|
Səhifələr : # 5 6 7 8 9 10 11 12 13 #
DSMF ilin birinci yarısından elektron hesabat sistemini tətbiq edəcək
|
Dövlət Sosial Müdafiə Fondu bu ilin ilk yarısından etibarən elektron hesabat sistemini təqdim edəcək.
Bu barədə “KƏLAMİNFO”ya fondun mətbuat xidmətindən bildirilib. Mətbuat xidmətinin məlumatında qeyd edilir ki, elektron hesabat proqramı artıq hazırdır: “Hazırda sınaq işləri həyata keçirilir. Bu ilin birinci yarısından sistemin tətbiqinə başlayacağıq”.
Qeyd edək ki, vergi hesabatları artıq bir neçə ildir elektron həyata keçirilir. DSMF-nin özündə isə avtomatlaşdırılmış fərdi uçot sistemi tətbiq olunur.
|
19.04.11 Məqaləni oxumaq
|
|
|
Parlamentin Mədəniyyət komitəsi layihələr təqdim edəcək
|
Bu il Milli Məclisin Mədəniyyət komitəsi parlamentin müzakirəsinə bir sıra qanun layihələri təqdim edəcək. Bu barədə “KƏLAMİNFO”ya müsahibəsində komitə üzvü, millət vəkili Jalə Əliyeva bildirib. Onun sözlərinə görə, bu qanun layihələrinin bəziləri parlamentin ötən çağırışdan qalan layihələrdir.
Millət vəkili qeyd edib ki, hazırda komitəyə təqdim olunan layihələr arasında ən aktualı “Mədəniyyət abidələrinin qorunması haqqında” qanun layihəsidir. Müəllifi millət vəkili Rafael Hüseynov olan layihə sadəcə, abidələrin deyil, mədəniyyət abidələrinin qorunması haqqındadır. “O cümlədən “Yaradıcı təşkilatlar haqqında” və “Dil haqqında” qanun layihələri də komitənin hazırkı gündəmindədir.
|
19.04.11 Məqaləni oxumaq
|
|
|
Obama “soyqırımı” deməyəcək
|
Obama yenə də “soyqırımı” ifadəsini işlətməyəcək. “KƏLAMİNFO” CNN Türk-ə istinadən xəbər verir ki, Ermənistanın “Miras” partiyasından olan millət vəkili Larisa Alaverdyan bildirib ki, ABŞ prezidenti Barak Obamanın aprelin 24-ə planlaşdırılan çıxışında “soyqırımı” ifadəsi olmayacaq. ABŞ-ın gündəmində erməni iddialarının olmadığını vurğulayan millət vəkili, əksinə, Obamanın Türkiyə-Ermənistan əlaqələrinin inkişafı üçün çalışdığını qeyd edib.
Alaverdyan, həmçinin Obamanın “soyqırımı” ifadəsini işlətməməsini Türkiyənin siyasi qələbəsi kimi bəyan etməsinə mane olacaqlarını əlavə edib.
|
19.04.11 Məqaləni oxumaq
|
|
|
İKT sektorunda 24 faizlik artım qeydə alınıb
|
Rabitə və İnformasiya Texnologiyaları Nazirliyində (RİTN) 2011-ci ilin I rübünün yekunlarına həsr olunmuş kollegiya iclası keçirilib. Nazirlikdən “KƏLAMİNFO”a verilən məlumatda bildirilir ki, rabitə və informasiya texnologiyaları naziri Əli Abbasov kollegiya iclasında ölkə başçısının Nazirlər Kabinetinin 2011-ci ilin birinci rübünün sosial-iqtisadi inkişafının yekunlarına həsr olunmuş iclasındakı proqram xarakterli çıxışından irəli gələn vəzifələr və perspektivlər barədə danışaraq, informasiya-kommunikasiya texnologiyalarının böyük kommersiya əhəmiyyəti daşıması, sektorun yeni gəlir mənbəyinə çevrilməsinin gələcəkdə bu sektorda əldə olunacaq gəlirlərin ölkə iqtisadiyyatının inkişafına güclü təsir göstərəcəyini qeyd edib.
