|
|
Səhifələr : 1 2 3 4 5 » #
|
|
Prezident İlham Əliyev: “2013-cü ilə qədər Azərbaycanda əsas infrastruktur layihələri başa çatmalıdır”
|
|
“2013-cü ilə qədər Azərbaycanda əsas infrastruktur layihələri başa çatmalıdır”. KƏLAMİNFO xəbər verir ki, bu barədə prezident İlham Əliyev martın 1-də Bakı Biznes Mərkəzində “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nın icrasının ikinci ilinin yekunlarına həsr olunmuş konfransda bildirib.
Dövlət başçıs qeyd edib ki, ölkəmizin bütün bölgələrində inkişaf var. “Haradasa işlər daha sürətlə, haradasa bir az ləng gedir. Amma bu, artıq dönməz prosesə çevrilibdir. Nəzərə alsaq ki, bizim proqramımız bütün rayonların inkişafını əhatə edir, bu gün hələ ki həllini gözləyən məsələlər, növbəti illərdə, əlbəttə ki, öz həllini tapacaq. Biz elə etməliyik ki, 2013-cü ilə qədər, ikinci Dövlət Proqramı başa çatanda qarşıda duran bütün vəzifələr icra edilsin.
|
03.03.11 Məqaləni oxumaq
|
| |
|
|
|
Səhiyyə mütəxəssislərinin tibb müəssisələrinə təhkim olunması barədə əmr imzalanıb
|
|
Səhiyyə mütəxəssislərinin tibb müəssisələrinə təhkim olunması haqqında səhiyyə naziri Oqtay Şirəliyev tərəfindən imzalanmış əmrin davamı olaraq yeni “Ezamiyyə barədə ”əmr imzalanıb. Bu barədə məlumatı KƏLAMİNFO-ya Səhiyyə Nazirliyinin mətbuat xidmətindən veriblər.
Əmrə əsasən respublikanın şəhər və rayonlarında əhaliyə tibbi yardımın göstərilməsi ilə bağlı yaranan mübahisəli məsələlərin yerində araşdırılması və həllinin təmin edilməsi məqsədi ilə respublikanın 16 iri şəhər və rayonlarına tibb mütəxəssisləri ezam olunacaqlar.
|
|
03.03.11 Məqaləni oxumaq
|
| |
|
|
|
M.Abbaszadə: “Elə rayonlar var ki, orada təhsil sahəsində fövqəladə vəziyyət elan etmək lazımdır”
|
|
Bu gün Bakıda fəaliyyət göstərən 276 saylı məktəbdə Tələbə Qəbulu üzrə Dövlət Komissiyası (TQDK) 2010/2011-ci il tədris ili üçün ali təhsil müəssisələrinə qəbul imtahanlarının elmi-statistik təhlilinə həsr olunan zona müşavirəsi keçirib.
KƏLAMİNFO xəbər verir ki, müşavirədə təhsil naziri Misir Mərdanov, Bakı şəhər üzrə Təhsil İdarəsin direktoru Nailə Rzaquliyeva, bir sıra rayonların orta ümumtəhsil məktəblərinin direktorları və müəllimləri iştirak edib.
Tədbirdə təhsil naziri M. Mərdanov Azərbaycan təhsilinin mövcud vəziyyəti, bu sahədəki problemlər və qarşıda duran vəzifələrlərdən qısa bəhs edib.
TQDK sədri Məleykə Abbaszadə 2010/2011-ci tədris ili üçün keçirilən qəbul imtahanlarının elmi-statistik təhlilinə dair ərtaflı təqdimat-məruzə ilə çıxış edib.
|
|
03.03.11 Məqaləni oxumaq
|
| |
|
|
|
Uşaq musiqi və incəsənət məktəbləri şagirdlərinin nəfəsli və zərb alətləri üzrə II respublika müsabiqəsi keçiriləcək
|
|
Mədəniyyət və Turizm Nazirliyi uşaq musiqi və incəsənət məktəbləri şagirdlərinin nəfəsli və zərb alətləri üzrə II Respublika müsabiqəsi keçirəcək.
