|
|
Səhifələr : # 1 2 3 4 5 6 7 8 #
|
|
Mahmud Əhmədinejad: «ABŞ şəxsi maraqlarının xilas olunması planı hazırlayır»
|
|
«ABŞ İsrailin və özünün şəxsi maraqlarının xilas olunması planı hazırlayır». «KƏLAMİNFO»nun məlumatına görə, bu sözləri İran prezidenti Mahmud Əhmədinejad «PressTV»yə müsahibəsində bildirib. Abadan şəhərində qaz emalı zavodunun açılış mərasimində çıxış edən prezident Vaşinqtonu kəskin şəkildə ittiham edib. Onun sözlərinə görə, ABŞ-ın sxemi onun maraqlarına xidmət edən sionist rejimin (İsrailin) qorunub saxlanılmasına yönəlib. «Bütün dünyanın əsas düşmənləri - ABŞ, onun müttəfiqləri və sionist rejimdir. Bütün dünya ölkələri ayıq-sayıq olmalıdır» - deyə Əhmədinejad əlavə edib.
|
26.05.11 Məqaləni oxumaq
|
| |
|
|
|
Rəbiyyət Aslanova kvotanın əleyhinədir
|
|
Bütün hallarda Milli Məclisə deputatların seçilməsinə kvota qoyulmasının əleyhinəyəm. “KƏLAMİNFO” xəbər verir ki, bunu jurnalistlərə açıqlamasında Milli Məclisin İnsan hüquqları komitəsinin sədri Rəbiyyət Aslanova deyib.
O, qeyd edib ki, son günlər söhbət gəzir ki, qadın millət vəkillərinin seçilməsi ilə bağlı kvota müəyyənləşsin. “Əgər növbəti seçkilərdə 125 millət vəkilindən 50 faizi qadın seçilərsə, kvota 30 faiz müəyyənləşərsə, o zaman vəziyyət necə olacaq? Ona görə də istər yaş baxımından, istərsə də cinsi mənsubiyyətə görə, kvotanın qoyulması qəbul edilməzdir”,-deyə komitə sədri vurğulayıb.
Qeyd edək ki, parlamentin Sosial siyasət komitəsinin sədri Hadı Rəcəbli millət vəkili seçkiləri ilə bağlı cavan nəslə nisbətdə yaşlı nəslə üstünlük verilməsi üçün kvota müəyyənləşdirilməsi təklifi ilə çıxış edib.
|
|
26.05.11 Məqaləni oxumaq
|
| |
|
|
|
Ziyafət Əsgərovun rəhbərlik etdiyi nümayəndə heyəti NATO PA-nın yaz sessiyasında iştirak edəcək
|
|
Mayın 27-dən 30-dək Bolqarıstanın Varna şəhərində NATO Parlament Assambleyasının yaz sessiyası keçiriləcək. Parlamentdən “KƏLAMİNFO”ya bildiriblər ki, sessiyada Azərbaycanı Milli Məclis sədrinin birinci müavini Ziyafət Əsgərovun rəhbərlik etdiyi nümayəndə heyəti təmsil edəcək. Nümayəndə heyətinin tərkibinə deputatlardan Məlahət İbrahimqızı və Qüdrət Həsənquliyev daxildirlər.
Sessiyanın iclaslarında informasiya və milli təhlükəsizlik, Ukraynada daxili dinamika və xarici siyasətin prioritetləri, Əfqanıstanda idarəetmə problemləri, raket əleyhinə müdafiə, Çinin tərəqqisi və bunun NATO üçün mümkün nəticələri, bioloji və kimyəvi təhdidlərə qarşı müqavimət göstərilməsi, sənayenin su təhlükəsizliyinə təsiri və digər mövzularda məruzələr dinləniləcək, fikir mübadiləsi aparılacaq. Bundan başqa, səfər çərçivəsində nümayəndə heyətinin bir sıra görüşləri də nəzərdə tutulub.
