|
|
Səhifələr : # 12 13 14 15 16 17 18 19 20 #
|
|
Dünyada İslam
|
Avstraliyada İslam muzeyi yaradılır
Avstraliyanın Tornberi şəhərində İslam dininə aid muzey yaradılacaq. Avstraliya İslam Muzeyi - qeyri-kommersiya təşkilatıdır. Bu qurum 2010-cu ildə məhz dini muzey tikilməsi məqsədilə yaradılb. Təşkilatın fəaliyyətinin məqsədi Avstraliyada və ölkədən kənarda yaşayan müsəlmanların hansı zəngin bədii irsə malik olduğunu göstərməkdir.
|
14.06.11 Məqaləni oxumaq
|
| |
|
|
|
Hacı Mirzə Səlim Axundzadə
|
Bir mücahidin ürək dağlayan həyat dramı
Zaqafqaziya Seyminin nümayəndəsi, Azərbaycan Xalq Cümhuriyyətinin banilərindən biri, ilk parlamentimizin üzvü Hacı Mirzə Səlim Axund Axundzadə öz dövrünün görkəmli siyasi xadimlərindəndir. Zəngin tərcümeyi–halı, əzablı taleyi olan bu görkəmli şəxsiyyət haqqında tədqiqatçılarımız tərəfindən bu günə kimi ətraflı araşdırmalar aparılmayıb. Onun vətəndən didərgin düşəndən sonra qələmə aldığı “Xatirələr”i təkcə o dövrün ictimai-siyasi hadisələrini deyil, həm də tariximizin müəyyən dönəmini öyrənmək baxımından çox qiymətlidir.
Hacı Mirzə Səlim Axund Axundzadə 1872-ci ildə Lənkəran şəhərində dünyaya gəlib. Atası Mirzə İsmayıl Qasir (1805-1900) öz dövrünün tanınmış şairi və görkəmli maarifçisi idi. Şirvandan Lənkərana köçəndən sonra “Üsuli-cədid” məktəbi yaradaraq, maarifçiliklə məşğul olmuşdu.
|
|
14.06.11 Məqaləni oxumaq
|
| |
|
|
|
Vəfa Quluzadə: “İranın əlində imkan olsa Qarabağı Ermənistana verərdi”
|
|
“Son günlər İranın Qarabağ kartından istifadə edərək Azərbaycan- Ermənistan arasındakı döyüşlərdə özünü ciddi şərik kimi qələmə verməsi ağ yalandır. İran Qarabağda heç nə etməyib”. Bunları “KƏLAMİNFO”ya müsahibəsində politoloq Vəfa Quluzadə bildirib. Politoloq deyib ki, İranın mücərrəd illuziyalarına aldanmağın yeri yoxdur. “Çünki Rusiya gəlib bütün torpaqları tutub, İranda oturub yerində. İran bunun əvəzində ermənilərə neft, yağ və yemək verib. Levon Ter-Petrosyan da öz bəyanatında etiraf edib ki, İran olmasaydı, Ermənistan artıq çökmüşdü. İranın Qarabağla bağlı danışıqlarda yeri yoxdur”,-deyə V.Quluzadə vurğulayıb. Politoloq deyib ki, onların bizə qarşı münasibətləri mənfidir.
“İranın əlində imkan olsa, Qarabağı da, qalan torpaqlarımızı da Ermənistana verərdi”,-deyə o, əlavə edib.
|
|
13.06.11 Məqaləni oxumaq
|
| |
|
|
|
Elmar Məmmədyarov: “Açıq qalan məsələlərlə bağlı son nəticə Kazan görüşündə bəlli olacaq”
|
|
“Azərbaycan, Ermənistan və Rusiya xarici işlər nazirlərinin görüşü kifayət qədər gərgin və məhsuldar olub”. “KƏLAMİNFO” xəbər verir ki, bu sözləri jurnalistlərə açıqlamasında xarici işlər naziri Elmar Məmmədyarov deyib. Onun sözlərinə görə, 3 saata yaxın davam edən görüşdə Dağlıq Qarabağ münaqişəsinin müxtəlif razılaşdırılmamış məsələləri müzakirə olunub.
“Bəzi məsələlər müzakirə olunaraq razılığa gəlinsə də, lakin elə məsələlər var ki açıq qaldı” - deyə xarici işlər naziri bildirib. Elmar Məmmədyarov hər 3 nazirin açıq qalmış məsələləri prezidentə məruzə edəcəklərini bildirib: “Əgər mümkün razılaşdırmalar olarsa, Kazan görüşünə qədər yenidən açıq qalmış məsələləri müzakirə edəcəyik. İstənilən halda açıq qalan məsələlərlə bağlı son nəticə Kazan görüşündə bəlli olacaq”.
