|
|
Səhifələr : # 3 4 5 6 7 8 9 10 11 #
|
|
Hicran Hüseynova: “Beş yaşlı körpənin düşünülməmiş şəkildə aksiyaya aparılması cinayətdir”
|
Beş yaşlı körpənin düşünülməmiş şəkildə icazəsiz aksiyaya aparılması cinayətdir. O valideyn öz məsuliyyətini dərk etməyib, uşağını mitinqə gətirirsə, buna nə ad vermək olar? Hər şeydən əvvəl uşağın sağlamlığı təhlükə altına salınır, onun psixoloji durumu pozulur. “KƏLAMİNFO” xəbər verir ki, bu barədə Ailə, Qadın və Uşaq Problemləri üzrə Dövlət Komitəsinin sədri Hicran Hüseynova bildirib.
Onun sözlərinə əsasən, həmin valideyn hətta cinayət məsuliyyətinə cəlb olunmalıdır. O, bildirib ki, dövlət həmin 5 yaşlı uşağa sahib çıxıb və körpə polislərin nəzarəti ilə hadisə yerindən uzaqlaşdırılıb. Komitə sədri ana və qızın həbsi ilə bağlı məsələyə toxunaraq, bunun doğru məlumat olmadığını vurğulayıb.
|
22.04.11 Məqaləni oxumaq
|
| |
|
|
|
Prezident Ukrayna Baş nazirinin müavinini qəbul edib
|
Prezident İlham Əliyev bu gün Ukrayna Baş nazirinin birinci müavini, iqtisadi inkişaf və ticarət naziri Andrey Klyuyevi qəbul edib. “KƏLAMİNFO” xəbər verir ki, görüşdə Azərbaycan ilə Ukrayna arasında əlaqələrin müxtəlif istiqamətlərdə, o cümlədən iqtisadi sahədə uğurla inkişaf etdiyi bildirilib.
İqtisadi əlaqələrimizin genişlənməsində hökumətlərarası birgə komissiyanın rolu qeyd olunub, bu baxımdan komissiyanın Bakıda keçirilən 9-cu iclasının önəmi vurğulanıb.
Görüşdə Azərbaycan ilə Ukrayna arasında ikitərəfli münasibətlərin bundan sonra da genişlənəcəyinə əminlik ifadə olunub.
|
|
22.04.11 Məqaləni oxumaq
|
| |
|
|
|
Korrupsiyaya qarşı mübarizənin ibrətamiz nəticələri var
|
Əliməmməd Nuriyev: «Güman edirəm ki, qanunauyğun fəaliyyət məmurlarda vərdişə çevriləcək»
Hər hansı dövlət qurumunda çalışan və ona etibar edilən səlahiyyətdən şəxsi mənfəəti üçün istifadə edən məmurlara qarşı bir müddət əvvəl başlayan antikorrupsiya tədbirləri davam etməkdədir. Vətəndaş-məmur münasibətlərində formalaşan korrupsiya sövdələşmələri, rüşvətxorluq halları əvvəllər nə qədər adi və laqeyd qarşılanırdısa, indi onların aradan qaldırılmasına cəhdlər bu gün cəmiyyət tərəfindən müsbət qəbul olunur. Hazırkı vəziyyətə aydınlıq gətirmək üçün Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsinin koordinatoru, “Konstitusiya” Araşdırmalar Fondunun prezidenti Əliməmməd Nuriyevlə söhbətə başladıq:
“Hələlik bu, məmurlar tərəfindən tam şüurlu seçim deyil”
- Korrupsiyaya qarşı mübarizə tədbirlərinin gücləndirilməsindən ötən müddətdə hansı dəyişiklikləri görürsünüz? Nəzərə çarpan nəticələr varmı?
