|
|
Səhifələr : # 14 15 16 17 18 19 20 21 22 #
|
|
XİN rəsmisi: “Latviya Ermənistana qanunsuz silah satışı ilə bağlı Bakıya hələ rəsmi cavab verməyib”
|
|
“Latviyanın “Latspeceksports” şirkətinin Ermənistana silah satışının araşdırılması ilə bağlı Bakının Riqaya göndərdiyi rəsmi sorğuya cavab gəlməyib”. Bu barədə “KƏLAMİNFO”ya açıqlamasında Azərbaycan Xarici İşlər Nazirliyinin mətbuat katibi Elman Abdullayev bildirib.
XİN rəsmisi deyir ki, onlarda olan məlumata görə hazırda bununla bağlı Latviya tərəfi araşdırma aparır və indiyə qədər hələki heç bir nəticə əldə olunmayıb. Digər ölkələrə məxsus şirkətlərin də Ermənistana qeyri-qanuni silah satışının olub-olmamasına gəlincə E.Abdullayev bildirib ki, bu məsələ XİN tərəfindən daim diqqət mərkəzində saxlanılır.
Qeyd edək ki, ötən ayın əvvəlində Azərbaycan XİN tərəfindən Latviyaya məxsus şirkətin Ermənistana qanunsuz silah satışının olması faktı açıqlanmışdı.
|
15.11.11 Məqaləni oxumaq
|
| |
|
|
|
Eks-prezidentlər haqqında qanun layihəsi üçüncü oxunuşdan keçib
|
|
Milli Məclisin bu gün keçirilən iclasında altı ay sonra nəzərdə tutulan “Azərbaycan Respublikasının keçmiş prezidentinin və onun ailə üzvlərinin təminatı haqqında” Konstitusiya Qanunu üçüncü oxunuşda müzakirəyə çıxarılıb. Milli Məclisin deputatı Jalə Əliyeva iclasda bir qrup deputatın səsləndirdiyi fikri dəstəklədiyini qeyd edərək ümummilli lider Heydər Əliyev haqqında qanun layihəsinin hazırlanmasının vacibliyini qeyd edib. Onun sözlərinə görə, bu məsələ ilə bağlı xüsusi işçi qrupunun yaradılmasına ehtiyac var.
|
|
15.11.11 Məqaləni oxumaq
|
| |
|
|
|
Eks-prezidentlər haqqında qanun layihəsi ikinci oxunuşda qəbul olunub
|
|
Bu gün Milli Məclisin növbəti plenar iclası işə başlayıb. “KƏLAMİNFO” xəbər verir ki, spiker Oqtay Əsədov iclası açıq elan etdikdən sonra gündəlikdəki məsələlərin müzakirəsinə başlanıb.
İclasda ilk olaraq “Azərbaycan Respublikasının keçmiş prezidentinin və onun ailə üzvlərinin təminatı haqqında” Konstitusiya qanunu ikinci oxunuşda müzakirəyə çıxarılıb. Hüquq Siyasəti və dövlət quruculuğu komitəsinin sədri Əli Hüseynli oktyabrın 25-də keçirilmiş birinci səsvermədə qeyd etdiyini təkrarlayaraq bildirib ki, qanunun təsir dairəsinə Azərbaycan müstəqillik qazandıqdan sonra prezident olmuş bütün şəxslərə şamil olunur. Ə.Hüseynli, həmçinin bildirib ki, keçmiş prezidentin pensiya məbləği fəaliyyətdə olan prezidentin vəzifə maaşının 50 faizini təşkil edəcək.
|
|
15.11.11 Məqaləni oxumaq
|
| |
|
|
|
Səfir İlqar Muxtarov etimadnamələrini Peru prezidentinə təqdim edib
|
|
Azərbaycanın Meksikadakı səfiri İlqar Muxtarov eyni zamanda Peruda səfir təyin edilməsi ilə əlaqədar etimadnamələrini Peru prezidenti Oyanta Umala Tassoya (Ollanta Humala Tasso) təqdim edib. Bu barədə məlumatı “KƏLAMİNFO”ya Meksikadakı səfirliyindən veriblər.
Görüş zamanı səfir İ.Muxtarov Azərbaycan prezidenti İlham Əliyevin Peru prezidenti O.Umalaya salamlarını çatdırıb. Tərəflər, Azərbaycan və Peru arasında geniş spektrdə münasibətlərin inkişafı, o cümlədən enerji sektorunda əməkdaşlıq perspektivləri, siyasi əlaqələrin genişləndirilməsinə dair qarşılıqlı maraq kəsb edən məsələlər ətrafında fikir mübadiləsi aparıblar. Səfir İ.Muxtarov prezident O.Umalaya Azərbaycanın tarixi, mədəni dəyərləri, ölkəmizin iqtisadi inkişaf templəri və hazırkı potensialı haqda məlumat verib.
|
|
15.11.11 Məqaləni oxumaq
|
| |
|
|
|
Musa Qasımlı Qars müqaviləsinin 90 illiyinə həsr olunan beynəlxalq simpoziuma qatılacaq
|
|
Türkiyənin Ərdahan şəhərində Moskva və Qars müqavilələrinin imzalanmasının 90 illiyi münasibəti ilə noyabrın 17-20-si tarixlərində Türkiyə, Rusiya və digər ölkələrdən olan alimlərin iştirakı ilə beynəlxalq simpozium keçiriləcək.
“KƏLAMİNFO” xəbər verir ki, tədbirdə Azərbaycandan millət vəkili, tarixçi alim Musa Qasımlı da iştirak edəcək.
