|
|
Səhifələr : # 1 2 3 4 5 6 #
|
|
Virtual məkan gənclərə daha geniş imkanlar açır
|
|
Bu gün Azərbaycanda ümumi internet istifadəçilərinin 63 faizini kişilər, 37 faizini isə qadınlar təşkil edir. Bu fərq sosial şəbəkələrə daxil olan qadınların sayının kişilərdən az olmasında da özünü göstərir. Bundan əlavə, digər fərq internetə, o cümlədən sosial şəbəkələrə daxil olan istifadəçilərin yaş fərqindədir. Belə ki, Azərbaycanda ümumi internetə daxil olanların 50 faizə yaxınını 18-24 yaşlı gənclər təşkil edir. Amma dünyada bu göstəricini əsasən 40 yaşa qədər olan insanlar təşkil edir.
|
27.12.11 Məqaləni oxumaq
|
| |
|
|
|
Türkiyə fransız mallarına embarqo qoymayacaq
|
|
Türkiyə fransız mallarına qarşı embarqo qoymayacaq. Bu sözləri Səudiyyə Ərəbistanına səfər edən Türkiyənin iqtisadiyyat naziri Zəfər Çağlayan bəyan edib. Bununla da o, Fransanın boykot edilməsi mövzusu ilə bağlı mübahisələrə bir növ nöqtə qoymuş olub. «KƏLAMİNFO» «Hürriyyət» qəzetinə istinadən yazır ki, rəsmi Ankara Fransa parlamentinin qəbul etdiyi qanun layihəsi ilə bağlı maliyyə itkilərinə yol verilməsini istəmir.
Qəzet yazır ki, nazirin sözlərindən bu qənaətə gəlmək olar. «Hər hansı bir embarqo və yaxud ticarət münasibətlərinin kəsilməsindən söhbət gedə bilməz. Ölkədə çox iri fransız investisiyaları var. Hər zaman bizim ölkəmizə inanan və investisiya qoyanlara xoş gəlsin deyirik. Əgər yeni fransız investorlar gəlsə, onlara da xoş rəftar olacaq» - deyə o bildirib.
Fransa bu ölkədə elektron, əczaçılıq, avtomobil sənayelərinə investisiyalar yatırıb. 500 ən iri türk kompaniyasının altısı fransız kapitalı üzərində qurulub.
|
|
27.12.11 Məqaləni oxumaq
|
| |
|
|
|
Azərbaycanlı politoloq: “Bu gün Rusiya Qafqaz üçün daha təhlükəsiz görünür”
|
|
“Bu gün özünün daxili strukturlarına nəzarət etmək iqtidarında olan, bir mərkəzdən idarə olunan Rusiya Qafqaz üçün daha təhlükəsiz görünür”. Bu barədə “KƏLAMİNFO”ya açıqlamasında politoloq Rasim Ağayev bildirib.
O, qeyd edib ki, Sovet İttifaqı dağıldıqdan sonra keçən dövr ərzində onun varisi olan Rusiya kifayət qədər çətin dövrlər yaşayıb və bu müddətdə Qafqazda da vəziyyət xeyli dəyişib. “Bu dövrlərdə erməni-azərbaycanlı müharibələri olub və Azərbaycan böyük itkilər verib. Məsələ də burasındadır ki, bu savaşların hamısının ssenarisi Rusiyada cızılıb. Ona görə də bu gün zəif Rusiyanın Qafqaz, əsasən də Azərbaycan üçün hansı ssenarilərə gətirib çıxara biləcəyini azca da olsa irəlicədən təsəvvür etməyə dəyər. Əsas odur ki, təhlükə hiss olunmur”,-deyə R.Ağayev vurğulayıb. Onun sözlərinə görə, ümumi geostrateji amilləri nəzərə alsaq Azərbaycan üçün perspektivdə zəif yaxud da güclü Rusiyanın daha önəmli olmasını proqnozlaşdırmaq çətindir.
|
|
27.12.11 Məqaləni oxumaq
|
| |
|
|
|
Bu gün Nizami Kino Mərkəzi ictimaiyyətə təqdim olunacaq
|
|
Bu gün kino ilinə yekun vurulacaq.
