|
|
Səhifələr : # 1 2 3 4 5 6 7 8 #
|
|
Daxili İşlər Nazirliyində kadr dəyişikliyi olub
|
|
Daxili İşlər Nazirliyində kadr dəyişikliyi olub. “KƏLAMİNFO” xəbər verir ki, nazirliyin Baş İstintaq və Təhqiqat İdarəsində Təhqiqat İdarəsinin rəisi, polis polkovniki Zöhrab Qəndilov xidməti fəaliyyətini davam etdirə bilməyəcəyini əsas gətirərək, öz raportu əsasında xəstəliyi ilə əlaqədar bir müddət öncə təqaüdə göndərilib.
Qeyd edək ki, Z.Qəndilovun yerinə hələki təyinat olmayıb.
|
25.06.11 Məqaləni oxumaq
|
| |
|
|
|
Azərbaycan və ABŞ prezidentləri arasında telefon danışığı olub
|
|
Amerika Birləşmiş Ştatlarının prezidenti Barak Obama Azərbaycan prezidenti İlham Əliyevə telefonla zəng edib. “KƏLAMİNFO” xəbər verir ki, telefon söhbətində ABŞ Prezidenti Azərbaycan, Ermənistan və Rusiya prezidentlərinin Kazanda keçiriləcək görüşü zamanı Ermənistan-Azərbaycan, Dağlıq Qarabağ münaqişəsinin sülh yolu ilə həlli istiqamətində münaqişə tərəfləri üçün həlledici addımın atılmasının önəmli olduğunu bildirib, münaqişənin Helsinki prinsipləri - güc işlətməmək, ərazi bütövlüyü, bərabər hüquqlar və öz müqəddəratını təyinetmə prinsipləri əsasında həll edilməsinin vacibliyini qeyd edib.
Söhbət zamanı ikitərəfli münasibətlər və digər məsələlərlə bağlı fikir mübadiləsi aparılıb.
|
|
25.06.11 Məqaləni oxumaq
|
| |
|
|
|
Azərbaycan “Montreux Jazz Festival-2011”-ə qatılacaq
|
|
Hər il İsveçrədə ənənəvi olaraq keçirilən Montre Caz Festivalının açılışı üçün son tamamlama işləri aparılır. “KƏLAMİNFO”nun xəbərinə görə, Azərbaycanın da qatılacağı dünyanın ən məşhur caz festivallarından olan “Montreux Jazz Festival-2011”-də “Ən yaxşı pianoçu” nominasiyası üzrə Emil Əfrasiyaboğlu mübarizə aparacaq. Fesival iyulun 1-dən 16-dək keçiriləcək.
Qeyd edək ki, ötən il də sözügedən festivalda ölkəmizə qalibiyyəti cazmen İsfar Sarabski gətirib.
|
|
24.06.11 Məqaləni oxumaq
|
| |
|
|
|
Klinton: Türkiyə silahlı qarşıdurmaya hazır olsun
|
|
ABŞ xarici işlər naziri Hillari Klinton Suriya hərbi qüvvələrinin Türkiyə sərhədinə yaxınlaşmasını narahatlıq doğuran bir hal kimi qiymətləndirib. “KƏLAMİNFO” CNN-ə istinadən xəbər verir ki, Klinton Türkiyəni silahlı qarşıdurmaya hazır olmağa çağırıb. Nazir xanım silahlı qarşıdurmanın qaçqınların vəziyyətini ağırlaşdıracağından ehtiyatlanır. “Əgər bizə verilən məlumatlar təsdiqini tapar və Türkiyə tərəfinə atəş açılarsa, Suriyanın bu təcavüzkar mövqeyi bütün dünyanı qarşısına almaqdan başqa bir işə yaramayacaq” deyən Klinton sərhəddəki qarşıdurmada Türkiyənin yanında olacağını və vətəndaşların təhlükəsizliyi təmin edildiyi halda Suriya qoşunları ilə hər cür mübarizəyə hazır olduqlarını da vurğulayıb.
