|
|
Səhifələr : # 16 17 18 19 20 21 22 23 24 #
|
|
Vanda yenə güclü zəlzələ olub
|
|
Vanda noyabrın 10-na keçən gecə yenidən zəlzələ baş verib. Yeraltı təkanların gücü 5,6 bala çatıb. Daha sonra isə 4,5, 3,6 və 4,4 bal gücündə təkanlar qeydə alınıb. «KƏLAMİNFO» Türkiyə mətbuatına istinadən xəbər verir ki, Kandilli Rəsədxanasından verilən açıqlamada zəlzələnin episentrinin Vanın Edremit qəsəbəsi olduğu bildirilib. 5,5 bal gücündəki zəlzələdən sonra iki otel olmaqla 18 bina çöküb. Jurnalistlərin və xilasedici qrupların qaldığı bildirilən hotellərin və digər binaların dağıntıları altında çox sayda insanın qaldığı bildirilir. Çökən hoteldə 50-dən çox insanın olduğu təxmin edilir. Xilasedicilər dağıntılar altından 23 nəfəri sağ və 7 cəsəd çıxarıblar. Dağıntılar altında qalanlarla mobil telefon vasitəsi ilə əlaqə saxlanılır. Ehtimallara görə, dağıntılar altında 8-9 nəfərə qədər sağ insan qalıb.
|
11.11.11 Məqaləni oxumaq
|
| |
|
|
|
Daha bir filmimiz bərpa olunub
|
|
Daha bir filmimiz bərpa olunub. Mədəniyyət və Turizm Nazirliyindən “KƏLAMİNFO”ya verilən məlumata görə, ssenari müəllifi Maqsud İbrahimbəyov, quruluşçu rejissoru Arif Babayev, bəstəkarı Polad Bülbüloğlu olan “Uşaqlığın son gecəsi” bədii filmi Dövlət Film Fondu və Rusiya Dövlət Film Fondunun birgə təşəbbüsü ilə bərpa olunub. Süjet xəttində gənclərin şəxsiyyət kimi formalaşmasından, həyata yenicə atılan gəncin çətinliklərindən, həyatdakı mənəvi təzadlarla qarşılaşmasından, gənc yaşlarından əsl insan, prinsipial və məsuliyyətli vətəndaş olmağın zəruriliyindən danışılan filmin bərpası Mədəniyyət və Turizm Nazirliyinin dəstəyi ilə həyata keçirilib.
Qeyd edək ki, 1968-ci ildə görkəmli rejissor, Əməkdar incəsənət xadimi Arif Babayevin lentə aldığı filmdə əsas rolları Ənvər Həsənov (Murad), Səyavuş Şəfiyev (Rüstəm), Ətayə Əliyeva (Mənsurə), Törəxanım Zeynalova (nənə), Tofiq Mirzəyev (Rüfət), Megi Kejeradze (Elya), Qorxmaz Atakişiyev (Zaur), Məmmədsadıq Nuriyev (Davud), Səməndər Rzayev (milis işçisi) canlandırıblar.
|
|
11.11.11 Məqaləni oxumaq
|
| |
|
|
|
Dağlıq Qarabağın azərbaycanlı və erməni icmalarının görüşünün vaxtı və yeri məlum olub
|
|
Dağlıq Qarabağın azərbaycanlı və erməni icmalarının növbəti görüşü Almaniyanın paytaxtı Berlində keçiriləcək. “KƏLAMİNFO” xəbər verir ki, bu barədə məlumatı “Dağlıq Qarabağın azərbaycanlı icması” İctimai Birliyinin üzvü, millət vəkili Rövşən Rzayev “Konstitusiya günü”nə həsr edilən tədbirdəki çıxışında deyib. Deputat açıqlayıb ki, icma nümayəndələrinin görüşünün noyabrın 28-də keçirilməsi nəzərdə tutulub.
