|
|
Səhifələr : # 1 2 3 4 5 6 7 8 #
|
|
“Eurovision–2012”nin Milli seçim turunda Azərbaycan musiqisi ifa olunacaq
|
|
Dünəndən etibarən İctimai Televiziyanın efirində başlayan “Eurovision–2012” Mahnı Müsabiqəsinin Milli seçim turunda ilk həftənin 9 nəfər iştirakçısı – Ramin Quliyev, Canana Zeynalova, Orxan Mirzəyev, Kənan Qədimov, Anastasiya Bedritskaya, Amil Qocayev, Orxan Kərimli, Elnarə Həsənova və Səmra Rəhimli ilk çıxışlarında beynəlxalq estradadan xitlər ifa edib. İTV-dən “KƏLAMİNFO”ya verilən məlumata görə, bu gün isə qeyd olunan 9 nəfər Azərbaycan musiqisi ifa edərək performanslarını təqdim edəcəklər. Yarışmanın ikinci günü 21:00-da İctimai TV ilə canlı yayımlanacaq.
|
29.11.11 Məqaləni oxumaq
|
| |
|
|
|
Xalq rəssamı Mikayıl Abdullayevin 90 illiyi qeyd olunacaq
|
|
Mikayıl Abdullayevin 90 illik yubileyi ilə əlaqədar sərgi keçiriləcək. Mədəniyyət və Turizm Nazirliyindən “KƏLAMİNFO”ya verilən məlumata görə, Azərbaycan təsviri sənətinin görkəmli nümayəndəsi, Dövlət Mükafatları laureatı, “İstiqlal” ordenli Xalq rəssamı Mikayıl Abdullayevin 90 illiyinə həsr olunmuş sərginin açılışı Azərbaycan Milli İncəsənət Muzeyində baş tutacaq. Bildirilir ki, rəssamın doğum günündə (19 dekabr) qəbirüstü abidəsi də ziyarət olunacaq, eyni zamanda Azərbaycan Milli İncəsənət Muzeyində M.Abdullayevin həyat və yaradıcılığına həsr olunmuş Dəyirmi masa təşkil olunacaq. İlk fərdi sərgisi 36 yaşında Moskvada keçirilən M.Abdullayev SSRİ xalq rəssamı, SSRİ Dövlət və C.Nehru adına Beynəlxalq mükafatlar laureatı, professor kimi tanınıb. M.Abdullayev kitab qrafikasında “Kitabi-Dədə Qorqud”, “Molla Nəsrəddinin lətifələri”, “Leyli və Məcnun”, “Danabaş kəndinin məktəbi”, “Poçt qutusu”, “Gələcək gün”, “Şamo”, “Şəbi-hicran” əsərlərinə çəkdiyi illüstrasiyaları, “Axşam” (1947), “Mingəçevir işıqları” (1948), “Səadət quranlar” (1951) tabloları ilə ölkəmizdə və xaricdə də müvəffəqiyyət qazanıb.
|
|
29.11.11 Məqaləni oxumaq
|
| |
|
|
|
ABŞ-ın vitse-prezidenti Türkiyə və Yunanıstana səfər edəcək
|
|
ABŞ-ın vitse-prezidenti Cozef Bayden dekabrın 2-4-də Türkiyə və Yunanıstana səfər edəcək. Bu barədə məlumatı vitse-prezidentin milli təhlükəsizlik üzrə köməkçisi Toni Blinken verib. Bayden İstanbulda qlobal sahibkarlıq sammitində iştirak edəcək. «KƏLAMİNFO» TRT-yə istinadən xəbər verir ki, Blinken Baydenin Türkiyəyə səfəri çərçivəsində ikitərəfli əlaqələri, eləcə də PKK-ya qarşı mübarizədə yardım, kəşfiyyat məlumatlarının mübadiləsi məsələlərini müzakirə edəcək. Vitse-prezidentin köməkçisi bildirib ki, Birləşmiş Ştatlar Türkiyəyə terrorçuluqla mübarizə üçün üç «Kobra» helikopteri verəcək. Bundan başqa, Bayden Türkiyə ilə Ermənistan arasında münasibətlərin normallaşdırılması məsələləri ilə bağlı fikir mübadiləsi aparacaq.
|
|
29.11.11 Məqaləni oxumaq
|
| |
|
|
|
Avropa Parlamenti Lissabon müqaviləsinin dəyişdirilməsinə 6 ay müzakirə tələb edir
|
|
Borc böhranına görə Avropa Birliyinin müqaviləsini dəyişdirmək istəyən Almaniya və Fransaya Avropa Parlamentinin rəhbərlərindən olan Klaus Velle tərəfindən münasibət daxil olub. O bildirib ki, buna 6 ay müzakirə lazımdır. «Avropa Parlamenti 6 aylıq müzakirədə təkid edir» - deyə Klaus Velle bildirib.
