|
|
Səhifələr : # 17 18 19 20 21 22 23 24 25 #
|
|
Erməni ordusunda ölüm halları artır
|
|
Ermənistan ordusunda növbəti insident. Tavuş vilayətindəki hərbi hissələrdən birində 21 yaşlı sıravi əsgər Aram Melkonyan ölüb. “KƏLAMİNFO” “Armenia Today”a istinadən xəbər verir ki, Yerevan sakini olan Melkonyan 2011-ci ilin ilk çağırışında hərbi xidmətə çağırılıb.
Müdafiə Nazirliyinin nümayəndəsi David Karapetyan əsgərin ölümünü təsdiqləyib. Əsgərin hansı səbəbdən öldüyü hələlik bəlli deyil. Bu, son 5 gündə Ermənistan ordusunda baş vermiş üçüncü əsgər ölümüdür.
|
14.10.11 Məqaləni oxumaq
|
| |
|
|
|
|
|
TQDK sədri: “Regionlardan sənəd verən abituriyentlərin yüksək nəticə göstərənləri məhz qızlardır”
|
|
“Müstəqilliyin ilk illərində ali məktəblərə sənəd verənlərin 90%-i oğlanlar idisə, bu gün bu rəqəm 50-50-yədir”. “KƏLAMİNFO” xəbər verir ki, bu barədə Tələbə Qəbulu üzrə Dövlət Komissiyasının sədri Məleykə Abbaszadə söyləyib. Onun sözlərinə görə, dövlət müstəqilliyinin möhkəmləndiyi illərdə qadınların cəmiyyətdə rolu artdıqca, ali məktəbdə təhsil almaq istəyən qızların da sayı artdı. “ Hətta regionlardan da ali məktəbə sənəd verənlərin 90-95%-i oğlanlar idisə, bu gün bu göstəricinin 40-50%-ni qızlar təşkil edir. Bölgələrdən sənəd verənlərin yüksək nəticə göstərənləri də məhz qızlardır” – deyə o, əlavə edib.
|
|
14.10.11 Məqaləni oxumaq
|
| |
|
|
|
Əli Həsənov: “Partiyalar daxili və xarici asılılıqdan qurtulmalıdır”
|
|
Prezident Administrasiyasının ictimai-siyasi şöbəsinin müdiri Əli Həsənov administrasiyanın Qanunvericilik və Hüquq ekspertizası məsələləri şöbəsinin müdiri Şahin Əliyevlə birgə Strasburqa yola düşəcək. “KƏLAMİNFO” xəbər verir ki, bu barədə PA-nın şöbə müdiri Əli Həsənov öz açıqlamasında bildirib. Onun sözlərinə əsasən, Venesiya Komissiyasında “partiyaların dövlət büdcəsindən maliyyələşməsi” haqqında qanun müzakirəyə çıxarılacaq. “Prezident Aparatı tərəfindən hazırlanan qanun layihəsi Avropa Şurasının Venesiya Komissiyasına müzakirəyə təqdim edib. Bu gün də daxil olmaqla, yəqin ki, 3-4 günə rəylər nəzərə alınaraq qanunun müzakirəsi başa çatacaq. Bu olduqca zəruri layihədir, Azərbaycan elə bir səviyyəyə çatıb ki, öz partiyalarını özü maliyyələşdirmə imkanına malikdir. Düşünürük ki, ölkə partiyaları da öz növbəsində daxili və xarici asılılıqdan qurtulmalıdır” - deyə Əli Həsənov əlavə edib.
