|
|
Səhifələr : # 7 8 9 10 11 12 13 14 15 #
|
|
Ziyafət Əsgərov: “Bizim öz standartlarımız var və belə də davam edəcəyik”
|
|
“Avropa Parlamentindən Azərbaycana qarşı ikili standart, arxadan zərbə birini mürəkkəbi qurumadan digəri başlayır. Onların son qətnaməsi də bunlardan biridir”. “KƏLAMİNFO” xəbər verir ki, bu barədə Milli Məclisin birinci vitse-spikeri Ziyafət Əsgərov bildirib. O qeyd edib ki, Azərbaycan bununla bağlı kəskin fikirlər bildirəcək: “Bu gün Qərb deyəndə bir jandarm başa düşülür. Bunlar beynəlxalq siyasəti, beynəlxalq hüququ öz əllərinə alıblar, necə istəyirlər elə də tətbiq edirlər. Onların devizi budur: “Güc bizdədir, resurs bizdədir və biz necə istəyirik elə də olmalıdır. İstəsəniz də budur, istəməsəniz də”. Amma ədalət, bərabərlik, təhlükəsizlik məsələləri gələndə, deyirlər ki, bunu biz özümüz həll eləməliyik.
|
17.05.11 Məqaləni oxumaq
|
| |
|
|
|
Milli Məclisdə Avropa Parlamentinə etiraz müraciəti hazırlamaq üçün komissiya yaradılıb
|
|
Milli Məclisdə Avropa Parlamentinə etiraz müraciəti hazırlamaq üçün komissiya yaradılıb. “KƏLAMİNFO” xəbər verir ki, komissiyaya vitse-spiker Valeh Ələsgərov sədrlik edəcək.
Komissiyaya Səməd Seyidov, Fərəc Quliyev, Asim Mollazadə, Azay Quliyev, Əli Hüseynli və Aytən Mustafayeva daxildirlər.
Spiker Oqtay Əsədov qeyd edib ki, dünyanın bir çox ölkəsində yüzlərlə insanın hüququ pozulur. “Mitinqlərdə insanlara atəş açılır, onlar atların altına salınır. Lakin həmin ölkələrlə bağlı bir qətnamə belə yoxdur. Azərbaycanda qanunsuz mitinq imitasiyası olmuşdu, dərhal belə bir qərar qəbul edirlər. Azərbaycanı istəməyən qüvvələr ölkənin inkişafını görmür, amma ölkəmizi nüfuzdan salmaq üçün əllərindən gələni edirlər” - deyə o vurğulayıb.
|
|
17.05.11 Məqaləni oxumaq
|
| |
|
|
|
Azərbaycan və Çexiya prezidentlərinin təkbətək görüşü olub
|
|
Bu gün Azərbaycan prezidenti İlham Əliyevin Çexiya prezidenti Vatslav Klausla təkbətək görüşü olub. “KƏLAMİNFO” xəbər verir ki, görüşdə ikitərəfli əlaqələrin müxtəlif sahələrdə, o cümlədən siyasi, iqtisadi, enerji və digər sahələrdə uğurla inkişaf etdiyi vurğulanıb. Dövlət başçıları ikitərəfli əlaqələrin daha da genişləndirilməsi üçün yaxşı potensialın olduğunu bildiriblər. Prezidentlər Azərbaycan–Çexiya münasibətlərinin Avropa İttifaqı çərçivəsində əməkdaşlıq baxımından əhəmiyyətini qeyd ediblər.
Görüşdə ikitərəfli, regional və beynəlxalq məsələlər ətrafında fikir mübadiləsi aparılıb.
|
|
17.05.11 Məqaləni oxumaq
|
| |
|
|
|
Konstitusiya Məhkəməsi Palatasının növbəti iclası keçirilib
|
|
Konstitusiya Məhkəməsi Palatasının növbəti iclası keçirilib. Məhkəmədən “KƏLAMİNFO”ya bildiriblər ki, iclasda AR Konstitusiyasının 130-cu maddəsinin VII hissəsinə və “Konstitusiya Məhkəməsi haqqında” Qanunun 32-ci maddəsinə əsasən, İnsan Hüquqları üzrə Müvəkkilin (Ombudsman) AR Mülki Məcəlləsinin 316-cı maddəsinin Azərbaycan Respublikası Konstitusiyasına uyğunluğunun yoxlanılması ilə bağlı sorğusuna baxılaraq icraata qəbul edilməsi haqqında qərardad çıxarılıb.
