|
Səhifələr : # 2 3 4 5 6 7 8 9 10 #
Cenevrədə Radiorabitə üzrə İşçi Qrupun 6-cı iclası keçiriləcək
|
Bu gün İsveçrənin Cenevrə şəhərində Radiorabitənin İşçi Qrupunun 6-cı iclası keçiriləcək. Rabitə və İnformasiya Texnologiyaları Nazirliyindən “KƏLAMİNFO”ya bildiriblər ki, iclasda Beynəlxalq Mobil Rabitənin baza stansiyaları tərəfindən istifadə olunmuş kanallardan UHF zolağında rəqəmsal yerüstü yayım xidmətinə göstərilən maneələrin qiymətləndirilməsi; VHF/UHF zolaqlarında rəqəmsal yerüstü televiziya xidmətləri meyarlarının və VHF zolağında yerüstü FM səs yayımı standartlarının planlaşdırılması; HDTV studio siqnalları üçün rəqəmsal interfeys; televiziya şəkillərinin keyfiyyətinin qiymətləndirilməsi; audio proqramın səs ucalığı və səviyyəsinin ölçülməsi üçün alqoritmlərin müəyyənləşdirilməsi və digər mövzularda müzakirələr aparılacaq.
|
24.05.11 Məqaləni oxumaq
|
|
|
“NATO Azərbaycana doğru nə qədər addım atacaqsa, bu, cavabsız qalmayacaq”
|
“Azərbaycanın NATO ilə münasibətdə “Qoşulmamaq hərəkatı”na qoşulması Bakının qurum ilə əlaqələri kəsməsi demək deyil”. Bunları “KƏLAMİNFO”ya müsahibəsində politoloq Mübariz Əhmədoğlu bildirib. Politoloq deyib ki, NATO Azərbaycana doğru nə qədər addım atacaqsa, Azərbaycan da bu addımları cavabsız qoymayacaq. “Azərbaycan ağıllı, düşünülmüş siyasətə malik dövlətdir. Bu gün ortalığa çıxmış təhdidlərə reaksiya verməlidir. Azərbaycan hakimiyyəti xalqın təhlükəsizliyini təmin etməlidir. Bu gün hesab edir ki, bu addım atılmalıdır, bu addımı atır”,-deyə M.Əhmədoğlu vurğulayıb. Ekspert həmçinin xatırladıb ki, NATO nə vaxtsa deyibmi ki, Azərbaycanı üzv görmək istəyir? “1995-1996-cı illərdə NATO bizi rədd etdi. Nəyə görə biz bəyan etməliyik ki, belə bir quruma üzv olmaq istəyirik? Rusiyanın, İranın, lap o tərəfdən də Çinin təziqlərini üstümüzə çəkək? Bu, niyə lazımdır? Mənə lazımdır sakitlik, təhlükəsizlik. Əlimə düşən bir tikə çörəyi camaatımla yeyim. İndiki dövrdə bu addımın atılması zəruridir”,-deyə o, əlavə edib.
|
24.05.11 Məqaləni oxumaq
|
|
|
Təhsil naziri Misir Mərdanov əmr imzalayıb
|
Təhsil naziri Misir Mərdanov “Ümumtəhsil məktəblərində “Son zəng” tədbirinin keçirilməsi haqqında” əmr imzalayıb. Təhsil Nazirliyindən “KƏLAMİNFO”a verilən məlumata görə, əmrə əsasən “Son zəng” tədbiri 31 may 2011-ci il tarixdə saat 10:00-dan başlayaraq üç saat müddətində yalnız təhsil müəssisəsinin ərazisində keçiriləcək. Əmrdə ölkəmizin ümumtəhsil məktəblərində təşkil olunan “Son zəng” tədbirində valideyn komitələri, valideyn-müəllim assosiasiyaları və ictimaiyyət nümayəndələrinin iştirakının təmin edilməsi nəzərdə tutulub. Eyni zamanda əmrdə Naxçıvan Muxtar Respublikası Təhsil Nazirliyi, Bakı Şəhəri üzrə Təhsil İdarəsi, Gəncə şəhər Təhsil İdarəsi, rayon (şəhər) təhsil şöbələrinə “Son zəng”in məzmunlu keçirilməsi ilə bağlı təşkilati işlərin vaxtında başa çatdırılması, şagirdlərin təhlükəsizliyinin təmin edilməsi məqsədilə zəruri tədbirlərin görülməsinə dair tapşırıqlar verilib.