Bu barədə KƏLAMİNFO-ya nazirliyin mətbuat xidmətindən məlumat verilib. Müsabiqənin açılışı martın 14-ü R.Behbudov adına 2 nömrəli Uşaq Musiqi Məktəbində olacaq. Müasbiqənin I turu 14-15 mart, II tur isə 16-17 mart günlərində keçiriləcək. Münsiflər heyətinin tərkibinə Belarusun əməkdar artisti, Belarus Dövlət Musiqi Akademiyasının kafedra müdiri, professor, sənətşünaslıq doktoru Boris Niçkovun sədrlik edəcəyi bildirilib. Münsiflərin tərkibinə həmçinin respublikanın tanınmış musiqiçi və müəllimləri də daxildir.
|
|
03.03.11 Məqaləni oxumaq
|
| |
|
|
|
Tatarıstan prezidenti Rüstəm Minnixanovun Azərbaycana səfəri başlayıb
|
|
Tatarıstan prezidenti Rüstəm Minnixanov Azərbaycana səfərə gəlib. KƏLAMİNFO xəbər verir ki, Heydər Əliyev Beynəlxalq Aeroportunda Tatarıstan prezidentini Azərbaycan Prezidenti Administrasiyasının şöbə müdiri Novruz Məmmədov və iqtisadi inkişaf naziri Şahin Mustafayev qarşılayıblar.
Bu gün prezident R.Minnixanov Fəxri Xiyabana gələrək, ümummilli lider Heydər Əliyevin məzarını və Şəhidlər Xiyabanını ziyarət edib.
Tatarıstan prezidentinin səfər proqramında Azərbaycan prezidenti İlham Əliyev, Milli Məclis sədri Oqtay Əsədov, baş nazir Artur Rəsizadə, fövqəladə hallar naziri Kamaləddin Heydərovla danışıqlar nəzərdə tutulub. O Heydər Əliyev Fondu ilə tanış olacaq, Azərbaycanda yaşayan tatar icması ilə görüşəcək.
|
|
03.03.11 Məqaləni oxumaq
|
| |
|
|
|
Daxili işlər orqanları əməkdaşlarının xidməti qaydalarnına əlavlər edilib
|
|
Nazirlər Kabineti “Daxili işlər orqanlarının əməkdaşlarına fasiləsiz xidmət illərinə görə haqqın ödənilməsi üçün xidmət illərinin hesablanması Qaydası”na əlavələr edib. Bu barədə məlumatı KƏLAMİNFO-ya Nazirlər Kabinetindən veriblər.
Yeni qərara əsasən, “Daxili işlər orqanlarının əməkdaşlarına fasiləsiz xidmət illərinə görə haqqın ödənilməsi üçün xidmət illərinin hesablanması Qaydası”nın 2-ci bəndinin on birinci abzasında “əlavə (xidmət illərinə, xüsusi şəraitdə vəzifələrin icrasına, əlahiddə xidmətə görə)” sözlərindən sonra “hamiləliyə və doğuşa görə ödənişli məzuniyyət, qismən ödənişli sosial, habelə həkim məsləhət komissiyasının rəyi əsasında xroniki xəstəliyi olan uşağa qulluq etmək üçün uşaq dörd yaşına çatanadək əlavə ödənişsiz məzuniyyət” sözləri əlavə edilib.
|
|
02.03.11 Məqaləni oxumaq
|
| |
|
|
|
Fəlsəfə, Sosiologiya və Hüquq İnstitutunda yeni bölmə yaradıldı
|
|
AMEA-nın Fəlsəfə, Sosiologiya və Hüquq İnstitutunda yeni bölmə- Beynəlxalq Əlaqələr üzrə direktor müavinliyi təsis edilib. KƏLAMİNFO xəbər verir ki, bölmənin yaradılmasında məqsəd daha çox elmi sahələrə malik olan institutun elmi fəaliyyətinin xarici ölkələrin elm mərkəzləri ilə tənzimlənməsinə istiqamətlənib.
