|
|
Səhifələr : # 1 2 3 4 5 6 7 8 #
|
|
Putinin nə qədər pulu var?
|
|
Rusiya baş naziri Vladimir Putinin son dörd ildə gəliri təqribən 18 mln. rubl (600 min dollar) təşkil edib. Bunu Rusiya Mərkəzi Seçki Komissiyası açıqlayıb. «KƏLAMİNFO» «Dni.ru»ya istinadən xəbər verir ki, baş nazir prezidentliyə namizəd kimi qeydiyyatdan keçdikdən sonra Putinin və xanımının gəlirləri və əmlakı barədə məlumat dərc edib. Putinin əsas gəliri əmək haqqı olaraq qalır. Son illər ərzində baş nazir ay ərzində 360 min rubl əmək haqqı alıb. Əmək haqqı ilə yanaşı, o, hərbi pensiya, eləcə də səhmlərə görə dividentlər və banklardakı vəsaitlərindən faiz alır. Onun bank hesablarında 5,7 mln. rubl var. Eləcə də Sankt-Peterburq bankında 230 səhmi var. Hökumət başçısı Peterburqda 77,7 kv.m-lik evə, Moskvada 1500 kv.m torpaq sahəsinə malikdir. Onun avtoparkında əsasən köhnə sovet maşınları - 1960-cı il istehsallı QAZ M21, Lada 21214, Skif qoşqu vasitəsi yer alır. Moskvada ona 153 kv.metrlik ev və Peterburqda qaraj verilib. Lyudmila Putinin hesabında isə 8,3 mln. rubl var. Onun adında heç bir mülk qeydiyyata alınmayıb.
|
23.12.11 Məqaləni oxumaq
|
| |
|
|
|
Ailə Məcəlləsinə əlavə və dəyişikliklər ediləcək
|
|
Milli Məclisin Sosial siyasət komitəsi Ailə Məcəlləsində əlavə və dəyişikliklər üzərində iş aparır. “KƏLAMİNFO” xəbər verir ki, bu fikirləri komitənin sədr müavini Musa Quliyev deyib.
M.Quliyev bildirib ki, bundan başqa, nigaha girən şəxsin icbari tibbi müayinə olunması, nigah müqavilələrinin icbari hala gətirilməsi, o cümlədən doğuşa qədər və doğuşdan sonrakı hamiləlik müddətinin artırılması, uşaqlara baxanlar üçün müavinətlərin artırılması üzərində iş aparılır: “Bunlar hamısı gündəlikdədir və müzakirə olunur. Yəqin ki, yaz sessiyasında bunların bir hissəsini qəbul edəcəyik”.
|
|
23.12.11 Məqaləni oxumaq
|
| |
|
|
|
YAP Serbiyanın Demokrat Partiyası ilə memorandum imzalayıb
|
|
Bu gün Azərbaycanın hakim Yeni Azərbaycan Partiyası (YAP) Serbiyanın Demokrat Partiyası (SDP) ilə əməkdaşlıq haqqında anlaşma memorandumu imzalayıb. “KƏLAMİNFO” xəbər verir ki, sənədi YAP sədr müavini, millət vəkili Əli Əhmədov və SDP sədr müavini, Serbiyanın kənd təsərrüfatı, ticarət, meşəçilik və su təsərrüfatı naziri Duşan Petroviç imzalayıblar.
Mərasimdə Ə.Əhmədov bildirib ki, memorandumun imzalanması Azərbaycanla Serbiya arasında əlaqələrin genişləndirilməsinə şərait yaradacaq. “İki partiyanın gənclər təşkilatlarının da bir-biri ilə sıx əlaqə yaratması mühüm amildir” - deyə Ə.Əhmədov vurğulayıb.
