|
Səhifələr : # 15 16 17 18 19 20 21 22 23 #
Obama İranla bağlı bəyanatla çıxış edib
|
ABŞ prezidenti Barak Obama İranla bağlı bəyanatla çıxış edib. O bildirib ki, Səudiyyə Ərəbistanın Vaşinqtondakı səfirinə sui-qəsd hazırlanması ilə bağlı məsələnin üstü açılandan sonra ABŞ Tehrana qarşı ciddi tədbirlər görəcək. «KƏLAMİNFO» BBC-yə istinadən xəbər verir ki, ABŞ iddia edir ki, hadisəni İran əsilli iki şəxs törətmək istəyib. İran isə bu iddiaları rədd edir.
|
15.10.11 Məqaləni oxumaq
|
|
|
“Uşaq hüquqları və media” adlı müsabiqəyə oktyabrın 30-da yekun vurulacaq
|
Ailə, Qadın və Uşaq Problemləri üzrə Dövlət Komitəsi (AQUPDK) bu ilin 22 iyun tarixində “Uşaq hüquqları və media” mövzusunda elan etdiyi müsabiqəyə 30 oktyabr tarixində yekun vuracaq. Bu barədə məlumatı “KƏLAMİNFO”ya komitədən veriblər.
Müsabiqənin keçirilmə qaydası haqqında ətraflı məlumatı scfwca.gov.az və www.ushaqlar.az saytından əldə etmək olar. Komitə bütün jurnalistləri müsabiqədə iştirak etməyə çağırır.
|
15.10.11 Məqaləni oxumaq
|
|
|
Fuad Ələsgərov: Hüquqşünasların beynəlxalq müdafiə vasitələrindən istifadə etmək imkanı təmin edilib
|
“Azərbaycanın yurisdiksiyasında olan şəxslərin hüquq və azadlıqlarını qorumaq məqsədilə beynəlxalq müdafiə vasitələrindən istifadə etmək imkanı təmin edilib”. “KƏLAMİNFO” xəbər verir ki, bu barədə Prezident Administrasiyasının hüquq-mühafizə orqanları ilə iş şöbəsinin müdiri Fuad Ələsgərov bildirib. Onun sözlərinə əsasən, daxili hüquq müdafiə mexanizmlərinin təsis edilməsi və təkmilləşdirilməsi ilə yanaşı, ölkə beynəlxalq konvensiyalara - BMT-nin, Avropa Şurasının, ixtisaslaşdırılmış beynəlxalq təşkilatların müqavilələrinə tərəfdar çıxıb və bununla da hüquqşünasların beynəlxalq müdafiə vasitələrindən istifadə etmək imkanı təmin edilib. “Respublikada həyata keçirilən son tədbirlər, o cümlədən yeni inzibati –iqtisadi məhkəmələrin yaradılması, “elektron hökumət” konsepsiyası çərçivəsində müxtəlif dövlət orqanlarının işində elektron xidmətlərin tətbiqi, habelə korrupsiyaya qarşı aparılan mübarizə məhz dövlətin Konstitusiyada təsbit edilmiş ali məqsədləri prizmasından nəzərdən keçirilməlidir” - deyə o qeyd edib.
|
15.10.11 Məqaləni oxumaq
|
|
|
QMİ Türkiyənin Dini İşlər İdarəsi ilə bəyannamə imzalayacaq
|
Qafqaz Müsəlmanları İdarəsi ilə Türkiyənin Dini İşlər İdarəsi Türkiyədə birgə bəyannamə imzalayıb. Eyni bəyannamə Azərbaycanda da imzalanacaq. “KƏLAMİNFO” xəbər verir ki, bu barədə Qafqaz Müsəlmanları İdarəsinin sədri Hacı Allahşükür Paşazadə Türkiyənin Dini İşlər İdarəsinin rəhbəri Mehmet Görməzlə birgə Şəhidlər Xiyabanını ziyarət edərkən söyləyib. Şeyxülislam türkiyəli qonağın ölkə başçısı tərəfindən qəbul edildiyini də vurğulayıb. “Qonağımız prezident İlham Əliyev tərəfindən qəbul edilib, görüşdə dini münasibətlərin qurulması, inkişaf etdirilməsi, iki dövlət arasında dini və mənəvi əlaqələr, birlikdə separatizmə qarşı mübarizə, Dağlıq Qarabağ problemi ilə bağlı məsələlər müzakirə edilib. Həmçinin PKK-nın Türkiyədə terrorçuluq fəaliyyətinə, narkomaniyaya qarşı mübarizə barədə fikir mübadiləsi aparılıb” - deyə o, əlavə edib.
