|
|
Səhifələr : # 11 12 13 14 15 16 17 18 19 #
|
|
“Eurovision”la əlaqədar Bayılda yeni yarımstansiya tikilir
|
|
2012-ci ilin may ayında Azərbaycanda keçiriləcək “Evrovision” beynəlxalq mahnı müsabiqəsi zamanı elektrik enerjisinə olan tələbatın artımı ilə əlaqədar Azərbaycan enerji sistemi heç bir problemlə qarşılaşmayacaq. “KƏLAMİNFO” xəbər verir ki, bu barədə Sənaye və Energetika Nazirliyi “Azərenerji” ASC-yə istinadən xəbər yayıb. Bildirilir ki, hazırda Azərbaycanın enerji sistemi 1000 MVt ehtiyat gücə malikdir. “Evrovision” beynəlxalq mahnı müsabiqəsi keçiriləcək yerlərin elektrik enerjisi təchizatı sxemləri hazırlanıb və ən yüksək etibarlılıq meyarlarına cavab verir. Belə ki, hal-hazırda gücü 240 MVA olan və ən müasir avadanlıqlarla təchiz olunacaq yeraltı 1003510 kV-luq “Bayıl” yarımstansiyası inşa edilir. Bundan əlavə, 3 ədəd 6 kV-luq yarımstansiyanın tikintisi, 12 MVt gücündə avtonom ehtiyat dizel-generatorların və 10 MVt gücündə kəsilməz qida mənbəyinin (UPS) quraşdırılması nəzərdə tutulur. “Evrovision” beynəlxalq mahnı müsabiqəsi zamanı elektrik enerjisinə olan tələbatın artımını ödəmək məqsədi ilə müvəqqəti elektrik stansiyasının tikintisi ilə bağlı “APR Energy” şirkəti təkliflər irəli sürüb.
|
08.12.11 Məqaləni oxumaq
|
| |
|
|
|
Nazir müavini Azərbaycanı Moskvada keçiriləcək müşavirədə təmsil edəcək
|
|
Sabah Rusiyanın paytaxtı Moskva şəhərində Müstəqil Dövlətlər Birliyinin (MDB) humanitar sahə üzrə əməkdaşlıq orqanları rəhbərlərinin növbəti koordinasiya müşavirəsi keçiriləcək. Azərbaycanı bu müşavirədə gənclər və idman nazirinin müavini İsmayıl İsmayılov təmsil edəcək. Bu barədə məlumatı “KƏLAMİNFO”ya Gənclər və İdman Nazirliyinin mətbuat xidmətindən veriblər.
İ.İsmayılov eyni zamanda MDB ölkələri bədən tərbiyəsi və idman haqqında Saziş iştirakçılarının bədən tərbiyəsi və idman şurasının sədridir. Koordinasiya müşavirəsi zamanı 2020-ci ilə qədər MDB ölkələrinin iştirakçılarının bədən tərbiyəsi və idman haqqında strateqiyasının, MDB-də İdman və sağlam həyat ili üçün əsas konsepsiya və tədbirlər planının işlənilməsi, MDB-nin dövlətlərarası ekoloji məsləhət şurasının yenidən bərpası, 2012-ci il İdman və sağlam həyat tərzi ilinin informasiya vasitələrində işıqlandırılması və digər məsələlərin müzakirəsi nəzərdə tutulub. Tədbir 10 dekabr tarixində işinə yekun vuracaq.
|
|
08.12.11 Məqaləni oxumaq
|
| |
|
|
|
Avropa Birliyi Rusiyadakı seçkilərdən narahatdır
|
|
Avropa Birliyi Rusiyadakı parlament seçkilərində baş vermiş qanunsuzluqlardan narahat olduğunu bildirib. «KƏLAMİNFO» «İTAR TASS»-a istinadən xəbər verir ki, Avropa Birliyini xarici siyasət idarəsinin rəhbəri Ketrin Eşton bildirib ki, seçkilərdə saxtakarlıqlar olması və müstəqil müşahidəçilərə təzyiqlər göstərilməsi ciddi narahatlıq yaradır.
|
|
08.12.11 Məqaləni oxumaq
|
| |
|
|
|
Aşura günü 1363,6 litr qan tədarük olunub
|
|
Məhərrəmlik ayının onuncu günü - Aşura günündə Səhiyyə Nazirliyinin və Qafqaz Müsəlmanları İdarəsinin təşkilatçılığı ilə qana ehtiyacı olan xəstələrə yardım məqsədi ilə könüllü qanvermə aksiyaları keçirilib. Səhiyyə Nazirliyindən “KƏLAMİNFO”ya verilən məlumata görə, respublika üzrə 3409 nəfər könüllü olaraq qan verib və ümumilikdə 1363,6 litr qan tədarük olunub. Donorlardan 2329 nəfər və 931,6 litr tədarük olunan qan Bakı şəhərinin, 1080 nəfər və 432 litr tədarük olunan qan isə bölgələrin payına düşür.
