|
|
Səhifələr : # 19 20 21 22 23 24 25 26 27 #
|
|
Ekspert: “Usəma bin Ladendən sonra ikinci hədəf Müəmmər Qəddafidir”
|
|
“Əgər “Əl-Qaida” lideri Usəma bin Ladenin öldürülübsə, bu o deməkdir ki, onun həqiqətən də mövcud olduğu təsdiqlənir”. Bu barədə “KƏLAMİNFO”ya müsahibəsində siyasi ekspert Elxan Şahinoğlu bildirib.
Onun fikrincə, dünyanın ən qüdrətli dövlətinin Usama bin Ladeni 15 il təqib edəndən sonra ovlaya bilməsi onu göstərir ki, terrora qarşı mübarizə istiqamətində inkişaf var və belə getsə, növbəti hədəf Müəmmər Qəddafi olacaq. “Amma bin Ladenin öldürülməsi ilə məsələ həll olunmur. Terrorizmi doğuran ictimai, siyasi, iqtisadi səbəblər var. Tarixdən də bəlli - inkaredilməz həqiqətdir ki, bir terrorçu gedir, onun yerinə başqası gəlir. Ona görə də terrorizmi doğuran səbəbləri - ictimai bərabərsizliyi, ədalətsizliyi, qanunsuzluğu aradan qaldırmaq lazımdır. Eyni zamanda artıq reallıqlar tələb edir ki, bu mübarizə uzadılmadan, qurbanlar verilmədən aparılmalıdır”,-deyə ekspert vurğulayıb.
|
04.05.11 Məqaləni oxumaq
|
| |
|
|
|
Asəf Hacıyev Malaziyaya gedir
|
|
Milli Məclisin deputatı Asəf Hacıyev sabah Malaziyaya səfər edəcək. Parlamentdən “KƏLAMİNFO”ya verilən məlumata görə, millət vəkili Kuala Lumpur şəhərində Asiya Siyasi Partiyalarının Beynəlxalq Konfransının təşkil etdiyi tədbirdə iştirak edəcək.
Səfər mayın 9-da başa çatacaq.
|
|
04.05.11 Məqaləni oxumaq
|
| |
|
|
|
Əbülfəs Qarayev İran səfirini qəbul edib
|
|
Mədəniyyət və turizm naziri Əbülfəs Qarayev İranın Azərbaycandakı fövqəladə və səlahiyyətli səfiri Məhəmməd Bağır Bəhramini qəbul edib. Nazirliyin mətbuat xidmətindən “KƏLAMİNFO”ya verilən məlumata görə, görüş zaman Azərbaycan və İran arasında ikitərəfli əlaqələrin dinamikasının yüksək inkişafı qeyd edilib.
Görüşdə tərəflər cari ilin oktyabr ayında Azərbaycanda İran Mədəniyyət günlərinin keçirilməsini müzakirə ediblər. Mədəniyyət günlərinin açılışı zamanı İranın yeni təyin olunmuş mədəniyyət naziri Mohammad Hosseininin də iştirak etməsinin mümkünlüyü nəzərdən keçirilib.
Həmçinin, İran Mədəniyyət günləri çərçivəsində musiqi, əlyazma, teatr, əl işləri və rəssamlıq nümunələrinin təqdim olunması və təşkilatı işlər ilə bağlı əvvəlcədən işçi qrupunun ölkəmizə səfəri barəsində razılığa gəlinib.
|
|
04.05.11 Məqaləni oxumaq
|
| |
|
|
|
Qəddafi oğlunun dəfninə gəlmədi
|
|
Liviya lideri Müəmmar Qəddafi mayın 1-də öldürülən kiçik oğlu Seyf əl-Ərəb Qəddafinin dəfn mərasiminə gəlməyib. «KƏLAMİNFO»nun «Reuters»ə istinadən yaydığı məlumatda göstərilib ki, Cəmahiriyyə liderinin yerinə onun böyük oğlu Seyf əl-İslam Qəddafi gəlib. İki minə yaxın insanın iştirak etdiyi mərasimə o, qara bədəvi paltarında gəlib. Qəbiristanlıqda yığışan insanlar Qəddafinin lehinə şüarlar səsləndiriblər.