|
24.05.11 Məqaləni oxumaq
|
|
|
Aydın İsmiyev: “Ermənilərin Dağlıq Qarabağdakı turizm fəaliyyəti ilə bağlı etiraz bildirəcəyik”
|
“Dağlıq Qarabağda ermənilər tərəfindən otellərin, turizm müəssisələrinin açılması, onların orada turizm fəaliyyəti göstərməsi qanunsuzdur”. “KƏLAMİNFO”un məlumatına görə, bunu Mədəniyyət və Turizm Nazirliyinin Turizmin təşkili şöbəsinin müdiri Aydın İsmiyev bildirib. “Təbii ki, onlar bizdən lisenziya almayıblar, almayacaqlar da”,-deyən şöbə müdirinin sözlərinə görə, tövsiyə oluna və siyahı yerləşdirilə bilər ki, turistlər orada yerləşməsinlər: “Oralar bizim ərazilərdir, ermənilər tərəfindən işğal edilib, müvəqqəti olaraq ora nəzarət imkanlarını itirmişik, lakin bu, o demək deyil ki, onlar turizm fəaliyyəti ilə məşğul ola bilərlər. Biz hər yerdə bildiririk ki, o ərazilər Azərbaycanın işğal altında olan torpaqlarıdır və ermənilərin orada fəaliyyət göstərməsi qeyri-qanunidir. Onların Qarabağda turizm xidməti göstərməsi qanunsuzdur”.
|
23.05.11 Məqaləni oxumaq
|
|
|
Aran iqtisadi rayonunda sosial-iqtisadi inkişaf perspektivləri müzakirə olunub
|
Yevlax şəhərində İqtisadi İnkişaf Nazirliyi və Yevlax Rayon İcra Hakimiyyətinin təşkilatçılığı ilə “Aran iqtisadi rayonunun sosial-iqtisadi inkişafı: istehsalın modernləşdirilməsi ilə rəqabətqabiliyyətli məhsul istehsalının artırılması” mövzusunda konfrans keçirilib. “KƏLAMİNFO” İİN-ə istinadən bildirir ki, tədbirdə İqtisadi İnkişaf Nazirliyi, Yevlax rayon İcra Hakimiyyəti, Sahibkarlar (İşəgötürənlər) Təşkilatları Milli Konfederasiyasının nümayəndələri, eləcə də Aran iqtisadi rayonunda fəaliyyət göstərən sahibkarlar iştirak ediblər.
|
23.05.11 Məqaləni oxumaq
|
|
|
Zakir Qaralov: “Korrupsiyaya qarşı mübarizə sahəsində həyata keçirilən irimiqyaslı və kompleks tədbirlər müsbət nəticələrini verir”
|
Azərbaycanın baş prokuroru Zakir Qaralov respublikada görülən korrupsiyaya qarşı mübarizə tədbirləri ilə bağlı müsahibə verib.
- Zakir müəllim, Azərbaycan Respublikasında korrupsiyaya qarşı mübarizənin mövcud vəziyyətini necə qiymətləndirirsiniz?
- Mütəşəkkil cinayətkarlığın təhlükəli təzahürlərindən olan korrupsiya ən qədim vaxtlardan mövcud olmaqla bütün cəmiyyətlərə xas olan ən mürəkkəb sosial problemlərdən biridir. Korrupsiya cinayətlərinə qarşı barışmaz və prinsipial mübarizə Sovetlər İttifaqı məkanında ilk olaraq məhz ümummilli lider Heydər Əliyevin rəhbərliyi altında Azərbaycanda başlayıb, bu istiqamətdə qətiyyətli tədbirlər həyata keçirilib. 1993-cü ilin iyun ayının 15-də xalqının təkidli tələbi ilə siyasi hakimiyyətə qayıdan ulu öndərin rəhbərliyi altında müstəqil Azərbaycan Respublikasında mütəşəkkil cinayətkarlığa və onun təhlükəli təzahürü kimi korrupsiyaya qarşı mübarizə yeni müstəviyə qaldırılaraq, qabaqlayıcı tədbirlər önə çəkilib.
|
23.05.11 Məqaləni oxumaq
|
|
|
Qəddafi yenidən Liviya televiziyasında görünüb
|
Liviya lideri Müəmmar Qəddafinin yeni görüntüləri yayılıb. “KƏLAMİNFO” “Xəbərtürk”ə istinadən məlumat verir ki, dünən axşam Liviya televiziyası Qəddafinin görüntülərini yayımlayıb. Görüntülərdə qara geyimdə olan Qəddafinin gözündə gün eynəyi olub. Kadrda Qəddafi şəxsi təmsilçisi olan Əhməd Əl-Şərif ilə söhbət edib.