Qeyd edək ki, hər il Aşura günündə qan vermək istəyən həmvətənlərimizin sayı daha da artır. Belə ki, 2010-cu ildə 2210 nəfər könüllü qan vermiş və 884 litr qan tədarük olunmuşdu.
|
|
08.12.11 Məqaləni oxumaq
|
| |
|
|
|
Ramiz Mehdiyev: “Beynəlxalq birlik Ermənistanı öhdəlikləri yerinə yetirməyə vadar etməlidir”
|
|
“ATƏT-in Minsk Qrupuna daxil olan ölkələrin Dağlıq Qarabağ probleminin həllindəki fəaliyyətini heç də qənaətbəxş hesab etmək olmaz”. “KƏLAMİNFO” xəbər verir ki, bunları Azərbaycan Prezident Administrasiyasının rəhbəri Ramiz Mehdiyev Bakıda keçirilən beynəlxalq konfransda çıxışı zamanı bildirib. O qeyd edib ki, dünya ictimaiyyətinin gözü qarşısında bu dövlətlər uzun illərdir ki Ermənistanın təcavüzünə son qoyulması, Azərbaycanın torpaqlarının işğaldan azad edilməsi üçün əllərini ağdan-qaraya vurmayıblar. “Azərbaycan xalqı çoxdandır ki özü üçün aydın edib ki, pərdə arxasında erməni işğalçıları müdafiə olunur. Minsk Qrupu dövlətləri bilməlidirlər ki, Azərbaycan xalqının dözümünün hüdudları elə də geniş deyil, onun səbir kasası artıq dolubdur. Halbuki XX əsri yaxın tarixindən bəllidir ki, beynəlxalq birlik təcavüz nəticəsində formalaşan oyuncaq dövlətləri heç zaman tanımayıb və ona qarşı mübarizə aparıb. Əks təqdirdə hansı dünya nizamından söhbət, hansı beynəlxalq təhlükəsizliyin və sülhün qorunması mexanizmlərindən söhbət gedə bilər?” - deyə R.Mehdiyev vurğulayıb.
|
|
08.12.11 Məqaləni oxumaq
|
| |
|
|
|
Elmar Məmmədyarov Böyük Britaniyanın xarici işlər naziri ilə görüşüb
|
|
Xarici işlər naziri Elmar Məmmədyarov Litvanın paytaxtı Vilnüs şəhərində Avropada Təhlükəsizlik və Əməkdaşlıq Təşkilatının Nazirlər Şurasının 18-ci iclasında iştirakı çərçivəsində bir sıra ikitərəfli görüşlər keçirib. XİN-in mətbuat xidmətindən “KƏLAMİNFO”ya verilən məlumata görə, Böyük Britaniyanın xarici işlər naziri Uilyam Heyqlə keçirilmiş görüşdə Azərbaycanla Böyük Britaniya arasında ikitərəfli münasibətlərin hazırkı vəziyyəti və gələcək perspektivləri ətrafında fikir mübadiləsi aparılıb. Görüş zamanı iki ölkə arasında iqtisadi və enerji sahələrində, həmçinin beynəlxalq təşkilatlar və BMT TŞ çərçivəsində perspektiv əməkdaşlıq məsələləri müzakirə olunub. Görüşdə Britaniya tərəfi Azərbaycan ilə Türkiyə arasında qaz alqı-satqısı və tranziti məsələlərinə dair sənədlər paketinin imzalanmasından məmnunluq bildirib.
Gürcüstanın xarici işlər naziri Qriqol Vaşadze ilə görüşən Elmar Məmmədyarov gürcüstanlı həmkarı ilə Azərbaycan və Gürcüstan arasındakı ikitərəfli əlaqələr və regionda mövcud olan münaqişələrin həlli perspektivlərini müzakirə edib. Görüşdə, həmçinin beynəlxalq təşkilatlar və GUAM çərçivəsində əməkdaşlıq, eyni zamanda enerji sahəsində əməkdaşlıq məsələləri müzakirə edilib.
|
|
07.12.11 Məqaləni oxumaq
|
| |
|
|
|
Uşaq cizgi filmləri müsabiqəsi davam edir
|
|
Mədəniyyət və Turizm Nazirliyi tərəfindən keçirilən bir dəqiqəlik uşaq cizgi filmləri müsabiqəsi davam edir. Nazirlikdən “KƏLAMİNFO”ya verilən məlumata görə, müsabiqəyə işlərin təhvil verilməsi 2011-ci il dekabrın 15-dək davam edəcək. Bildirilir ki, müsabiqədə animasiya kinosu ilə məşğul olan şəxslər iştirak edə bilər. Müsabiqəyə təqdim olunan filmlərə işlənmə texnikası üzrə məhdudiyyət qoyulmur.
