|
Səhifələr : # « 18 19 20 21 22 23 24 25 26 » #
Polşa Avropa Diplomatiya Akademiyasının direktoru SAM-da olub
|
Azərbaycanda səfərdə olan Polşa Avropa Diplomatiya Akademiyasının direktoru Katarijna Pisarska Prezident yanıda Strateji Araşdırmalar Mərkəzinin (SAM) qonağı olub.
SAM-ın mətbuat xidmətindən KƏLAMİNFO-ya verilən məlumata görə, qurumun elmi heyəti ilə görüşdə xanım Pisarska rəhbərlik etdiyi Avropa Diplomatiya Akademiyasının fəaliyyəti, tədqiqat sahələri bərədə geniş məlumat verib. O qeyd edib ki, səfərində əsas məqsədlərindən biri Azərbaycanın “beyin mərkəzləri” ilə münasibətlərin yaradılması və əməkdaşlıq perspektivlərini müzakirə etməkdir. Polşa ilə Azərbaycan arasında ikitərəfli münasibətlərindən söhbət açan qonaq, rəsmi Varşavanın Azərbaycanı Avropanın ayrılmaz bir parçası olaraq gördüyünü bildirib. O, 2011-ci ilin iyul ayında Polşanın Avropa İttifaqına sədrliyi dövründə “Şərq tərəfdaşlığı” Proqramı çərçivəsində Cənubi Qafqaz regionu, xüsusilə də Azərbaycanla münasibətlərin inkişafını prioritet olacağını xüsusi olaraq vurğulayıb.
|
05.02.11 Məqaləni oxumaq
|
|
|
“Mədəniyyət” kanalı fevralın 14-də fəaliyyətə başlayacaq
|
Bu gün Mədəniyyət və Turizm Nazirliyində Azərbaycan Televiziya və Radio Verilişləri (AzTV) QSC-nin rəhbərliyi ilə görüş keçirilib. Bu barədə məlumatı KƏLAMİNFO-ya nazirliyin mətbuat xidmətindən veriblər.
Görüşdə mədəniyyət və turizm naziri Əbülfəz Qarayev AzTV-nin nəzdində “Mədəniyyət” kanalının yaradılması münasibəti ilə televiziya kollektivini təbrik edib, daim Azərbaycan Televiziyası ilə əməkdaşlıq edən nazirliyin gələcəkdə də bu əməkdaşlıqda maraqlı olduğunu vurğulayıb. Nazir qeyd edib ki, ölkə prezidenti təkcə mədəniyyət sahəsini əhatə edən 300-dən artıq sənəd imzalayıb. Əsaslı yenidənqurma işləri və mədəni islahatlar sayəsində Bakı regionun mədəni paytaxtına çevrilib. Ölkə beynəlxalq mədəni arenada layiqli təmsil olunur, həmçinin bir sıra nüfuzlu beynəlxalq müsabiqələrə, festivallara ev sahibliyi edir. Nazir Mədəniyyət kanalının bütün bu proseslərin daha geniş formada işıqlandırılmasına və təbliğinə duyulan ehtiyacı ödəyəcəyinə ümid etdiyini deyib.
|
05.02.11 Məqaləni oxumaq
|
|
|
Ailə, Qadın və Uşaq Problemləri üzrə Dövlət Komitəsi beş illiyini qeyd edir
|
Fevralın 06-da Ailə, Qadın və Uşaq Problemləri üzrə Dövlət Komitəsinin (AQUPDK) yaranmasından beş il ötür. KƏLAMİNFO xəbər verir ki, bu münasibətlə bu gün AQUPDK sədri Hicran Hüseynova başda olmaqla komitənin kollektivi Fəxri Xiyabana gələrək ümummilli lider Heydər Əliyevin xatirəsini ehtiramla yad edib, məzarı önünə əklil və gül dəstələri qoyublar.
