|
Səhifələr : # 8 9 10 11 12 13 14 15 16 #
Hakerlər Mərkəzi Kəşfiyyat İdarəsinin saytını dağıdıb
|
«Lulz Security» hakerlər qrupu bu dəfə Mərkəzi Kəşfiyyat İdarəsinin saytını dağıdıb. Xüsusi xidmətin resursuna daxil olmaqda problem yarandıqdan sonra bu barədə məlumat yayılıb. «Lulz Security» bununla bağlı məsuliyyəti öz üzərinə götürüb.
Adıçəkilən haker qrupu bundan əvvəl Konqresin saytını dağıtmışdı. MKİ-nin rəsmi nümayəndəsi Meri Harf bildirib ki, kompyuter xuliqanları MKİ-nin hamının daxil ola bildiyi saytına hücum ediblər və orada heç bir məxfi məlumat yoxdur. O, əlavə edib ki, hakerlərin bu addımı MKİ-nin fəaliyyətinə təsir etməyib. «KƏLAMİNFO» «Associated Press»ə istinadən xəbər verir ki, «Lulz Security» əvvəllər «Sony», «Nintend» və «Fox News»a da hücum edib.
|
16.06.11 Məqaləni oxumaq
|
|
|
Əbülfəs Qarayev: “Azərbaycana 50-60 min turistin gələcəyi gözlənilir”
|
“Eurovision-2012” müsabiqəsinin Bakıda keçirilməsi ilə bağlı Azərbaycana 50-60 min turistin gələcəyi gözlənilir. “KƏLAMİNFO” xəbər verir ki, bu sözləri mədəniyyət və turizm naziri Əbülfəs Qarayev deyib.
Onun sözlərinə görə, Bakıya gələcək turistlərin qəbulu üçün bir sıra nazirliklər və dövlət qurumları öz səlahiyyətləri çərçivəsində müvafiq işlər görürlər. “Bunun üçün Azərbaycanda 6 beşulduzlu otel istifadəyə veriləcək və bundan başqa qonaqların qəbulu üçün 3 kompleksdə hazırlıq gedir”,-deyə nazir vurğulayıb.
Ə.Qarayev turistlərin online sistemi ilə təmin olunması üçün sentyabr-oktyabr aylarından başlayaraq bütün otellərdə online sistemi qurulacağını da əlavə edib.
|
16.06.11 Məqaləni oxumaq
|
|
|
Əli Həsənov: “Sərhədlər açılsa, azərbaycanlılar İrəvanda yaşaya bilər”
|
İrəvanın Azərbaycan torpağı olduğunu iddia etməsək də, vətəndaşlarımızın orada yaşadığını iddia edirik. “KƏLAMİNFO” xəbər verir ki, bu sözləri baş nazirin müavini, Qaçqın və Məcburi Köçkünlərin İşləri üzrə Dövlət Komitəsinin sədri Əli Həsənov deyib. Onun sözlərinə görə, ümummilli lider Heydər Əliyevin 2005-ci ildə verdiyi Fərmana əsasən 1988-ci ildə Ermənistandan Azərbaycana gələn qaçqınlara Azərbaycan vətəndaşlığı verilsə də, onların üzərində qaçqın statusu saxlanılır. “Əgər sülh prosesi bərpa olunsa, yəni sərhədlər açılacağı təqdirdə azərbaycanlılar İrəvanda yaşaya bilər”,-deyə Ə.Həsənov vurğulayıb. O, əlavə edib ki, həmin şəxslər Azərbaycan vətəndaşlığı hüququ alsalar da, Ermənistan qaçqınları hesab olunurlar.
