|
|
Səhifələr : # 1 2 3 4 5 6 7 8 #
|
|
Suriyada kütləvi həbslər
|
|
Suriyanın təhlükəsizlik qüvvələri aprelin 26-na keçən gecə bütün ölkə boyu həbslər həyata keçirib. Məlumata görə, ən azı 500 nəfər həbs edilib. «KƏLAMİNFO» bu barədə «Röyters»ə istinadən məlumat yayıb. Müstəqil təşkilatların məlumatına görə, Deraa şəhərində ən azı 20 nəfər öldürülüb. Aprelin 25-i gecə şəhərə zirehli texnika və piyada qoşunları yeridilib. Şəhərlə əlaqə tam kəsilib.
ABŞ Dövlət Departamenti isə Dəməşqdəki diplomatik korpusunun və onların ailə üzvlərinin köçürülməsi barədə qərar qəbul edib. Eyni zamanda ABŞ vətəndaşlarına bu ölkəyə getməmək tövsiyə olunub.
|
26.04.11 Məqaləni oxumaq
|
| |
|
|
|
Həbsdəki müsəlmanların saqqal saxlamasına qadağa onların dini hüquqlarını pozmur
|
|
«Virciniya ştatının penitensiar sistemi həbsdə saxlanılan müsəlmanların saqqal saxlamamaq barədə qərarı ilə onların dini hüquqlarını pozmur». Bu, ştatın məhkəmə orqanlarının çıxardığı qərarda öz əksini tapıb.
Zorlama və digər cinayətlər törətdiyinə görə ömürlük həbs cəzasına məhkum edilən 50 yaşlı sünni müsəlman Uilyam Kauç uzun saç və saqqal saxlamağı qadağan edən ştatın həbsxana idarəsini məhkəməyə vermişdi. Onun qənaətincə, bu onu bir müsəlman kimi saqqal saxlamaq hüququndan məhrum edir. Bu barədə «KƏLAMİNFO» “MIGnews.com”a istinadən məlumat yayıb.
Qeyd edək ki, ştatın həbsxanalarında məhkumlara yalnız 3 mm uzunluğunda saqqal və qısa saç saxlamağa icazə verilir.
|
|
26.04.11 Məqaləni oxumaq
|
| |
|
|
|
Asəf Hacıyev: “Müəllimlər yüksək maaş və pensiya alacaqlar”
|
|
“Azərbaycanda müəllimlərin dövlət qulluqçusu kateqoriyasına daxil edilməsi ilə bağlı Prezident İlham Əliyevin qərarı böyük əhəmiyyətə malikdir. Bütün təhsil ictimaiyyəti dövlət başçısının bu addımını alqışlayır”. “KƏLAMİNFO” xəbər verir ki, bu fikirləri yap.org.az saytına açıqlamasında Milli Məclisin Elm və təhsil komitəsinin üzvü Asəf Hacıyev deyib.
A.Hacıyev bildirib ki, bu məsələnin müəllimlər üçün mənəvi cəhətdən üstünlüyü çoxdur. Çünki təhsil işçiləri xalqımız qarşısında böyük xidmətlər göstərir, gənc nəslin təlim-tərbiyəsində, onların yaxşı təhsil almasında öz zəhmətlərini əsirgəmirlər. Onun sözlərinə görə, bu mənada müəllimlərə dövlət qulluqçusu statusunun verilməsi mənəvi baxımdan önəmlidir. “Əlbəttə, bu məsələnin sosial tərəfi kifayət qədər vacibdir. Müəllimlər dövlət qulluqçusu olduqdan sonra yüksək maaş və pensiya alacaqlar. Bu qərar tətbiq olunanda yəqin ki, yaşlı müəllimlər yüksək təqaüd müqabilində pensiyaya çıxacaqlar. Şübhəsiz ki, yaxın aylarda ölkə Prezidentinin məlum sərəncamına uyğun olaraq tədbirlər görüləcək və müəllimlərin dövlət qulluqçusu kimi statusu rəsmiləşəcək. Mən dövlət başçısının həmin sərəncamını mükəmməl bir sənəd hesab edirəm” - deyə A.Hacıyev vurğulayıb.
|
|
26.04.11 Məqaləni oxumaq
|
| |
|
|
|
Azərbaycanlı turistlər Türkiyə və Birləşmiş Ərəb Əmirliklərinə maraq göstərir
|
|
Ötən il Azərbaycana 1 milyon 906 nəfər xarici gəlib. Onlardan 1 milyon 494 min nəfəri turist olub. “KƏLAMİNFO”ya Mədəniyyət və Turizm Nazirliyindən verilən məlumata görə, nazirlik tərəfindən Azərbaycanda 309 mehmanxanaya turizm fəaliyyətinə dair lisenziya verilib. Ölkədə mehmanxana və ona bərabər tutulan yerləşdirmə obyektlərinin sayı 499-dur. Onların təxminən 35 faizi Bakı şəhərinin payına düşür. Bu obyektlərdə 30 min 793 yataq yeri var.