Mədəniyyət və Turizm Nazirliyindən “KƏLAMİNFO”ya verilən məlumata görə, bu gün saat 17:00-da Nizami Kino Mərkəzində mədəniyyət və turizm naziri Əbülfəs Qarayevin iştirakı ilə 2011-ci ildə kino sahəsində ilin yekunlarına həsr olunan, o cümlədən beynəlxalq kino festivallarında müvəffəqiyyətlərə nail olmuş kinematoqrafçılarla görüş olacaq. Bu gün eyni zamanda saat 18:00-da geniş ictimaiyyət üçün Nizami Kino Mərkəzinin təntənəli təqdimat mərasimi keçiriləcək.
|
|
27.12.11 Məqaləni oxumaq
|
| |
|
|
|
Fazil Mustafa: “Fransanın əsas məqsədi ermənilərə dəstək olmaq yox, Türkiyəyə maneə yaratmaqdır”
|
|
“İndiki halda Fransanın “erməni soyqırımı”nı qəbul etməsi heç də ağır faciə deyil. Çünki bu ölkənin əsas məqsədi heç də ermənilərə dəstək olmaq yox, Türkiyəyə maneə yaratmaqdır”. Bu barədə “KƏLAMİNFO”ya Azərbaycan millət vəkili Fazil Mustafa bildirib.
O qeyd edib ki, stüasiyanın hansı istiqamətə dəyişməsindən asılı olmayaraq Azərbaycan bu məsələdə daim Türkiyənin yanındadır. “Rəsmi Bakı da dəfələrlə bunu ifadə edib. Çünki bu məsələdə Azərbaycanın görə biləcəyi iş Türkiyəyə dəstək verməkdir ki, onu da edir” - deyə F.Mustafa vurğulayıb. Deputatın fikrincə, Fransada bir qism qüvvələr bu vəziyyətdən istifadə edib vəziyyəti gərginləşdirmək istəyir. “Lakin biz bu məsələdə daim həssas olmalıyıq” - deyə o, əlavə edib.
|
|
27.12.11 Məqaləni oxumaq
|
| |
|
|
|
AMEA-nın bir sıra bölmələri üzrə doktoranturaya qəbulun nəticələri açıqlanıb
|
|
Bu gün Azərbaycan Milli Elmlər Akademiyası Fizika-Riyaziyyat və Texnika Elmləri Bölməsi, Yer Elmləri Bölməsi və Biologiya Elmləri Bölməsinin fəlsəfə doktoru proqramı üzrə doktoranturaya qəbul imtahanlarının nəticələrini açıqlayıb. Bu barədə “KƏLAMİNFO”ya AMEA-nın I vitse-prezidenti Arif Həşimov məlumat verib.
A.Həşimov deyib ki, AMEA Rəyasət Heyətinin bu gün keçirilən iclasında sözügedən bölmələr üzrə 91 nəfərin doktoranturaya qəbulu təsdiqlənib. Bundan əlavə, həmin bölmələr üzrə əlavə yerlərin ayrılması üçün Rəyasət Heyətinə müraciət edilib: “Əlavə yerlərin ayrılması üçün Nazirlər Kabineti qarşısında vəsatət qaldırdığımıza görə həmin təkliflər qəbul edildi və yaxın günlərdə bu təkliflərə baxılaraq təsdiq ediləcək. Hələlik nə qədər əlavə yerin istənilməsi məlum deyil”.
|
|
27.12.11 Məqaləni oxumaq
|
| |
|
|
|
BMT büdcəsini 5 faiz ixtisar edib
|
|
BMT Baş Assambleyası qurumun büdcəsinin 5 faiz ixtisarı barədə razılıq əldə edib. «KƏLAMİNFO» BBC-yə istinadən xəbər verir ki, beləliklə, BMT son 50 ildə ikinci dəfədir ki, büdcə ixtisarı etmiş olur. Qurumun 5.41 milyard təşkil edən iki illik büdcəsi 2012 və 2013-cü il üçün 5.15 milyard dollara qədər azaldılıb. BMT-nin baş katibi Pan Qi Mun Baş Assambleyanın bu qərarını alqışlayaraq, dünyanın hər yerində hökumətlər və insanların çətinlik çəkdiyini deyib. O bildirib ki, bu ölçü mövcud resurslar və qurumun mandatının həyata keçirilməsi üçün olduqca mühümdür. Mun səyahət məsrəflərinın ixtisarı və 193 üzvlü təşkilatın resurslardan daha səmərəli istifadə etməsi üçün təkliflər irəli sürüb.
