|
|
Səhifələr : # 25 26 27 28 29 30 31 32 33 #
|
|
Əli Həsənov: “Rusiyanın Qarabağ konfliktinin həllində göstərdiyi səylərə Fransa da birbaşa qoşulur”
|
|
“Rusiyanın Minsk qrupu ilə birlikdə və ayrılıqda Qarabağ konfliktinin həllində göstərdiyi səylərə Fransa da birbaşa qoşulur”. “KƏLAMİNFO” xəbər verir ki, bu barədə Prezident Administrasiyasının şöbə müdiri Əli Həsənov söyləyib. Onun sözlərinə əsasən, Fransa Dağlıq Qarabağ münaqişəsinin həlli ilə bilavasitə məşğul olan dövlətdir. “Nikola Sarkozinin dünən İrəvanda verdiyi açıqlamalar, xüsusən status–kvonun qəbul edilməzliyi və bunun dəyişdirilməsinin vurğulanması ilə bağlı fikirləri düşünürük ki, Cənubi Qafqazdakı sülh yaratma proseslərinə, o cümlədən Minsk qrupunun 6 ay bundan əvvəl status–kvo barədə bəyan etdiyi missiyaya əlavə qatqı verəcək” - deyə Əli Həsənov vurğulayıb.
Əli Həsənov bildirib ki, hər iki ölkə mövcud status-kvonun dəyişdirilməsi fikrindədir: “Status–kvonun da dəyişdirilməsi Azərbaycan torpaqlarının geri qaytarılması, Dağlıq Qarabağ ətrafında gedən danışıqların intensivləşdirilməsi, beynəlxalq hüququn və BMT-nin 4 qətnaməsinin həyata keçirilməsi deməkdir”.
|
08.10.11 Məqaləni oxumaq
|
| |
|
|
|
Obama: "Avropadakı böhran maliyyə bazarlarında vəziyyəti əngəlləyir"
|
|
Avropadakı borc böhranı dünya maliyyə bazarlarında vəziyyəti əngəlləyir və bu, ABŞ iqtisadiyyatına da mənfi təsir göstərə bilər. «KƏLAMİNFO» «Lenta.ru»ya istinadən xəbər verir ki, bunu ABŞ prezidenti Barak Obama Vaşinqtonda iqtisadi məsələlərə həsr edilmiş mətbuat konfransında bildirib. O, Avropa liderlərini böhranla mübarizədə qəti tədbirlər görməyə çağırıb. Obama, həmçinin etiraf edib ki, ABŞ iqtisadiyyatı çətin dövrünü yaşayır. ABŞ prezidenti qeyd edib ki, yeni iş yerlərinin yaradılmasıyla bağlı onun təklif etdiyi plan ölkədə yeni böhran dalğasının qarşısının alınmasına yönəlib. O, qanun layihəsinə baxmalı olan senatorları diqqətlə fikirləşməyə çağırıb.
Hazırda ABŞ-da işsizliyin səviyyəsi 9 faizi ötüb.
|
|
08.10.11 Məqaləni oxumaq
|
| |
|
|
|
Məleykə Abbaszadə Şəkiyə gedib
|
|
Tələbə Qəbulu üzrə Dövlət Komissiyasının Şəki regional bölməsində Azərbaycan Respublikasının dövlət müstəqilliyinin bərpasının 20-ci ildönümünə həsr olunmuş “Müstəqillik dövründə tələbə qəbulu sisteminin inkişaf mərhələləri” mövzusunda elmi-praktik konfrans keçirilib. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Tədbirdən öncə konfrans iştirakçıları ümummilli lider Heydər Əliyevin Şəki Şəhəri İcra Hakimiyyətinin inzibati binasının qarşısında ucaldılmış abidəsini ziyarət edərək, gül dəstələri qoyublar. Konfransı giriş sözü ilə Şəki şəhər İcra Hakimiyyətinin başçısı Elxan Usubov açıb.
