|
|
Səhifələr : # 1 2 3 4 5 6 7 8 9 #
|
|
Obama Avropa Birliyindəki böhranı müzakirə edəcək
|
|
ABŞ prezidenti Barak Obama bu gün Avropa Birliyi ölkələri rəhbərləri nümayəndə heyətini qəbul edəcək. Ağ Evdə keçiriləcək danışıqların əsas mövzusu avrozona ölkələrindəki uzunmüddətli böhran məsələsi olacaq.
«KƏLAMİNFO» «İTAR TASS»-a istinadən xəbər verir ki, bugünkü görüşdə Avropa Birliyinin sədri Herman Van Rompuy, Avropa Komissiyasının prezidenti Joze Manuel Barrozo və Avropa Birliyi xarici siyasət idarəsinin rəhbəri Ketrin Eşton da iştirak edəcək.
|
29.11.11 Məqaləni oxumaq
|
| |
|
|
|
Azərbaycan, Türkiyə və İranın XİN rəsmiləri Tehranda üçtərəfli görüş keçirəcəklər
|
|
Azərbaycan, Türkiyə və İranın xarici işlər nazirlərinin Naxçıvanda keçirilməsi nəzərdə tutulmuş toplantısına hazırlıq məqsədilə sabah Tehranda hər üç ölkə tərəfindən müəyyən edilmiş xüsusi nümayəndələrin görüşü olacaq.
“KƏLAMİNFO” xəbər verir ki, Naxçıvan toplantısının tarixini və gündəliyini müəyyənləşdirmək məqsədilə keçiriləcək ikigünlük görüşdə Azərbaycanı xarici işlər nazirinin müavini Xələf Xələfovun rəhbərliyi ilə nümayəndə heyəti təmsil edəcək.
Səfər çərçivəsində X.Xələfovun Türkiyə və İran rəsmiləri ilə bir sıra ikitərəfli görüşlər keçirəcəyi nəzərdə tutulub.
|
|
29.11.11 Məqaləni oxumaq
|
| |
|
|
|
İraqda kamikadze 11 nəfərin ölümünə səbəb olub
|
|
Bu gün səhər İraqda kamikadze intiharçı hücum həyata keçirib. Hücumda 11 nəfər ölüb. «KƏLAMİNFO»nun «Lenta.ru»ya istinadən xəbər verir ki, paytaxt Bağdadın Taci qəsəbəsində yerləşən hərbi bazaya edilən kamikadze hücumu nəticəsində 19 nəfər də yaralanıb.
|
|
28.11.11 Məqaləni oxumaq
|
| |
|
|
|
Fransa səfirliyi: Minsk qrupundakı yeni həmsədr Jak For missiyasına hazırlaşır
|
|
Fransanın Azərbaycandakı səfirliyi Bernar Fasyenin ATƏT-in Minsk qrupundakı həmsədrliyi missiyasının başa çatması ilə əlaqədar məlumat yayıb.
Fransanın Azərbaycandakı səfirliyindən “KƏLAMİNFO”ya verilən məlumatda qeyd edilir ki, səfir Bernar Fasye Minsk qrupundakı Fransa həmsədrliyi missiyasını bu ilin sonunda başa çatdıracaq: “Onu əvəz edəcək, əvvəllər Fransanın Ukraynadakı səfiri olmuş səfir Jak For öz missiyasına hazırlaşır və hazırda Minsk qrupunun Fransa-Amerika-Rusiya həmsədrliyinin fəaliyyətini öyrənməkdədir”.
|
|
28.11.11 Məqaləni oxumaq
|
| |
|
|
|
Misirdə parlament seçkiləri başlayıb
|
|
Misirdə parlament seçkiləri başlayıb. «KƏLAMİNFO» «Lenta.ru»ya istinadən xəbər verir ki, aşağı palataya seçkilər mürəkkəb sxemlə - 3 mərhələdə keçirilir və yanvarın 10-dək davam edəcək.
Bu gün və sabah keçiriləcək birinci mərhələ çərçivəsində Misirin 9 əyalətində, o cümlədən Qahirə və İsgəndəriyyədə səs veriləcək. Bu doqquz əyalətdə səsvermə hüququna malik 50 milyon Misir vətəndaşından 17,5 milyonu yaşayır. Dekabrın 14-15-də və yanvarın 3-4-də növbəti mərhələlər keçiriləcək.
Növbəti parlamentdə islamçı «Müsəlman qardaşlığı» qruplaşmasının üstünlük əldə edəcəyi gözlənilir.
|
|
28.11.11 Məqaləni oxumaq
|
| |
|
|
|
Doktoranturaya qəbulla bağlı keçirilən imtahanlar başa çatıb
|
|
Azərbaycan Milli Elmlər Akademiyası (AMEA) və Azərbaycan Respublikasının digər elmi müəssisələri və təşkilatları üçün fəlsəfə doktoru və elmlər doktoru hazırlığı üzrə keçirilən imtahanlar başa çatıb. Bu barədə “KƏLAMİNFO”ya açıqlamasında AMEA Rəyasət Heyətinin elmi katibi Sərxan Abbasoğlu məlumat verib.
İlkin nəticələrin indidən elan edilməsinin hələlik tez olduğunu diqqətə çatdıran S.Abbasoğlu deyib ki, ümumi nəticələrin dekabrın ortalarında məlum olacağı gözlənilir. S.Abbasoğlu deyib ki, imtahanların nəticələrinə elmi şuralarda baxılır.