|
|
27.12.11 Məqaləni oxumaq
|
| |
|
|
|
DSMF-nin saytı ən yaxşı oldu
|
|
Milli İnternet Mükafatı - “Milli Net 2011”-in qaliblərinin adları açıqlanıb. “KƏLAMİNFO” xəbər verir ki, “Milli Net 2011” müsabiqəsinin builki qalibləri 11 nominasiya (“Korporativ saytlar”, “İctimai-sosial saytlar”, “Media və İnformasiya”, “Mədəniyyət, incəsənət və turizm”, “Ailə uşaq və sağlamlıq”, “Asudə vaxt, idman və əyləncə”, “Bloqlar”, “Elm və təhsil”, “Dövlət və bələdiyyə”, “Xidmət (Servis)”, “İstifadəçi kontenti üzərində qurulmuş saytlar”) üzrə müəyyənləşdirilib. Azərbaycan Respublikası Dövlət Sosial Müdafiə Fondunun (DSMF) rəsmi internet saytı (http://www.sspf.gov.az, www.dsmf.gov.az) “Milli Net-2011” müsabiqəsinin “Dövlət və bələdiyyə saytları” nominasiyası üzrə qalibi (1-ci yer) seçilib. 11 nominasiya üzrə qalib gələnlərə “Milli Net” müsabiqəsinin tuncdan hazırlanmış xüsusi mükafatı - hörümçək toru əks olunan buta və diplom təqdim olunub. Eyni zamanda 2-ci və 3-cü yerləri qazananlara müsabiqənin diplomları verilib.
Qeyd edək ki, DSMF-nin rəsmi internet saytı 2004-cü ildən etibarən fəaliyyət göstərir.
|
|
27.12.11 Məqaləni oxumaq
|
| |
|
|
|
Rəsmi Bakının Fransanın ATƏT Minsk Qrupundan kənarlaşdırılması ilə bağlı müraciəti yoxdur
|
|
“Hazırda Fransanın ATƏT Minsk Qrupundan kənarlaşdırılması ilə bağlı rəsmi Bakının heç bir müraciəti yoxdur. Hələ ki bunu hazırlamaq fikri də yoxdur”. Bunları “KƏLAMİNFO”ya açıqlamasında Azərbaycan Xarici İşlər Nazirliyinin (XİN) mətbuat katibi Elman Abdullayev bildirib.
O qeyd edib ki, Fransa parlamentində işğalçı Ermənistanın maraqlarına uyğun olaraq qondarma erməni soyqırımının tanınması Parisin Minsk Qrupunda qeyri-obyektivliyinə dəlalət eləsə də, rəsmi Bakı hələ ki gözləmə mövqeyindədir. “Biz onsuz da bəyan eləmişik ki, qardaş Türkiyəyə qarşı Fransa parlamentində yönələn bu ədalətsiz addımı qətiyyətlə pisləyirik. Təbii ki, bu, Fransanın bir sıra proseslərdə iştirakına xələl gətirir, o cümlədən də Ermənistan-Azərbaycan, Dağlıq Qarabağ münaqişəsindəki vasitəçilik missiyasına ciddi kölgə salır” - deyə E.Abdullayev vurğulayıb.
|
|
27.12.11 Məqaləni oxumaq
|
| |
|
|
|
Zahid Oruc: “Fransa ilə birdəfəlik əlaqələri kəssək, bu, ermənilər üçün ikinci uğur olar”
|
|
“Əgər biz Fransa Senatında qondarma erməni soyqırımı ilə bağlı müsbət nəticə əldə eləmək istəyiriksə, bu ölkə ilə əlaqələri birdəfəlik kəsməkdənsə, orada fəaliyyətimizi gücləndirməliyik”. Bu barədə “KƏLAMİNFO”ya Milli Məclisin Müdafiə və təhlükəsizlik komitəsinin üzvü Zahid Oruc bildirib. Onun fikrincə, parlamentdə bu yanlış qərar erməni lobbisinin fəaliyyətinin nəticəsidir. “Ona görə də əgər biz Fransa ilə birdəfəlik əlaqələri kəssək, bu, ermənilər üçün ikinci uğur olar” – deyə Z.Oruc vurğulayıb. Deputat hesab edir ki, bütün baş verənlərə rəğmən Fransa ilə işləmək, əməkdaşlığı davam etdirmək lazımdır. “Biz öz həqiqətlərimiz uğrunda ciddi fəaliyyətimizi davam etdirməliyik” - deyə o, əlavə edib.
|
|
27.12.11 Məqaləni oxumaq
|
| |
|
|
|
Səhifələr : # 1 2 3 4 5 6 # |
|
Torpaqlarımızı qaytaraq..
|
| |
|
|
|
Açılış Səhifəsi et 