Avropa liderləri dekabrın 8-9-undakı sammitdə Almaniyanın və Fransanən müqaviləni dəyişdirmək təklifinə baxmalıdır. Britaniyanın baş naziri Devid Kameron deyib ki, Lissabon müqaviləsinə yenidən baxılsa, onda Britaniya AB-yə verdiyi səlahiyyətlərin bir hissəsini geri almağa çalışacaq.
|
|
29.11.11 Məqaləni oxumaq
|
| |
|
|
|
On min müəllim vəzifəsindən uzaqlaşdırılıb
|
|
Yaş senzi ilə əlaqədar Azərbaycanın ümumtəhsil məktəblərində işləyən müəllimlərin sayı 10 min nəfərədək azalıb. “KƏLAMİNFO” xəbər verir ki, bunu jurnalistlərə təhsil naziri Misir Mərdanov açıqlayıb.
Nazir deyib ki, hazırda orta məktəblərdə 150 minə yaxın müəllim işləyir və bu rəqəm normadan artıqdır: “Bu gün Azərbaycanın ümumtəhsil məktəblərində 1 mln. 300 min şagird təhsil alır. Bu saya uyğun olaraq hələ müəllimlərin sayının azalması lazımdır. Əslində, biz 1 müəllimə 12-13 şagird nisbətinə keçmək istəyirik”.
Nazir Nazirlər Kabinetinin təsdiqlədiyi “Dövlət büdcəsindən maliyyələşən müəssisələrdə çalışmanın yaş həddinə çatmış işçinin çalışma müddətinin 5 ildən artıq uzadılmasına yol verən meyarlar”a da münasibət bildirib. M.Mərdanovun sözlərinə görə, yaş senzi ilə əlaqədar işdən azad edilən, Nazirlər Kabinetinin təsdiqlədiyi meyarlara cavab verən müəllimlərin işdən azad edilməsi təhsildə ciddi problem yaradacaqsa, onların yenidən işə bərpa edilməsi məsələsinə baxmaq gec deyil: “Amma həmin şəxsin yerinə işçi götürülübsə, onun məsələsinə baxmaq gecdir. Əlbəttə, gərək o məsələ əvvəlcədən həll olunaydı. Yəni əmr verilməmiş meyarlar müəyyənləşəydi. Artıq kadr işdən çıxarılıb, yerinə təyinat olubsa, gecdir”.
|
|
29.11.11 Məqaləni oxumaq
|
| |
|
|
|
Musa Quliyev: Dövlətimiz üçün əhalinin sosial müdafiəsinin gücləndirilməsi prioritet məsələdir
|
|
“Azərbaycanın 2012-ci il üçün dövlət büdcəsi sosial yönümlüdür. Bu o deməkdir ki, dövlətimiz üçün əhalinin sosial müdafiəsinin gücləndirilməsi prioritet məsələdir”. “KƏLAMİNFO” xəbər verir ki, bu fikirləri yap.org.az saytına Milli Məclisin Sosial siyasət komitəsinin sədr müavini Musa Quliyev deyib.
M.Quliyev bildirib ki, əhalinin sosial müdafiəsinin gücləndirilməsi daim dövlətin diqqət mərkəzindədir. Belə ki, hər il dövlət büdcəsində sosial xərclərin artırılması məhz bu diqqətin nümunəsidir. Komitə sədrinin müavini deyib ki, gələn ilin büdcəsində bütün sosial sferada xərclər artırılacaq.
|
|
29.11.11 Məqaləni oxumaq
|
| |
|
|
|
Almaniyanın tarixi qəsrində Azərbaycan mədəniyyətinin təqdimat mərasimi keçirilib
|
|
Almaniyanın Blankenheim şəhərində fəaliyyət göstərən “Alte Kanzlay” cəmiyyətinin təşəbbüsü ilə 300 illik tarixi olan qəsrin konsert zalında Azərbaycanın müstəqilliyinin 20-ci ildönümünə həsr edilən “Azərbaycana ədəbi və musiqili səyahət” adlı ədəbi-bədii və musiqili tədbir keçirilib.
Diasporla İş Üzrə Dövlət Komitəsindən “KƏLAMİNFO”ya verilən məlumata görə, Almaniyadakı Azərbaycanlıların Koordinasiya Mərkəzi (AAKM) və Alman-Azərbaycan Forumunun (AAF) birgə əməkdaşlığı ilə təşkil edilən gecədə “Alte Kanzlay” cəmiyyətinin sədri Frider Füllers açılış nitqi ilə çıxış edib.