Bölməyə rəhbərlik edən fəlsəfə elmləri üzrə fəlsəfə doktoru Ruyida Rzayeva bildirib ki, bölmə daha çox institutun fəaliyyətinə aid elmi sahələr üzrə xarici ölkə alimlərinin bura dəvət olunmasına üstünlük verəcək. “Eyni zamanda aktiv elmi fəaliyyət ilə məşğul olan alimlərimizin xarici ölkələrdə mütəmadi keçirilən konfranslarda iştirakını da təmin edəcəyik”,-deyə direktor müavini bildirib. O, əlavə edib ki, bütün bu layihələri Elmin İnkişafı Fondu dəstəkləyəcək.
|
|
02.03.11 Məqaləni oxumaq
|
| |
|
|
|
Mahmud Əhmədinejat: “Diktatorların cinayətlərinə görə məsuliyyəti qərb daşıyır”
|
|
Qərb özü yetişdirdiyi diktatorlara görə cavab verir. KƏLAMİNFO Fars news agentliyinə istinadən xəbər verir ki, bu sözləri İran prezidenti Mahmud Əhmədinejat deyib. Onun sözlərinə görə, biz beynəlxalq aləmi həmişə diktatorlara görə xəbərdarlıq edirdik, regiondakı xalqların təhlükədə olduğu deyirdik, amma qərb onda həmin diktatorlarla həmfikir idi.
“İnsanlar yarım əsr idi ki, diktatorların zülmündən əziyyət çəkirdilər, öz maraqlarına görə illərdir bunlara göz yuman qərb bütün diktatorların cinayətləri üçün məsuliyyət daşıyır”,-deyə İran prezidenti vurğulayıb.
|
|
02.03.11 Məqaləni oxumaq
|
| |
|
|
|
Ombudsman Cəlilabadın sel basan ərazilərindəki sakinlərin vəziyyətini diqqətdə saxlayır
|
|
İnsan Hüquqları üzrə Müvəkkilin tapşırığına əsasən, Ombudsmanın Cəlilabad Regional Mərkəzinin rəhbəri Z.İsmayılov və əməkdaşı B.Əliyev Cəlilabad rayonunda sel basan ərazilərdə olub, sakinlərlə görüşüb və problemlərini öyrəniblər. Ombudsman Aparatından KƏLAMİNFO-ya verilən məlumata görə, araşdırma zamanı müəyyən edilib ki, Cəlilabad rayonundakı Mişarçayın üzərindəki bəndin möhkəmləndirilməsi tədbirləri başa çatdırılıb, “daş kanalı” adlanan su kanalında suyun səviyyəsi bir metrdən çox aşağı düşüb. Həmçinin rayonda elektrik enerjisi və qaz təminatı normal vəziyyətdədir. Rayonun Cavadxan və Ə.Vahid küçəsində yerləşən evlərin həyətinə dolan su Fövqəladə Hallar Nazirliyinin (FHN) Cənub Regional Mərkəzinin əməkdaşları tərəfindən qurudulur.
Ombudsmanın nümayəndələri ilə söhbət zamanı sakinlər vaxtında lazımi tədbirlər görüldüyündən razılıqlarını bildirib, əhaliyə böyük tələfat və ziyan dəyməsinin qarşısının alındığını söyləyiblər.
|
|
02.03.11 Məqaləni oxumaq
|
| |
|
|
|
Prezident İlham Əliyevin iştirakı ilə “Regionlarının 2009-2013-cü illərdə sosial-iqtisadi inkişafı Dövlət Proqramı”na həsr olunan konfrans keçirilir
|
|
Bu gün Bakıda, Biznes Mərkəzində “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nın icrasının ikinci ilinin yekunlarına həsr olunmuş konfrans keçirilir. KƏLAMİNFO xəbər verir ki, prezident İlham Əliyev konfransda iştirak edir. Əvvəlcə dövlət başçısı konfrans çərçivəsində təşkil edilmiş sərgi ilə tanış olub.
Sonra konfransda giriş nitqi ilə çıxış edən Prezident İlham Əliyev “Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı”nın icrasının ikinci ilinin yekunlarını yüksək qiymətləndirib.
Dövlət Proqramının ikinci ilində əldə olunmuş uğurlardan və qarşıda duran vəzifələrdən danışan dövlət başçısı Azərbaycanın dünyada ən sürətlə inkişaf edən ölkə olduğunu vurğulayıb.
Konfrans davam edir.
|
|
02.03.11 Məqaləni oxumaq
|
| |
|
|
|
Səhifələr : 1 2 3 4 5 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