R.Rzayev deyib ki, belə görüşlərin keçirilməsində azərbaycanlı icması olaraq maraqlıdırlar: “Hesab edirik ki, bu görüşlər problemin həllinə yardım edə bilər. İki icmanın nümayəndələri nə qədər davamlı görüşsə, münaqişənin həlli bir o qədər yaxınlaşar” deyən millət vəkili əlavə edib ki, belə görüşlərin baş tutmasına mane olan qüvvələr də var. İcma nümayəndəsi xatırladıb ki, ermənilərin bu toplantıda iştirak etməyəcəkləri ilə bağlı müəyyən məlumatlar olsa da, Azərbaycanın Almaniyadakı səfirliyi görüşlə bağlı müvafiq işlərin görüldüyünü və yığıncağın baş tutacağını deyib.
|
|
11.11.11 Məqaləni oxumaq
|
| |
|
|
|
Azərbaycanda kompüterlərin internet vasitəsilə virusa yoluxma sayı 4,45 faiz azalıb
|
|
Sentyabr ayı ilə müqayisədə oktyabrda Azərbaycanda kompüterlərin internet vasitəsilə virusa yoluxma sayı 4,45 faiz azalıb. Bu barədə məlumatı “KƏLAMİNFO”ya Rabitə və İnformasiya Texnologiyaları Nazirliyinin mətbuat xidmətindən veriblər.
Ölkədə istifadəçilərin 26,7 faizi kompüter vasitəsilə virusa yoluxma riski ilə üzləşib. Azərbaycan internet vasitəsilə virusa yoluxma riski üzrə 10 ölkə arasında onuncu yeri tutur. Bu barədə ilk TOP 10-a 36,9 - 26,7 faizlə daxil olan ölkələr Rusiya, Ermənistan, Belarus, İraq, Monqolustan, Ukrayna, Sudan, Qazaxıstan, Koreya Respublikası və Azərbaycandır.
“Kasperski laboratoriyası” təhlükə dərəcəsini qiymətləndirmək üçün bir rüb ərzində istifadəçinin veb-antivirusunun neçə dəfə işə düşdüyünü hesablayıb. Ay ərzində “Kasperski laboratoriyası”nın məhsulları 161 003 697 şəbəkə hücumunun, 72 207 273 vebdən yoluxma cəhdinin qarşısını alıb və 205 822 404 zərərli proqram (lokal yoluxma cəhdi) aşkarlanaraq zərərsizləşdirilib.
|
|
11.11.11 Məqaləni oxumaq
|
| |
|
|
|
Konstitusiya gününə həsr edilən konfrans keçirilib
|
|
Bu gün “Dağlıq Qarabağın azərbaycanlı icması” İctimai Birliyi və Gənclər Təşkilatları Milli Şurasının birgə təşkilatçılığı ilə “Konstitusiya günü” nə həsr edilən konfrans keçirilib. “KƏLAMİNFO” xəbər verir ki, tədbirdə “Dağlıq Qarabağın azərbaycanlı icması” İctimai Birliyinin sədri Bayram Səfərov, GTMŞ-nin rəhbəri, millət vəkili Fuad Muradov, Konstitusiya Məhkəməsinin hakimi Ceyhun Qaracayev, beynəlxalq təşkilatların nümayəndələri, məcburi köçkün gənclər və ictimaiyyət nümayəndələri iştirak ediblər.
F.Muradov deyib ki, Azərbaycanda konstitusion hüququ pozulan 1 milyonadək qaçqın və məcburi köçkün var. Millət vəkili bildirib ki, onların yaşamaq, oxumaq və digər hüquqları pozulub. Konstitusion hüquqlarla bağlı gənclərə geniş məlumatlar verilməsinin vacibliyini qeyd edən F.Muradov bildirib ki, gənclər yetkinlik yaşına çatana qədər öz konstitusion hüquqlarını bilməlidir və bu, çox vacib bir amildir. O, dünyada konstitusion hüquqların bərpası ilə bağlı çox ciddi mübarizənin aparıldığını da diqqətə çatdırıb.
|
|
10.11.11 Məqaləni oxumaq
|
| |
|
|
|
İKT sektoru davamlı inkişaf yolundadır
|
|
Ulu öndərin 2003-cü ildə təsdiq etdiyi "Azərbaycan Respublikasının inkişafı naminə informasiya-kommunikasiya texnologiyaları üzrə Milli Strategiya (2003-2012-ci illər)" bu istiqamətin ölkəmiz üçün vacibliyini və əhəmiyyətini vurğulayan ilk rəsmi sənəd oldu. Cənubi Qafqazda ilk olaraq qəbul edilmiş bu sənəd Azərbaycanın İKT sahəsinə diqqətini cəmiyyətimizə və bütün dünyaya bəyan etdi.
|
|
10.11.11 Məqaləni oxumaq
|
| |
|
|
|
İsrailin milli infrastruktur naziri Azərbaycanda səfərdədir
|
|
İsrailin milli infrastruktur naziri Uzi Landau Azərbaycanda səfərdədir. “KƏLAMİNFO” xəbər verir ki, səfər çərçivəsində U.Landau Bakıdakı “Xabad Or-Avner” təhsil mərkəzində olub. Nazir mərkəzin müəllim-şagird heyəti ilə görüşüb, təhsil ocağında yaradılmış şərait ilə tanış olub.
