|
|
Səhifələr : # 4 5 6 7 8 9 10 11 12 #
|
|
“Bəzi dövlətləri indiki halda Azərbaycanın Qafqazda güclü dövlətə çevrilməsi qane etmir”
|
Fazil Mustafa: “Məsuliyyətsiz müxalifətin siyasi mühitdə normal çəkisi yoxdur”
Milli Quruluş Partiyasının sədri, millət vəkili Fazil Mustafa suallarımızı cavablandırıb.
- Fazil müəllim, son müddətdə müxalifətin radikal qanadının artan aqressivliyi ərəb ölkələrində baş verənlərin bizim regiona transferi kimi qələmə verilir. Sizin məsələyə münasibətiniz necədir?
- Müəyyən qədər sosial problemlərimiz olsa da, bu gün beynəlxalq reallıqlar bizə başqa vəziyyəti diktə edir. Biz bu gün Cənubi Qafqazda ABŞ və Rusiya arasında razılaşdırılmış siyasətin yürüdüldüyünü müşahidə etməkdəyik. Ona görə də hər hansı bir super dövlətin birmənalı formada regionda vəziyyəti dəyişmək imkanları xeyli məhduddur. Bunu düzgün müşahidə etməyən qüvvələr Azərbaycanı da ərəb ölkələrindəki proseslərin içində düşünərək proqnozlaşdırılmayan addımlar atırlar. Əslində, bu, bütün hallarda Azərbaycan üçün yaxşı nəticə ortaya qoymur. Ona görə də bütün qüvvələr bu məsələyə məsuliyyət ilə yanaşmaq məcburiyyətindədir. Həqiqətən bu kartdan Azərbaycana qarşı hansısa bir şəkildə istifadə olunacağı istisna deyil və bütün ölkədaxili qüvvələr də bunu proqnozlaşdırmalıdırlar. Ona görə də hesab edirəm ki, hadisələrin ərəb ölkələrində baş verənlərlə müqayisə olunaraq ortaya çıxması ciddi yanlışlıqdır. Bu perspektiv ancaq qarışıqlıq vəd edir.
|
20.04.11 Məqaləni oxumaq
|
| |
|
|
|
Bill Geyts Braziliyadan qovulub
|
|
«Microsoft» kompaniyasının yaradıcısı Bill Geyts istirahət etdiyi Braziliyadan qovulub. Bu barədə “KƏLAMİNFO” «Agence France-Presse»ə istinadən məlumat yayıb. Geytslə yanaşı onun bir neçə dostu da ölkəni tərk etməli olub. Onlar Riu-Neqru çayında, Amazonkanın ən böyük axınında qayıqla gəzərkən saxlanılıblar. Belə ki, onların gəzdikləri qayığın fəaliyyət göstərməsi ilə bağlı icazəsi olmayıb.
Qeyd edək ki, Bill Geyts və dostlarının sənədlə bağlı problemləri yaranmayıb. Onlar leqal şəkildə turist vizası ilə ölkəyə gəliblər. Sadəcə, onlar yerli işçi qüvvəsindən əcnəbi kimi qanunsuz yararlandıqları üçün cərimələniblər. Bu səbəbdən də üç gün ərzində ölkəni tərk etmələri tələb olunub.
|
|
20.04.11 Məqaləni oxumaq
|
| |
|
|
|
Hidayət Orucov Türkiyə prezidenti ilə görüşüb
|
|
Dini Qurumlarla İş üzrə Dövlət Komitəsinin (DQİDK) sədri Hidayət Orucov Türkiyədə rəsmi səfərdə olub. DQİDK-nin mətbuat xidmətindən “KƏLAMİNFO”ya verilən məlumata görə, səfər Türkiyənin diyanət işləri başqanı Mehmet Görməzin dəvəti ilə reallaşıb.
Səfər çərçivəsində keçirilən görüşlərdə Dövlət Komitəsi ilə Diyanət İşləri Başqanlığı arasında mövcud əlaqələrin gücləndirilməsi, ortaq milli-mənəvi dəyərlərimizin yad təsirlərdən qorunması ilə bağlı məsələlər müzakirə edilib, bölgədə dini durumun sabitliyi, vicdan azadlığının təmin olunması barədə ətraflı fikir mübadiləsi aparılıb.