|
|
24.06.11 Məqaləni oxumaq
|
| |
|
|
|
Bakıda əmək miqrantları ilə bağlı beynəlxalq seminar keçiriləcək
|
|
İyunun 28-29-da Bakıda “Əmək Miqrantlarının Sosial Müdafiəsi və Qloballaşma” mövzusunda beynəlxalq texniki seminar keçiriləcək. “KƏLAMİNFO” Dövlət Sosial Müdafiə Fonduna istinadən bildirir ki, Fondun, Beynəlxalq Sosial Təminat Assosiasiyasının (BSTA) və Beynəlxalq Pensiya və Sığorta Fondları Assosiasiyasının (BPSFA) birgə təşkilatçılığı ilə baş tutacaq beynəlxalq tədbirdə Almaniya, Rusiya, Hollandiya, Albaniya, Polşa, Moldova, Qazaxıstan, Tacikistan, İspaniya, İsveç və s. ölkələrin sığorta-pensiya fondlarının rəhbər şəxsləri iştirak edəcəklər. Bundan başqa, seminara Qeyri-Dövlət Pensiya Fondları Milli Assosiasiyası, Beynəlxalq Əmək Təşkilatı və bir sıra nüfuzlu qurumların nümayəndələri qatılacaqlar.
|
|
24.06.11 Məqaləni oxumaq
|
| |
|
|
|
“Əhalinin sağlamlığı haqqında” qanuna dəyişikliklər müzakirəyə çıxarılıb
|
|
Milli Məclisin bu gün keçirilən son növbədənkənar iclasında “Əhalinin sağlamlığı haqqında” qanuna dəyişikliklər müzakirə olunub. “KƏLAMİNFO” xəbər verir ki, dəyişikliklərə görə, məişət zorakılığından zərər çəkmişlərin dövlət səhiyyə sistemi müəssisələrində ixtisaslaşdırılmış tibbi yardımla pulsuz təmin olunmaları nəzərdə tutulub. Eyni zamanda qeyd olunur ki, övladlarına qarşı məişət zorakılığı ilə bağlı hərəkətlər törədən şəxslər valideynlik hüququndan məhrum ediləcəklər.
Həmçinin parlamentin növbədənkənar iclasında Azərbaycan və Mərakeş arasında imzalanan bir sıra dövlətlərlərarası müqavilələr təsdiq olunub.
|
|
24.06.11 Məqaləni oxumaq
|
| |
|
|
|
Həkimlərin və müəllimlərin əmək haqları iki dəfəyədək qaldırılacaq
|
|
Azərbaycanda həkimlərin və müəllimlərin dövlət qulluğu ilə bağlı statusu müəyyən edildikdən sonra onların əmək haqları iki dəfəyədək qaldırılacaq. “KƏLAMİNFO” xəbər verir ki, bu barədə jurnalistlərə açıqlamasında Milli Məclisin Sosial siyasət komitəsinin sədr müavini Musa Quliyev bildirib. O qeyd edib ki, Azərbaycan prezidentinin tapşırığına əsasən, həkim və müəllimlərə xüsusi dövlət qulluqçusu statusu verilməsi istiqamətində hökumət artıq müvafiq sənədlər üzərində işləyir və bu qaydalar avqustun sonuna hazır olacaq. “Həkim və müəllimlərin statusu təxminən vergi və hüquq-mühafizə orqanlarında çalışanların statusuna bərabər olacaq” - deyə millət vəkili vurğulayıb. Onun sözlərinə görə, sonra həkimlərin işəgötürmə prosesində də dəyişikliklər olacaq.
|
|
24.06.11 Məqaləni oxumaq
|
| |
|
|
|
Bir sıra Avropa ölkələri QHT maliyyələşdirilməsinin Azərbaycan modelindən yararlanmaq niyyətindədir
|
|
Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, Milli Məclisin deputatı Azay Quliyev Avropa İttifaqı və ECNL təşkilatının “QHT–hökumət əməkdaşlığının effektiv modeli” mövzusunda keçirdiyi regional konfransda iştirak edir. Tədbir Macarıstanın paytaxtı Budapeşt şəhərində keçirilir. Bu barədə məlumatı “KƏLAMİNFO”ya Şuradan veriblər.