Xatırladırıq ki, iki qalib layihənin müəllifləri 2012-ci ildə on və beş dəqiqəlik cizgi filmi çəkmək hüququ qazanacaq.
Qeyd edək ki, qaliblərin adları 2011-ci il dekabrın 28-dək www.mct.gov.az saytında və “Mədəniyyət” qəzetində açıqlanacaq.
|
|
07.12.11 Məqaləni oxumaq
|
| |
|
|
|
ABŞ-ın Suriyadakı səfiri Dəməşqə qayıdıb
|
|
ABŞ-ın Suriyadakı səfiri Robert Ford Dəməşqə qayıdıb və vəzifələrinin icrasına başlayıb. «KƏLAMİNFO»nun yaydığı məlumata görə, bunu «France Press» agentliyi yayıb. Səfir təxminən ay yarım əvvəl məsləhətləşmələrin keçirilməsi üçün Vaşinqtona çağırılmış və o vaxtdan Suriyaya qayıtmamışdı.
Sentyabrın sonlarında səfirin özü və Amerika diplomatik missiyasının digər əməkdaşları kütlənin hücumuna məruz qalmışdı. Hücum Robert Fordun qiyam qalxan şəhərlərə səfərindən sonra baş vermişdi. Səfir səfəri zamanı ABŞ-ın Bəşər Əsəd rejiminin əleyhdarlarına dəstəyini ifadə etmişdi. Robert Ford Dəməşqi tərk etdikdən sonra Suriya da öz səfirini Vaşinqtondan geri çağırıb.
|
|
07.12.11 Məqaləni oxumaq
|
| |
|
|
|
Əli Əhmədov: “Hesabat Azərbaycanın korrupsiyaya qarşı mübarizəsinin ruhuna uyğun gəlmir”
|
|
“Ötən bir illə bağlı “Transparency International” təşkilatının hesabatı Azərbaycanın korrupsiyaya qarşı mübarizəsinin ruhuna uyğun gəlmir”. “KƏLAMİNFO” xəbər verir ki, bu barədə jurnalistlərə Yeni Azərbaycan Partiyasının sədr müavini, millət vəkili Əli Əhmədov deyib. O qeyd edib ki, bu kimi təşkilatların hər bir dəyərləndirməsi, xüsusilə də beynəlxalq təşkilatlar səviyyəsində dəyərləndirmələr obyektiv, ədalətli olmalı, subyektiv fikirlər üstünlük təşkil etməməlidir. “Biz buna reallığı əks etdirməyən hal kimi yanaşırıq. Siyahıda tutmalı olduğumuz yer orada real göstəriləndən xeyli dərəcədə fərqlənir. Beynəlxalq təşkilatlar bütün məsələlərdə olduğu kimi bu məsələdə də həqiqəti əks etdirməlidirlər” - deyə Ə.Əhmədov vurğulayıb.
Deputat bildirib ki, Azərbaycan cəmiyyətində də əhalinin böyük əksəriyyəti həmin məsələlərdə fərqli düşünür. “Hökumət korrupsiyanın aradan qaldırılması və bununla mübarizə istiqamətində ciddi addımlar atır. Bu istiqamətdə çox ciddi işlər görülür və bundan sonra da təbii ki, görüləcək” - deyə o, əlavə edib.
|
|
07.12.11 Məqaləni oxumaq
|
| |
|
|
|
Elnur Aslanov: “BMT Təhlükəsizlik Şurası öz kəskin sözünü deməlidir”
|
|
“Təəssüf ki, dünyanın böyük təşkilatı olan BMT-nin Dağlıq Qarabağla bağlı qətnamələrinin yerinə yetirilməsi illərdir uzanır. BMT Təhlükəsizlik Şurası öz kəskin sözünü deməlidir, beynəlxalq təşkilatlar artıq öz hüquqi legitimliyini ortaya qoyub Ermənistana öz təzyiqlərini artırmalıdırlar”. “KƏLAMİNFO” xəbər verir ki, bunları jurnalistlərə açıqlamasında Prezident Administrasiyasının şöbə müdiri Elnur Aslanov bildirib. O qeyd edib ki, dünən Azərbaycan xarici işlər nazirinin də bəyan etdiyi kimi, Azərbaycan sülh sazişinin üzərində işləməyə hazır olduğunu bildirib.
|
|
07.12.11 Məqaləni oxumaq
|
| |
|
|
|
Səhifələr : # 11 12 13 14 15 16 17 18 19 # |
|
Torpaqlarımızı qaytaraq..
|
| |
|
|
|
Açılış Səhifəsi et 
