|
|
Səhifələr : # 4 5 6 7 8 9 10 11 12 #
|
|
Vanda baş vermiş zəlzələ nəticəsində həlak olanların sayı 220 nəfərə çatıb
|
|
Türkiyənin Van əyalətində baş vermiş zəlzələ nəticəsində həlak olanların sayı 220nəfərə çatıb, 1090 nəfər yaralı var. “KƏLAMİNFO” xəbər verir ki, bu barədə Türkiyənin daxili işlər naziri İdris Naim Şahin bildirib.
Erciş şəhərində zəlzələdə 117 nəfərin öldüyü bildirilir, daha 100-dən artıq insan isə Van şəhərində həlak olub.
Şahin yaralı sayının Vanda 350, Ercişdə 740 nəfər olduğunu açıqlayıb.
Qeyd edək ki, dünən Bakı vaxtı ilə saat 15:41-də Türkiyənin şərqində episentri Van şəhərindən 42 km şimalda olmaqla 7,2 bal gücündə zəlzələ baş verib. Yeraltı titrəyişlər Diyarbəkir, Batman, Şırnak, Muş, Ərzurum, Bingöl, Bitlis, Siirt, Mardin şəhərlərində hiss edilib. Dağıntıların olduğu və eyni zamanda dağıntılar altında insanların qaldığı bildirilir. Türkiyə mətbuatının məlumatına görə, ölənlərin sayının 1000-ə çatacağı gözlənilir.
|
25.10.11 Məqaləni oxumaq
|
| |
|
|
|
Fövqəladə Hallar Nazirliyi Van bölgəsinə 3-cü yardım təyyarəsini göndərib
|
|
Azərbaycan Fövqəladə Hallar Nazirliyi (FHN) Türkiyənin Van bölgəsində baş verən zəlzələ ilə əlaqədar fəlakət bölgəsinə növbəti dəfə yardım göndərib. “KƏLAMİNFO” nazirliyin saytına istinadən xəbər verir ki, 3-cü yardım təyyarəsi bu gün saat 13.00-da yola salınıb. Bu təyyarə müvafiq xilasetmə avadanlıqları və vasitələri ilə təmin edilib. FHN-in 48 xilasedicisi və zəlzələdən zərərçəkmiş əhali üçün nəzərdə tutulmuş ilkin tələbat əşyaları var.
Azərbaycandan göndərilən 2-ci təyyarə Türkiyə respublikasının Van şəhərinə çatıb, yaxın dəqiqələrdə boşaldılmasına başlanacaq. Xilasedicilər artıq 10 uçqun sahəsində xilasetmə işlərini davam etdirirlər. Bu dəqiqəyə qədər dağıntılar altından 1-ci qrup bir qadın meyiti, 2-ci qrup isə 45-50 yaşlarında kişi meyiti aşkar edib.
Digər qrup isə uçqun altından insan səsi aşkar edərək həmin istiqamətdə axtarış-xilasetmə işlərini davam etdirir.
|
|
25.10.11 Məqaləni oxumaq
|
| |
|
|
|
Türkdilli ölkələrin və toplumların II Media Forumuna hazırlıq işləri yekunlaşmaq üzrədir
|
|
“Türkdilli ölkələr və toplumların II Media Forumuna hazırlıq işləri davam edir. Tədbirə Türkiyə, Qazaxıstan, Özbəkistan, Türkmənistan, Qırğızıstan, Rusiyanın türkdilli xalqlar yaşayan Tatarıstan, Başqırdıstan, Qaraçay-Çərkəz, Kabardin-Balkar, Tuva, Saxa respublikalarından, Ukraynanın Krım Muxtar Vilayətindən, Moldovanın Qaqauz Muxtar Ərazisindən, eləcə də Avropanın türklərlə bağlı və onların kampakt yaşadığı ölkələrindən media qurumları təmsilçilərinin qatılmaları nəzərdə tutulur. Artıq nümayəndələrin tam əksəriyyətinin forumda iştirakı təsdiqlənib və bununla əlaqədar zəruri prosedur işlər həyata keçirilib. Ümid edirik ki, türk dünyası üçün müstəsna əhəmiyyət daşıyacaq bu toplantının yüksək səviyyədə təşkilini reallaşdıra biləcəyik”.
|
|
24.10.11 Məqaləni oxumaq
|
| |
|
|
|
Azərbaycanın BMT-nin Təhlükəsizlik Şurasına qeyri-daimi üzvlüyü bu gün həll olunacaq
|
|
Bu gün Azərbaycanın BMT-nin Təhlükəsizlik Şurasına qeyri-daimi üzvlüyü məsələsi həll olunacaq. “KƏLAMİNFO” xəbər verir ki, BMT TŞ-də Şərqi Avropanı təmsil edəcək ölkənin adı hələ də müəyyənləşməyib. Bu yer uğrunda mübarizə Azərbaycan və Sloveniya arasında gedir.