Mehmet Görməz öz növbəsində iki qurum arasında münasibətlərin daha da möhkəmlənəcəyini ifadə edib.
|
14.10.11 Məqaləni oxumaq
|
|
|
Elxan Süleymanov: "AVRONEST PA-nın İşçi Qrupunda siyasi qrupların yaradılması və onların imtiyazları müzakirə ediləcək"
|
toplantıda müzakirə ediləcək məsələlərlə bağlı Trend-in suallarını AVRONEST PA-da Azərbaycan nümayəndə heyətinin rəhbəri, millət vəkili Elxan Süleymanov cavablandırır.
- AVRONEST PA-nın Prosedur Qaydaları üzrə İşçi Qrupu barədə məlumat verməyinizi xahiş edirik.
- AVRONEST PA Avropa İttifaqı ilə "Şərq tərəfdaşlığı" (ŞT) ölkələrinin birgə parlament təsisatı kimi 2-3 may 2011-ci il tarixdə Brüsseldə təsis edilib. Onun qurumları kimi 4 komitə və 2 işçi qrupu yaradılıb. Bu Komitələrin və İşçi Qrupların içərisində Prosedur Qaydaları üzrə İşçi Qrupu Azərbaycan üçün çox mühüm əhəmiyyət kəsb edir. Bu İşçi Qrupunun əsas vəzifəsi Assambleya və onun qurumları tərəfindən Prosedur Qaydalarının yerinə yetirilməsinə nəzarət etməkdən ibarətdir. Bu işçi qrupu həmçinin Prosedur Qaydalarına düzəlişlərin edilməsi prosesini stimullaşdırmaq üçün Büroya yazılı təkliflər təqdim edə bilər. Göründüyü kimi, Prosedur Qaydaları üzrə İşçi Qrupu AVRONEST PA-nın çox vacib bir qurumudur. Odur ki, bizim üçün bu İşçi Qrupuna kimin sədr olacağı prinsipal xarakter daşıyırdı. Təsadüfi deyil ki, AVRONEST PA təsis edilərkən bu İşçi Qrupuna ermənilər sədrlik etmək istəyirdi. Lakin bu Azərbaycanın maraqlarına cavab vermirdi. Odur ki, Azərbaycan nümayəndə heyəti qətiyyətlə bunun əleyhinə çıxış etdi və bildirdi ki, Ermənistan nümayəndə heyətinin üzvü Prosedur Qaydaları üzrə İşçi Qrupunun tək sədri ola bilməz. Bu qrupa sədr digər ölkələr - Ukrayna, Moldova, Gürcüstan ola bilər. Amma Azərbaycan ilə Ermənistanın təkbətək sədr olması düzgün deyil və yaxud ikimiz həmsədr ola bilərik. Ermənistan tərəfi bu İşçi Qrupuna çox maraqlı olduğundan hər ikimizin həmsədr olmasını qəbul etdi və beləliklə, biz Prosedur Qaydaları üzrə İşçi Qrupunun həmsədri kimi fəaliyyətə başladıq. Nəhayət, cari ilin 17 oktyabrında Prosedur Qaydaları üzrə İşçi Qrupunun ilk iclası keçiriləcək. Burada beş nəfər Avropa Parlamenti üzvü və beş nəfər ŞT ölkələri üzvləri təmsil olunur.
|
14.10.11 Məqaləni oxumaq
|
|
|
Fəxriyyə Xələfova: “Təklif etdiyim ideyalar beynəlxalq tendensiyaya çevrilə bilər”
|
Əməkdar incəsənət xadimi Fəxriyyə Xələfova Gürcüstana gedəcək. Modelyerin “KƏLAMİNFO”ya verdiyi məlumata görə, səfərin məqsədi qonşu ölkədə keçiriləcək moda həftəsində iştirak etməkdir: “Oktyabrın 13-dən 16-dək Gürcüstanda moda həftəsi keçirilir. Bu ölkədə mütəmadi olaraq moda həftələri təşkil edilir və artıq beynəlxalq səviyyəli hesab olunur. Beynəlxalq ümumi moda qrafiki üzrə, məsələn, Milan, Paris, Nyu-York kimi Gürcüstanda da keçirilən moda həftəsi beynəlxalq səviyyəli sayılır. Adətən yerli dizaynerlər iştirak edir. Qonşu ölkə olaraq məni 2-ci dəfədir dəvət edirlər. Gürcüstan moda həftəsinin açılış və bağlanış mərasimlərində dünyada moda sahəsində tanınmış mütəxəssislər dəvət edilir. Mən bağlanış mərasimində iştirak edəcəm”.
|
14.10.11 Məqaləni oxumaq
|
|
|
Bill Geyts qızı üçün kirayəyə 600 min dollara mülk götürüb
|
“Microsoft” kompaniyasının qurucusu Bill Geyts Florida ştatının Vellinqton şəhərində 15 yaşlı qızı Cennifer üçün mülk kirayəyə götürüb. «KƏLAMİNFO» «Komsomolskaya pravda"ya istinadən xəbər verir ki, altı aylığa kirayəyə götürülən ev üçün hər ay 600 min dollar pul ödənəcək.