O qeyd edib ki, partiya beynəlxalq əlaqələrini, dünya ölkələri partiyaları ilə əməkdaşlığını günü-gündən genişləndirir. “Avropa Xalq Partiyası, həmçinin Asiya ölkələrinin siyasi partiyaları ilə yüksək səviyyəli əməkdaşlıq əlaqələri mövcuddur. Bu əməkdaşlığın sərhədlərinin genişləndirilməsi üçün partiyanın bütün imkanları var” - deyə o, əlavə edib.
|
|
23.12.11 Məqaləni oxumaq
|
| |
|
|
|
Prezident Kuboku uğrunda VI çövkən milli oyununun qalibi bu gün bəlli olacaq
|
|
Prezident kuboku uğrunda VI çövkən milli oyunun finalına Şəki və Ağdam komandaları vəsiqə qazanıb. Mədəniyyət və Turizm Nazirliyindən “KƏLAMİNFO”ya verilən məlumata görə, bu mərhələyə yüksəlmək üçün komandalar gərgin mübarizə aparıblar. Belə ki, Şəki komandası Balakən komandasına 2-1, Ağdam təmsilçiləri isə Ağstafa komandasına 2-1 hesabı ilə qalib gələrək finala çıxıblar. Yarışın 3-cü yer sahibi də məlum olub. Şəkililərə uduzan balakənlilərlə ağdamlılara uduzan ağstafalılar arasında keçirilən yarışdan sonra 1-0 hesabı ilə Balakən komandası 3-cü yeri qazanıb.
Papaq və sürpapaq oyunlarına gəlincə isə, papaq oyununda Zaqatala komandası 1-ci, Goranboy 2-ci, Qəbələ isə 3-cü yer mükafatını, sürpapaq oyununda isə Oğuz 1-ci, Qax 2-ci, İsmayıllı isə 3-cü yer mükafatını qazanıblar.
Xatırladaq ki, Şəki rayonunun Daşüz kəndində yerləşən Respublika Atçılıq Turizm Mərkəzində keçirilən Prezident Kuboku uğrunda VI çövkən milli oyunu üzrə yarışın finalına vəsiqə qazanan Ağdam və Şəki komandaları arasında final görüşü bu gün keçiriləcək və qalib bəlli olacaq.
|
|
22.12.11 Məqaləni oxumaq
|
| |
|
|
|
Əhmədinejad Yerevana səfər edəcək
|
|
İran prezidenti Mahmud Əhmədinejad dekabrın 23-də Yerevana səfər edəcək. «KƏLAMİNFO» xəbər verir ki, bunu İranın İRNA agentliyinə Ermənistanın İrandakı səfiri Qriqor Arakelyan deyib. O bildirib ki, səfər Ermənistan prezidenti Serj Sarkisyanın dəvəti əsasında reallaşdırılır. O xatırladıb ki, səfər bir neçə ay bundan əvvələ proqnozlaşdırılmışdı, lakin tərəflər səfər zamanı imzalanacaq sənədləri hazır edə bilmədiyindən təxirə salınmışdı.
Onun sözlərinə görə, iki ölkə arasında əla münasibətlər var və bunu yüksək rütbəli rəsmilərin qarşılıqlı səfərləri təsdiq edir. İran prezidentinin də səfəri iki ölkə arasındakı münasibətlərin dərinləşməsinə gətirib çıxaracaq.
|
|
22.12.11 Məqaləni oxumaq
|
| |
|
|
|
Prezident Administrasiyası və Milli Məclisə 2 yeni qanun layihəsi təqdim ediləcək
|
|
Növbəti ilin əvvəlinə QHT-lərə Dövlət Dəstəyi Şurasının hazırladığı “Peşə birlikləri haqqında” və “İctimai iştirakçılıq haqqında” qanun layihələri Prezident Administrasiyası, həm də Milli Məclisə göndəriləcək. “KƏLAMİNFO” xəbər verir ki, bu barədə məlumatı QHT-lərə Dövlət Dəstəyi Şurasının sədri, millət vəkili Azay Quliyev deyib.
Şura sədri bildirib ki, həmin qanun layihələri hazırda son təkmilləşmə mərhələsindədir. Qanun layihələri bu gün bir daha işçi qrupu tərəfindən dəyərləndiriləcək.
|
|
22.12.11 Məqaləni oxumaq
|
| |
|
|
|
İraqın xarici işlər naziri Azərbaycana rəsmi səfərə gəlir
|
|
İraqın xarici işlər naziri Hoşyar Zebari bu gün Azərbaycana rəsmi səfər edəcək. Xarici İşlər Nazirliyindən “KƏLAMİNFO”ya verilən məəlumata görə, səfər zamanı Hoşyar Zebarinin Azərbaycan prezidenti İlham Əliyev tərəfindən qəbul ediləcəyi, eyni zamanda, baş nazir Artur Rasi-zadə, Milli Məclisin sədri Oqtay Əsədov, xarici işlər naziri Elmar Məmmədyarov və rabitə və informasiya texnologiyaları naziri Əli Abbasovla görüşləri nəzərdə tutulur.
