|
|
Səhifələr : # 14 15 16 17 18 19 20 21 22 #
|
|
Azərbaycanın döyüş sursatları Türkiyədə nümayiş olunur
|
|
Müdafiə sənayesi naziri Yavər Camalovun başçılıq etdiyi nümayədə heyəti Türkiyəyə səfər edib. Bu barədə məlumatı “KƏLAMİNFO”ya Müdafiə Sənayesi Nazirliyindən veriblər.
Səfərdə məqsəd 10-13 may tarixlərində Türkiyənin İstanbul şəhərində keçiriləcək “İDEF-2011” X Beynəlxalq Müdafiə Sənayesi Sərgisində iştirak etməkdir.
İlk dəfə olaraq “İDEF-2009” beynəlxalq sərgisinə 27 adda məmulatla qatılan Müdafiə Sənayesi Nazirliyi bu sərgidə 89 adda məmulat nümayiş etdirəcək. Bu sərgidə Azərbaycanın pilotsuz uçan aparatları, yeni növ atıcı silahları və döyüş sursatlarının da nümayiş etdirilməsi nəzərdə tutulub.
|
10.05.11 Məqaləni oxumaq
|
| |
|
|
|
Turizm sektoruna vergi güzəştlərinin tətbiqi təklif olunur
|
|
İqtisadi və Sosial İnkişaf Mərkəzi (İSİM) turizmlə bağlı təkliflər paketi hazırlayıb. “KƏLAMİNFO”nun məlumatına görə, bu barədə təşkilatın rəhbəri Vüqar Bayramov bildirib. V.Bayramovun sözlərinə görə, sənəddə Azərbaycan turizminin indiki səviyyəsi qiymətləndirilib: “Söhbət turizmin inkişafına kompleks yanaşmadan gedir və bir sıra təkliflərimiz var. Mərkəzi və Şərqi Avropa ölkələrində olduğu kimi, Azərbaycanın turizm sektoruna vergi güzəştlərinin tətbiq edilməsini təklif edirik. Məsələn, Rumıniyada Əlavə Dəyər Vergisi (ƏDV) 16 faizdir. Amma turizm şirkətləri bu vergini 50 faiz güzəştlə, yəni 7 faiz ödəyir. Qonşu Gürcüstanda isə turizmlə məşğul olan şirkətlər 15 illik müddətinə ƏDV-dən azad edilib. Azərbaycanda da buna ehtiyac var. Çünki vergi güzəştləri turizm şirkətlərinin xərclərini azaldır və onların inkişafını stimullaşdırır.
|
|
07.05.11 Məqaləni oxumaq
|
| |
|
|
|
Gövhər Baxşəliyeva: “Elmi dərəcələrə görə təqaüdlər artırılmalıdır”
|
|
“Dövlət büdcəsinə əlavə və dəyişikliklər edilərkən elmi dərəcələrə görə verilən təqaüdlərin artırılmasını təklif edəcəm”. Bu barədə “KƏLAMİNFO”ya açıqlamasında parlamentin Elm və təhsil komitəsinin üzvü, AMEA-nın Şərqşünaslıq İnstitutunun direktoru Gövhər Baxşəliyeva bildirib. Millət vəkili deyib ki, hazırda doktorluq adına görə 50, elmlər namizədi adına görə isə ayda 30 manat təqaüd verilir: “Mən istərdim ki, o təqaüdlər artsın və bu təklifi səsləndirəcəm”.
Son vaxtlar dövlət rəhbərliyi səviyyəsində elmə diqqət və qayğının artdığını deyən G.Baxşəliyeva, həmçinin AMEA-nın maddi-texniki bazasının gücləndirilməsi istiqamətində tədbirlərin həyata keçirilməsini də zəruri sayıb: “Ezamiyyələrə daha çox vəsait ayrılmalıdır. Şərqşünaslıq İnstitutunun işi bilavasitə xaricdə nəşr olunan ədəbiyyatlarla əlaqədardır, bundan əlavə, bir çox xarici ölkədə əlyazma mərkəzləri, kitab xəzinələri var, həmin mənbələrlə müntəzəm işləmək üçün elmi işçilərimizin ezamiyyəsi lazımdır. Odur ki, elmi ezamiyyələr üçün, həmçinin xaricdən yeni nəşrlərin, dövrü mətbuatın alınması üçün daha çox vəsaitə ehtiyac var. Kitab nəşri üçün də vəsaitlərin ayrılması müsbət effekt verər”.