|
19.04.11 Məqaləni oxumaq
|
|
|
Medvedyev tələbələrin narkotestdən keçilməsini tələb edir
|
Rusiya Prezidenti Dmitri Medvedyev ölkə üzrə narkotiklərlə mübarizədə irəliləyişlərin olmadığını bəyan edib. «Kommersant» yaydığı məlumatda göstərir ki, prezident tələbələrin narkotik vasitə qəbul edib-etmədiyi barədə məcburi testdən keçirilməsini tələb edib. «Bu məsələyə xüsusi diqqət ayrılmasına baxmayaraq, keyfiyyət dəyişikliyi azdır. Halbuki, 2020-ci ilə kimi ölkədə Dövlət Antinarkotik Strategiyası qəbul edilib, Dövlət Antinarkotik Komitəsi fəaliyyət göstərir». «KƏLAMİNFO» xəbər verir ki, prezident bu sözləri İrkutskda Dövlət Şurasının İdarə Heyətinin iclasını açarkən deyib.
|
18.04.11 Məqaləni oxumaq
|
|
|
Mübarəkin partiyası buraxılıb
|
Misirdə eks-prezident Hüsni Mübarəkin lider olduğu Milli Demokratlar Partiyası buraxılıb. Onun bütün aktivləri dövlətin sərəncamına verilib.
Partiyanın buraxılması Mübarək rejimi əleyhdarlarının əsas tələblərindən biri idi. Tənqidçilər hakim partiyanı korrupsiya mühiti yaratmaqda ittiham edirlər. 1978-ci ildə Misir lideri Ənvər Sadatın təsis etdiyi partiya indiyədək Misir siyasi landşaftının aparıcı qüvvəsi olub. «KƏLAMİNFO» «BBC»-yə istinadən xəbər verir ki, Misirin ədliyyə rəsmiləri isə sabiq baş nazir Əhməd Nazif və sabiq maliyyə naziri Yusif Butros Qalinin korrupsiya ittihamları ilə mühakimə olunacaqlarını bildirib. Rəsmilər bu iki şəxsi ictimai vəsaitləri mənimsəməkdə və dövlətdən 16 milyon dollar oğurlamaqda ittiham edir. Hələlik məhkəmə tarixi müəyyən olunmayıb.
Sabiq baş nazir hazırda həbsdə saxlanılır. Butros Qali isə xaricdədir.
|
18.04.11 Məqaləni oxumaq
|
|
|
Təhsildə gender problemləri müzakirə olunub
|
Azərbaycan Dillər Universitetində (ADU) “Təhsildə və məişətdə gender problemi” mövzusunda seminar keçirilib. Bu barədə məlumatı “KƏLAMİNFO”a ADU-nun İctimaiyyətlə əlaqələr və mətbuat xidmətinin rəhbəri Zeynəb Kazımova verib. “Təhsildə və məişətdə gender” adlı təqdimatla çıxış edən ADU-nun İngilis dilinin leksikologiyası kafedrasının müdiri, dosent Kifayət Gözəlova bildirib ki, gender qadının və kişinin cəmiyyətdəki sosial rolunu və vəziyyətini təyin edən anlayış kimi xarakterizə olunur. Onun sözlərinə görə, dünyada ali təhsilli insanların 57%-ni kişilər, 43 %-ni isə qadınlar təşkil edir. Peşə təhsilinə gəldikdə isə kişilərdə bu göstərici 69,7 %-dir. Bu məsələdə ailədə verilən tərbiyə də önəmli rol oynayır. Belə ki, ailə başçıları daha çox oğlanların ali təhsil almasına üstünlük verirlər.
Kafedranın müəllimi Reyhan Rzayeva isə “Cəmiyyətdə qadınlar” mövzusuna toxunub. R.Rzayeva Azərbaycan qadının ağılı, biliyi, istedadı, milli-mənəvi keyfiyyətləri ilə dünya qadınları arasında yüksək yer tutduğunu vurğulayıb.