Daha sonra TQDK-nın fəaliyyətinə dair qısametrajlı sənədli film nümayiş olunub.
|
|
08.10.11 Məqaləni oxumaq
|
| |
|
|
|
Qərib Məmmədov: Təhsil ocaqlarının paytaxtdan kənara köçürülməsi üçün torpaq sahəsinin ayrılmasına baxıla bilər
|
|
Bakıda fəaliyyət göstərən bəzi ali təhsil ocaqlarının paytaxtdan kənar digər yerlərə köçürülməsi və onların tikintisinə görə hansısa ərazidə torpaq sahəsinin ayrılması üçün Dövlət Torpaq və Xəritəçəkmə Komitəsinə müraciət daxil olmayıb. “KƏLAMİNFO” xəbər verir ki, bu barədə məlumatı DTXK sədri Qərib Məmmədov deyib. Ancaq bununla yanaşı, Q.Məmmədov deyib ki, DTXK-yə hökumət tərəfindən rəsmi müraciət olunarsa, bu məsələyə baxıla bilər. Q.Məmmədov hansısa ərazidə məktəb, yaxud tələbə yataqxanasının tikintisinə torpaq sahəsinin ayrılması üçün rəsmi müraciətin lazım olduğunu diqqətə çatdırıb: “Hələlik bu barədə məlumatım yoxdur. Ola bilsin ki, bu məsələ ilə bağlı hansısa fikirlər var. Ancaq bu barədə bizə məlumat daxil olmayıb. Müraciət olunarsa, məsələyə baxıla bilər”.
Xatırladaq ki, təhsil naziri bəzi ali təhsil ocaqlarının paytaxtdan kənara köçürülməsinin mümkünlüyü ilə bağlı bir neçə dəfə açıqlama verib. Bu məsələnin reallaşmasına yaranan zərurət isə paytaxtda yaranan sıxlıqdır.
|
|
08.10.11 Məqaləni oxumaq
|
| |
|
|
|
Fransa prezidenti Nikola Sarkozi Azərbaycana rəsmi səfərə gəlib
|
|
Fransa prezidenti Nikola Sarkozi Azərbaycana rəsmi səfərə gəlib. “KƏLAMİNFO” xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.
Prezident Nikola Sarkozini hava limanında baş nazirin birinci müavini Yaqub Eyyubov və digər rəsmi şəxslər qarşılayıblar.
|
|
08.10.11 Məqaləni oxumaq
|
| |
|
|
|
Finlandiya “Eurovision –2012” üçün mahnı seçimini başa çatdırıb
|
|
Azərbaycanın ev sahibliyi edəcəyi “Eurovision–2012” mahnı müsabiqəsində iştirak edəcək Finlandiyada mahnı seçimini başa çatdırıb. “KƏLAMİNFO” müsabiqənin rəsmi saytına istinadən bildirir ki, Finlandiyanın Bakıda keçiriləcək müsabiqə üzrə yayımçısı “YLE” telekanalına yarışmada iştirak üçün 540 mahnı təqdim edilib. Bildirilir ki, bu il finlandiyalı münsiflər daha çox rok musiqisinə üstünlük veriblər ki, bu da yüksək nəticəyə nail olmaq məqsədi daşıyır.
Qeyd edək ki, peşəkar münsiflər heyəti tərəfindən seçiləcək 12 mahnı əvvəlcə radiolarda dinləniləcək, daha sonra isə ən çox dinləyici rəğbəti qazanan 6 mahnı fevralın 25-də keçiriləcək final mərasimində iştirak edəcək.
Xatırladaq ki, Helsinki şəhərində keçiriləcək möhtəşəm finalda münsiflər heyəti və tamaşaçıların birgə səsverməsi ilə Finlandiyanın “Eurovision–2012” mahnı müsabiqəsində Azərbaycana gələcək təmsilçisinin adı bəlli olacaq.
|
|
07.10.11 Məqaləni oxumaq
|
| |
|
|
|
Rəcəb Tayyib Ərdoğanın anası vəfat edib
|
|
Türkiyənin Baş naziri Rəcəb Tayyib Ərdoğanın anası Tənzilə Ərdoğan vəfat edib. “KƏLAMİNFO” “Milliyət” qəzetinə istinadən xəbər verir ki, T.Ərdoğan son bir həftədə xəstəxanada müalicə görürmüş.