G.Baxşəliyeva AMEA işçilərinin əməkhaqqının ötən ilin sonunda və bu ilin əvvəlində iki dəfə artırıldığını xatırladaraq, bunun elm adamlarına böyük hörmət olduğunu bildirib.
|
|
07.05.11 Məqaləni oxumaq
|
| |
|
|
|
Milli Məclis müzakirələrə başlayıb
|
|
Bu gün Milli Məclisin növbəti iclası işə başlayıb. “KƏLAMİNFO” xəbər verir ki, iclasda Şuşa şəhərinin işğalında həlak olanlar 1 dəqiqəlik sükutla yad edilib. Daha sonra spiker Oqtay Əsədov 9 may Qələbə bayramı münasibətilə deputatları və Azərbaycan xalqını təbrik edib.
O qeyd edib ki, tezliklə ölkə başçısı İlham Əliyevin rəhbərliyi altında Azərbaycan tarixində Dağlıq Qarabağın azad olunması kimi yeni qələbə gününü əlavə edəcəyik. Spiker ulu öndərin anadan olmasının 88-ci ildönümü münasibətilə Azərbaycan xalqını təbrik edib. O.Əsədov bildirib ki, ulu öndər Heydər Əliyevin sayəsində qısa müddətdə Azərbaycan iri addımlarla inkişaf yolu keçib. Bu gün Azərbaycanın əldə etdiyi nailiyyətlər onun zəhmətinin bəhrəsidir.
|
|
07.05.11 Məqaləni oxumaq
|
| |
|
|
|
Prezident: “2012-ci ilin sonuna qədər bütün yaşayış məntəqələri qazlaşdırılmalıdır”
|
|
“Dövlət Neft Şirkətinə göstəriş vermişəm ki, 2012-ci ilin sonuna qədər Azərbaycanın bütün yaşayış məntəqələri - harada ki, mümkündür – qazlaşdırılsın”. “KƏLAMİNFO” xəbər verir ki, bunu Muğan bölgəsinə səfər edən Prezident İlham Əliyev əhali ilə söhbətində deyib. Onun sözlərinə görə, beləliklə, ölkə ərazisinin 95 faizi qazlaşdırılacaq: “Vətəndaşları narahat edən digər məsələ içməli su ilə bağlıdır. Bu məsələ əfsuslar olsun ki, əsrlər boyu bizi incidib. Çünki kifayət qədər su mənbələrimiz olmayıb. Vaxtilə çəkilmiş xətlər sıradan çıxıb. Rayon yerlərində ümumiyyətlə kanalizasiya xətləri olmayıb. Böyük layihədir, böyük proqramdır, indi icra olunmağa başlayıb. Biz çalışmalıyıq ki, bu layihəni də 2013-cü ilin sonuna qədər icra edək. Bu da çox böyük layihədir. Həm texniki cəhətdən çox çətin, həm iqtisadi cəhətdən, maliyyə baxımından çox böyük vəsait tələb edən layihədir. Ancaq bu iki layihəni - qazlaşdırma ilə içməli su-kanalizasiya məsələlərini həll etsək, böyük bir iş olacaq. Yaşamaq, işləmək üçün şərait daha da yaxşı olacaq. İş yerləri açılmalıdır. İşlər görülür, amma hələ ki, işsizlik, işsizlər var. Biz bu məsələyə də daim diqqət göstərməliyik”.
|
|
07.05.11 Məqaləni oxumaq
|
| |
|
|
|
Liviya Qəddafinin pullarının üsyançılara verilməsi təkliflərini «piratçılıq» adlandırıb
|
|
Liviya hökuməti Müəmmar Qəddafinin “dondurulmuş” vəsaitlərinin üsyançılara verilməsi barədə təklifləri «piratçılıq» adlandırıb. «KƏLAMİNFO» «Reuters»ə istinadən yaydığı məlumatda bildirir ki, Liviya XİN bunu “açıq dənizdə piratçılığ”a bənzədib.
Rəsmi Tripoli Liviya üsyançılarına dəstək fondunun yaradılmasıyla bağlı beynəlxalq əlaqə qrupunun qərarını da ittiham edib. Liviya hökumətinin rəsmisi Musa İbrahim beynəlxalq aləmi liviyalıların fikrini eşitməyə çağırıb və Qəddafinin istefasıyla bağlı çağırışları «əxlaqsızlıq» adlandırıb.
|
|
07.05.11 Məqaləni oxumaq
|
| |
|
|
|
Fəxriyyə Xələfova: “Kişilər üçün yaratdığım ətrin istehsalı son mərhələdədir”
|
|
“Kişilər üçün yaratdığım ətrin istehsalı son mərhələdədir”. Bu sözləri “KƏLAMİNFO”ya müsahibəsində Əməkdar incəsənət xadimi, modelyer Fəxriyyə Xələfova deyib. Onun sözlərinə görə, ətrin adını dəqiqləşdirməsə də, artıq 3-5 real variant var: “Mən qadın ətri buraxanda layihəsi cızılmamış ətrin adının “Nuray” olacağına qərar vermişdim, çünki Nuray qardaşım qızının adıdır. Kişilərin ətrinin ad seçimində çətinlik çəksəm də, istəyirəm ki, bu ad xarici olmasın. Qulağa yatımlı bir ad olsun”.