Ötən il Azərbaycandan kənara gedən turistlərin sayı isə 3 milyon 175 min nəfər təşkil edib. Kənara gedən turistlərin əsas maraq göstərdiyi ölkələr Türkiyə və Birləşmiş Ərəb Əmirlikləridir.
Hazırda Azərbaycanda 211 turizm şirkəti nazirliyin lisenziyası əsasında fəaliyyət göstərir.
|
|
26.04.11 Məqaləni oxumaq
|
| |
|
|
|
Sabunçu rayonu üzrə sahibkarlardan investisiya layihələrinin qəbulu başlayır
|
|
İqtisadi İnkişaf Nazirliyinin Sahibkarlığa Kömək Milli Fondu Sabunçu rayonunda "Bakı qəsəbələrində sahibkarlığın inkişafına dövlət dəstəyi" mövzusunda tədbir keçirib. İİN-dən “KƏLAMİNFO”ya bildiriblər ki, tədbir çərçivəsində yerli icra hakimiyyəti orqanlarının nümayəndələri və sahibkarlarla mövcud iqtisadi potensialdan daha səmərəli istifadə edilməsi məqsədilə müzakirələr aparılıb. Sabunçu rayonunun qəsəbələri üzrə sahibkarlıq subyektlərindən aşağıdakı istiqamətlərdə investisiya layihələrinin maliyyələşdirilməsi üçün təkliflərin qəbulu məqsədəuyğun hesab edilib: zəfəran təsərrüfatlarının yaradılması, zəfəran emalı və qablaşdırılması müəssisəsinin yaradılması, müasir çörək istehsalı müəssisələrinin yaradılması, müasir kiçik və orta həcmli istixana komplekslərinin yaradılması, müasir quşçuluq təsərrüfatlarının yaradılması, kiçik həcmli müasir ət kəsimi müəssisələrinin yaradılması.
Bu gündən etibarən "Azərbaycan Respublikası Sahibkarlığa Kömək Milli Fondunun vəsaitlərinin istifadəsi Qaydaları"na uyğun olaraq, sahibkarlıq subyektləri investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə Fonda müraciət edə bilərlər.
|
|
26.04.11 Məqaləni oxumaq
|
| |
|
|
|
Hərbi ekspert hərbi qanunlarımızda ediləcək dəyişikliklərlə bağlı təkliflərini açıqladı
|
|
“Bu gün Azərbaycanda hərbi qanunvericilikdə ediləcək addım doğrudur və buna ehtiyac var. Çünki ölkədə hərbi qanunvericilik sənədlərinin bir çoxu hələ də yenilənməyib və ya onların yenilənməsi işi çox ləng aparılıb”. Bu barədə “KƏLAMİNFO” müsahibəsində hərbi ekspert Cəsur Sümərinli bildirib.
O, qeyd edib ki, indiyə qədər bu dəyişikliyin olmaması səbəbindən xüsusilə hərbi qulluqçuların və onların ailələri, müharibə veteranları, şəhid ailələrinin sosial təminat məsələlərində müəyyən problemlər ortaya çıxırdı. “Bir neçə il öncə hərbi qulluqçuların, onların ailə üzvləri, müharibə veteranları, şəhid ailələrinin güzəşt və imtiyazlarının çoxu ləğv edildi və bu müəyyən problemlər ortaya çıxartdı. Araşdırmalar göstərir ki, Azərbaycanda hərbi qanunvericilk sənədlərində hərbi qulluqçular, onların ailə üzvləri, müharibə veteranları, şəhid ailələrinin sosial rifahının gücləndirilməsi istiqmətində dəyişiklik edilməsinə ciddi ehtiyac yaranıb.
|
|
26.04.11 Məqaləni oxumaq
|
| |
|
|
|
“Türk-erməni dostluğu” simvolunun başı kəsilib
|
|
Bu gün səhər saatlarında Türkiyənin Qars şəhərindəki “türk-erməni dostluğu”nun simvolu sayılan “İnsanlıq abidəsi”nin heykəllərindən birinin başı kəsilib. “KƏLAMİNFO” Türkiyənin “Doğan” Xəbər Agentliyinə istinadən xəbər verir ki, abidənin sökülməsi ilə bağlı qərarı Qars Bələdiyyəsinin Məclisi bu il fevralın 1-də qəbul etsə də, abidənin sökülməsinə aprelin 17-dən start verilib.
