|
|
Səhifələr : # 13 14 15 16 17 18 19 20 21 #
|
|
Siyavuş Novruzov: “Heç kim göydən zənbillə düşməyib”
|
|
Bu gün Milli Məclisin növbədən kənar iclası işə başlayıb. “KƏLAMİNFO” xəbər verir ki, iclasda əvvəlcə cari məsələlərin müzakirəsi olub.
Çıxış edən deputat Fuad Muradov fəaliyyətini dayandıran Azərbaycan Beynəlxalq Universitetində tələbələrin üzləşdiyi problemlərdən danışıb. O qeyd edib ki, gələcəkdə bu kimi problemlərin ortaya çıxmaması üçün özəl universitetlərlə bağlı qanunvericilikdə dəyişiklər etmək lazımdır.
Millət vəkili İqbal Ağazadə isə həbs olunmuş Bəxtiyar Hacıyevin azad edilməsi təklifi ilə çıxış edib. “Bəxtiyar Hacıyev nativ xidmətdən istifadə etmək istəsə də, bu qanunun olmaması burada problemlər yaradıb” - deyə deputat vurğulayıb. İ.Ağazadə Türkiyədə həbs edilmiş keçmiş Qarabağ döyüşçüsü Yusuf Ziya Arpacığın həbsinə də diqqət yönəldib. O, keçmiş Qarabağ döyüşçüsünün həbsdən azad edilməsi üçün Milli Məclisin Türkiyə tərəfinə müraciət göndərməsini təklif edib.
|
11.06.11 Məqaləni oxumaq
|
| |
|
|
|
Səfər Əbiyev Brüsseldə bir sıra görüşlər keçirib
|
|
Azərbaycanın müdafiə naziri general-polkovnik Səfər Əbiyev NATO Müdafiə Nazirlərinin Əfqanıstanda Beynəlxalq Təhlükəsizliyə Yardım Qüvvələri (ISAF) əməliyyatlarına töhfə verən qeyri-NATO dövlətləri ilə Brüssel şəhərində NATO Mərkəzi Qərargahında keçirilmiş görüşündə iştirak edib. Bu barədə məlumatı “KƏLAMİNFO”ya Azərbaycanın NATO yanındakı daimi nümayəndəliyindən veriblər.
Görüş zamanı nazirlər ISAF əməliyyatının hazırkı vəziyyətini, o cümlədən rəhbər rolun əfqan tərəfinə ötürülməsi və ondan sonrakı vəziyyət, əfqan təhlükəsizlik qüvvələrinin inkişafı məsələləri ətrafında fikir mübadiləsi aparıblar. Həmçinin iclasda Əfqanıstanda qanunun aliliyinin gücləndirilməsi məqsədilə NATO-nun Hüququn Aliliyi üzrə Sahə Dəstək Missiyası təsdiq edilib. Bundan başqa, nazir Səfər Əbiyev həmin gün NATO baş katibinin Qafqaz və Mərkəzi Asiya üzrə xüsusi nümayəndəsi Ceyms Apaturayı qəbul edib.
|
|
11.06.11 Məqaləni oxumaq
|
| |
|
|
|
Elmira Axundova Kazana gedəcək
|
|
Milli Məclisin deputatı Elmira Axundova MDB Parlament Assambleyasının Mədəniyyət, idman və turizm daimi komissiyasının iclasında iştirak etmək üçün sabah Rusiyanın Kazan şəhərinə səfər edəcək. Parlamentdən “KƏLAMİNFO”ya verilən məlumata görə, iclasın gündəliyinə MDB iştirakçısı olan dövlətlər üçün “İdman hazırlığı haqqında”, “Mədəni irsin obyektləri haqqında”, “Qeyri-maddi incəsənət və xalq yaradıcılığı abidələrinin müdafiəsi haqqında” model qanunların, habelə əqli mülkiyyətlə bağlı model qanunvericilik lüğətinin, İnformasiya Məcəlləsinin layihələri, təşkilati və komissiyanın gələcək işlər planı barədə məsələlər daxil edilib. Deputatımız gündəlikdəki məsələlərlə bağlı öz fikirlərini açıqlayacaq, münasibətini bildirəcək. Səfər iyunun 19-da başa çatacaq.
