|
Səhifələr : # 8 9 10 11 12 13 14 15 16 #
Әrdoğan Suriyada mәzhәb qarşıdurmasının baş verә bilәcәyindәn narahatdır
|
Türkiyənin baş naziri Rәcәb Tayyıb Әrdoğan Suriyada mәzhәb qarşıdurmasının baş verә bilәcәyindәn narahat olduğunu bildirib. «KƏLAMİNFO» TRT-yə istinadən xəbər verir ki, baş nazir Rizә şәhәrindә jurnalistlәrin gündәm ilә bağlı suallarına cavab olaraq deyib ki, Suriya demәk olar ki Türkiyә üçün bir siyasәt mövzusudur. Çünki bu ölkәnin mövqeyi Liviyaya bәnzәmir. Suriya ilә Türkiyә arasında 850 kilometr sәrhәd mәntәqәsi var: «Bu ölkә ilә Türkiyә arasında yaxın tәrәfdaşlıq әlaqәlәri mövcuddur. Buna görә Suriyanın hazırkı vәziyyәtdәn dәrhal xilas olmasını arzulayıram».
|
16.05.11 Məqaləni oxumaq
|
|
|
Əhmədinejad mənəvi rəhbərinin kəskin tənqid hədəfi oldu
|
İran prezidenti Mahmud Əhmədinejadın mənəvi rəhbəri hesab edilən ayətullah Məhəmməd Təki Mesba Yəzdi prezidenti kəskin tənqid edib. «KƏLAMİNFO» Qərb informasiya agentliklərinə istinadən xəbər verir ki, o, prezidentin hərəkətlərini məntiqsizlik adlandırıb. Ayətulla Məhəmməd Təki Mesba Yəzdi müsahibələrindən birində bildirib ki, prezident öz dostlarını düşmənlərinə çevirir. Onun sözlərinə görə, prezident əvvəllər administrasiyanın rəhbəri vəzifəsində çalışmış İsfəndiyar Rəhim Maşeyinin təsiri altındadır. Əhmədinejadın onu 2013-cü il seçkilərində prezident vəzifəsinə irəli sürmək istədiyi bildirilir. Müşahidəçilər Yəzdinin bəyanatını prezidentin mövqeyinin zəifləməsi ilə izah edirlər.
|
16.05.11 Məqaləni oxumaq
|
|
|
Hacı Əli Əliyev: “Gürcüstan müsəlmanları QMİ-ni tanıyır və ona nativ qurum görmür”
|
“Gürcüstanda yaradılmış Müsəlmanlar İdarəsi Qeyri Hökümət Təşkilatıdır və bu qurumu Gürcüstan müsəlmanları tanımır”. “KƏLAMİNFO” xəbər verir ki, bunu jurnalistlərə açıqlamasında Qafqaz Müsəlmanları İdarəsinin (QMİ) Gürcüstan üzrə nümayəndəsi Hacı Əli Əliyev deyib. O, bildirib ki, Gürcüstanda yaşayan müsəlmanlara əvvələr olduğu kimi, yenə də Qafqaz Müsəlmanları İdarəsi rəhbərlik edəcək.
Onun sözlərinə görə, Gürcüstanda yaradılan təşkilat QHT-dir və onun QMİ-yə heç bir aidiyyatı yoxdur. “Bu məsələyə Qafqaz ölkələrinin heç biri münasibət bildirməyib. Ona görə də hesab edirik ki, bu məsələ tezliklə öz müsbət həllini tapacaq və tarixən olduğu kimi Gürcüstan müsəlmanları QMİ tərəfindən idarə olunacaq”,-deyə Ə.Əliyev vurğulayıb.
|
16.05.11 Məqaləni oxumaq
|
|
|
Hacı Allahşükür Paşazadə: “Qafqaz xalqlarını rifaha aparan yol sülhün qorunmasından keçir”
|
Azərbaycan prezidenti İlham Əliyev dövlət-din münasibətlərinə, Qafqaz xalqlarının rifahına xüsusi həssaslıqla yanaşır. “KƏLAMİNFO” xəbər verir ki, bu barədə Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə bildirib. Şeyxülislam deyib ki, bu, Azərbaycan hökumətinin siyasətinin başlıca xətlərindəndir. “Biz din nümayəndələri hesab edirik ki, bütün Qafqaz xalqlarını rifaha aparan yol dinlər arasında anlaşmadan, sülhün qorunmasından keçir. Bu gün QMİ-nin fəaliyyəti Qafqazdakı bütün qanuni dini qurumların fəaliyyətinə təkan verir. Ümumi yığıncaqlarımızda biz hər zaman separatçılara, terrorçu qruplara qarşı vahid mövqedən çıxış etmişik. Biz əminik ki, ekstremistlərin mənəvi təcavüz planlarının qarşısını yalnız dövlət başçıları, ictimai təşkilatlar, dini icmaların birgə səyi nəticəsində almaq olar” - deyə Şeyxülislam vurğulayıb.
|
16.05.11 Məqaləni oxumaq
|
|
|
Əli Hüseynli Varşavaya gedib
|
Milli Məclisin Hüquq siyasəti və dövlət quruculuğu komitəsinin sədri Əli Hüseynli bu gündən mayın 19-dək Polşanın Varşava şəhərində səfərdə olacaq. Parlamentdən “KƏLAMİNFO”ya verilən məlumata görə, deputatımız ATƏT-in Demokratik Təsisatlar və İnsan Hüquqları Bürosunun siyasi plüralizm mövzusuna həsr olunmuş seminarında iştirak edəcək. Tədbirdə siyasi partiyaların fəaliyyəti ilə bağlı qanunvericilik, bu strukturlarda qadınların və kişilərin bərabərhüquqlu iştirakı, sosial şəbəkələrdən istifadə və digər məsələlər ətrafında fikir mübadiləsi aparılacaq.