Türkiyə Prezidenti Abdulla Gül də Hidayət Orucovu qəbul edib. Görüşdə ortaq milli-mənəvi dəyərlərimizin qorunması, böyüməkdə olan nəsillərin vətənpərvərlik ruhunda tərbiyə olunması, regionda dini sabitliyin daha da möhkəmləndirilməsi imkanları ilə bağlı fikirlər ifadə edilib. Görüşdə Azərbaycan-Türkiyə münasibətlərinin yüksələn xətlə inkişafından və iki ölkə arasında qarşılıqlı etimadın getdikcə güclənməsindən məmnunluq bildirilib.
|
|
20.04.11 Məqaləni oxumaq
|
| |
|
|
|
Düşmən Gədəbəy və Xocavənd istiqamətində mövqelərimizi atəşə tutub
|
|
Ermənilər aprelin 19-da saat 12.35-dən 13.05-dək Ermənistanın Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimizi, saat 18.55-dən 18.58-dək isə Xocavənd rayonu Kuropatkino kəndi yaxınlığında yerləşən mövqelərdən Azərbaycan Ordusunun üzbəüz mövqelərini avtomat və pulemyotlardan atəşə tutub. Müdafiə Nazirliyinin mətbuat xidmətindən “KƏLAMİNFO”ya verilən məlumata görə, düşmən cavab atəşi ilə susdurulub, itki yoxdur.
|
|
20.04.11 Məqaləni oxumaq
|
| |
|
|
|
Azərbaycan Ordusunun iki əsgəri yaralanıb
|
|
Ermənistan Silahlı Qüvvələrinin Xocavənd rayonu istiqamətində atəşkəsi pozması nəticəsində Azərbaycan Ordusunun iki əsgəri yaralanıb. Müdafiə Nazirliyinin mətbuat xidmətindən “KƏLAMİNFO”ya bildiriblər ki, hadisə Xocavənd rayonunun Kuropatkino kəndi yaxınlığında qeydə alınıb. Azərbaycan Ordusunun əsgərləri - 1991-ci il təvəllüdlü Fazil Elxan oğlu Abdullayev və 1990-cı il təvəllüdlü Elşən İsfəndiyar oğlu Nəzərov düşmən gülləsinə tuş gəlib. Hər iki əsgər hospitala yerləşdirilib. F.Abdullayevin vəziyyəti orta ağır qiymətləndirilir. E.Nəzərov isə yüngül xəsarət alıb.
Qeyd edək ki, yaralılardan biri Gədəbəy, digəri isə Kəlbəcər Rayon Hərbi Komissarlığından həqiqi hərbi xidmətə çağırılıb.
|
|
20.04.11 Məqaləni oxumaq
|
| |
|
|
|
TQDK ali məktəblərə qabiliyyət imtahanlarının vaxtını açıqladı
|
|
Ali məktəblərə sənəd verən abituriyentlərin musiqi sənəti, təsviri incəsənət, kino-aktyorluq istiqamətləri üzrə qabiliyyət imtahanı iyulun 7-13 tarixlərində keçiriləcək.
“KƏLAMİNFO” xəbər verir ki, bu barədə Tələbə Qəbulu üzrə Dövlət Komissiyasının sədri Məleykə Abbaszadə bildirib. Memarlıq və dizayn istiqamətini seçənlər 14-20 iyulda, idman istiqamətini seçən abituriyentlər isə 20-28 iyulda imtahandan keçəcək. Ali məktəblərdə ixtisas seçimi isə avqustun 2-dək davam edəcək.
|
|
19.04.11 Məqaləni oxumaq
|
| |
|
|
|
Obama 1,73 milyon dollar qazanıb
|
|
ABŞ prezidenti Barak Obama və onun həyat yoldaşı Mişel ötən il 1,73 milyon dollara yaxın qazanc əldə ediblər. «KƏLAMİNFO» «Lenta.ru»ya istinadən xəbər verir ki, bu barədə məlumat Birləşmiş Ştatların birinci ailəsinin vergi bəyannaməsində verilir. Bəyannaməni Ağ Evin mətbuat xidməti ictimaiyyət üçün açıqlayıb.