|
|
26.05.11 Məqaləni oxumaq
|
| |
|
|
|
Prezident Dünya Bankının Cənubi Qafqaz üzrə direktoru Əsəd Alamı qəbul edib
|
|
Prezident İlham Əliyev bu gün Dünya Bankının Cənubi Qafqaz üzrə direktoru Əsəd Alamı qəbul edib. “KƏLAMİNFO” xəbər verir ki, görüşdə Azərbaycan ilə Dünya Bankı arasında uğurlu əməkdaşlığın həyata keçirildiyi vurğulanıb, bir sıra mühüm layihələr üzrə fəal işlərin aparıldığı qeyd edilib, ölkəmizin müvafiq strukturları ilə Dünya Bankı arasında əlaqələrin bundan sonra da genişlənəcəyinə əminlik ifadə olunub.
|
|
26.05.11 Məqaləni oxumaq
|
| |
|
|
|
Ünvanlar dəyişdikcə şəxsiyyət vəsiqəsini dəyişməyə ehtiyac olmayacaq
|
|
Ünvanlar dəyişdikcə, vətəndaşların şəxsiyyət vəsiqəsindəki baza məlumatları əslində dəyişilməlidir. Buna yol verməmək üçün küçələrin, yolların, nəqliyyat infrastruktur obyektləri kodlaşdırılacaq. “KƏLAMİNFO” xəbər verir ki, bu barədə Əmlak Məsələləri Dövlət Komitəsinin Aparat rəhbəri İlqar Nəbiyev deyib. Onun sözlərinə görə, kodlaşdırma sisteminin əsası budur ki, küçənin adının necə adlanmasından asılı olmayaraq, məkan həmin məkandır. “Adın dəyişməsindən asılı olmayaraq, obyekt kodla xarakterizə olunur, kod da öz növbəsində identifikasiya edilir. Yəni ünvanın vahid işarələnməsi aparılır. Bu isə vətəndaşların yenidən şəxsiyyət vəsiqəsini dəyişməsinə gətirib çıxarmayacaq” - deyə o əlavə edib.
|
|
25.05.11 Məqaləni oxumaq
|
| |
|
|
|
Azərbaycan Meksikada mədəniyyət yarmarkasında təmsil olunur
|
|
Mexiko şəhərində ənənəvi “Dost ölkələrin mədəniyyət yarmarkası” başlayıb. 15 gün davam edəcək yarmarkada Mədəniyyət və Turizm Nazirliyinin dəstəyi ilə Azərbaycan səfirliyi də təmsil olunur. Bu barədə məlumatı “KƏLAMİNFO”ya Meksikadakı səfirliyimizdən veriblər.
Yarmarka, Meksikada akkreditə olunmuş diplomatik nümayəndəliklər vasitəsi ilə öz ölkələrinin mədəniyyətinin təbliği və tanıdılması üçün Mexiko şəhərinin hökuməti tərəfindən təşkil edilib. Təşkilatçıların bildirdiyinə əsasən, 30 milyonadək əhalisi olan Mexiko şəhərində gündəlik olaraq bir neçə milyon şəhər sakini və turist yarmarkanı ziyarət edirlər.
Azərbaycan üçün ayrılmış ərazidə milli suvenirlər, xalçalar, Azərbaycanın tarixi, mədəniyyəti, mətbəxi, musiqisi, adət-ənənələri haqda məlumatlarla yanaşı, ölkə haqda məlumatlar, Ermənistanın Azərbaycana qarşı təcavüzü barədə çap və elektron materiallar nümayiş etdirilir və paylanılır.
|
|
25.05.11 Məqaləni oxumaq
|
| |
|
|
|
Bin Ladenin bir videosu da yayımlanacaq
|
|
“Əl-Qaidə” terror təşkilatının lideri Usamə Bin Ladenin daha bir videosu yayımlanacaq. “KƏLAMİNFO” Türkiyənin “Milliyət” qəzetinə istinadən xəbər verir ki, amerikalı nümayəndələr Bin Ladenin bir videosunun yayımlanacağı barədə xəbərdardırlar.