Xatırladaq ki, bu il Azərbaycanda doktoranturaya qəbul ilk dəfə olaraq keçirilir. AMEA-nın fəlsəfə doktoru hazırlığı üzrə 2011-ci il üçün qəbul planı 215 nəfər müəyyənləşdirilib. Onlardan 174 nəfər əyani, 41 nəfəri qiyabi müəyyən edilib. Akademiya üzrə elan edilən yerlərə 478 nəfər sənəd verib. Onlardan 368 nəfəri əyani, 110-u qiyabi yerlərə sənəd verib.
|
|
28.11.11 Məqaləni oxumaq
|
| |
|
|
|
Rusiyada prezident seçkiləri martın 4-də keçiriləcək
|
|
Rusiyada prezident seçkiləri 2012-ci il martın 4-də keçiriləcək. Belə bir qərarı Rusiya Federasiya Şurası qəbul edib. Federasiya Şurasının qərarı noyabrın 26-da dərc olunacaq və həmin gündən etibarən prezident seçkiləri kampaniyasına start verilmiş olacaq. Faktiki olaraq gələn həftədən - Dövlət Dumasına seçkilərə iki həftə qalmış Rusiya prezident seçkiləri marafonuna qoşulmuş olacaq. «KƏLAMİNFO» «İTAR-TASS»-a istinadən xəbər verir ki, həmin gündən etibarən ölkənin ali postuna namizədlərin irəli sürülməsinə başlanıla bilər. Bu prosesə ilk olaraq «Vahid Rusiya» qoşulacaq. Belə ki, noyabrın 27-də hərəkatın qurultayı keçiriləcək.
|
|
26.11.11 Məqaləni oxumaq
|
| |
|
|
|
Bakının bir neçə rayonunun qaz təminatı dayandırılıb
|
|
Dünən gecə saatlarından Bakı şəhərinin Binəqədi rayonu Biləcəri qəsəbəsi ərazisində, Bakı-Sumqayıt şosesinin kənarından keçən yeraltı qaz kəmərində qaz sızması nəticəsində baş verən yanğından sonra kəmərin qaz təchizatı dayandırılıb. “KƏLAMİNFO” ARDNŞ-ə istinadən bildirir ki, nəticədə Binəqədi rayonu Rəsulzadə qəsəbəsinin bir hissəsində, 6, 7, 8, 9-cu mikrorayonların ərazisində - bütövlükdə Nəsimi rayonu ərazisində - 1, 2, 3, 4, 5-ci mikrorayonlarda isə müəyyən hissələrdə təbii qaz təminatı dayandırılıb. Həyata keçirilən tədbirlərdən sonra Rəsulzadə qəsəbəsinin, 6, 7, 8, 9-cu mikrorayonların qaz təchizatı bərpa edilib, 1, 2, 3, 4, 5-ci mikrorayonların ərazisində - Mir Cəlal, 20 Yanvar, Asif Məhərrəmov, Seyidzadə, Cəlil Məmmədquluzadə, Bakıxanov küçələrində, habelə Tbilisi prospekti və Alatava yaşayış massivində təbii qazın bərpası istiqamətində isə işlər davam etdirilir.
|
|
26.11.11 Məqaləni oxumaq
|
| |
|
|
|
Misir Mərdanov: “Foster tipli ailələr üçün evlərin tikintisi bu il başa çatacaq”
|
|
“Uşaqların foster (himayəçi) tipli ailələrdə saxlanılması üçün Mərdəkanda kiçik evlər tikilir”. “KƏLAMİNFO” xəbər verir ki, bu barədə ölkənin təhsil naziri Misir Mərdanov məlumat verib. Nazirin sözlərinə görə, bu ilin sonuna qədər o evlərin tikintisi başa çatacaq. Uşaqların bir qisminin həmin ailələrlə bu tip evlərdə yaşayacağını bildirən təhsil naziri bu vaxta qədər hələlik o evlərdə yaşayacaq 50 nəfərin müəyyənləşdirildiyini vurğulayıb.
|
|
26.11.11 Məqaləni oxumaq
|
| |
|
|
|
III Qurultayda prezidentlərin müraciətləri oxunub
|
|
“Rusiyada yaşayan bir sıra görkəmli azərbaycanlılar Rusiya Federasiyasının inkişafına mühüm töhfə verib”. Diasporla İş üzrə Dövlət Komitəsindən “KƏLAMİNFO” verilən məlumata görə, bu sözləri bu gün Moskvada öz işinə başlayan Ümumrusiya Azərbaycanlıları Konqresinin (ÜAK) III Qurultayında konqresin prezidenti Məmməd Əliyev söyləyib. Onun sözlərinə görə, Azərbaycan xalqının ümummilli lideri Heydər Əliyevin dəstəyi ilə yaradılmış ÜAK-ın Rusiyada yaşayan azərbaycanlıların təşkilatlanmasındakı rolu misilsizdir.
M.Əliyev Qurultayın gündəliyində duran məsələlər barədə məlumat verdikdən sonra Qurultayın işçi orqanları yaradılıb, çıxış və məruzələr üçü reqlament müəyyən edilib. Daha sonra Rusiyanın Prezident Administrasiyasının idarə rəisi, Administrasiya rəhbərinin müavini Sergey Vinokurov prezident Dmitri Medvedevin Qurultay iştirakçılarına “Azərbaycan və rus xalqları əsrlərdən bəri iki dost xalq olaraq yanaşı yaşayır və bu dostluq ənənələri nəsildən-nəsilə ötürülür” başlıqlı müraciətini oxuyub. Müraciətdə daha sonra vurğulanıb ki, hazırda da Azərbaycan diasporu Rusiyanın ictimai, iqtisadi və mədəni həyatına əhəmiyyətli töhfə verməkdə davam edir.
|
|
26.11.11 Məqaləni oxumaq
|
| |
|
|
|
Səhifələr : # 1 2 3 4 5 6 7 8 9 # |
|
Torpaqlarımızı qaytaraq..
|
| |
|
|
|
Açılış Səhifəsi et 