|
|
14.10.11 Məqaləni oxumaq
|
| |
|
|
|
“Həssas qruplardan olan ailə, qadın və uşaqların hüquqlarının təşviqi” layihəsinin birinci mərhələsi başa çatıb
|
|
Ailə, Qadın və Uşaq Problemləri üzrə Dövlət Komitəsinin Avropa İttifaqı ilə həyata keçirdiyi “Həssas qruplardan olan ailə, qadın və uşaqların hüquqlarının təşviqi” layihəsinin birinci mərhələsi başa çatıb. “KƏLAMİNFO” xəbər verir ki, bu barədə Komitənin sədri Hicran Hüseynova söyləyib. Komitə sədrinin sözlərinə əsasən, layihənin təşkilatçılıq işləri bitib, hazırda ekspertlər ölkəyə dəvət edilirlər və ailə institutunun formalaşmasında beynəlxalq təcrübənin mənimsənilməsi üzərində iş aparılır. “Layihə 31 aktiv fəaliyyətdən ibarətdir. Hər bir fəaliyyət mərhələsinin nəticələri komitənin sözügedən sahədə potensialını daha da artırmağa xidmət edir. Tvinninq layihəsinə müraciət edərkən bu problemlərin bütün aspektləri Avropa İttifaqından dəvət olunmuş ekspertlər və komitəmizin əməkdaşları tərəfindən araşdırılıb. Bundan sonra layihədə iştirak üçün Avropa İttifaqına üzv dövlətlər arasında tender elan edilib. Tenderdə Almaniya, Böyük Britaniya, İtaliya, Yunanıstan, İspaniya və Fransa iştirak edib. Aparılan seçimlər nəticəsində iştirakçı ölkə kimi Fransa seçilib”,-deyə o əlavə edib.
|
|
14.10.11 Məqaləni oxumaq
|
| |
|
|
|
Müəmmar Qəddafinin oğlu Mütəssim Sirt şəhərində ələ keçirilib
|
|
Liviyanın sabiq lideri Müəmmar Qəddafinin oğlu Mütəssim Milli Keçid Şurasının əsgərləri tərəfindən Sirt şəhərində ələ keçirilib. “KƏLAMİNFO”nun məlumatına görə, bunu “Reuters” agentliyi yayıb. Məlumata görə, Mütəssim dindirilmək üçün Benqaziyə aparılıb. Mütəssim Qəddafi bir gün əvvəl ailəsi ilə birlikdə Sirti tərk etməyə çalışarkən saxlanılıb. Hazırda keçmiş Liviya liderinin oğlu Benqazidə dindirilir.
Mütəssim Liviya liderinin beşinci oğludur. O, ölkədəki vətəndaş müharibəsinə qədər hökumətdə milli təhlükəsizlik məsələləri üzrə müşavir işləyib.
|
|
14.10.11 Məqaləni oxumaq
|
| |
|
|
|
Belçika Senatının Fəxri Prezidenti Əbülfəs Qarayevlə görüşüb
|
|
Mədəniyyət və turizm naziri Əbülfəs Qarayev Bakıda səfərdə olan Belçika Senatının Fəxri Prezidenti xanım Ann Mari Lizini qəbul edib. Nazirlikdən “KƏLAMİNFO”ya verilən məlumata görə, Ə.Qarayev xanım Lizinə Azərbaycana və ölkəmizin Avropada tanınmasına və təbliğ olunmasında göstərdiyi xüsusi marağa görə öz təşəkkürünü bildirib və onun yenidən Bakıda görməyindən məmnunluğunu ifadə edib. Görüşdə Belçika, Avropa İttifaqı və Avropa Şurası ilə olan əlaqələr haqda fikir mübadiləsi aparılıb, beynəlxalq təşkilatlar çərçivəsində olan əməkdaşlığın əhəmiyyəti vurğulanıb.
Bildirilib ki, xanım Anne Mari Lizin öz növbəsində Azərbaycanın turizm və mədəniyyət potensialı haqqında məlumatların Avropa ictimaiyyətinə çatdırılması ilə bağlı layihələrini cənab nazirin diqqətinə çatdırıb.