|
|
11.06.11 Məqaləni oxumaq
|
| |
|
|
|
Dünyanın ən varlı iti ölüb
|
|
ABŞ-da dünyanın ən varlı iti ölüb. Onun sahibi milyarder Leon Helmsli dörd il bundan əvvəl dünyasını dəyişib. Həddən artıq əzizlənmiş və sahibləri tərəfindən «varis» elan edilmiş it 12 yaşında Floridada ölüb. Dördayaqlı milyonerin ölümünü «The New York Daily News» qəzetinə itə himayədarlıq edən şəxs də təsdiqləyib. Özü də it dekabrda ölsə də, onun barədə məlumat indi bəlli olub. «KƏLAMİNFO» «İTAR-TASS»a istinadən xəbər verir ki, itin mülkiyyəti 12 milyon dollar civarında qiymətləndirilirdi. Lakin məhkəmənin qərarı ilə it cəmi 2 mln. dollar əldə etmişdi. Onun 60 mini il ərzində himayədara, 8 min itin tükünün baxılmasına, 100 min mühafizəyə sərf olunurdu. Belə ki, itin həyatı üçün tez-tez təhlükə yaranırdı. Beləliklə, itə vəsiyyət edilən vəsait sonda xeyriyyə cəmiyyətinin hesabına keçirilib.
|
|
11.06.11 Məqaləni oxumaq
|
| |
|
|
|
Uşaqlarımız Beynəlxalq Festivala hazırlaşır
|
|
Bolqarıstanın Albena şəhərində “Dəniz simfoniyası” adlı Beynəlxalq Uşaq Festival - müsabiqəsi keçiriləcək. Ölkəmizi bu festivalda “Günay” Uşaq Teatrı təmsil edəcək. Teatrın rəhbəri Larisa Tarusovanın “KƏLAMİNFO”ya verdiyi məlumata görə, Azərbaycanın ilk dəfə qatılacağı festivalda teatrın kollektivi “Balıqçı və balıq nağılı” adlı tamaşanı təqdim edəcək.
Xatırladaq ki, “Dəniz simfoniyası” Beynəlxalq Uşaq Festivalının cari ilin iyul ayının 10-dan 16-dək keçirilməsi planlaşdırılıb.
|
|
10.06.11 Məqaləni oxumaq
|
| |
|
|
|
ABŞ sığorta sisteminə fırıldaq gəlmiş ermənilərin məhkəməsi başlayır
|
|
İyunun 21-də ABŞ-da gurultulu məhkəmə prosesinə start veriləcək. Məhkəmə yaşlı insanlar və əlillərə tibbi sığorta ödənilməsi üzrə dələduzluğa yol vermiş ermənilərdən ibarət cinayətkar dəstə üzərində aparılacaq. Qərbi Virciniya ştatında başlayacaq prosesi indidən ən qalmaqallı məhkəmə prosesi adlandırırlar. Bu iş üzrə erməni mənşəli şəxslərin adları hallanır. «KƏLAMİNFO» «ArmTodey»ə istinadən xəbər verir ki, Rusiya vətəndaşları Arsen Bedcanyan, İqor Şevçuk və Ermənistan vətəndaşı Sarqis Tedovosyan saxta kompaniya yaratmaqda günahkar biliniblər. Bu kompaniyalar vasitəsilə onlar «Medicare» federal proqramı çərçivəsində dövlətə 3 mln. dollarlıq tibbi sığorta ödəmələri barədə müraciətlər ediblər.
|
|
10.06.11 Məqaləni oxumaq
|
| |
|
|
|
Əhliman Əmiraslanov: Təhsil haqqının artması Tibb Universitetində qəbul səviyyəsinə təsir etməyəcək
|
|
Azərbaycan ali məktəblərində təhsil haqqının artması Azərbaycan Tibb Universitetində qəbul səviyyəsinə heç bir təsir etməyəcək. “KƏLAMİNFO” xəbər verir ki, bu barədə jurnalistlərə açıqlamasında universitetin rektoru, millət vəkili Əhliman Əmiraslanov bildirib. O qeyd edib ki, hazırda universitetdə təhsil alanların 50 faizi ödənişsiz ixtisaslarda oxuyur. “Hər il də bundan əlavə, 120-150 nəfər tələbə məcburi köçkün və digər imtiyazlı kateqoriyadan olmaqla dövlət tərəfindən maliyyələşdirilir. Hesab edirəm ki, ali məktəblərdəki ödəniş artımları bizim universitetdə heç bir azalma ilə müşahidə olunmayacaq” - deyə rektor vurğulayıb.