Qeyd edək ki, iyunun 25-də Kazanda Azərbaycan, Ermənistan və Rusiya prezidentlərinin üçtərəfli görüşü olacaq.
|
|
13.06.11 Məqaləni oxumaq
|
| |
|
|
|
Toni Bleyr Qurani-Kərim oxuyur
|
|
İngiltərənin keçmiş baş naziri Toni Bleyr dünyadakı prosesləri yaxşı başa düşmək üçün hər gün Qurani-Kərimi oxuduğunu bildirib.
“KƏLAMİNFO” “haber365.com”a istinadən xəbər verir ki, Toni Bleyr “A journey” (Bir səyahət) adlanan kitabında qloballaşan dünyada “inanc” mövzusunda daha məlumatlı olmağın vacibliyini vurğulayaraq, bu səbəbdən hər gün mütəmadi olaraq Quran və İncil oxuduğunu qeyd edib.
İngiltərənin keçmiş baş naziri kitabında dünyanı başa düşmək üçün ilahi kitabları oxumağın səmərəli olduğunu bildirib. T.Bleyr Fələstin-İsrail məsələsini də indi dərk etdiyini qeyd edib. “Bəzən baş nazirlik postumdan getdiyim üçün özümü çox qəribə hiss edirəm”,-deyə T.Bleyr sonda vurğulayıb.
|
|
13.06.11 Məqaləni oxumaq
|
| |
|
|
|
Fazil Mustafa: “Biz mütləq nəticələr uğrunda mübarizə aparmırıq”
|
|
“Parlamentdə təmsil olunmayan müxalifətdən bizim əsas fərqimiz ondan ibarətdir ki, biz yuxarıdan islahatların keçirilməsinə üstünlük veririk”.
Bu barədə “KƏLAMİNFO”ya müsahibəsində Böyük Quruluş Partiyasının sədri, millət vəkili Fazil Mustafa bildirib. Millət vəkili deyir ki, onlar əsl siyasətçidirlər və mütləq nəticələr uğrunda mübarizə aparmırlar. “Biz cəmiyyətin tədrici uğurları üçün mübarizə aparırıq. Hakimiyyətin də buna daha da yaxın olmasına cəhd edirik. Məncə, İctimai Palata adlı qurum da bunu etməli idi. Təbii, hərə öz yolunu seçməkdə azaddır”-deyə F.Mustafa vurğulayıb.
Deputatın fikrincə, prezident korrupsiyaya qarşı mübarizəyə başlayarkən İctimai Palata mübarizəni müdafiə etməli idi, lakin edə bilmədilər. “Bununla onlar bir növ korrupsiyaya qarşı mübarizəyə təkan vermiş olardılar. Bunun daha çox müsbət effekti ola bilərdi, nəinki digər vasitələrin” - deyə o, əlavə edib.
|
|
13.06.11 Məqaləni oxumaq
|
| |
|
|
|
2520 bakalavr qəbul proqramını və ixtisasını seçib
|
|
Ali təhsil müəssisələrinin magistraturalarına 20 fevral tarixində keçirilmiş qəbul imtahanının birinci mərhələsinin nəticələrinə görə, müsabiqə şərtlərini ödəyərək imtahanın ikinci mərhələsinə buraxılmış bakalavrlardan bu günə qədər 2520-si internetlə elektron ərizələrinə daxil olaraq bitirdikləri bakalavr ixtisasına uyğun qəbul proqramını və ixtisaslaşmaları seçib təsdiq edib.
Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
Proqram və ixtisaslaşma seçimini təsdiqləməyən bakalavrların qeyd olunan proseduru vaxtında icra etmələri tələb olunur. Əks halda, onlar iyunun 26-da keçiriləcək magistraturaya qəbul imtahanının ikinci mərhələsinə buraxılmayacaqlar.