|
21.05.11 Məqaləni oxumaq
|
|
|
Vaşinqtonda Azərbaycan mədəniyyəti alqışlanıb
|
ABŞ-da respublikamızın müstəqilliyinin 20 illiyi, 28 May Respublika günü və ümummilli lider Heydər Əliyevin doğum gününün 88-ci ildönümü münasibətilə təşkil olunmuş konsert proqramlarına yekun vurulub. Mədəniyyət və Turizm Nazirliyindən “KƏLAMİNFO”ya verilən məlumata görə, Hyuston şəhərində keçirilən Hyuston Beynəlxalq Festivalı, həmçinin Los-Anceles, Santa-Monika, San-Fransisko şəhərlərindəki uğurlu çıxışlardan sonra ABŞ-a səfər çərçivəsində Azərbaycanın mədəniyyət və incəsənət ustaları 19 may 2011-ci il tarixdə Vaşinqton şəhərində Ronald Reagan Buildingdə möhtəşəm yekun konsert proqramı ilə çıxış edib.
Xatırladaq ki, Dövlət Rəqs Ansamblı, pionoçu Emil Əfrasiyab, muğam dördlüyü və digər musiqiçilərimizin iştirak etdiyi konsert proqramında tamaşaçılara caz musiqisi ilə muğam və xalq mahnılarının sintezi təqdim olunub. Azərbaycan milli rəqslərinin də nümayiş olunduğu proqramı böyük hərarətlə qarşılayan amerikalılar xalqımızın mədəniyyətini yüksək qiymətləndirib, təəssürat və xoş duyğularını nümayəndə heyətimizlə bölüşüblər.
|
21.05.11 Məqaləni oxumaq
|
|
|
Türkiyədə 5.9 bal gücündə zəlzələ: 3 ölü
|
Türkiyənin Kütahya vilayətində 5.9 bal gücündə zəlzələ baş verib. “KƏLAMİNFO” “CNNTürk”ə istinadən xəbər verir ki, yeraltı təkanlar nəticəsində 3 nəfər ölüb, 79 nəfər isə müxtəlif dərəcəli xəsarətlər alıb. Kütahya valisi bildirib ki, gecəki zəlzələdən sonra şəhərdə 450 kiçik yeraltı təkanlar hiss olunub. ”Dövlətimiz güclüdür, baş nazir və nazir müavininin əmrilə bütün xilasetmə tədbirləri həyata keçirilir. Hadisə yeri daima nəzarətimzidədir”,-deyə Kütahya valisi Çiftçi əlavə edib.
Yeraltı təkanlar İstanbul, Bursa, Kocaeli, Yalova, Çanaqqala və Tekirdağ vilayətlərində də hiss olunub. Bundan başqa, zəlzələni Ankara, Əskişəhər, İzmir, Dənizli və Manisa sakinləri də hiss edib.
Bölgədə 5 mərtəbəli bina uçub, həmçinin iki məscid minarəsi də aşıb. Hadisə yerinə xeyli sayda xilasedicilər və tibbi briqadalar cəlb olunub. Uçqun altında kiminsə qalıb-qalmaması barədə məlumat yoxdur.
|
21.05.11 Məqaləni oxumaq
|
|
|
Misir Mərdanov məktəb direktorlarına ciddi xəbərdarlıq edib
|
Bakıda, 276 nömrəli tam orta məktəbdə ümumtəhsil müəssisələrindəki mövcud vəziyyətlə bağlı paytaxtın məktəb direktorlarının iştirakı ilə müşavirə keçirilib. Təhsil Nazirliyindən “KƏLAMİNFO”ya bildiriblər ki, müşavirədə təhsil naziri Misir Mərdanov, nazirliyin Strateji təhlil, planlaşdırma və kadrların idarəolunması şöbəsinin müdiri Fərzəli Qədirov, Bakı Şəhəri üzrə Təhsil İdarəsinin müdiri Nailə Rzaquliyeva, idarənin məsul işçiləri və paytaxtın ümumtəhsil məktəbləri, eləcə də Təhsil Nazirliyinin bilavasitə tabeliyində olan təhsil müəssisələrinin rəhbərləri iştirak ediblər.
Tədbiri təhsil naziri Misir Mərdanov açaraq başa vurmaqda olduğumuz tədris ili ərzində ümumi təhsillə bağlı bir sıra işlərin görüldüyünü diqqətə çatdırıb. Ölkəmizdə şəffaflığın artırılması və korrupsiyaya qarşı mübarizə tədbirlərinin daha da gücləndirildiyini qeyd edən nazir bu məsələnin ölkə prezidenti İlham Əliyev tərəfindən xüsusi diqqətdə saxlanıldığını nəzərə çatdırıb.
|
21.05.11 Məqaləni oxumaq
|
|
|
|
Səhifələr : # 2 3 4 5 6 7 8 9 10 #
|
Torpaqlarımızı qaytaraq..
|
|
|
|