Simpoziumda M.Qasımlı “Moskva və Qars müqavilələrinə Stalin, Çiçerin və Bekzadyanın münasibəti” mövzusunda məruzə edəcək. Azərbaycanlı alim iclaslardan birinə sədrlik edəcək.
|
|
15.11.11 Məqaləni oxumaq
|
| |
|
|
|
Mübariz Əhmədoğlu: "İrana qarşı müharibə ehtimalı artır"
|
|
“Bu gün İran onu əhatə edən müharibə ehtimalının kifayət qədər yüksək olduğu məqamda müsəlman ölkələrinə deyil, məhz ikiüzlü Ermənistana üz tutur”.
“KƏLAMİNFO” xəbər verir ki, bunları bu gün Beynəlxalq Mətbuat Mərkəzində İran ətrafında baş verən hadisələrlə bağlı keçirdiyi mətbuat konfransında Siyasi İnnovasiya və Texnologiya Mərkəzinin sədri, politoloq Mübariz Əhmədoğlu bildirib.
Politoloq İranın düşdüyü vəziyyəti təhlil edərək qeyd edib ki, Tehran nüvə texnologiyaları ilə bağlı dünyanı qane edəcək bir söz deməyib. “Bundan başqa İranda Buşer AES-nı işlədən elə onu yaradan rus mütəxəssisləridir. Əgər İranın bir AES-i işlətməyə gücü çatmırsa, nüvə silahını istehsal etsə, onu necə idarə edəcək? Nüvə obyektində olan qəzanı idarə edən mütəxəssislər lazımdır”,-deyə M.Əhmədoğlu vurğulayıb.
|
|
15.11.11 Məqaləni oxumaq
|
| |
|
|
|
ABŞ Dövlət Departamentinin xüsusi nümayəndəsi Azərbaycana səfərə gəlib
|
|
ABŞ Dövlət Departamentinin Avrasiyada energetika məsələləri üzrə xüsusi nümayəndəsi Riçard Morninqstar Azərbaycana ikigünlük səfərə gəlib.
ABŞ-ın Azərbaycandakı səfirliyindən “KƏLAMİNFO”ya verilən məlumata görə, Riçard Morninqstar Azərbaycan prezidenti İlham Əliyevlə və digər rəsmi şəxslərlə də bir sıra rəsmi görüşlər keçirəcək.
|
|
14.11.11 Məqaləni oxumaq
|
| |
|
|
|
İnformasiya texnologiyaları bolluğu
|
|
İnformasiya texnologiyaları müasir cəmiyyətdə mühüm rol oynayır. Müasir insanı, o cümlədən də Azərbaycan vətəndaşını gündəlik həyatda əhatə edən reallıq informasiya texnologiyalarının bolluğu ilə seçilir. Hələ bir neçə il əvvəl informasiya texnologiyaları dedikdə, adətən biz yalnız kompüter və internet başa düşürdüksə, müasir durumda texnologiyalar müxtəlif səviyyələrdə bizim həyatımızı tamamilə əhatə etmişdir. Artıq bu gün hər hansı bir ölkədə vətəndaşların rifahından danışanda vacib qiymətləndirmə faktorlarından biri informasiya texnologiyalarının insan həyatına inteqrasiyasıdır. Bu istiqamətdə ən əsas vəzifələrdən biri də insanların texnologiyalara çıxışının təmin edilməsidir. Bunun üçün isə ilk növbədə əhalinin kompüterlərlə təmin edilməsi lazımdır. Məhz kütləvi kompüterləşmə vətəndaşlara informasiya cəmiyyətinin tamhüquqlu üzvü olmağa və informasiya texnologiyalarının nailiyyətlərindən istifadə etməyə imkan verəcəkdir.
|
|
14.11.11 Məqaləni oxumaq
|
| |
|
|
|
11 milyon dollara Çin vazası
|
|
İngiltərənin paytaxtı Londonda Bonhams Muzey Evi tərəfindən təşkil olunan sərgidə Çin İmperatorluğu zamanına aid olan bir vaza 9 milyon pounda (təxminən 11 milyon dollara) satılıb.
“Kəlaminfo” “Sabah” qəzetinə istinadən bildirir ki, üzərində müxtəlif rənglərlə incə naxışların əks olunduğu vaza, üç alıcı arasında gedən qızğın rəqabətdən sonra 9 milyon pounda satılaraq, bu il Londonda satılan ən bahalı Asiya sənət əsəri olub.
Qeyd edək ki, vazanın XVIII əsrdə düzəldiyi və 1920-ci illərdə İngiltərəyə gətirilənə qədər Çinin Yasak şəhərində mühafizə edildiyi təxmin edilir.
|
|
14.11.11 Məqaləni oxumaq
|
| |
|
|
|
Bolqarıstan prezidenti Azərbaycana rəsmi səfərə gəlib
|
|
Bolqarıstan prezidenti Georgi Pırvanov bu gün Azərbaycana rəsmi səfərə gəlib. “KƏLAMİNFO” xəbər verir ki, Heydər Əliyev Beynəlxalq Aeroportunda ali qonağı baş nazirin birinci müavini Yaqub Eyyubov və digər rəsmi şəxslər qarşılayıblar.
Hava limanının ali qonaqlar üçün salonunda prezident Georgi Pırvanov və baş nazirin birinci müavini Yaqub Eyyubov arasında qısa protokol söhbəti olub.
|
|
14.11.11 Məqaləni oxumaq
|
| |
|
|
|
Səhifələr : # 14 15 16 17 18 19 20 21 22 # |
|
Torpaqlarımızı qaytaraq..
|
| |
|
|
|
Açılış Səhifəsi et 