|
16.06.11 Məqaləni oxumaq
|
|
|
Ombudsmanların IX Bakı Beynəlxalq Konfransı keçirilib
|
Bu gün “Milli azlıqların və miqrantların mədəni hüquqları: hüquqi aspektlər və implementasiya” mövzusunda Ombudsmanların IX Bakı Beynəlxalq Konfransı keçirilib. “KƏLAMİNFO” xəbər verir ki, tədbir 18 iyun “İnsan Hüquqları Günü”nə, dövlət müstəqilliyinin 20 illiyinə, Vətəndaş və siyasi hüquqlar, İqtisadi sosial və mədəni hüquqlar haqqında Beynəlxalq Paktların 45 illiyinə həsr olunub. İnsan Hüquqları üzrə Müvəkkil Elmira Süleymanova ölkədə milli azlıq və miqrantların vəziyyəti barədə məlumat verib. O, miqrantların sayının çox olmasını Azərbaycanın vəziyyəti, inkişafı ilə də əlaqələndirib. “9 milyon əhalisi olan ölkəmizdə 90-a qədər milli, etnik azlıq qruplar var. Bu həm də ölkədə dini müxtəlifliyə zəmin yaradıb. “Vəzifədə olduğum 9 il müddətində Aparata milli zəmində şikayət daxil olmayıb. 100 illərdir Azərbaycanda müxtəlif azsaylı xalqlar yaşayır. Onlar bütün proseslərdə bərabərhüquqlu vətəndaş kimi çıxış edirlər. Bu xalqların milli, dini ayrı seçkiliyə məruz qalmağına yol verilə bilməz. Bu sahədə görülən işlərlə bərabər, hüquqi institut da yaratmağı planlaşdırırıq”,-deyə, E.Süleymanova nəzərə çatdırıb.
|
16.06.11 Məqaləni oxumaq
|
|
|
Ərdoğan istirahətə yollanıb
|
Türkiyənin baş naziri Rəcəb Tayyib Ərdoğan yeni kabinet formalaşana kimi ailəsi ilə birlikdə istirahətə yollanıb. «KƏLAMİNFO» «CNN-Turk»ə istinadən xəbər verir ki, baş nazirin, həmçinin yeni seçilən 326 deputatla görüşü də nəzərdə tutulub. Lakin hələ ki, görüşün istirahətdən əvvəl və yaxud sonra baş tutacağı bəlli deyil. İyunun 25-də andiçmə mərasimindən sonra Ərdoğanın yeni hökuməti təşkil edəcəyi bildirilib.
|
16.06.11 Məqaləni oxumaq
|
|
|
Azərbaycanda “109” məlumat xidməti yenidən qurulacaq
|
Azərbaycanda “109” məlumat xidməti modernləşdirilərək müasir standartlara uyğun olaraq yenidən qurulacaq. Bu barədə məlumatı “KƏLAMİNFO”ya Rabitə və İnformasiya Texnologiyaları Nazirliyinin mətbuat katibi Müşviq Əmirov verib.
O, qeyd edib ki, xidmətin tamamilə avtomatlaşdırılması nəzərdə tutulub. “Burada sorğu üçün zəng edən vətəndaşın nömrəsi avtomatik qeydə alınacaq. Burada əməliyyatçılar da xidmət göstərəcək”,-deyə M.Əmirov vurğulayıb. O, bildirib ki, bu istiqamətdə işlərə yaxın vaxtda başlanılacaq.
Qeyd edək ki, “012-109” xidmətinə zəng ödənişlidir və zəng edən vətəndaşlara telefonla bağlı istənilən məlumat verilir.
|
16.06.11 Məqaləni oxumaq
|
|
|
Vətəndaşlar tərəfindən Konstitusiya Məhkəməsinə 800-ə yaxın müraciət daxil olub
|
Cari il ərzində Konstitusiya Məhkəməsinə məhkəmələr tərəfindən 15 müraciət daxil olub. “KƏLAMİNFO” xəbər verir ki, bunu jurnalistlərə açıqlamasında Konstitusiya Məhkəməsinin sədri Fərhad Abdullayev bildirib. Onun sözlərinə görə, il ərzində vətəndaşlar tərəfindən isə Konstitusiya Məhkəməsinə 800-ə yaxın müraciət edilib.
