|
|
Səhifələr : # 22 23 24 25 26 27 28 29 30 #
|
|
Azərbaycan-Fransız İKT Biznes Forumu keçiriləcək
|
|
Rabitə və informasiya texnologiyaları naziri Əli Abbasov cari ilin 5-6 iyun tarixlərində Parisdə Genişzolaqlı Rəqəmsal İnkişaf üzrə Komissiyanın 3-cü iclasında iştirak edəcək. Bu barədə məlumatı “KƏLAMİNFO”ya RİTN-dən veriblər. BTİ və YUNESKO tərəfindən yaradılmış Komissiyanın məqsədi dünyada genişzolaqlı çıxışın yayılmasına kömək etməkdir. Əli Abbasov texnika sahəsinin 50-yə yaxın görkəmli xadimlərindən, eləcə də özəl sektor və sosial xidmətlər sahəsinin nümayəndələrindən ibarət komissiyanın üzvüdür.
Bundan əlavə, iyunun 7-də Parisdə Azərbaycan və Fransanın İKT şirkətlərinin iştirakı ilə 1-ci Azərbaycan-Fransız İKT Biznes Forumu keçiriləcək.
|
02.06.11 Məqaləni oxumaq
|
| |
|
|
|
Ceyms Appaturayın Azərbaycana səfərinin proqramı açıqlanıb
|
|
NATO baş katibinin Qafqaz və Mərkəzi Asiya üzrə xüsusi nümayəndəsi Ceyms Appaturayın Azərbaycana səfərinin proqramı açıqlanıb. “KƏLAMİNFO” xəbər verir ki, Ceyms Appaturay iyunun 10-da Xarici İşlər, Fövqəladə Hallar nazirliklərində, Dövlət Sərhəd Xidmətində, Milli Məclisdə görüşlər keçirəcək. Görüşlər zamanı Azərbaycanla NATO arasında əməkdaşlıq proqramı, həmçinin gələcək əməkdaşlıq perspektivləri müzakirə olunacaq.
NATO baş katibinin xüsusi nümayəndəsini səfərdə hərbi alyansın NATO üzrə məsul zabiti Zbiqnev Rıbatski müşayiət edəcək.
|
|
02.06.11 Məqaləni oxumaq
|
| |
|
|
|
“Eurovision-2011” yarışmasının qaliblərinin şərəfinə marka çap olunur
|
|
“Eurovision-2011” yarışmasının qalibləri Eldar və Nigarın şərəfinə “Azərmarka” şirkəti tərəfindən marka çap olunur. Bu barədə məlumatı “KƏLAMİNFO”ya Rabitə və İnformasiya Texnologiyaları Nazirliyinin mətbuat xidmətindən veriblər.
Nəfis şəkildə 15 min tirajla çap olunan markalarda qaliblərimizin fotosu həkk olunacaq. Markalar çap olunduqdan sonra kütləvi şəkildə satışa buraxılacaq. Məktubların üzərinə vurulan bu markalar bütün dünyaya yayılacaq.
|
|
02.06.11 Məqaləni oxumaq
|
| |
|
|
|
Qarabağ: “Moskva göz yaşlarını unuda bilmir”
|
|
Demək olar ki, son bir- neçə ildə Rusiya prezidentinin təşəbbüsü ilə Azərbaycan, Ermənistan və Rusiya prezidentlərinin görüşü ənənəvi hala çevrilib. Nəticəsiz imic qazanan bu ənənədən Rusiya nə qədər ciddi- cəhdlə istifadə etməyə çalışsa da, yenə Cənubi Qafqazda heç nə dəyişmir. Əksinə, hər görüşdən sonra münaqişə tərəfləri arasında müharibə bəyanatları getdikcə qızışır. Məsələ burasındadır ki, heç Rusiya da bu görüşlərdən sonra Qafqazda bir addım da qabağa gedə bilmir. Məsələn, son illər Rusiyanın Qarabağla bağlı fəallığı artdıqca Şimali Qafqazda ardı-arası kəsilməyən terror hadisələrinin artması Moskvanı əməlli-başlı düşündürməyə vadar edib. Bununla belə Qarabağ kontekstində Rusiya mütəmadi üç ölkənin prezidentlərini görüşdürməklə tutduğunu buraxmır ki, buraxmır. Qeyd edək ki, prezidentlər arasında belə bir görüş növbəti dəfə Rusiyanın təşəbbüsü ilə bu ay da keçiriləcək. Bəs, Moskvanın bu təşəbbüslərinin arxasında nə dayanır, ruslar nəyi unutmaqda çətinlik çəkirlər?
|
|
02.06.11 Məqaləni oxumaq
|
| |
|
|
|
Almaniyanın Giessen Universitetində Azərbaycan kitab bölümü açılıb
|
|
Almaniyanın Giessen Universiteti Kitabxanasının Şərqşünaslıq və Türkologiya bölməsində Azərbaycan kitab bölümü açılıb. Bu barədə “KƏLAMİNFO”ya Diasporla iş üzrə Dövlət Komitəsindən məlumat verilib. Bu bölümə müxtəlif mövzuda Azərbaycan, türk, rus, alman, ingilis və fransız dillərində 200-dən artıq kitab təqdim edildiyi bildirilib.