İsrailli nazir Azərbaycan rəsmiləri ilə də görüşəcək. Görüşlərdə ölkələrimiz üçün qarşılıqlı maraq doğuran məsələlər müzakirə ediləcək.
|
|
10.11.11 Məqaləni oxumaq
|
| |
|
|
|
Rasim Ağayev: “ABŞ çalışır ki, böhranı öz sərhədlərindən kənara atsın”
|
|
“Bu gün ABŞ və Avropada yaşanan böhranlar gözlənilən hadisələrdir. Hələ XIX əsrdə sosial-demokratlar demişdilər ki, kapitalizm bir sistem kimi vaxtaşırı böhranlara uğrayacaq. Müxtəlif dövrlərdə SSRİ-nin dağılması, yeni müstəmləkəçilik siyasətlərinin nəticələri ilə ABŞ və Avropa müəyyən mənada bu böhranları müvəqqəti gecikdirirdi. Ancaq nə qədər yubadılsa da, bu, gəlməli idi və ABŞ-ın bu gün artıq 80 trilyon borcu var”. Bunları “KƏLAMİNFO”ya müsahibəsində politoloq Rasim Ağayev bildirib. O qeyd edib ki, bu ölkələrin əhalisinin istehlak kreditlərinin ödənilməsi tələbi indi məcburən İspaniyada, İtaliyada, İrlandiyada və Yunanıstanda ciddi böhranlara yol açdı: “Bu kimi ölkələrdə hakimiyyətlər istəyirlər ki, böhranın bütün məsuliyyətini vətəndaşların çiyninə qoysunlar və həm də elə bir halda ki, imkanlılar bu məsuliyyətlərdən kənar tutulur.
|
|
10.11.11 Məqaləni oxumaq
|
| |
|
|
|
Liviyada maaş tələbi ilə etiraz aksiyası keçirilib
|
|
Liviyanın paytaxtı Tripolidə maaşlarını tələb edən onlarla etirazçı Maliyyə Nazirliyinin qarşısında aksiya keçirib. «KƏLAMİNFO» «Reuters» agentliyinə istinadən xəbər verir ki, yeni seçilmiş baş nazir Əbdürrəhim Əl-Keyib qərbli tərəfdaşlarından Müəmmar Qəddafinin dondurulmuş hesablarını açmağa çağırıb.
Qərb ölkələri indiyə qədər Liviyaya bu hesablardan bir neçə milyard dollar veriblər. Dondurulmuş hesablarda hələ 150 milyard dollar qalır.
|
|
10.11.11 Məqaləni oxumaq
|
| |
|
|
|
Qazaxıstanın deputatları erkən seçki tələb edir
|
|
Qazaxıstan parlamentinin deputatları prezident Nursultan Nazarbayevə müraciət edərək parlamentin aşağı palatası-Məclisi buraxmağı xahiş ediblər. Müraciəti 53 deputat imzalayıb. Bu isə deputat korpusunun yarısı deməkdir. «KƏLAMİNFO» «Today.kz»ə istinadən xəbər verir ki, deputatlar öz addımlarını onunla əsaslandırıblar ki, gələn il yeni iqtisadi böhran dalğası gözlənilir və bu, Qazaxıstan iqtisadiyyatına da təsirsiz ötüşməyə bilər. «Bu dövrə kimi seçkiləri keçirmək lazımdır» - deyə deputat Nurtay Sabilyanov vurğulayıb. Hazırkı parlamentin müddəti gələn il avqustda başa çatır. Nurtay Sabilyanov bildirib ki, deputatların müraciəti artıq Prezident Administrasiyasına verilib.
Qanunvericiliyə görə, prezident parlamenti deputatlar və baş nazirlə məsləhətləşdikdən sonra buraxa və növbədənkənar seçkilər təyin edə bilər.
|
|
10.11.11 Məqaləni oxumaq
|
| |
|
|
|
Səhifələr : # 16 17 18 19 20 21 22 23 24 # |
|
Torpaqlarımızı qaytaraq..
|
| |
|
|
|
Açılış Səhifəsi et 