Konfransda “Azərbaycanda QHT-hökumət əməkdaşlığı” mövzusunda təqdimatla çıxış edən A.Quliyev Azərbaycanda QHT sektorunun inkişaf dinamikası, QHT-hökumət münasibətlərinin yeni mərhələsi, QHT-lərə dövlət dəstəyinin əsas istiqamətləri, QHT qanunvericiliyi, QHT-lərin dövlət proqramlarında iştirakı, QHT-lərin maliyyələşdirilməsi mexanizmləri və qaydaları, layihələrin qiymətləndirmə prosedurları haqqında geniş məlumat verib.
|
|
24.06.11 Məqaləni oxumaq
|
| |
|
|
|
Ombudsman haqqında Konstitusiya Qanununa dəyişikliklər qəbul olunub
|
|
Bu gün Milli Məclisin bu mövsümdə son növbədənkənar iclası işə başlayıb. “KƏLAMİNFO” xəbər verir ki, iclasda “Azərbaycan Respublikasının İnsan hüquqları üzrə müvəkkili (ombudsman) haqqında” Konstitusiya Qanununa əlavələr və dəyişikliklər təkrar səsvermədə qəbul olunub. Dəyişikliklərdə informasiya məsələləri üzrə müvəkkillin səlahiyyətlərinin insan hüquqları üzrə müvəkkilə (ombudsmana) verilməsi əks olunub.
Qanunun birinci oxunuşu yanvarın 28-də olmuşdu. Konstitusiya qanunu 6 aydan sonra təkrar səsverməyə çıxarılır.
Qeyd edək ki, Milli Məclisin bugünkü iclasında əlavə 20 məsələnin müzakirəsi gözlənilir.
|
|
24.06.11 Məqaləni oxumaq
|
| |
|
|
|
Barak Obama: “Amerika indi öz problemlərinə diqqət yetirməlidir”
|
|
ABŞ prezidenti Barak Obama Amerika qüvvələrinin birinci hissəsinin Əfqanıstandan çıxarılması barədə açıqlama verib. İlin sonunadək 10000-ə qədər əsgərin Əfqanıstanı tərk edəcəyi planlaşdırılır. O, xalqa müraciətində Əfqanıstanın siyasi nizamlama məsələlərində bütün qüvvələrin, o cümlədən «Taliban»ın iştirak edə biləcəyini söyləyib. ABŞ prezidenti deyib ki, Əfqanıstana hücum 2001-ci ildə «Əl-Qaidə»nin Amerikaya qarşı hücumları ilə başlayıb: «Taliblərin Əfqanıstanın əksər hissəsini ələ keçirməsi bizi müharibəyə vadar edib. Amerikanın Əfqanıstandakı missiyası sonsuz deyil. «Əl-Qaidə» hələ də təhlükədir. Əlbəttə, böyük problemlər hələ də qalmaqdadır. Gələn ilin may ayında biz Əfqanıstanla bağlı strategiyamızı müəyyən edəcəyik. Biz Pakistandakı vəziyyətdən də narahatıq. Biz Pakistan rəsmiləri ilə birgə işləməklə ekstremizmin kökünü kəsməliyik. Son on il Amerika üçün çətin olub. Biz praqmatik olmalı, hədələri əvvəlcədən müəyyən etməliyik. Amerika yalnız qüdrət demək deyil, biz demokratiyanı müdafiə etməklə yanaşı, azadlıq uğrunda mübarizə aparanlara dəstək verməliyik. Hər şeydən öncə Amerika indi öz problemlərinə diqqət yetirməlidir. Mən bütün amerikalılar adından danışaraq demək istəyirəm ki, indi özümüzün prioritetlərinə diqqət verməliyik. Amerika elə bir ölkədir ki, qarşısına qoyduğu bütün məqsədlərə nail olur».
|
|
24.06.11 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