|
|
14.10.11 Məqaləni oxumaq
|
| |
|
|
|
“Status-kvonun saxlanılması regionda yeni müharibəyə səbəb ola bilər”
|
|
“Qarabağ münaqişəsində son nəticə kimi status-kvonun saxlanılması regionda yeni müharibəyə səbəb ola bilər”. “KƏLAMİNFO” xəbər verir ki, bu barədə Prezident Administrasiyasının şöbə müdiri Əli Həsənov söyləyib. Onun sözlərinə görə, Azərbaycan rəhbərliyinin səbrinin də bir həddi var. “Azərbaycan üçün ən prioritet məsələ öz ərazi bütövlüyünü bərpa etməkdir. Dağlıq Qarabağ münaqişəsi sonsuzluğa kimi belə həll olunmamış qala bilməz, Azərbaycan ərazi bütövlüyünü bərpa etmək üçün öz ixtiyarında olan həm hüquqi, həm də digər vasitələrdən istifadə edəcək” - deyə şöbə müdiri bəyan edib. Əli Həsənov əlavəsinə görə, bu səbəbdən də ATƏT-in Minsk qrupu həmsədrləri böyük səylə çalışırlar ki, mövcud status-kvonu aradan götürsünlər. “Onlar da status-kvo-nun saxlanmasını qəbulolunmaz hesab edirlər. Azərbaycanı da bu status-kvonun dəyişdirilməsinə qədər başqa vasitələrə əl atmasından çəkindirməyə çalışırlar”.
|
|
14.10.11 Məqaləni oxumaq
|
| |
|
|
|
Sankt-Peterburqda MDB PA-nın iclası işə başlayır
|
|
Bu gün Sankt-Peterburqda MDB Parlamentlərarası Assambleyasının Sosial siyasət və insan hüquqları daimi komissiyasının iclası işə başlayır. Parlamentdən “KƏLAMİNFO”ya verilən məlumata görə, iki gün davam edəcək iclasda Milli Məclisin Regional məsələlər komitəsinin sədri Arif Rəhimzadə komissiyanın sədri kimi iştirak edir.
Tədbirdə “MDB iştirakçısı olan ölkələrdə dövlət gənclər siyasəti haqqında” model qanun layihəsi, təhsil və təcrübə keçmə məqsədilə həyata keçirilən miqrasiyanın inkişafı, dövlətin sosial strategiyası, komissiyanın təşəbbüsü ilə MDB PA-da qəbul olunmuş model qanunvericilik aktlarından istifadə və digər mövzularda fikir mübadiləsi aparılacaq.
|
|
13.10.11 Məqaləni oxumaq
|
| |
|
|
|
Strateji Araşdırmalar Mərkəzi ümumrespublika müsabiqəsinin nəticələrini açıqlayıb
|
|
Azərbaycan Prezidenti yanında Strateji Araşdırmalar Mərkəzi dövlət müstəqilliyinin 20-ci ildönümü münasibətilə elan etdiyi ümumrespublika müsabiqəsinin nəticələrini açıqlayıb. “KƏLAMİNFO” xəbər verir ki, bununla bağlı keçirilən tədbirdə SAM-ın direktor müavini Gülşən Paşayeva müsabiqə haqqında məlumat verib. O bildirib ki, müsabiqənin keçirilməsində məqsəd Azərbaycanda siyasət, tarix, hüquq, fəlsəfə, beynəlxalq hüquq, münasibətlər, iqtisadiyyat sahələrində təhsil alan gənclərin oxuduqları sahələrdə müstəqilliyin keçdiyi yola dair analitik təhlil qabiliyyətlərini aşkara çıxarmaqdan ibarətdir. Onun sözlərinə görə, müsabiqəyə Bakıda və regionlarda, eləcə də xaricdə təhsil alan tələbələr tərəfindən 78 elmi məqalə təqdim edilib. Məqalələrin çoxu Bakı Dövlət və Qafqaz universitetlərinin tələbələri tərəfindən təqdim edilib. 10 nəfərin məqaləsi seçilərək qiymətləndirilib.
|
|
13.10.11 Məqaləni oxumaq
|
| |
|
|
|
Səhifələr : # 17 18 19 20 21 22 23 24 25 # |
|
Torpaqlarımızı qaytaraq..
|
| |
|
|
|
Açılış Səhifəsi et 