Bölmənin rəhbəri Dr. Bernhard Friedmanın Frankfurt-Azərbaycan Cəmiyyətinə müraciətindən sonra Almaniyadakı Azərbaycanlıların Koordinasiya Mərkəzinin dəstəyi ilə və onunla birgə əməkdaşlıqda adı çəkilən kitab bölümünün açılmasına qərar verilib. Dr.Friedmanın sözlərinə görə, universitetin rəhbərliyi Azərbaycan Respublikasına artan marağı və Azərbaycan haqqında daha ətraflı məlumat almaq üçün universitetin nəzdində həmin ölkəyə aid kitab bölümünün açılmasını məqsədəuyğun sayıb və yardım üçün Frankfurt-Azərbaycan Cəmiyyətinə müraciət edib.
|
|
02.06.11 Məqaləni oxumaq
|
| |
|
|
|
Elmar Məmmədyarov BMT-nin baş katibi ilə görüşüb
|
|
Xarici işlər naziri Elmar Məmmədyarov Nyu-Yorkda BMT-nin Baş Qərargahında baş katib Ban Ki-Mun ilə görüşüb. Bu barədə məlumatı “KƏLAMİNFO”ya XİN-nin mətbuat xidmətindən veriblər. Ban Ki-Mun BMT ilə Azərbaycan arasında əməkdaşlığın yüksək səviyyədə həyata keçirdiyinə görə məmnunluğunu bildirib.
Nazir E.Məmmədyarov BMT baş katibinə prezident İlham Əliyevin salamlarını çatdırıb. Daha sonra o, Ermənistan-Azərbaycan, Dağlıq Qarabağ münaqişəsi ilə bağlı aparılan danışıqlar prosesi haqqında baş katibə ətraflı məlumat verib.
Baş katib münaqişənin sülh yolu ilə tezliklə həll edilməsinə ehtiyacın olduğunu qeyd edib və bu istiqamətdə nəticələri gözlədiyini bildirib.
Nazir E.Məmmədyarov BMT-nin Təhlükəsizlik Şurasının 2012-2013-cü illər üçün qeyri-daimi üzvlüyünə oktyabrda keçiriləcək seçkilərdə Azərbaycanın namizədliyinin irəli sürüldüyünü, ölkəmizin namizədliyi ilə bağlı nəzərə çarpan üstünlükləri həmsöhbətinin diqqətinə çatdırıb.
|
|
02.06.11 Məqaləni oxumaq
|
| |
|
|
|
Samir Şərifov: “Büdcə xərclərinin artırılması inflyasiya riski yaradır”
|
|
“2011-ci il üzrə dövlət büdcəsinin xərclərinin 25 faiz artırılması müəyyən inflyasiya riskləri yaradır”. “KƏLAMİNFO” xəbər verir ki, bu barədə jurnalistlərə açıqlamasında maliyyə naziri Samir Şərifov bildirib. O qeyd edib ki, inflyasiyanın səviyyəsinin yüksək olmaması üçün Azərbaycan hökuməti tərəfindən bir sıra tədbirlər həyata keçiriləcək: “Mərkəzi Bank və Maliyyə Nazirliyinin birgə səyləri nəticəsində inflyasiya meyillərini, inflyasiyanı cilovalamaq istiqamətində əməli tədbirlər keçirəcəyik”.
Nazir, həmçinin bildirib ki, Maliyyə Nazirliyi artıq büdcə məsələləri ilə məşğul olan və Beynəlxalq Valyuta Fondunun nəzdində fəaliyyət göstərən qeyri-hökumət təşkilatı ilə əməkdaşlıq edir: “Həmin təşkilat büdcə indeksini hazırlayır. Azərbaycanın əvvəllər bu indeksdə göstəriciləri xeyli aşağı idi. Son zamanlar xeyli irəliləyişə nail olunub. Əvvəllər bizim 30 xalımız vardısa, hazırda 43 xalımız var. Mən güman edirəm ki, bir sıra tədbirlər çərçivəsində bundan da yüksək olacaq. MDB dövlətlərinin reytinqinə bərabər və yaxud üstün olacağıq”.