Bu arada “Nyu-Yok Times” qəzeti yazıb ki, Bin Laden ölümündən sonra yayımlanmaq üçün tərəfdaşlarına belə bir kaset verib. Kasetin Bin Ladenin ölümündən bir neçə gün əvvəl çəkildiyi qeyd olunur.
|
|
25.05.11 Məqaləni oxumaq
|
| |
|
|
|
“Azərbaycanda informasiyanın psixoloji təhlükəsizliyi” haqqında qanunun qəbuluna ciddi ehtiyac var
|
|
“Azərbaycanda informasiyanın psixoloji təhlükəsizliyi” haqqında qanunun qəbul edilməsinə ciddi ehtiyac var. “KƏLAMİNFO” xəbər verir ki, bunu jurnalistlərə Milli Məclisin komitə sədri Rəbiyyət Aslanova deyib.
O, qeyd edib ki, bu gün insanlar bir çox təsirlərə məruz qalırlar. “Hazırda elə bir dövrdə yaşayırıq ki, insanlar öz psixoloji rahatlıqlarını informasiya mənbələrində axtarırlar. Bu baxımdan çox vacibdir ki, ölkəmizdə ötürülən informasiyaların psixoloji təhlükəsizliyi təmin olunsun, bu gün dünyanın ayrı-ayrı, formal və qeyri-formal mənbələri arasında insan beyni üzərində mübarizə gedir. Nəticədə insanlar təsirə məruz qalırlar. Bu təsirə və insan beyninin zombiləşməsinə qarşı Azərbaycanda belə bir qanunun qəbul olunmasına zərurət böyükdür. Hesab edirəm ki, yaxın vaxtlarda Milli Məclisdə bu məsələ gündəmə gətiriləcək”,-deyə R.Aslanova vurğulayıb.
|
|
25.05.11 Məqaləni oxumaq
|
| |
|
|
|
Növbəti tədris ilinədək 25 məktəb istifadəyə veriləcək
|
|
Növbəti tədris ilinədək Azərbaycanın müxtəlif bölgələrində 25 orta ümumtəhsil məktəbi istifadəyə veriləcək. Bu barədə məlumatı “KƏLAMİNFO”ya müsahibəsində Təhsil Nazirliyinin Texniki şöbəsinin əməkdaşı Elman Əzimov söyləyib.
E.Əzimov qeyd edib ki, yeni istifadəyə veriləcək məktəblər təxminən 5500 şagird yerlik olacaq. Onun sözlərinə görə, həmin məktəblər Ağcabədi, Bərdə, Göygöl, Qobustan, Qusar, Neftçala, Şəki, Şəmkir, Lənkəran, Lerik, Masallı, Cəlilabad, Göyçay, Goranboy, Tovuz, Zaqatala, Kürdəmir, Ucar, İmişli, Balakən, Şabran, İsmayıllı və Beyləqan rayonlarında istifadəyə veriləcək. O, əlavə məktəblərin də tikilməsinin nəzərdə tutulduğunu söyləyib.
|
|
25.05.11 Məqaləni oxumaq
|
| |
|
|
|
Mübariz Əhmədoğlu: “Ermənistanın imitasiya etmək imkanları daralıb”
|
|
Bu gün Beynəlxalq Mətbuat Mərkəzində (BMM) Siyasi İnnovasiya və Texnologiyalar Mərkəzinin sədri Mübariz Əhmədoğlu “Qarabağ saatı” mövzusunda mətbuat konfransı keçirib. “KƏLAMİNFO” xəbər verir ki, M.Əhmədoğlu Dağlıq Qarabağ münaqişəsinin həlli ilə bağlı aparılan danışıqlarda Ermənistanın imitasiya etmək imkanlarının daraldığını bildirib. İmitasiya üçün artıq yerin olmadığını diqqətə çatdıran M.Əhmədoğlu hesab edir ki, Ermənistanın danışıqlarda konstruktiv mövqe tutmasının vaxtı çatıb. Azərbaycan, Rusiya və Ermənistan prezidentlərinin növbəti Kazan görüşünə toxunan M.Əhmədoğlu hesab edir ki, bu, çox ciddi bir görüş olmalıdır. Onun sözlərinə görə, bu görüşdə ya erməni separatçılığını canlandıran, ya da bu separatçılığa son qoya biləcək bir qərar qəbul edilə bilər.
|
|
25.05.11 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