Cəmiyyətin üzvü Volker Klyayn və AAF-nin İdarə Heyətinin üzvü və AAKM-nin icraçı direktoru, Samira Patzer-İsmayılova Azərbaycan haqqında ətraflı məlumat veriblər.
|
|
29.11.11 Məqaləni oxumaq
|
| |
|
|
|
Məleykə Abbaszadə korrupsiyaya qarşı mübarizə ilə bağlı beynəlxalq konfransda iştirak edib
|
|
Tələbə Qəbulu üzrə Dövlət Komissiyasının (TQDK) sədri Məleykə Abbaszadə və Komissiyanın Sektor müdiri Nigar Hüseynova BMT-nin İnkişaf Proqramı (BMTİP) tərəfindən, UNESKO-nun Təhsilin Planlaşdırılması üzrə Beynəlxalq İnstitutunun (TPBİ) dəstəyi ilə 24-25 noyabr tarixlərində Bratislava şəhərində “Şərqi Avropa və Mərkəzi Asiya ölkələrində təhsildə korrupsiyaya qarşı mübarizə” adı altında keçirilən beynəlxalq konfransda iştirak ediblər. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Konfransın əsas məqsədi təhsil sahəsində çalışan dövlət və qeyri-dövlət qurumlarının nümayəndələrinin bir araya gətirilməsindən, təhsildə korrupsiyanın qarşısının alınması yollarının müzakirəsindən, müsbət təcrübələrin təqdim olunmasından, bu sahə üzrə bilik mübadiləsinin aparılmasından ibarət olub. Təşkilatçılar konfransa Azərbaycanı təmsil edəcək aidiyyatı qurum kimi məhz TQDK-nı dəvət ediblər. 2007-ci ildə TPBİ tərəfindən dərc olunmuş “Korrupsion universitetlər, korrupsion məktəblər: Nə etmək olar?” adlı hesabatda Azərbaycanda TQDK-nın fəaliyyəti müsbət tərəfdən qiymətləndirilib.
|
|
29.11.11 Məqaləni oxumaq
|
| |
|
|
|
Rəbiyyət Aslanova: “İcmaların görüşləri münaqişənin həlli istiqamətində böyük əhəmiyyət daşıyır”
|
|
“Konkret faktdır ki, Dağlıq Qarabağ Azərbaycana məxsusdur və burada olan erməni icmasının üzvləri Azərbaycan vətəndaşlarıdır.
Ona görə də buradan olan azərbaycanlı və erməni icmalarının görüşləri münaqişənin həlli istiqamətində böyük əhəmiyyət daşıyır”. “KƏLAMİNFO” xəbər verir ki, bu barədə jurnalistlərə açıqlamasında Milli Məclisin İnsan haqları komitəsinin sədri Rəbiyyət Aslanova bildirib.
O, qeyd edib ki, sülh əldə olunduqdan sonra, bu iki icmanın bir yerdə yaşaması, insanların birgə fəaliyyəti danılmazdır. “Bu baxımdan iki icma arasında münasibətlərin qurulması, erməni icması üzvlərinə Azərbaycanın sülh əldə etdikdən sonra Dağlıq Qarabağ ərazisində görəcəyi işlərlə bağlı məlumatlandırılması və Azərbaycanın bu sahədə gələcək planlarının açıqlanması baxımından çox böyük imkanlar yaradacaq”,-deyə R.Aslanova vurğulayıb.
|
|
29.11.11 Məqaləni oxumaq
|
| |
|
|
|
Bu gün “Eurovision-2012”-nin Milli seçim turu başlayır
|
|
Bu gündən etibarən “Eurovision-2012” Mahnı Müsabiqəsinin Milli seçim turu başlayacaq.
“KƏLAMİNFO” İTV-yə istinadən xəbər verir ki, turda iştirak hüququnu qazanan 72 nəfər 9 nəfərdən ibarət 8 qrupa bölünərək, 8 həftə ərzində İctimai Televiziyanın canlı efirində çıxış edəcək. İlk qrupda isə Ramin Quliyev, Canana Zeynalova, Orxan Mirzəyev, Kənan Qədimov, Anastasiya Bedritskaya, Amil Qocayev, Orxan Kərimli, Elnarə Həsənova və Səmra Rəhimli yarışacaq.
İTV-dən bildiriblər ki, iştirakçılar bazar ertəsindən cümə gününədək yayımlanan Milli seçim şousunda səs imkanları və səhnə performanslarını göstərəcəklər. Keçən ilkindən fərqlənməyən seçim qaydalarının nəticəsində həftənin qalibi 5 gün ərzində tamaşaçıların göndərdiyi sms və münsiflər heyətinin səsverməsi nəticəsində müəyyən olunacaq. 8 həftənin qalibləri növbəti mərhələyə - yarımfinala vəsiqə qazanacaq.
Qeyd edək ki, finala keçmiş iştirakçılar isə Azərbaycanı “Eurovision Mahnı Müsabiqəsi – 2012”də təmsil etmək uğrunda yarışacaq.
Xatırladaq ki, Milli seçim turunun ilk efiri bu axşam saat 22:00-da İctimai Televiziyanın efirində başlayacaq.
|
|
29.11.11 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