Təsdiq prosesi iyunun 15-də (saat 10:00-da) başa çatacaq.
|
|
13.06.11 Məqaləni oxumaq
|
| |
|
|
|
«Eurovision» qalibləri Natəvan Həbibiyə dəstək olacaqlar
|
|
Xəbər verdiyimiz kimi, müğənni Natəvan Həbibi iyunun 14-də Türkiyədə keçiriləcək «Turkvision» yarışmasında Azərbaycanı təmsil edəcək. “KƏLAMİNFO”nun məlumatına görə, nümayəndə heyəti sabah qonşu dövlətə yola düşür. Heyətin sırasına daxil olan radio aparıcısı İlahə Şıxlinskaya bildirib ki, müsabiqə Pamuqqalada keçiriləcək. Həmin yarışmaya «Eurovision»un builki qalibləri Eldar və Nigar da qonaq qismində qatılacaq və təmsilçimizə dəstək olacaqlar.
Qeyd edək ki, N.Həbibi yarışmada Murad Arifin bəstəsi olan «Təyyarələr»i səsləndirəcək.
|
|
11.06.11 Məqaləni oxumaq
|
| |
|
|
|
Uşaqlara qarşı məişət zorakılığı valideynlik hüququndan məhrum edə bilər
|
|
Bu gün Milli Məclisin Sosial siyasət komitəsinin iclası keçirilib. “KƏLAMİNFO” xəbər verir ki, komitə sədri Hadı Rəcəbli bildirib ki, iclasın gündəliyində Əmək Məcəlləsinə, “Psixiatriya yardımı haqqında”, “Əhalinin sağlamlığının qorunması haqqında” qanunlara və Ailə Məcəlləsinə dəyişikliklər müzakirə olunur. O, qeyd edib ki, Əmək Məcəlləsinə təklif olunana dəyişikliyə əsasən dövlət büdcəsindən maliyyələşən müəssisələrdə çalışanların yaş həddi ali təhsil müəssisələrində çalışanlara şamil edilməyəcək. Bildirilib ki, “Psixiatriya yardımı haqqında” qanuna isə 36 dəyişiklik təklif olunub.
Bu barədə komissiya sədrinin müavini Musa Quliyev məlumat verib. Dəyişiklik layihəsində qeyd olunub ki, psixiatriya stasionarına yerləşdirilən pasiyent Ombudsmanla görüşə, pul və digər vəsaitlərdən istifadə edə, dini ayinləri sərbəst şəkildə yerinə yetirə biləcək.
|
|
11.06.11 Məqaləni oxumaq
|
| |
|
|
|
Orta ixtisas təhsili müəssisələrinə sənəd qəbulunun vaxtı açıqlanıb
|
|
Tələbə Qəbulu üzrə Dövlət Komissiyası (TQDK) 2011-2012-ci tədris ili üçün orta ixtisas təhsili müəssisələrinə ümumi orta təhsil bazasında (9 illik) tələbə qəbulu elan edib. “KƏLAMİNFO” xəbər verir ki, TQDK-də mətbuat konfransı keçirən komissiyanın sədri Məleykə Abbaszadə bildirib ki, orta ixtisas təhsili müəssisələrinə qəbul imtahanlarında iştirak etmək üçün abituriyentlər iyunun 28-dən avqustun 10-dək internet vasitəsilə elektron ərizələrini doldurmalıdırlar. Bakalavr piləsindən fərqli olaraq onlar ərizələrini dolduranda peşə ixtisaslarını da doldura biləcəklər. Abituriyentlərin ixtisas seçimi ilə bağlı jurnalın hazır olmadığını diqqətə çatdıran M.Abbaszadə qeyd edib ki, ixtisaslar hələ Nazirlər Kabineti tərəfindən təsdiqlənməyib. TQDK sədri onu da məsləhət görüb ki, abituriyentlər bu aydan müvafiq sənədlərini əldə etməlidirlər ki, təsdiqlənmə prosesinə hazır olsunlar.
Qeyd edək ki, abituriyentlər tələb edilən sənədləri təhsil aldıqları müəssisələrin yerləşdiyi rayonda fəaliyyət göstərən Sənəd Qəbulu Komissiyasına təqdim edərək ərizələrini təsdiq etməlidirlər. Hər bir abituriyent 12-dək ixtisas kodunu seçə bilər. Əcnəbilər və vətəndaşlığı olmayan şəxslər qüvvədə olan qanunvericilikdə və dövlətlərarası razılaşmalarda digər hallar nəzərdə tutulmayıbsa, yalnız təhsili ödənişli əsaslarla həyata keçirilən ixtisaslar seçə bilərlər.
|
|
11.06.11 Məqaləni oxumaq
|
| |
|
|
|
Səhifələr : # 12 13 14 15 16 17 18 19 20 # |
|
Torpaqlarımızı qaytaraq..
|
| |
|
|
|
Açılış Səhifəsi et 