Daha sonra görkəmli oftalmoloq alim, akademik Zərifə xanım Əliyevanın məzarı üzərinə də tər çiçəklər düzülüb. Bundan sonra komitənin kollektiv Şəhidlər Xiyabanını da ziyarət edərək şəhidlərin məzarı üzərinə gül dəstələri düzüblər.
|
05.02.11 Məqaləni oxumaq
|
|
|
AŞ PA Monitorinq Komitəsinin həmməruzəçiləri Baş prokurorla görüşüblər
|
Bakıda səfərdə olan Avropa Şurası Parlament Assambleyasının (AŞ PA) Monitorinq Komitəsinin həmməruzəçiləri Jozef Debono Qrex və Pedro Aqramuntu de Moron Baş prokuror Zakir Qaralovla görüşüblər. Baş Prokurorluqdan KƏLAMİNFO-ya verilən məlumata görə, görüşdə Azərbaycanın bu təşkilatla faydalı əməkdaşlığının əhəmiyyətini vurğulayan Z.Qaralov son illərdə ölkəmizin həyatında baş verən mütərəqqi dəyişikliklər və prokurorluq orqanlarında həyata keçirilən islahatlar barədə məlumat verib.
|
05.02.11 Məqaləni oxumaq
|
|
|
Aprelin 3-də Qazaxıstanda növbədənkənar prezident seçkiləri keçiriləcək
|
Qazaxıstan prezidenti Nursultan Nazarbayev növbədənkənar prezident seçkilərinin 2011-ci il aprelin 3-də keçirilməsi ilə bağlı xüsusi fərman imzalayıb. KƏLAMİNFO xəbər verir ki, Fərman bu gün ölkənin kütləvi informasiya vasitələrində dərc olunub və hüquqi qüvvəyə minib. Fərmanda Qazaxıstan Mərkəzi Seçki Komissiyasına seçkiləri təşkil etmək və keçirmək, hökumətə prosesin maliyyələşdirilməsini təmin etmək, yerli hakimiyyət orqanlarına isə seçici siyahılarını təşkil etmək tapşırılıb.
Xatırladaq ki, Qazaxıstan parlamenti iki gün əvvəl ölkə Konstitusiyasına dəyişikliklərlə bağlı qanun layihəsini hər iki oxunuşda qəbul edib. Dəyişikliklərə əsasən dövlət başçısına növbədənkənar prezident seçkiləri təyin etmək hüququ verilir. Konstitusiya Şurası dövlət başçısının səlahiyyət müddətini 2020-ci ilədək artırmaq barədə qərarı ləğv etdikdən sonra prezident Nursultan Nazarbayev növbədənkənar prezident seçkiləri keçirmək təklif edib.
|
05.02.11 Məqaləni oxumaq
|
|
|
Bu gün Münhen təhlükəsizlik konfransı işinə başlayır
|
Bu gün ənənənəvi Münhen təhlükəsizlik konfransı işinə başlayır. KƏLAMİNFO xəbər verir ki, tədbirdə Azərbaycanı xarici işlər naziri Elmar Məmmədyarov təmsil edir.
Konfransın əsas müzakirə mövzuları Avropa təhlükəsizlik strategiyası, Rusiya və NATO arasında qarşılıqlı əməkdaşlıq, Misirdəki daxili siyasi vəziyyət olacaq.
|
05.02.11 Məqaləni oxumaq
|
|
|
Aydın Əliyev: “11 nəfərlik dəstə barədə başlanmış cinayət işinin istintaqı yekunlaşıb”
|
Dövlət Gömrük Komitəsi (DGK) 11 nəfərlik dəstə barədə başlanmış cinayət işinin istintaqını yekunlaşdırılaraq materialları məhkəməyə göndərib. KƏLAMİNFO xəbər verir ki, bu barədə jurnalistlərə açıqlamasında DGK sədri Aydın Əliyev bildirib.
Onun sözlərinə görə, həmin dəstədən 4 nəfər DGK əməkdaşıdır. “Cinayətkar dəstə müxtəlif cianyət əməlləri ilə sənədlərin saxtalaşdırılması, korrupsiya və digər məqamlarla təqsirli bilinirlər. Dəstə barədə cinayət işinin istintaqı bir neçə orqan tərəfindən aparılır. Yaxın günlərdə bununla bağlı ictimaiyyətə təfərrüatlı məlumat veriləcək”,-deyə A.Əliyev bildirib. O, qeyd edib ki, DGK-nın Daxili Təhlükəsizlik İdarəsi tərəfindən vətəndaşların müraciətləri qəbul edilir, araşdırılaraq müvafiq tədbirlər həyata keçirilir.
|
04.02.11 Məqaləni oxumaq
|
|
|
Sevinc Fətəliyeva: “AŞPA-da Dağlıq Qarabağ üzrə Alt Komitənin fəaliyyəti sülh prosesinə dəstək verəcək”
|
“Azərbaycan Dağlıq Qarabağ probleminin sülh yolu ilə həlli üçün göstərilən bütün təşəbbüsləri dəyərləndirir. Bu mənada Avropa Şurası Parlament Assambleyasında Dağlıq Qarabağ üzrə Alt Komitə öz fəaliyyəti ilə münaqişənin həllinə dəstək verə bilər”.