Gəlirin böyük hissəsi Barak Obamanın yazdığı kitablardan əldə olunan qonorarların payına düşür. Ağ ev rəhbərinin illik maaşı 400 min dollardır. Barak və Mişel Obama qazanclarından 453 min 770 dollar vergi ödəyiblər. Qazancın 14,2 faizi - 245 min 075 dollar 36 müxtəlif xeyriyyə təşkilatına verilib. Ən böyük ianə amerikalı hərbi qulluqçuları və ailələrinə tibbi yardım göstərilməsi üzrə ixtisaslaşmış “Fisher House” fonduna edilib.
|
|
19.04.11 Məqaləni oxumaq
|
| |
|
|
|
Təhsil Nazirliyinin “qaynar xətt”inə 1707 müraciət daxil olub
|
|
Ötən ay ərzində Təhsil Nazirliyinin “qaynar xətt”inə 1707 müraciət daxil olub. Bu barədə məlumatı “KƏLAMİNFO”ya müsahibəsində Təhsil Nazirliyinin Ali və orta ixtisas təhsil şöbəsinin baş məsləhətçisi, “qaynar xətt”in koordinatoru Ənvər İmanov söyləyib.
Onun sözlərinə görə, müraciətlərin 1575-i telefon, qalanları isə elektron vasitə ilə daxil olub. 1518 müraciət sorğu və məlumat, 189 müraciət isə şikayət xarakterli olub.
Müraciətlərin 70-80 faizi ümumtəhsil müəssisələrindən olub. Müraciətlər müəllimlərin dərs yükü, imtahanlar, müəllimlərin işə qəbulu və digər mövzularla bağlı olub. Müraciətlərə vaxtında cavab verilib, şikayətlər araşdırılıb və müvafiq qərarlar qəbul edilib. İşlərində yol verdikləri nöqsanlara görə bir müəllimə töhmət verilib, başqa bir müəllimə isə şifahi xəbərdarlıq edilib.
|
|
19.04.11 Məqaləni oxumaq
|
| |
|
|
|
Trayan Beseskunun Azərbaycana rəsmi səfəri başa çatıb
|
|
Rumıniya Prezidenti Trayan Beseskunun Azərbaycana rəsmi səfəri başa çatıb.
“KƏLAMİNFO” xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Rumıniya Prezidentini Baş nazirinin birinci müavini Yaqub Eyyubov və digər rəsmi şəxslər yola salıblar.
|
|
19.04.11 Məqaləni oxumaq
|
| |
|
|
|
Ziyafət Əsgərov: “Qarabağ nizamlanmasında daha aktiv rol oynamaq Rusiyanın borcudur”
|
|
“Dağlıq Qarabağ məsələsinin tezliklə həll olunmasında daha aktiv rol oynamaq Rusiyanın borcudur. Çünki bu problemi Azərbaycan üçün qoyub gedən Rusiyanın hüquqi varisi olduğu SSRİ olub”. Bunları “KƏLAMİNFO”ya müsahibəsində Milli Məclisin vitse-spikeri, Təhlükəsizlik və müdafiə komitəsinin sədri Ziyafət Əsgərov söyləyib.
O bildirib ki, DQ probleminin yaranması Sovet İttifaqının “əməyi”nin məhsulu olduğu üçün burada ən böyük məsuliyyət də indi Moskvanın üzərinə düşür. “Son illər biz Rusiyanın Qarabağ probleminin həllində göstərdiyi səyləri alqışlayırıq. Məhz Rusiya Prezidentinin təşəbbüsü ilə son il yarımda 7 dəfə prezidentlər səviyyəsində görüş keçirilib. Düzdür, bir nəticə verməyib, amma problemin həlli yolunda Moskvanın bu aktivliyi istənilən halda müsbət qarşılanır” - deyə vitse-spiker vurğulayıb.
|
|
19.04.11 Məqaləni oxumaq
|
| |
|
|
|
Səhifələr : # 4 5 6 7 8 9 10 11 12 # |
|
Torpaqlarımızı qaytaraq..
|
| |
|
|
|
Açılış Səhifəsi et 