Səfər çərçivəsində Polşanın Prezident Administrasiyasında, Parlamentdə, ölkənin Mərkəzi Seçki Komissiyasında bir sıra görüşlərin keçirilməsi nəzərdə tutulub.
|
16.05.11 Məqaləni oxumaq
|
|
|
İranın Qarabağ məsələsində mövqeyində heç bir dəyişiklik baş verməyib
|
İranın Dağlıq Qarabağ münaqişəsinin nizamlanması ilə bağlı mövqeyində heç bir dəyişiklik baş verməyib. «KƏLAMİNFO» «ISNA»ya istinadən xəbər verir ki, bunu İran İslam Respublikasının Xarici İşlər Nazirliyinin rəsmi nümayəndəsi Ramin Mehmanpərəst bildirib. «İran Dağlıq Qarabağ münaqişəsinin beynəlxalq qanunvericilik, danışıqların davam etdirilməsi və sülh yolu ilə həllinin tərəfdarıdır» - deyə Mehmanpərəst İranın Ermənistandakı səfirinin bu günlərdə verdiyi açıqlamanı şərh edərkən vurğulayıb. Mehmanpərəst əlavə edib ki, İran münaqişə tərəflərinə kömək etməyə hazırdır.
|
16.05.11 Məqaləni oxumaq
|
|
|
|
Bu gün Çexiya prezidenti Vaslav Klaus Azərbaycana gəlir
|
Bu gün Çexiya prezidenti Vaslav Klausun Azərbaycana səfəri başlayır. “KƏLAMİNFO” xəbər verir ki, səfər çərçivəsində Çexiya dövlət başçısı Prezident İlham Əliyev, baş nazir Artur Rasizadə, Milli Məclisin spikeri Oqtay Əsədov və digər rəsmi şəxslərlə görüşəcək.
Səfər zamanı Azərbaycan və Çexiya arasında bir sıra sənədlərin imzalanması planlaşdırılır.
Çexiya Prezidenti həmçinin Azərbaycanın regionlarında da olacaq.
V.Klausun Bakı Slavyan Universitetinin tələbələri ilə də görüşəcəyi nəzərdə tutulur.
|
16.05.11 Məqaləni oxumaq
|
|
|
Nigar Camal və Eldar Qasımov 19-cu çıxış edəcək
|
Mayın 12-də Almaniyanın Düsseldorf şəhərində “Esprit Arena”da “Eurovision-2011” müsabiqəsinin II yarımfinalı da baş tutdu. “KƏLAMİNFO” İTV-yə istinadən xəbər verir ki, yarımfinal mərhələsində 19 ölkə finala çıxmaq uğrunda mübarizə aparıb. Mübarizə aparan ölkələr arasında Avstriya, Belarus, Belçika, Bosniya və Herseqovina, Bolqarıstan, Kipr, Danimarka, Estoniya, Makedoniya, İrlandiya, İsrail, Latviya, Moldova, Rumıniya, Slovakiya, Sloveniya, İsveç, Niderland və Ukrayna təmsilçiləri olub. Bu ölkələrdən 10-u – Estoniya, Moldova, Rumıniya, İrlandiya, Bosniya və Herseqovina, Danimarka, Avstriya, Ukrayna, Sloveniya, İsveç finala vəsiqə qazanıb.
Mayın 14-də baş tutacaq final mərhələsində isə 25 ölkə birincilik uğrunda mübarizə aparacaq. Bu ölkələr Azərbaycan, Fransa, Almaniya, Böyük Britaniya, İtaliya, İspaniya, Serbiya, Litva, Yunanıstan, Gürcüstan, İsveçrə, Macarıstan, Finlandiya, Rusiya, İslandiya, Estoniya, Moldova, Rumıniya, İrlandiya, Bosniya və Herseqovina, Danimarka, Avstriya, Ukrayna, Sloveniya, İsveçdir. Sıra nömrəsinə gəlincə isə qeyd edək ki, Azərbaycan təmsilçiləri 19-cu çıxış edəcəklər.
|
14.05.11 Məqaləni oxumaq
|
|
|
Obama FTB-nin direktorunun səlahiyyət müddətinin artırılmasını istəyib
|
ABŞ prezidenti Barak Obama Konqresə müraciətlə çıxış edib. O, Federal Təhqiqat Bürosunun direktoru Robert Müllerin səlahiyyət müddətinin daha iki il artırılmasını istəyib. «KƏLAMİNFO» «The New York Times»a istinadən xəbər verir ki, Obama bu təklifini onunla əsaslandırıb ki, «Müller FTB-yə rəhbərlik etdiyi 10 il müddətində büronun rəhbərliyində qızıl standart müəyyən edib».
Müllerin səlahiyyət müddəti sentyabrda başa çatır. ABŞ qanunlarına görə, FTB rəhbərini prezident irəli sürür, Senat isə təsdiq edir. O, bu postda 10 ildən artıq qala bilməz.
|
14.05.11 Məqaləni oxumaq
|
|
|
|
Səhifələr : # 8 9 10 11 12 13 14 15 16 #
|
Torpaqlarımızı qaytaraq..
|
|
|
|