Qeyd edək ki, digər iddiaçı Macarıstan səsvermənin ilk raundundan sonra üç ölkə arasında ən az səs toplamaqla mübarizəni dayandırıb.
BMT Təhlükəsizlik Şurasının 2012-2013-cü illər üçün coğrafi prinsiplə seçilən 5 qeyri-daimi üzvünün 4-nün adı məlumdur. Bunlar Pakistan, Mərakeş, Qvatemala və Toqodur. Yeni seçilən ölkələr 2012-ci ilin yanvarın 1-dən səlahiyyətlərinin icrasına başlayacaq.
|
|
24.10.11 Məqaləni oxumaq
|
| |
|
|
|
Ekspert: “İran ABŞ-Azərbaycan əməkdaşlığının qarşısını almaq gücündə deyil”
|
|
“Bu yaxınlarda Türkiyə, Azərbaycan və İran xarici işlər nazirlərinin növbəti üçlü görüşü əsasən İran üçün gərəklidir. Tehrana bu kimi görüşlər sanksiya blokadasını yarmaq baxımından vacibdir”. Bunları “KƏLAMİNFO”ya müsahibəsində siyasi ekspert Elxan Şahinoğlu bildirib.
Ekspert deyir ki, Tehran bölgədə nə Türkiyənin rolunun və gücünün artmasında, nə də Azərbaycanın Qərblə əməkdaşlığında maraqlıdır. “İranın xarici işlər naziri bu günlərdə Qazaxıstana səfəri zamanı üçüncü ölkələrin Xəzərdə hərbi mövcudluğuna imkan verilməməsi vacibliyini söyləmişdi. Aydındır ki, iranlı nazir Azərbaycanı nəzərdə tutub. Çünki Xəzəryanı ölkələrdən yalnız Azərbaycan bu istiqamətdə ABŞ-la əməkdaşlıq edir. ABŞ Azərbaycana katerlər və radarlar verir. Bu əməkdaşlıq da İran hakimiyyətini qıcıqlandırır” - deyə E.Şahinoğlu vurğulayıb. Ancaq Tehran nə bu əməkdaşlığın, nə də ki “Nabucco” və “Transxəzər” kimi layihələrin qarşısını almaq gücündədir.
|
|
24.10.11 Məqaləni oxumaq
|
| |
|
|
|
İqbal Ağazadə: “Bizim İctimai Palataya qoşulmaq fikrimiz yoxdur”
|
|
“Bu gün Azərbaycanda müxalifət çox zəifdir və bunu aradan qaldırmaq üçün güclərini birləşdirməlidirlər. Amma təəssüf ki, bu, hamısında alınmır”. Bu barədə “KƏLAMİNFO”ya Ümid partiyasının sədri, millət vəkili İqbal Ağazadə bildirib. Onun fikrincə, ilk növbədə müxalifətin ümumi zəifliyi aradan qaldırmalıdırlar. “Azərbaycan müxalifətinin birləşməsi üçün bu gün sosial sifarişdən öncə müxalifətin özünün sifarişi olmalıdır. Bu gün bir neçə müxalif partiya İctimai Palatada fəaliyyət göstərir və biz də daxil olmaqla digər 5 siyasi partiya isə hazırda birlik modeli axtarmaq istiqamətində danışıqlar aparır. Lakin rəhbərlik etdiyim partiyanın da təmsil olunduğu bu “beşlik”dəki heç bir partiyanın İctimai Palataya qoşulmaq fikri yoxdur” - deyə İ.Ağazadə vurğulayıb.
|
|
24.10.11 Məqaləni oxumaq
|
| |
|
|
|
Azərbaycan daxil olan internet-trafikin sürətinə görə 107-ci yeri tutub
|
|
Son bir ayda Azərbaycan internet-trafikin sürətinə görə 107-ci yeri tutub. Bu, “Speedtest” şəbəkəsini yaradan “Ookla” şirkətinin “NetIndex” reytinqində göstərilib. Bu barədə məlumatı “KƏLAMİNFO”ya Rabitə və İnformasiya Taxnologiyaları Nazirliyinin mətbuat xidmətindən veriblər.