Diktatorun oğlu ilə yanaşı, onun üç nəvəsini də dəfn ediblər. Onlar Qəddafinin oğlu Hannibal, Məhəmməd və Aişənin uşaqlarıdır.
|
|
04.05.11 Məqaləni oxumaq
|
| |
|
|
|
Zahid Oruc: “Terrorla mübarizə yeni ərazilərin ələ keçirilməsi vasitəsinə çevrilməməlidir”
|
|
“Üsəma bin Ladenin ölümü bir daha sübut edir ki, hər hansı bir terror təşkilatının əsası hansısa güc dövlətinə bağlı olsa da, nə qədər müasir silahlara, mühüm kəşfiyyat məlumatlarına malik olsa da, onun fəaliyyətinin sonu qalibiyyət yox, məhvdir”. Bu barədə “KƏLAMİNFO”ya müsahibəsində Milli Məclisin Təhlükəsizlik və müdafiə komitəsinin üzvü Zahid Oruc deyib. O hesab edir ki, indi dünyada terrora qarşı mübarizə bütün cinahlarda, bütün məkanlarda aparılmalıdır. “Eyni zamanda, bu mübarizə heç olmasa bundan sonra heç bir halda soyuq savaş, dinlərarası konfliktlər, yeni ərazilərin ələ keçirilməsi vasitəsinə çevrilməməlidir” - deyə millət vəkili vurğulayıb.
Z.Oruc ümid edir ki, bin Ladeni ətrafındakılardan kimsə təkrarlaya, eləcə də onun ölümündən kimlərsə dinlərarası konflikti dərinləşdirmək məqsədilə istifadə edə bilməyəcək. “Əgər hər şey bu axarla davam edərsə, dünya artıq axıra kimi bütün terror qruplarına qarşı eyni səmimiyyətlə mübarizə aparmağa nail olacaq” - deyə o, əlavə edib.
|
|
04.05.11 Məqaləni oxumaq
|
| |
|
|
|
Ombudsman Şuşa, Laçın və Kəlbəcərin işğalı ilə bağlı bəyanat verib
|
|
Ombudsman Elmira Süleymanova Şuşa, Laçın və Kəlbəcərin işğalı günləri ilə bağlı BMT-nin baş katibi, baş katibin müavini, Uşaqlar və silahlı münaqişələr problemi üzrə xüsusi nümayəndəsi, BMT-nin İnsan Hüquqları üzrə Ali Komissarı, Avropa Komissiyası, Avropa Şurası, ATƏT, Beynəlxalq və Avropa Ombudsmanlar İnstitutları, Asiya Ombudsmanlar Assosiasiyası, Beynəlxalq Sülh Bürosu, Universal Sülh Federasiyası, müxtəlif ölkələrin ombudsmanları, Azərbaycanın xarici ölkələrdəki, xarici ölkələrin respublikamızdakı səfirlikləri və Azərbaycanın diaspor təşkilatlarına bəyanat ünvanlayıb. Bu barədə məlumatı “KƏLAMİNFO”ya Ombudsman Aparatından veriblər.
Bəyanatda qeyd edilir ki, Ermənistanın Azərbaycana qarşı 20 ildən artıq müddətdə hərbi təcavüzü nəticəsində 20 min nəfərdən artıq azərbaycanlı həlak olub, 50 min nəfər yaralanıb, müxtəlif dərəcəli xəsarətlər alaraq əlil olub, 4.500 nəfər itkin düşüb, qadınlar, qocalar, uşaqlar əsir və girov götürülüb, amansız işgəncələrə məruz qalıb, bir milyon nəfər azərbaycanlı qaçqın və məcburi köçkünə çevrilib, 1000-dək yaşayış məntəqəsi dağıdılıb.
|
|
04.05.11 Məqaləni oxumaq
|
| |
|
|
|
Elmar Məmmədyarovun Serbiya və Monteneqroya rəsmi səfərləri başlayıb
|
|
Xarici işlər naziri Elmar Məmmədyarovun Serbiya və Monteneqroya rəsmi səfərləri başlayıb. Xarici İşlər Nazirliyindən “KƏLAMİNFO”ya verilən məlumata görə, səfərlər bu gündən mayın 5-nə kimi nəzərdə tutulub.
Serbiya səfəri çərçivəsində E.Məmmədyarovun Serbiya prezidenti Boris Tadiç, bu ölkənin xarici işlər naziri Vuk Yeremiç, Serbiyanın əmək və sosial siyasət naziri Rasim Lyaiç, Serbiya baş nazirinin birinci müavini və daxili işlər naziri İvitsa Daçic, Serbiya Milli Assambleyasının prezidenti xanım Slavitsa Cukiç Deyanoviç və Serbiyanın baş naziri Mirko Tsvetkoviç ilə görüşləri gözlənilir.