Ərdoğan xəbərin ardından xəstəxanaya gedib. O, sabaha planlaşdırılan Bursa səfərini də təxirə salıb.
|
|
07.10.11 Məqaləni oxumaq
|
| |
|
|
|
Misirin hakim Hərbi Şurasının rəhbəri hakimiyyətdə uzun müddət qalmaq istəmir
|
|
Misirin hakim Hərbi Şurasının rəhbəri Hüseyn Tantavi hakimiyyət başında uzun müddət qalmaq istəmədiyini bildirib. «KƏLAMİNFO» «Miqnews.ru»ya istinadən xəbər verir ki, Hüseyn Tantavi şuranın xalqın tələbi yerinə yetirilənədək hakimiyyətdə qalacağını deyib. Şura fevral ayından, prezident Hüsnü Mübarəkin devrilməsindən sonra ölkəni idarə edir.
ABŞ rəsmiləri Misirdə fövqəladə vəziyyətin ləğvinə və hakimiyyətin dünyəvi sistemə keçidinin təmin edilməsinə çağırıb.
Misirdə parlament seçkiləri noyabr ayının sonunda keçirilməlidir. Prezident seçkiləri isə gələn ilin sonuna planlaşdırılıb.
|
|
07.10.11 Məqaləni oxumaq
|
| |
|
|
|
Əhməd Davudoğlu: “Sabitlik elementi olmaqda davam edəcəyik”
|
|
Türkiyə xarici işlər naziri Əhməd Davudoğlu dünyanın karbohidrogen ehtiyatlarının 68 faizinin Türkiyənin yaxın hövzəsində olduğuna diqqət çəkərək, ölkəsinin son 9 ildə həyata keçirdiyi xarici siyasətin bu hövzədə sabitlik elementi olduğunu söyləyib. «KƏLAMİNFO» TRT-yə istinadən xəbər verir ki, nazir Türkiyənin yaxın qonşularıyla «sıfır problem» siyasətini ortaya qoymasının, viza rejimini ləğv etməsinin, ətraf bölgələrdə vasitəçilik səyləri göstərməsinin və problemləri mümkün olduğu qədər sülh yolula həll etməyə yönəlik xarici siyasət kursu yürütməsinin səbəbinin yalnız beynəlxalq etibar qazanmaq olmadığını deyib: «Əksinə, bu böyük iqtisadi hövzədə enerjinin birbaşa çatdırılması məsələsində Türkiyənin sahib olduğu fövqəladə coğrafiyadan ən yaxşı şəkildə istifadə etmə cəhdidir. Biz bundan sonra həm böyük iqtisadiyyat və enerji bazarı olaraq, həm də enerji mənbələri ilə enerji istehlakçıları arasında keçid ölkəsi olaraq apardığımız xarici siyasətlə ətrafımızda, bu hövzədə sabitlik elementi olmağa, sabitliyi təşviq etməyə davam edəcəyik. Bu, qlobal iqtisadiyyat üçün də həyati dərəcədə əhəmiyyətlidir».
|
|
07.10.11 Məqaləni oxumaq
|
| |
|
|
|
Qəddafi: “Üçüncü dünya ölkələrinin liderlərini analoji hadisələr gözləyir”
|
|
Liviyanın devrilmiş lideri Müəmmar Qəddafinin audiomüraciəti yayılıb. «KƏLAMİNFO»nun məlumatına görə, «Al-Rai TV» telekanalı ilə yayımlanan müraciətdə keçmiş Liviya lideri bildirir ki, Milli Keçid Şurasını tanıyan üçüncü dünya ölkələrinin liderlərini Liviyada baş verənlərlə analoji hadisələr gözləyir. Liviyanın keçmiş lideri bildirib ki, Milli Keçid Şurası Liviyanın legitim hakimiyyəti deyil. O, liviyalıları küçələrə çıxmağa, ölkənin hazırkı rəhbərliyinə qarşı dinc vətəndaş itaətsizliyi aksiyası təşkil etməyə çağırıb. Müəmmar Qəddafi Liviyada mövcud həyat şəraitini «dözülməz» adlandırıb.
|
|
07.10.11 Məqaləni oxumaq
|
| |
|
|
|
Səhifələr : # 25 26 27 28 29 30 31 32 33 # |
|
Torpaqlarımızı qaytaraq..
|
| |
|
|
|
Açılış Səhifəsi et 