Ə.Əmiraslanov onu da deyib ki, Tibb Universitetdə təhsil haqları müvafiq olaraq 50-70 faiz aralarında artır.
|
|
10.06.11 Məqaləni oxumaq
|
| |
|
|
|
Azərbaycanda 5 910 nəfər elmi dərəcəsi olan pensiya yaşındadır
|
|
Milli Məclisin bu gün keçirilən iclasında “Əmək pensiyaları haqqında” qanuna əlavə və dəyişikliklər təsdiq olunub. “KƏLAMİNFO” xəbər verir ki, layihə barədə məlumat verən Sosial siyasət komitəsinin sədri Hadı Rəcəbli bildirib ki, qanuna 19.3-cü maddə əlavə olunub. Onun sözlərinə görə, bu əlavədə bildirilir ki, əmək kitabçasında müvafiq qeydiyyat aparılan əsas iş yeri üzrə elmi tədqiqat və ya təhsil müəssisələrində azı 25 il çalışmış, elmi dərəcəsi olan işləməyən əmək pensiyaçılarının əmək pensiyasının baza hissəsi üzərinə elmlər doktoru elmi dərəcəsinə görə 200 manat, fəlsəfə doktoru elmi dərəcəsinə görə 120 manat əlavə hesablanır.
İclasda Dövlət Sosial müdafiə Fondunun sədri Səlim Müslümov deyib ki, Azərbaycanda 10 723 nəfər elmlər doktoru və elmlər namizədi var. “Bunun 1 827 nəfəri elmlər doktoru, 8 896 nəfəri isə elmlər namizədidir ki, onlardan da 5 min 910 nəfəri pensiya yaşındadır. Dəyişiklik təsdiq ediləndən sonra pensiyaların artımla verilməsi üçün 1 ayda 830 min manat, 6 ayda isə 5 mln. manata ehtiyac var”-deyə fondun sədri vurğulayıb. Müzakirələrdən sonra qanun layihəsi qəbul olunub.
|
|
10.06.11 Məqaləni oxumaq
|
| |
|
|
|
Abituriyentlərin bilik səviyyələrində fərq yoxdur
|
|
Əvvəlki illərlə müqayisədə abituriyentlərin bilik səviyyələrində fərq hiss olunmayıb. Səviyyə demək olar ki, ötənilki kimidir. “KƏLAMİNFO” xəbər verir ki, bunu Tələbə Qəbulu üzrə Dövlət Komissiyasının sədri Məleykə Abbaszadə keçirdikləri sınaq imtahanlarının nəticələrinə əsaslanaraq söyləyib. TQDK sədrinin sözlərinə görə, nəticələr onu deməyə əsas verir ki, sınaq imtahanlarına qatılanların müəyyən hissəsi müsabiqəyə qatılmaq üçün tələb edilən orta balları toplayıblar. M.Abbaszadə, həmçinin bildirib ki, bu, bütün abituriyentlərin nəticəsi demək deyil, çünki sınaq imtahanlarında abituriyentlərin hamısı iştirak etmir.
|
|
10.06.11 Məqaləni oxumaq
|
| |
|
|
|
Hərbi xidməti başa vuranların təhsil almağa marağı artır
|
|
Bu il abituriyentlərin ümumi strukturunda 18-25 yaş arası olan şəxslərin payı çoxalıb. “KƏLAMİNFO” xəbər verir ki, bunu Tələbə Qəbulu üzrə Dövlət Komissiyasının sədri Məleykə Abbaszadə keçirdiyi mətbuat konfransında söyləyib. TQDK sədri qeyd edib ki, bu yaş arasında sənəd verənlərin əksəriyyətini oğlanlar təşkil edir: “Bu da onu göstərir ki, hərbi xidmətdən qayıdan oğlanların ali təhsil almağa meyli artır”.
TQDK sədri, həmçinin əlavə edib ki, 25-35 yaşlı abituriyentlərin əksəriyyəti ikinci ixtisas alma və ixtisaslarını dəyişmək üçün ali məktəblərə sənəd veriblər. Onun sözlərinə görə, abituriyentlərin arasında 50 yaşdan yuxarı olanlar da var.
TQDK sədri bu il də bəzi regionlarda, xüsusilə cənub zonasında ali məktəbə qəbul imtahanlarında iştirak üçün sənəd verən qız abituriyentlərin sayının az olduğunu deyib. O, bu göstəricilərin cənub zonasının ayrı-ayrı rayonları üzrə fərqli olduğunu söyləyib.
|
|
10.06.11 Məqaləni oxumaq
|
| |
|
|
|
Səhifələr : # 13 14 15 16 17 18 19 20 21 # |
|
Torpaqlarımızı qaytaraq..
|
| |
|
|
|
Açılış Səhifəsi et 