- Ölkədə korrupsiyaya qarşı daha sistemli mübarizə 2005-ci ildən başlanıb. 2005-ci ildə “Azərbaycanda korrupsiyaya qarşı mübarizə haqqında” qanun qüvvəyə mindi və 2004-2006-cı illər üzrə antikorrupsiya üzrə Milli Strategiya hazırlandı. 1990-2005-ci illərdə prezidentin bir sıra fərman və sərəncamları da qəbul olundu. Daha sonra 2007-2011-ci illər üçün ikinci dövlət proqramı, milli strategiya qəbil edildi. Ötən müddət ərzində meydanda müəyyən nailiyyətlər, nəticələr var. Bu ilk növbədə qanunvericilik bazasının yaranması ilə bağlıdır.
|
|
22.04.11 Məqaləni oxumaq
|
| |
|
|
|
Rəbiyyət Aslanova: “Beynəlxalq təşkilatlar ölkəmizdə olan mövcud durumu düzgün qiymətləndirmirlər”
|
|
“Bəzi beynəlxalq təşkilatların ölkəmizdəki proseslərlə bağlı münasibəti gerçəkliyi əks etdirmir. Təbii ki, belə münasibət Azərbaycan vətəndaşlarının narazılığına səbəb olur”. “KƏLAMİNFO” xəbər verir ki, bu sözləri yap.org.az saytına açıqlamasında Milli Məclisin İnsan hüquqları komitəsinin sədri Rəbiyyət Aslanova Avropa İttifaqının rəsmi şəxslərinin Azərbaycanda ifadə azadlığı və sərbəst toplaşmaq hüququnun məhdudlaşması ilə bağlı fikirlərinə münasibət bildirərkən deyib.
R.Aslanova qeyd edib ki, Azərbaycanda insan hüquqlarının qorunması, ifadə və söz azadlığının təmin olunması məsələsində heç bir problem yoxdur. Onun sözlərinə görə, bu hüquqlar müvafiq qanunvericilikdə öz əksini tapıb.
|
|
21.04.11 Məqaləni oxumaq
|
| |
|
|
|
Azərbaycan “37-ci Buenos-Ayres Beynəlxalq Kitab Yarmarkası”nda iştirak edir
|
|
Latın Amerikasının ən iri mədəniyyət və nəşriyyat tədbirlərindən olan 37-ci Buenos-Ayres Beynəlxalq Kitab Yarmarkasının (La Feria Internacional del Libro de Buenos Aires) rəsmi açılışı olub. Azərbaycan ilk dəfə olaraq Buenos-Ayresdəki səfirliyimizin təşkilatçılığı ilə “AZƏRBAYCAN” stendi ilə sərgidə iştirak edir. Bu barədə məlumatı “KƏLAMİNFO”ya Xarici İşlər Nazirliyindən veriblər.
Sərginin açılışında Argentina hökuməti, Buenos-Ayres şəhərinin rəsmiləri və 2010-cu il Ədəbiyyat üzrə Nobel Mükafatçısı olan perulu yazıçı Mario Vargas Llosa çıxış ediblər.
Milli memarlıq və ənənələrimizə uyğun qurulmuş “AZƏRBAYCAN” stendində ölkəmizin tarixinə, mədəniyyətinə, incəsənətinə, mətbəxinə, Azərbaycanın müasir mərhələsinə, davamlı inkişaf prosesinə, Ermənistan-Azərbaycan, Dağlıq Qarabağ münaqişəsinə, Xocalı soyqırımına aid müxtəlif dillərdə kitab, jurnal və digər nəşriyyat vasitələri nümayiş etdirilir. Stenddə Azərbaycan mədəniyyətini və ənənələrini əks etdirən suvenirlərdən ibarət guşələr yaradılıb, habelə müvafiq film və çarxların nümayişi üçün ekranlar quraşdırılıb.
|
|
21.04.11 Məqaləni oxumaq
|
| |
|
|
|
«Fukusima” AES ətrafındakı ərazilər qadağan zonası elan edilib
|
|
Yaponiyanın hakimiyyət orqanları «Fukusima” AES ətrafındakı əraziləri qadağan zonası elan edib. AES ətrafında 20 kilometr əraziyə daxil olmaq qadağandır. «KƏLAMİNFO» bu barədə məlumatı «Lenta.ru»ya istinadən yayıb. Hökumət belə bir qərara polisin AES ərazisinə yaxın 20 km radiusda 60 ailəni aşkar etməsindən sonra gəlib. Onlar evakuasiya barədə qərara məhəl qoymayaraq öz evlərini tərk etməkdən imtina ediblər.