Sabah isə Hoşyar Zebarinin Xarici İşlər Nazirliyində mətbuat konfransı olacaq.
|
|
22.12.11 Məqaləni oxumaq
|
| |
|
|
|
Seçkilərdə qanun pozuntuları araşdırılır
|
|
Rusiya DİN və İstintaq Komitəsi prezident Dmitri Medvedyevə Dövlət Dumasına seçkilərdə seçki kampaniyası və səsvermənin gedişatında pozuntular haqqında məruzə edib. “KƏLAMİNFO” “Lenta.ru”ya istinadən xəbər verir ki, bu barədə informasiya Kremlin rəsmi saytında yerləşdirilib.
Məlumatda qeyd olunur ki, təşviqat kampaniyasının başlanğıcından Federasiyanın 12 subyektndə 53 cinayət işi açılıb. Seçki kampaniyasının gedişatında pozuntularla bağlı 259 şikayət daxil olub. Bu şikayətlər əsasən “Ədalətli Rusiya” və Kommunist Partiyası tərəfindən edilib. 9 şikayət səsvermənin nəticələrnin saxtalaşdırmasına aiddir. Bunlardan beşi seçki qutularına artıq bülleten atılması, dördü isə seçicilərin ələ alınması ilə bağlıdır.
|
|
22.12.11 Məqaləni oxumaq
|
| |
|
|
|
Musa Yaqub: “Azərbaycan dili sanki unudulub”
|
|
Söz Azadlığını Müdafiə Fondu (SAMF) 2010-cu ildən başlayaraq Azərbaycan dilinin qorunması və inkişafına dəstək vermək istiqamətində silsilə tədbirlər həyata keçirir. “KƏLAMİNFO” xəbər verir ki, fond rəhbərliyi bu istiqamətdə həyata keçirdiyi “Küçə reklamlarında dövlət dilinin qorunması: real vəziyyət, problemlər və həlli yolları” mövzusunda tədbir keçirib. Tədbirdə çıxış edən SAMF sədri Musa Yaqub bildirib ki, fond küçə reklamlarında Azərbaycan dilinin qorunması ilə bağlı layihə reallaşdırır: “Həyəcan təbili çalmaq üçün kifayət qədər əsaslar var. Azərbaycan dili sanki unudulub, qanunlara əməl edilmir”.
|
|
22.12.11 Məqaləni oxumaq
|
| |
|
|
|
Əli Həsənov: Rusiyada və Qazaxıstanda baş verən hadisələr Azərbaycana təsiri edə bilməz
|
|
“Azərbaycanda bəzi müxalifət qüvvələri xalqın iradəsinə söykənmək əvəzinə, dünyada baş verən proseslərin təsiri ilə hərəkət etmək yolunu tutub”. “KƏLAMİNFO” xəbər verir ki, bunu jurnalistlərə Prezident Administrasiyasının İctimai-siyasi şöbəsinin müdiri Əli Həsənov bildirib.
O qeyd edib ki, müxalifətin bu metodu təzə hadisə deyil. “Biz bunu son 3 ildə Qırğızıstanda, Liviyada, Tunisdə, Misirdə və digər ölkələrdə yaşanan proseslərdən sonra Azərbaycan müxalifətinin hərəkətlərində hiss edirik”-deyə Ə.Həsənov vurğulayıb. PA rəsmisi deyib ki, Azərbaycanda hər hansı şəkildə uğur əldə etmək üçün mütləq şəkildə xalqın iradəsinə söykənmək lazımdır. “Əgər bu iradəyə cavab vermirlərsə onların istənilən arzusu, istənilən planları məhvə məhkumdur. Ona görə də biz heç bir zaman Azərbaycanın xaricində baş verən hadisələrlə ölkə daxilindəki prosesləri eyniləşdirmirik. Onlar arasında əlaqə axtarmırıq, çünki burada heç bir əlaqə yoxdur.
|
|
22.12.11 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