Sorğuya mahiyyəti üzrə Konstitusiya Məhkəməsi Plenumunun iyunun 3-nə təyin edilmiş iclasında baxılacaq.
|
|
17.05.11 Məqaləni oxumaq
|
| |
|
|
|
Allahşükür Paşazadə: “Bu gün Gürcüstanda baş verən hadisə gələcək siyasi oyunların ilk addımıdır”
|
|
“Gürcüstanda müsəlmanlar üçün ayrıca idarənin yaradılması yeni məsələ deyil. Bu Gürcüstan müstəqillik əldə etdikdən sonra gedən proseslərin davamıdır.” “KƏLAMİNFO” xəbər verir ki, belə bir açıqlama ilə Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə çıxış edib.
A.Paşazadə qeyd edib ki, hər bir dövlətin ixtiyarı var ki, daxilində dini məsələlərlə bağlı müstəqil qərar qəbul etsin. “Ancaq Gürcüstanda söhbət ondan gedir ki, əgər Gürcüstanda, o cümlədən Ermənistanda başqa dinlər üçün də ayrıca belə bir idarə yaradılsaydı, o zaman bunu başa düşmək olardı. Ancaq Gürcüstanda qeyd edilən idarənin yaradılması bu ölkədə yaşayan azərbaycanlıları Azərbaycandan ayrı salmaq məqsədi güdür. Hesab edirəm ki, bu artıq dini məsələ deyil. Onların Gürcüstanda yaşayan müsəlmanları QMİ-nin fəaliyyətindən kənar saxlamaqda planları var. Mən şübhə etmirəm ki, bunun arxasında dolayısı ilə “Böyük Ermənistan” ideyası durur. Bu gün Gürcüstanda baş verən hadisə gələcək siyasi oyunların ilk addımıdır”,-deyə Bütün Qafqazın Şeyxi vurğulayıb.
|
|
17.05.11 Məqaləni oxumaq
|
| |
|
|
|
Araş Azərbaycan xalqını təbrik etdi
|
|
Azərbaycanı 2009-cu ildə Aysel Teymurzadə ilə birlikdə «Eurovision» mahnı müsabiqəsində təmsil edən Araş Azərbaycan xalqını təbrik edib. Bu barədə o, öz rəsmi saytına yazıb. İfaçı Eldar və Nigar cütlüyünün «Eurovision-2011»-dəki qələbəsinə sevindiyini bildirib.
Xatırladaq ki, sözügedən müsabiqədə Azərbaycanın adına birincilik qazandıran təmsilçilərimiz ötən gün Bakıya qayıdıblar. Onlar böyük izdihamla qarşılanıb.
Müsabiqə rəsmiləri «Eurovision-2012»-nin şərtlərini artıq Azərbaycan nümayəndə heyətinin rəhbəri Adil Kərimliyə təqdim edib.
|
|
17.05.11 Məqaləni oxumaq
|
| |
|
|
|
Gənclərin mənzil təminatı ilə bağlı təkliflər hazırdır
|
|
2011-2015-ci illər Azərbaycan gəncliyi dövlət proqramına bir sıra yeni təkliflər irəli sürülüb. Təkliflər içərisində sosial ipotekanın verilmə qaydalarının daha da sadələşdirilməsi, sosial ipotekaya ayrılmış vəsaitin məbləğinin artırılması və sair daxildir. “KƏLAMİNFO” xəbər verir ki, bu barədə gənclər və idman nazirinin müavini İntiqam Babayev məlumat verib. İ.Babayev sosial ipotekaya ayrılan vəsaitin məbləğinin artırılacağının da mümkün olduğunu deyib: “Bilirsiniz ki, indi vəsait 35 min manata qədərdir. Bu vəsaitin qaldırılması məsələsi var. Müəyyən prosedurların azaldılması və sadələşdirilməsi prosesi, eyni zamanda verilən illik faizin bir qədər aşağı salınması müzakirə edilir. Gəncləri maraqlandıran məqamlar da var. Bu da gənc ailələr kateqoriyasının genişləndirilməsi, yəni bu gün olan 5 kateqoriyanı daha da artırmaqdır. Bütün bunlar hazırlanan təklif paketində var. İnşallah, bunlar hazırlanan son dövlət proqramında əksini tapacaq”.