|
|
01.06.11 Məqaləni oxumaq
|
| |
|
|
|
ADA-nın rektoru Hafiz Paşayev Səudiyyə Ərəbistanı Krallığında səfərdə olub
|
|
Azərbaycan Diplomatik Akademiyasının rektoru Hafiz Paşayev və icraçı dekan Fariz İsmayılzadə Səudiyyə Ərəbistanının aparıcı təhsil ocaqları ilə əməkdaşlığı müzakirə etmək üçün bu ölkəyə səfər ediblər. ADA-dan “KƏLAMİNFO”ya verilən məlumata görə, iki günlük səfər çərçivəsində Hafiz Paşayev Səudiyyə Ərəbistanı Xarici İşlər Nazirliyinin Diplomatik Araşdırmalar İnstitutunun baş direktoru Abdulkərim Həmid Əl-Dekhayel, ölkənin ən böyük universiteti - Səudiyyə Krallığı Universitetinin rektoru Abdulla bin Abdul Rəhman Əl-Otaman, şah Fəysalın adını daşıyan Araşdırma və İslam Tədqiqatı Mərkəzinin rəhbəri, Böyük Britaniyada sabiq səfir, şahzadə Türki Əl-Fəysal və paytaxt Əl-Riyadın meri, şahzadə Səlman Əl-Səudla görüşüb.
Azərbaycan Diplomatik Akademiyasının rektoru və Səudiyyə Diplomatik Araşdırmalar İnstitutunun baş direktoru Anlaşma Memorandumu imzalayıblar. H.Paşayev ölkənin aparıcı təhsil ocaqlarının rəhbərlərini Azərbaycana səfərə dəvət edib.
|
|
01.06.11 Məqaləni oxumaq
|
| |
|
|
|
Əhmədinejadın məsələsinə məhkəmə baxacaq
|
|
İran parlamenti prezident Mahmud Əhmədinejadla bağlı işi məhkəmə orqanlarına göndərib. Parlamentarilərin qərarında göstərilib ki, prezident neft məsələləri üzrə naziri vəzifəsindən azad etdikdən sonra ona rəhbərliyi öz üzərinə götürüb. «KƏLAMİNFO» «Mehr» agentliyinə istinadən yaydığı məlumatda göstərib ki, işin məhkəməyə verilməsi ilə bağlı keçirilən səsvermədə 165 nəfər bunun lehinə, bir nəfər əleyhinə, 13 nəfər isə bitərəf qalıb.
İran Konstitusiya Keşikçiləri Şurası bu günlərdə bəyan edib ki, İran prezidenti neft məsələləri üzrə nazir vəzifəsini icra edə bilməz. Müvafiq qanunvericiliyə görə, prezident üç aylıq müddət ərzində parlamentə yeni nazirlərin namizədliyini təqdim edə bilər. Bu müddət ərzində o, nazir postuna səlahiyyətlərini icra edən şəxsi təyin etməlidir. Eyni zamanda özü də bu vəzifəni icra edə bilər.
|
|
01.06.11 Məqaləni oxumaq
|
| |
|
|
|
Bakı Uşaq Teatrı 10-cu ilinə qədəm qoyub
|
|
“Körpəm” adı ilə fəaliyyətə başlayan Bakı Uşaq Teatrı 10-cu ilinə qədəm qoyub. Teatrın direktoru və bədii rəhbəri İntiqam Soltan “KƏLAMİNFO”ya bildirib ki, bu sahədə Cənubi Qafqazda peşəkar olan Bakı Uşaq Teatrı səhnələşdirdiyi tamaşalarla bütün gücünü maarifləndirməyə həsr edir. Bu barədə danışan direktor uşaqların hüquqlarının pozulmasını qeyd edib, valideynlər və cəmiyyətin burada rolunun olmasını təəssüflə bildirib. “Əgər 65% uşaqlar ana südündən məhrum olunursa, evlərdə, küçə və parklarda uşaqlar başlı-başına buraxılırsa, bu uşaqların hüquqlarının pozulması deyilmi?”,-deyə vurğulayan İ.Soltan teatrda yalnız uşaqlar üçün deyil, tamaşaların yuxarı yaş təbəqələrinin nümayəndələri üçün də nəzərdə tutulduğunu bildirib.
|
|
01.06.11 Məqaləni oxumaq
|
| |
|
|
|
Səhifələr : # 22 23 24 25 26 27 28 29 30 # |
|
Torpaqlarımızı qaytaraq..
|
| |
|
|
|
Açılış Səhifəsi et 