Xatırladaq ki, Türkiyənin baş naziri Rəcəb Tayyib Ərdoğan Qarsa səfəri zamanı bələdiyyə sədri və digər rəsmilərlə görüşündə bölgənin tarixi-memarlıq üslubuna zidd olan əcaib tikililərin sökülməli olduğunu bildirib. O, bu abidəni “eybəcər” adlandırıb. Abidənin sökülməsi ilə bağlı məhkəmə qərarı da var və abidənin sökülməsi üçün Tenderdə qalib gələn şirkətə 60 gün vaxt verilib.
|
|
26.04.11 Məqaləni oxumaq
|
| |
|
|
|
Gürcüstanlı tələbələrin Azərbaycan Turizm İnstitutunda təhsil alması təklif olunub
|
|
Mədəniyyət və turizm naziri Əbülfəs Qarayev ilə Gürcüstanın iqtisadiyyat və davamlı inkişaf naziri Vera Kobaliya arasında görüş keçirilib. Nazirliyin mətbuat xidmətindən “KƏLAMİNFO”Ya verilən məlumata görə, görüş zamanı iki ölkə arasında turizm sahəsində əməkdaşlığın vəziyyəti və perspektivləri, habelə bəzi konkret tədbir və layihələr müzakirə edilib.
Ə.Qarayev Azərbaycanda turizm sənayesinin prioritet sahələrdən biri olduğunu qeyd edib və 2011-ci ilin Azərbaycanda “Turizm ili” elan olunduğunu vurğulayıb. Ə.Qarayev Azərbaycan Turizm İnstitutunun fəaliyyəti haqqında məlumat verərək gürcüstanlı tələbələrin qeyd olunan təhsil müəssisəsində təhsil alınmasını təklif edib.
|
|
26.04.11 Məqaləni oxumaq
|
| |
|
|
|
“Dövlət və Din” ictimai fikir toplusunun növbəti nömrəsi çapdan çıxıb
|
|
Dini Qurumlarla İş üzrə Dövlət Komitəsinin (DQİDK) nəşri olan “Dövlət və Din” ictimai fikir toplusunun cari ildə ikinci nömrəsi çapdan çıxıb. DQİDK-dən “KƏLAMİNFO”ya verilıən məlumata görə, dövlət başçısı İlham Əliyevin 8 Mart – Beynəlxalq Qadınlar Günü münasibətilə Azərbaycan qadınlarına təbrik ilə açılan jurnalın “rəsmi guşə”sində ölkə prezidentinin Novruz bayramı münasibətilə xalqımıza təbriki dərc olunub.
Bu rubrika daxilində həmçinin Prezident İlham Əliyevin Gəncədə “İmamzadə” dini kompleksində tikinti-bərpa işlərinin gedişi ilə tanış olması və Xocalı faciəsi qurbanlarının xatirəsinin anma mərasimində iştirakı geniş işıqlandırılıb.
Toplunun “Azərbaycan gerçəkliyi”, “Cəmiyyət və din”, “İslam həqiqətləri”, “Tarixə pəncərə” və “Dinlər, təriqətlər” rubrikaları və bölmələrində müxtəlif mövzulara həsr edilən yazılar dərc edilib.
|
|
26.04.11 Məqaləni oxumaq
|
| |
|
|
|
Fikrət Sadıxov: BMT-ni günahlandırmaqla vaxt itiririk
|
|
“BMT kimi təşkilatların Dağlıq Qarabağla bağlı qətnamələrinin reallaşmamasının günahını təmin təşkilatda yox, artıq onu yönəldən dövlətlərdə axtarmaq vaxtı gəlib çatıb”. Bunu “KƏLAMİNFO”ya müsahibəsində politoloq Fikrət Sadıxov bildirib. Onun sözlərinə görə, son illərin reallıqları beynəlxalq münasibətlərdə ciddi dəyişikliyin olmasından xəbər verir. “Dünyadakı hadisələr və BMT-nin onlara yanaşması göstərir ki, burada millətlərin mənafeyindən çox qurumun Təhlükəsizlik Şurasına üzv ölkələrin maraqları daha çox əhəmiyyət daşıyır” - deyə F.Sadıxov vurğulayıb. O qeyd edir ki, bu qətnamələrin reallaşmasında BMT-ni suçlamaqla vaxt itirməkdənsə, ictimaiyyət həmin ölkələrdən bu məsələnin reallaşmasını tələb etməlidir. “Onlardan bir çoxu, məsələn, ABŞ, Rusiya və b. Azərbaycanın strateji partnyorudur. Onlarla əməkdaşlıqda Bakı ortaya qoymalıdır ki, necə olur bizimlə bağlı qəbul olunan 18 ildir gecikən qətnamələr Liviyada cəmi iki günə reallaşdı? Bu məsələlərə artıq rəsmi olaraq aydınlıq gətirməyin vaxtı çatıb” - deyə o, əlavə edib.
|
|
25.04.11 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