Monteneqroya səfəri zamanı E.Məmmədyarovun bu ölkənin xarici işlər və Avropaya inteqrasiya naziri Milan Roçen, Monteneqronun baş naziri İqor Lukşiç, Monteneqro parlamentinin spikeri Ranko Krivikapiç, Monteneqronun prezidenti Filip Vuyanoviç ilə görüşləri planlaşdırılıb. Hər iki səfər zamanı ikitərəfli münasibətlər, regional təşkilatlar çərçivəsində əməkdaşlıq, iqtisadi, siyasi mədəni və digər sahələrdə əlaqələrin genişləndirilməsi məsələləri müzakirə mövzusu olacaq.
|
|
04.05.11 Məqaləni oxumaq
|
| |
|
|
|
“Aşıq sənəti haqqında” ayrıca qanun hazırlana bilər
|
|
Azərbaycanda “Aşıq sənəti haqqında” qanun layihəsinin qəbul olunması gözlənilir. Bu barədə məlumatı “KƏLAMİNFO”ya Milli Məclisin Mədəniyyət komitəsinin sədr müavini Rafael Hüseynov verib. O qeyd edib ki, qanun “Mədəniyyət haqqında”, “Təhsil haqqında”, “Tarix və mədəniyyət abidlərinin qorunması haqqında”, “Azərbaycan folkloru nümunələrinin hüquqi qorunması haqqında” qanunlardan, digər normativ aktlardan və Azərbaycanın tərəfdar çıxdığı beynəlxalq müqavilələrdən ibarət olaraq hazırlanacaq. “Nəzərə alsaq ki, aşıq sənətinin Azərbaycanda kifayət qədər tarixi var və bu gün də bu ənənənin yaşadılması qarşımızda duran vacib amillərdəndir, o zaman bu sahədə ayrıca qanuna xüsusi ehtiyac var. Əks halda tarixin müxtəlif mərhələlərində bu sənət yadellilərin təsirinə məruz qaldığı kimi gələcəkdə də qalması qaçılmazdır” -deyə millət vəkili vurğulayıb.
|
|
03.05.11 Məqaləni oxumaq
|
| |
|
|
|
Medvedyev terrorizmə qarşı mübarizə qanununa dəyişiklikləri təsdiqləyib
|
|
Rusiya prezidenti Dmitri Medvedyev «Terrorizmə qarşı mübarizə» haqqında qanuna dəyişiklikləri təsdiq edib. Düzəlişə görə, ölkədə terror təhlükəsi barədə üç səviyyəli sistem həyata keçiriləcək. Prezidentin mətbuat xidmətinin yaydığı xəbərə görə, ən yüksək hədd - göy, yüksək - sarı, kritik hədd isə qırmızı olacaq. «KƏLAMİNFO» «Lenta.ru»ya istinadən xəbər verir ki, yüksək hədd terror aktının yeri və vaxtı müəyyən edildikdə, eləcə də o baş verdikdə həyata keçirilir.
Dövlət Duması qanuna dəyişikliyi aprelin 22-də, Federasiya Şurası isə aprelin 27-də təsdiqləyib.
|
|
03.05.11 Məqaləni oxumaq
|
| |
|
|
|
BMT bin Ladenin öldürülməsindən məmnundur
|
|
BMT Təhlükəsizlik Şurası «Əl-Qaidə» lideri Üsəma bin Ladenin öldürülməsindən məmnunluq ifadə edən bəyanat verib. «KƏLAMİNFO» «Lenta. ru»ya istinadən xəbər verir ki, bəyanatda «bir nömrəli terrorçu»nun öldürülməsi terrorizmlə mübarizədə köklü dəyişiklik kimi qələmə verilib. Eyni zamanda, dövlətlərdən terror aktlarının qarşısını almaq üçün ayıq-sayıq olmaq istənilib.
Qeyd edək ki, TŞ-nin iclasında baş katib Pan Qi Mun da iştirak edib.
|
|
03.05.11 Məqaləni oxumaq
|
| |
|
|
|
Səhifələr : # 19 20 21 22 23 24 25 26 27 # |
|
Torpaqlarımızı qaytaraq..
|
| |
|
|
|
Açılış Səhifəsi et 