F.Abdullayev Konstitusiya Məhkəməsinin tövsiyələri əsasında Milli Məclisdə 8 qanuna dəyişiklik edildiyini söyləyib.
|
16.06.11 Məqaləni oxumaq
|
|
|
Əli Həsənov: “Ermənistan rəhbərliyi xalqına hörmət etsəydi, xalq belə acınacaqlı vəziyyətdə yaşamazdı”
|
“Mən Ermənistan rəhbərliyinə yox, Ermənistan xalqına müraciət edirəm ki, öz rəhbərliklərini düzgün yola çəksinlər”. “KƏLAMİNFO” xəbər verir ki, bu sözləri baş nazirin müavini, Qaçqın və Məcburi Köçkünlərin İşləri üzrə Dövlət Komitəsinin sədri Əli Həsənov deyib. Onun sözlərinə görə, müharibədə Ermənistan tərəfi çox uduzdu: “Əgər Ermənistan rəhbərliyi xalqına hörmət etsəydi, xalq belə acınacaqlı vəziyyətdə yaşamazdı”. Ə.Həsənov bildirib ki, müharibə şəraitində olmasaydıq, Bakı-Tbilisi-Ceyhan kəməri Ermənistan ərazisindən keçərdi. Buna görə də Ermənistan öz günahından çoxlu vəsait itirib. O, Ermənistanda qaçqınların çox əziyyət çəkdiyini də əlavə edib. “Düzdür bizdə də qaçqınlar var, ancaq ölkə rəhbərliyi onlar üçün istənilən şəraiti yaradıb” - deyə Ə. Həsənov vurğulayıb.
|
16.06.11 Məqaləni oxumaq
|
|
|
Bakıda Ombudsmanların IX Beynəlxalq Bakı Konfransı işə başlayıb
|
Bu gün Bakıda Ombudsmanların IX Beynəlxalq Bakı Konfransı öz işinə başlayıb. “KƏLAMİNFO” xəbər verir ki, “Milli azlıqlar və miqrantların mədəni hüquqları: hüquqi aspektlər və implementasiya” mövzusunda keçirilən konfransda dünyanın 50-yə yaxın ölkəsini təmsil edən ombudsman və əməkdaşları iştirak edib.
Konfransda çıxış edən ombudsman Elmira Süleymanova bu cür mövzunun seçilməsinin təsadüfi olmadığını bildirib. Onun sözlərinə görə, Azərbaycan tarixən miqrantlar üçün cəlbedici ölkə olub. Burada onlar üçün tolerant şərait yaradılıb. Ombudsman, həmçinin Azərbaycanda miqrantların sayının artdığını da qeyd edib. “Konfransda ilk dəfə özümün də üzv olduğum Asiya Ombudsman Assosiasiya rəhbərləri də iştirak edir” - deyə Elmira Süleymanova bildirib.
|
16.06.11 Məqaləni oxumaq
|
|
|
İran İslam Şurası Məclisinin sədri Azərbaycana gəlir
|
İran İslam Şurası Məclisinin sədri Seyid Əli Laricani iyunun 30-da Azərbaycana rəsmi səfər edəcək. Azərbaycanın Tehrandakı səfirliyindən “KƏLAMİNFO”ya verilən məlumata görə, səfər Milli Məclisin sədri Oqtay Əsədovun dəvəti əsasında həyata keçiriləcək.
Səfər iki gün davam edəcək. Səfər zamanı Əli Laricani Bakıda bir sıra rəsmi görüşlər keçirəcək.
|
16.06.11 Məqaləni oxumaq
|
|
|
|
Səhifələr : # 8 9 10 11 12 13 14 15 16 #
|
Torpaqlarımızı qaytaraq..
|
|
|
|