Seminar məruzələr ətrafında aparılan müzakirələrlə yekunlaşıb.
|
18.04.11 Məqaləni oxumaq
|
|
|
Məlahət İbrahimqızı: Radikal müxalifət dövlətimizin nüfuzuna zərbə vurmaq istəyir
|
“Azərbaycanda ictimai-siyasi sabitliyi pozmaq istəyən qüvvələr heç vaxt məqsədlərinə çatmayacaq. Çünki xalqımız həmin qüvvələri çoxdan tarixin arxivinə göndərib”. “KƏLAMİNFO” xəbər verir ki, bu fikirləri yap.org.az saytına açıqlamasında YAP Siyasi Şurasının üzvü, Milli Məclisin deputatı Məlahət İbrahimqızı deyib.
M.İbrahimqızı bildirib ki, bu gün radikal müxalifət dövlətimizin nüfuzuna zərbə vurmaq istəyir. Onun sözlərinə görə, belə hərəkətləri yalnız antimilli qüvvələr edə bilər. “Amma belə cəhdlərin heç bir mənası yoxdur. Çünki ictimaiyyətin qanunsuz mitinq cəhdlərinə kəskin etirazı bir daha təsdiqləyir ki, xalqımız bir daha 1990-cı illərin əvvəlini yaşamaq istəmir. Ölkə vətəndaşları Prezidentimizin ətrafında sıx birləşib və həyata keçirilən siyasəti dəstəkləyirlər” - deyə YAP Siyasi Şurasının üzvü vurğulayıb.
|
18.04.11 Məqaləni oxumaq
|
|
|
Ekspert: “NATO və Rusiya arasında Qarabağla bağlı gizli sövdələşmə var”
|
“Lap əvvəldən NATO və Rusiya arasında Dağlıq Qarabağla bağlı gizli sövdələşmə var. Məhz buna görə BMT-nin məlum qətnamələri DQ üçün keçərsiz, digər bölgələr üçün isə hətta qəti formada keçərli olur”. Bu barədə “Azadinfom”a müsahibəsində politoloq Qabil Hüseynli bildirib. Onun sözlərinə görə, bu, artıq mexanizmə çevrilmiş sistemdir və münaqişə ilə bağlı bütün detallar bu mexanizm üzrə cərəyan edir. “Sovet İttifaqı dağıldıqdan sonra Rusiya Yaxın Şərqdə və digər bölgələrdə keçmiş SSRİ-nin mövqelərini ABŞ güzəştə getdi. Buna qarşılıq olaraq Vaşinqton da post sovet məkanında, xüsusən də Qarabağda olan hadisələrdəki manevrləri Moskvaya güzəştə gedir” - deyə Q.Hüseynli vurğulayıb. Politoloq deyir ki, bu sövdələşmə çoxdan var, sadəcə, hadisələrin həlli vaxtından çox uzandığı üçün hər şey indi üzə çıxır: “Əslində, ABŞ və Qərb çoxdan razılaşıb ki, Rusiya Qafqazdakı problemlərin “açarı”dır”.
|
18.04.11 Məqaləni oxumaq
|
|
|
Prezident Latviyanın daxili işlər nazirini qəbul edib
|
Prezident İlham Əliyev bu gün Latviyanın daxili işlər naziri xanım Linda Murniesenin başçılıq etdiyi nümayəndə heyətini qəbul edib. “KƏLAMİNFO” xəbər verir ki, xanım Linda Murniesenin ölkəmizə səfər proqramının kifayət qədər geniş olduğunu vurğulayan dövlət başçısı bu səfərin uğurlu olacağına əminliyini ifadə edib. Riqaya səfərindən sonra Latviyadan Azərbaycana ilk dəfə belə yüksək səviyyəli nümayəndə heyətinin gəlməsinin önəmini qeyd edən Prezident İlham Əliyev ölkələrimiz arasında münasibətlərin inkişaf dinamikasının davam etməsindən və genişlənməsindən məmnunluğunu bildirib. Riqada latviyalı həmkarı ilə əldə olunan razılaşmaya uyğun olaraq əlaqələrimizin bütün istiqamətlərdə inkişaf etdirilməsinin zəruriliyini bildirən Prezident İlham Əliyev xanım Linda Murniesenin ölkəmizə səfərinin ikitərəfli münasibətlərimizin genişlənməsi baxımından əhəmiyyətli olduğunu deyib.
|
18.04.11 Məqaləni oxumaq
|
|
|
|
Səhifələr : # 5 6 7 8 9 10 11 12 13 #
|
Torpaqlarımızı qaytaraq..
|
|
|
|