|
|
17.05.11 Məqaləni oxumaq
|
| |
|
|
|
NATO-nun briqada generalı Azərbaycana səfərə gəlir
|
|
Mayın 17-dən 19-dək NATO-nun Brunssumdakı Birləşmiş Qüvvələr Komandanlığının (BQK) əməliyyat direktoratlığının birgə planlar şöbəsinin rəisi, briqada generalı Maykl Jorqensen Azərbaycana səfər edəcək. Müdafiə Nazirliyinin mətbuat xidmətindən “KƏLAMİNFO”ya verilən məlumata görə, general Maykl Jorqensenun Müdafiə Nazirliyinin rəhbərliyi ilə bir sıra görüşləri planlaşdırılır.
Nazirlikdən verilən məlumata görə, bu həftə NATO-nun Brunssumdakı BQK-nin iştirakı ilə Bakıda bir sıra tədbirlərin keçirilməsi nəzərdə tutulub. Mayın 23-dən 25-dək NATO/ABŞ ekspertləri Silahlı Qüvvələrin Hərbi Akademiyasına təhsil sahəsində ekspert yardımını davam etdirmək məqsədilə Azərbaycana səfər edəcək.
Qeyd edək ki, Azərbaycan hərbçiləri bu ay NATO-nun Bakıda təşkil etdikləri tədbirlərdə iştirak edəcək.
Mayın 23-dən 27-dək hərbçilərimiz NATO-nun arxa cəbhə idarəsinin tərəfdaşların arxa cəbhə ekspertlərinin işçi qrupunun növbəti görüşünə qatılacaq.
|
|
17.05.11 Məqaləni oxumaq
|
| |
|
|
|
Qəddafinin kəşfiyyat xidmətinin binası bombalanıb
|
|
NATO qüvvələri Liviya lideri Müəmmar Qəddafinin hərbi obyektlərinə zərbələr endirməkdə davam edirlər. “KƏLAMİNFO” “Lenta.ru”ya istinadən xəbər verir ki, bu gün NATO qüvvələri Tripolidə Qəddafinin kəşfiyyat xidmətinin binasını bombalayıblar. Nəticədə ordunun yüksək rütbəli zabiti həlak olub. Həlak olan polkovnik Milad Hüseyn əl-Fikoi kəşfiyyat xidmətinin zabiti olub. O, çox vaxt həm də Liviya ordusunun mətbuat katibi rolunda çıxış edirdi. «O, əz-Ziviya şəhərində törədilən cinayətlərə görə məsuliyyət daşıyır» - deyə Liviya üsyançılarının nümayəndəsi Xaled Varfali bildirib.
|
|
17.05.11 Məqaləni oxumaq
|
| |
|
|
|
Xalq rəssamı Mayis Ağabəyovun yubiley sərgisi keçiriləcək
|
|
“Nizami”, “Nəsimi”, “Babək” və s. kimi Azərbaycan kino tarixində mühüm yer tutan filmlərin qurluşcu rəssamı olan Mayis Ağabəyovun sərgisi keçiriləcək. Mədəniyyət və Turizm Nazirliyindən “KƏLAMİNFO”ya verilən xəbərə görə, yubiley sərgi 17 may 2011-ci il saat 17:00-da təşkil olunacaq.
|
|
16.05.11 Məqaləni oxumaq
|
| |
|
|
|
Səhifələr : # 7 8 9 10 11 12 13 14 15 # |
|
Torpaqlarımızı qaytaraq..
|
| |
|
|
|
Açılış Səhifəsi et 