KƏLAMİNFO xəbər verir ki, ki, bu fikirləri yap.org.az saytına açıqlamasında Milli Məclisin Beynəlxalq münasibətlər və parlamentlərarası əlaqələr komitəsinin sədr müavini, Azərbaycanın AŞPA-dakı nümayəndə heyətinin üzvü Sevinc Fətəliyeva deyib.
S.Fətəliyeva bildirib ki, Ermənistan tərəfinin ciddi-cəhdlə bu qurumun bərpasına qarşı çıxması başadüşülən deyil. Onun sözlərinə görə, əgər ermənilər problemin sülh yolu ilə həllini istəyirsə, onda Alt Komitənin işində iştirak etməlidirlər.
|
04.02.11 Məqaləni oxumaq
|
|
|
Dünya şöhrətli alim Lütfi Zadənin 90 yaşı tamam olur
|
Sabah dünya şöhrətli alim Lütfi Zadənin 90 yaşı tamam olur. Rabitə və İnformasiya Texnologiyaları Nazirliyi Bakıda alimin 90 illiyinə həsr olunmuş tədbir keçirməyi planlaşdırır. Bu barədə KƏLAMİNFO- ya Nazirlikdən məlumat verilib.
Lütfi Zadə 1921-ci ilin 4 fevral tarixində Bakıda anadan olub. 1942-ci ildə Tehran universitetini elektrik mühəndisliyi ixtisasını bitirib. 1944-cü ildə böyük alim Amerika Birləşmiş Ştatlarına gəlir və təhsilini Massaçusets Texnologiya İnstitutunda davam etdirir. Kolumbiya Universitetinin aspiranturasına daxil olan Lütfi Zadə 1949-cu ildə dissertasiya müdafiəsindən sonra həmin təhsil müəssisəsinin mühəndislik bölməsində assistent kimi fəaliyyətini davam etdirir. 1959-cu ildən Berkli Universitetində professor, 1963-cü ildən isə "Elektrik mühəndisliyi və kompüter elmləri" kafedrasına rəhbərlik edir.
L.Zadənin ən böyük nəzəriyyəsi qeyri-səlis məntiq nəzəriyyəsidir. Bu nəzəriyyə riyaziyyatın əsası olan ikili çoxluq anlayışına yeni ifadə verib: qeyri-səlis çoxluq.
|
04.02.11 Məqaləni oxumaq
|
|
|
Səhiyyə Nazirliyində yol verilmiş nöqsanlar müzakirə olunub
|
Səhiyyə Nazirliyində geniş kollegiya iclası keçirilib. Tibb müəssisələrinin baş həkimləri və Elmi Tədqiqat İnstitutlarının direktorlarının iştirakı ilə keçirilən iclas əhaliyə göstərilən tibbi xidmətin keyfiyyətinin yüksəldilməsi məsələlərinə həsr olunub. Bu barədə məlumatı KƏLAMİNFO-ya nazirliyin mətbuat xidmətindən veriblər.
İclasda nazir Oqtay Şirəliyev səhiyyə və tibb elmi sahəsində son illər ərzində görülən işlər, aparılan islahatlar haqda məlumat verib. O.Şirəliyev hazırda əhaliyə verilən dərman preparatlarının siyahısının genişləndirilməsinin nəzərdə tutulduğunu deyib. Ölkə səhiyyəsində qan xidmətinin təkmilləşdirilməsi və bu sahədə görülən işlər haqda da nazir tərəfindən məlumat verilib. Bildirilib ki, bu gün qan problemi də həll olunur. Hazırda mərkəzləşdirilmiş qaydada stasionar tibb müəssisələri lazım olan qan və qan komponentləri ilə tam təmin olunur və bu proses daha da sadələşdirilmiş qaydada həyata keçirilir. Görülən işlərin nəticəsi kimi, stasionarlarda çarpayıların işi də yaxşılaşdırılıb.
|
04.02.11 Məqaləni oxumaq
|
|
|
|
Səhifələr : # « 18 19 20 21 22 23 24 25 26 » #
|
Torpaqlarımızı qaytaraq..
|
|
|
|