Nəticələr sentyabrın 21-dən oktyabrın 20-nə qədər aparılan eksperimental araşdırmaların əsasında əldə edilib. Sınaqların keçirilməsi üçün 156 513 unikal IP ünvan seçilib. “NetIndex” reytinqinə əsasən, Azərbaycanda daxil olan trafikin orta sürəti 2,79 Mbit/s təşkil edir. Bakı üzrə bu göstərici 2,84 Mbit/s, Sumqayıt şəhəri üzrə isə 2,31 Mbit/s-dir.
|
|
24.10.11 Məqaləni oxumaq
|
| |
|
|
|
DSMF-yə müraciətlərin çoxu pensiyalarla bağlı olub
|
|
Bu ilin 9 ayı ərzində Dövlət Sosial Müdafiə Fondunun müasir tipli “190” nömrəli telefon məlumat xidmətinə (“Call-center”) əhali tərəfindən ümumilikdə 102 278 müraciət daxil olub. Fonddan “KƏLAMİNFO”ya verilən məlumata görə, telefon məlumat xidmətinə daxil olan və bilavasitə operatorlara yönləndirilən sorğuların 48,2 faizi canlı rejimdə birbaşa olaraq məsləhətçi operatorlar tərəfindən cavablandırılıb. Müraciətlərin 51,8 faizi isə qeyri-iş günlərinə təsadüf edib və bu zaman suallara avtomatik olaraq elektron operator tərəfindən standart formada cavablar verilib.
Cari ilin 9 ayında “190” nömrəli telefon məlumat xidmətinə daxil olan müraciətlər arasında pensiya məsələləri üstünlük təşkil edib. Müraciətlərin 61,1 faizi bilavasitə pensiya məsələlərinə aid olub. Müraciətlərin 14,7 faizini məcburi dövlət sosial sığortasına dair sorğular əhatə edib.
|
|
24.10.11 Məqaləni oxumaq
|
| |
|
|
|
Məktəblərə dair statistik müayinənin nəticələri açıqlanıb
|
|
Dövlət Statistika Komitəsi (DSK) növbəti dəfə ölkədə fəaliyyət göstərən dövlət əyani ibtidai, orta və tam orta ümumtəhsil məktəblərində onların qış mövsümünə hazırlığı, maddi-texniki bazası və pedaqoji kadrlarla təminatına dair statistik müayinə keçirib. DSK-dən “KƏLAMİNFO”ya verilən məlumata görə, müayinənin nəticələrinə görə, 4487 dövlət əyani ümumi təhsil müəssisələrindən 3888-i və ya 87 faizi, o cümlədən şəhər yerlərində 1097-si (94 faizi), kənd yerlərində isə 2791-i (84 faizi) kompüterlə təmin olunub.
Kompüterlərə malik olan ibtidai məktəblərin xüsusi çəkisi 11 faiz, orta məktəblərin – 82 faiz, tam orta məktəblərin isə - 96 faiz təşkil edib.
Ötən tədris ilinin əvvəlinə keçirilən müvafiq müayinənin nəticələri ilə müqayisədə məktəblərdə kompüterlərin sayı 2,4 min ədəd və ya 6 faiz artaraq 42,5 minə çatıb. Hazırda hər 30 şagirdə orta hesabla bir kompüter düşür. Ötən il bu göstərici 33, 2009-cu ildə 35, 2008-ci ildə 39, 2007-ci ildə 47, 2006-cı ildə isə 101 olub.
|
|
24.10.11 Məqaləni oxumaq
|
| |
|
|
|
Qəddafi ölümünə üç gün qalmış vəsiyyətnamə yazıb
|
|
Müəmmar Qəddafinin ölümünə üç gün qalmış vəsiyyətnamə yazdığı bəlli olub. «KƏLAMİNFO» «News.am»a istinadən xəbər verir ki, ərəb dilində olan sənəd «Seven Day News» saytında əks olunub. Polkovnik vəsiyyətnaməsində qohumlarından xahiş edib ki, onu Şiirt şəhərində ailəsi və qohumları ilə birlikdə dəfn etsinlər. Özü də o, öldürülən zaman olacağı paltarda basdırılmasını istəyib. Qəddafi sonra yazır: «Mən tərəfdarlarıma istənilən işğalçıya qarşı müqaviməti hər zaman davam etdirməyə çağırıram».
Liviyada qalıb, başqa yerə qaçmayacağını, öləcəyini anlatmağa çalışan Qəddafi bunları əlavə edib: «Əgər biz indi qalib gəlməsək belə, gələcək nəsillərə nümunə olacağıq. Biz göstərəcəyik ki, ölkənin qorunması bir şərəf məsələsidir, onu satılması isə ən böyük satqınlıqdır». Qəddafi vəsiyyətnaməsində, həmçinin Liviya xalqını onun ailə üzvlərini və uşaqlarını qorumağa çağırıb.
|
|
24.10.11 Məqaləni oxumaq
|
| |
|
|
|
Səhifələr : # 4 5 6 7 8 9 10 11 12 # |
|
Torpaqlarımızı qaytaraq..
|
| |
|
|
|
Açılış Səhifəsi et 
