub
|
|
“Google” şirkətinin açıqladığı son məlumatda deyilir ki, may ayında şirkətin müxtəlif veb səhifələrinə bir milyarddan çox insan daxil olub. İnternetdə onun fəaliyyətini izləyən ComScore bir şirkətin saytlarından bu qədər istifadə edilməni rekord adlandırıb. «KƏLAMİNFO»nun «Amerikanın səsi»nə istinadən yaydığı məlumatda qeyd edilir ki, son məlumata görə, bir il əvvəllə müqayisədə keçən ay “Google” istifadəçisinin sayı 8 faiz artıb. İkinci yerdə qərarlaşan “Microsoft” istifadəçilərinin sayı isə ondan 100 milyon azdır. “Facebook” isə 700 milyon istifadəçi ilə üçüncü yerdədir.
|
|
23.06.11 Məqaləni oxumaq
|
| |
|
|
|
Fransanın keçmiş dövlət katibinə rəsmən ittiham irəli sürülüb
|
|
Fransa hökumətinin dövlət xidməti üzrə keçmiş dövlət katibi Jorj Trona qarşı rəsmən ittiham irəli sürülüb. O, iki qadını zorlamaqda günahkar bilinib. «KƏLAMİNFO» «Franc-Press» agentliyinə istinadən xəbər verir ki, məhkəmə iddiası ona qarşı 2011-ci ilin mayında irəli sürülüb.
1995-ci ildə Paris yaxınlığındakı Drevey şəhərində mer vəzifəsində çalışan zaman Tron massaj etmək adı altında əməkdaşları otağına çağırır və bu zaman onlara qarşı zorakılıqlara yol verirmiş. Qadınların bu hadisənin üstündən uzun müddət keçdikdən sonra indi səslərini çıxarmasına səbəb isə BVF-nin rəhbəri Dominik Stros-Kanın həbsi olub. Onlar həmin gurultulu həbsdən sonra Tronun da ədalət məhkəməsi qarşısında durmasını istədiklərini bildiriblər.
Qeyd edək ki, Tron ittihamlarla bağlı 2010-cu ildən çalışdığı dövlət katibi vəzifəsindən istefa verib. Ötən gün məhkəmə onu girov qoymaq müqabilində azadlığa buraxıb. Eks-nazir ona qarşı irəli sürülən ittihamları rədd edir.
|
|
23.06.11 Məqaləni oxumaq
|
| |
|
|
|
Müəllimlərin birdən, yoxsa mərhələ-mərhələ təqaüdə göndəriləcəyi dəqiqləşməyib
|
|
Azərbaycanın təhsil müəssisələrində 65 yaşı tamam olan müəllimlərin hansı qaydada təqaüdə göndəriləcəyi hələlik dəqiqləşməyib. “KƏLAMİNFO” xəbər verir ki, bu barədə açıqlamanı Təhsil Nazirliyinin Strateji təhlil, planlaşdırma və kadrların idarə olunması şöbəsinin müdiri Fərzəli Qədirov söyləyib.
Hazırda Azərbaycanın təhsil sistemində 65 yaşı tamam olan 17 000 işçinin fəaliyyət göstərdiyini diqqətə çatdıran F.Qədirov qeyd edib ki, bu, ümumi müəllimlərin 10 faizini təşkil edir: “Bu o qədər böyük rəqəm deyil. Hesab etsək ki, ölkədə müəllim sıxlığı var, yaşla əlaqədar atılacaq addım məktəblərdə ciddi kadr çatışmazlığına gətirib çıxarmayacaq. Bir qədər ciddi vəziyyət ucqar kənd məktəblərində yarana bilər. Hansı ki, orada hər fənn üzrə bir müəllim çalışır.
|
|
23.06.11 Məqaləni oxumaq
|
| |
|
|
|
Dövlət qulluqçularının 300 nəfərinin yaşı 65 və ondan yuxarıdır
|
|
Hazırda Prezident yanında Dövlət Qulluğu Məsələləri üzrə Komissiya ölkədə dövlət qulluqçularının reyestrini aparır. Sözügedən reyestrə 12000 dövlət qulluqçusu haqqında məlumat daxildir. “KƏLAMİNFO” xəbər verir ki, bunu jurnalistlərə açıqlamasında Prezident yanında Dövlət Qulluğu Məsələləri üzrə Komissiyanın sədri Bəhram Xəlilov verib.
Komissiya sədri deyib ki, reyestrə daxil edilən dövlət qulluqçularının 300 nəfərinin yaşı 65 və ondan yuxarıdır. B.Xəlilov deyib ki, 65 yaşa çatan işçilər barəsində iki qərardan biri qəbul ediləcək. "Onlar ya təqaüdə göndəriləcək, ya da çalışdıqları dövlət orqanının rəhbərinin razılığı ilə onlarla 1 il müddətinə əmək müqaviləsi bağlanacaq. Bu hal 5 dəfə təkrar oluna bilər",- deyə komissiya sədri bildirib.
B.Xəlilov hazırda Azərbaycanda 30 min dövlət qulluqçusunun olduğunu vurğulayıb.
|
|
23.06.11 Məqaləni oxumaq
|
| |
|
|
|
Levon Ter-Petrosyan: “Azərbaycan bizdən 5 dəfə yüksəyə qalxıb”
|
|
Ermənistanın eks-prezidenti Levon Ter-Petrosyan Rusiyanın «Moskovski komsomolets» qəzetinə verdiyi müsahibədə bir sıra maraqlı etiraflar edib. Müsahibəsini Dağlıq Qarabağ münaqişənin başlandığı dövrdə baş verən hadisələrlə başlayan eks-prezident bildirib ki, SSRİ-nin dağılmasından sonra yaradılan MDB Ermənistan üçün həyati əhəmiyyət kəsb edib. Onun sözlərinə görə, bu qurumsuz Ermənistan özünü rahat hiss edə bilməzdi: «Ermənistanın təhlükəli qonşuları var». Sonra isə Kollektiv Təhlükəsizlik üzrə Müdafiə Təşkilatının fəaliyyətinə toxunan Petrosyan bildirib ki, bu qurumun onun üçün heç bir əhəmiyyəti yoxdur. Onun qənaətincə, Ermənistan üçün təhlükəsizlik təminatı MDB-dir.
|
|
23.06.11 Məqaləni oxumaq
|
| |
|
|
|
Mark Toner: “Kazan görüşündə imkanlar var”
|
|
Dağlıq Qarabağ münaqişəsinin nizamlanması ilə bağlı Azərbaycan və Ermənistan prezidentlərinin Kazan görüşü münaqişə tərəflərinə fikir ayrılıqlarını sülh yolu ilə həll etməyə imkan verir. «KƏLAMİNFO» «ArmTodey»ə istinadən xəbər verir ki, bunu ABŞ Dövlət Departamentinin mətbuat katibi Mark Toner bildirib. Qarşıdan gələn görüşü şərh edən Toner bildirib ki, «bu görüşdə imkanlar var və tərəflər münaqişənin sülh ilə həlli üçün bu imkandan istifadə etməlidirlər».
|
|
23.06.11 Məqaləni oxumaq
|
| |
|
|
|
Səhifələr : # 1 2 3 4 5 6 7 8 9 # |
|
Torpaqlarımızı qaytaraq..
|
| |
|
|
|
Açılış Səhifəsi et 