Yaponiya hökumətinin baş katibi Yukoi Edano bildirib ki, stansiya ətrafında vəziyyət qeyri-sabitdir. 20 km radiusda yaşayan əhaliyə yalnız iki saat müddətinə evlərinə gəlib şəxsi əşyalarını götürməyə icazə verilir. Hər ailədən yalnız bir nümayəndə ora gedə bilər.
|
|
21.04.11 Məqaləni oxumaq
|
| |
|
|
|
Ombudsman daxili işlər naziri və Baş prokurora müraciət edib
|
|
Ombudsman Aparatının əməkdaşları Bakı Şəhər Baş Polis İdarəsinin İnzibati həbs olunanların saxlanma məntəqəsində 17 aprel 2011-ci il tarixdə baş verən aksiya zamanı saxlanılan şəxslərlə görüşüblər. Bu barədə məlumatı “KƏLAMİNFO”ya Ombudsman Aparatının mətbuat xidmətindən veriblər.
İQHSM-də saxlanılan şəxslər orada saxlanma şəraiti və müəssisə əməkdaşlarının onlarla rəftarından şikayət etməyiblər.
Ombudsman daxili işlər naziri və Baş prokurora məktubla müraciət edərək, başçəkmə zamanı saxlanılan şəxslərdən alınan məlumatların yoxlanılmasını, qanun çərçivəsində tədbir görülməsini və nəticəsi barədə məlumat verilməsini xahiş edib.
|
|
21.04.11 Məqaləni oxumaq
|
| |
|
|
|
|
|
Hicran Hüseynova: “Qadınların nikah yaşının 18-ə qaldırılması ilə bağlı öhdəliyimiz var”
|
|
“Qadınların nikah yaşının 18-ə qaldırılması ilə bağlı Azərbaycanın beynəlxalq konvensiya qarşısında öhdəliyi var və bu öhdəliyi də mütləq yerinə yetirməlidir”. “KƏLAMİNFO” xəbər verir ki, bu barədə Ailə, Qadın və Uşaq Problemləri üzrə Dövlət Komitəsinin (AQUPDK) sədri Hicran Hüseynova bildirib. O qeyd edib ki, Azərbaycan digər sahələrdə olduğu kimi nikah məsələsində də öhdəliyi yerinə yetirəcək.
Parlamentin Sosial siyasət komitəsinin bu məsələnin hələ tez olması ilə bağlı rəyinə münasibət bildirən H.Hüseynova deyib ki, bunun gec və ya tez olmasına heç kim qərar verə bilməz. “Burada əsas əhalinin buna münasibətidir ki, hazırda rəhbərlik etdiyim komitə bununla bağlı respublika üzrə iş aparır.
|
|
21.04.11 Məqaləni oxumaq
|
| |
|
|
|
Qırğızıstan parlamenti qoyun kəsməklə şər qüvvələri qovub
|
|
Bu gün Qırğızıstan parlamentinin iclası qeyri-adi qaydada başlayıb. Belə ki, deputatlar iclası şər qüvvələrin qovulması ayini ilə başlayıblar. «KƏLAMİNFO» «İA «24.kg» istinadən xəbər verir ki, şər qüvvələrin parlament iclasından qovulması üçün deputatlar qurban kəsiblər. Qurban qismində isə 7 qoyun seçilib. Maraqlıdır ki, onların harada kəsildiyinə aydınlıq gətirilməyib. Hər halda yəqin ki, parlament binası olmayıb.
Parlamentin spikeri Əhmədbəy Gəldibəyov bildirib ki, ayinin həyata keçirilməsi üçün hər deputatın əmək haqqından 700 som (15 dollar) çıxılıb. Spiker vurğulayıb ki, yığılan pulun yalnız bir qismi qoyunların alınmasına sərf olunub. Yerdə qalan vəsait isə xeyriyyə məqsədlərinə sərf edilib. Bu pul internat və qocalar evinin hesabına köçürülüb. Bu ayindən sonra parlamentdə atmosferin dəyişdiyi barədə məlumat hələ ki yoxdur.
Qeyd edək ki, bir müddət öncə qırğız parlamentində deputatlar arasında dava düşmüşdü.
|
|
21.04.11 Məqaləni oxumaq
|
| |
|
|
|
Səhifələr : # 3 4 5 6 7 8 9 10 11 # |
|
Torpaqlarımızı qaytaraq..
|
| |
|
|
|
Açılış Səhifəsi et 