Ümumiyyətlə, Geyts uşaqların sərt qaydada tərbiyəsinin tərəfdarıdır. Lakin burada vəziyyət fərqlidir. İş orasındadır ki, Cennifer at sürməyin tərəfdarıdır və bu idman növü ilə ciddi maraqlanır. Floridanın cənubunda atçılıq yarışları keçiriləcək. Bu səbəbdən də milyarder ata qızını əyləndirmək qərarına gəlib.
Qızın qalacağı otaqda 8 yataq otağı var. Evin qiyməti isə 13 milyon dollardır. Ola bilsin ki, Geyts yarış başa çatdıqdan sonra bu evi alsın.
|
14.10.11 Məqaləni oxumaq
|
|
|
Breyvikin təkadamlıq kamerada qalmamasına icazə verilib
|
Norveç rəsmilərinin bildirdiyinə görə, iyul ayında 77 nəfəri qətlə yetirdiyini boynuna alan 32 yaşlı Anders Berinq Breyvikin məhkəmə prosesinə qədər təkadamlıq kamerada qalmamasına icazə verilib. «KƏLAMİNFO» «Qolos Amerika»ya istinadən xəbər verir ki, prokuror Kristian Hatlo deyib ki, müstəntiqlər Oslo yaxınlığında gənclər düşərgəsində çox sayda insanı qətlə yetirən və paytaxtdakı hökumət binalarının yerləşdiyi yerə bomba qoyan Anders Berinq Breyvikin tək hərəkət etdiyinə artıq inanırlar. Prokuror onu da əlavə edib ki, məhz bu səbəbə görə rəsmilər bazar ertəsi günü müddət bitdikdən sonra hakimdən Breyvikin təkadamlıq kamerada qalmağa davam etməsini istəməyəcək. Lakin Breyvikin özünün təhlükəsizliyinə görə o, digər dustaqlardan ayrı saxlanılacaq.
|
14.10.11 Məqaləni oxumaq
|
|
|
Dünya yeni epidemiya ilə üzləşib
|
Dünya yeni bir epidemiya - piylənmə ilə üzləşib. 2015-ci ildə həddən artıq kökəlmədən əziyyət çəkən insanların sayı 2,3 mlrd. nəfərə çatacaq. «KƏLAMİNFO» «İTAR TASS»-a istinadən xəbər verir ki, 2020-ci ildə həddən artıq kökəlmə və artıq çəki dünya iqtisadiyyatına 30 trln. dollar ziyan vuracaq. Hər sutkada planetdə kökəlmədən əziyyət çəkənlərin sayı 3 min nəfər artır. Dünya Səhiyyə Təşkilatının məlumatına görə, 1980-ci ildən bəri gombulların sayı iki dəfə artıb. Buna səbəb insanların ucuz məhsullar - tərkibində duz, şəkər və piyli məhsullarla qidalanmasıdır. DST-nin rəhbəri Marqraet Çan bildirib ki, «əlbəttə, 7 milyard insanı doyuzdurmaq üçün tədbirlər görülməlidir. Lakin onları qeyri-sağlam qida ilə yedizdirmək gərək deyil. Planetin baş həkimi hökumətləri bütün mümkün imkanlarla ağır xroniki xəstəliklərin səviyyəsini aşağı salmağa çağırıb. İnsanları kökəldən ən birinci qidalar içərisində «fastfud»lar göstərilir. Bu biznes bütün dünyada çiçəklənmək üzrədir. Bir sıra Avropa ölkələri artıq buna əlavə vergi də tətbiq ediblər. Növbədə isə şirin qazlı sulardır”.
|
14.10.11 Məqaləni oxumaq
|
|
|
Deputatlarımız Parlamentlərarasi İttifaqın sessiyasına qatılacaqlar
|
Oktyabrın 17-19-da İsveçrənin Bern şəhərində Parlamentlərarası İttifaqın 125-ci sessiyası keçiriləcək. Tədbirdə Milli Məclisin deputatları Gülçöhrə Məmmədova, Əhliman Əmiraslanov, İlham Əliyev, Əhməd Vəliyev, Fuad Muradov iştirak edəcəklər. Bu barədə məlumatı “KƏLAMİNFO”ya parlamentdən veriblər.
Sessiyada qurumun Nizamnaməsi və qaydalarına dəyişikliklər edilməsi, BMT ilə əməkdaşlıq, nümunəvi idarəçilik və onun tətbiqi məsələləri, habelə aclıqdan əziyyət çəkən Somali əhalisinə yardım göstərilməsi barədə müzakirələr aparılacaq. Tədbirin sonunda qətnamənin qəbul edilməsi nəzərdə tutulub.
Deputatlarımız sessiyada müzakirəyə çıxarılacaq məsələlərə münasibətlərini bildirəcəklər.
|
14.10.11 Məqaləni oxumaq
|
|
|
|
Səhifələr : # 15 16 17 18 19 20 21 22 23 #
|
Torpaqlarımızı qaytaraq..
|
|
|
|