F.Xələfova, həmçinin mayın 14-də “Xəzər qızılgülü” kolleksiyasının Bakıda təqdimatı olacağını qeyd edib. O, təqdimatı beynəlxalq qadınlar klubu ilə təşkil etdiyini və tədbirin xeyriyyə məqsədi daşıyacağını vurğulayıb. “Artıq 3-cü dəfədir ki, bu klubla yeni kolleksiyalarımı təqdim edirəm” - deyə modelyer sonda əlavə edib.
|
|
06.05.11 Məqaləni oxumaq
|
| |
|
|
|
Nazir müavini Vaqif Əliyev Avstriyaya gedir
|
|
Avstriyanın “Ebensee” əsir düşərgəsində faşizmin qurbanı olmuş soydaşlarımızın xatirəsinə abidə ucaldılıb. Abidənin rəsmi açılışı sabah keçiriləcək. “KƏLAMİNFO”nun Mədəniyyət və Turizm Nazirliyinin Beynəlxalq Əlaqələr və Mədəniyyət Proqramları şöbəsindən aldığı məlumata görə, tədbirdə Azərbaycanı nazirin birinci müavini Vaqif Əliyev təmsil edəcək.
|
|
06.05.11 Məqaləni oxumaq
|
| |
|
|
|
Obama: “Bin Ladenin cəsədini dənizə atmağımız, cəsədə olan hörmətimizdir”
|
|
Bin Ladenin cəsədini dənizə atmağımız, onun cəsədinə olan hörmətimizdir”. “KƏLAMİNFO” CNNTürkə istinadən xəbər verir ki, bu sözləri CBS telekanalında bazar günü yayımlanacaq “60 dəqiqə” proqramına qonaq olan ABŞ prezidenti Barak Obama deyib. Onun sözlərinə görə, 11 sentyabr terror hadisələrində 3 min insanı öldürən Bin Ladenə hörmtə etdiyimiz açıq görünür. Obama Bin Ladenin islam qanunlarına əsasən yuyulub, dini mərasim etdikdən sonra dənizə atıldığını da qeyd edib. Obama həmçinin “Əl Qaidə” liderinin dənizdə basdırılmasını təkcə öz qərarı olmadığını, birlikdə belə bir qərar verdiklərini açıqlayıb. “Biz cəsədi nə edəcəyimiz mövzusunda əvvəlcədən ətraflı düşünmənin tərəfdarıydıq”,-deyə Obama əlavə edib.
Qeyd edək ki, ABŞ prezidentinin qonaq olduğu “60 dəqiqə” proqramı bazar günü CBS kanalında yayımlanacaq.
|
|
06.05.11 Məqaləni oxumaq
|
| |
|
|
|
Ermənistan əhalisinin sayı 2 milyondan da azdır
|
|
Ermənistan əhalisinin sayı 2 milyondan da azdır. «KƏLAMİNFO» «Qrarapak» qəzetinə istinadən məlumat verir ki, bu göstəricini Ermənistandakı Avropa ölkələrindən birinin səfiri göstərib. Bu günlərdə səfir Yerevanda içərilərində erməni mənşəli soydaşları olan öz həmvətənləri ilə görüşüb. Görüş zamanı diplomatdan Ermənistanla bağlı təəssüratlarının necə olduğu soruşulub. Əsas etibarilə onları Ermənistandan miqrasiyanın olub-olmadığı maraqlandırıb. Diplomatın sözlərinə görə, rəsmi məlumatlara baxmayaraq, ölkə əhalisinin sayı 2 milyonda azdır. Özü də diplomat hər bir vilayət barədə ayrıca məlumata malik olduğunu da deyib.
|
|
06.05.11 Məqaləni oxumaq
|
| |
|
|
|
Səhifələr : # 14 15 16 17 18 19 20 21 22 # |
|
Torpaqlarımızı qaytaraq..
|
| |
|
|
|
Açılış Səhifəsi et 
