|
Səhifələr : # 3 4 5 6 7 8 9 10 11 #
Azərbaycan BMT Təhlükəsizlik Şurasına qeyri-daimi üzv seçilib
|
Azərbaycan BMT-yə üzv olan ölkələrin 155-nin səsini toplayaraq iki illiyə BMT Təhlükəsizlik Şurasının qeyri-daimi üzvü seçilib. “KƏLAMİNFO” xəbər verir ki, daha öncə Azərbaycanın bu səsvermədəki rəqibi Sloveniya öz namizədliyini geri götürüb. Bazar ertəsi BMT Baş Assambleyasında Şərqi Avropa qrupundan Təhlükəsizlik Şurasının 2012-2013-cü illər üzrə qeyri-daimi üzvlüyünə seçkilər davam edib. Azərbaycan Sloveniya və Macarıstan ilə birgə Avropa ölkələrindən BMT Təhlükəsizlik Şurasının qeyri-daimi üzvlüyünə bir yer üzrə öz namizədliyini irəli sürmüşdü. Ötən cümə günü keçirilən seçkilərin ilk günü Macarıstan ilk turda az sayda səs toplayaraq mübarizəni davam etdirə bilməyib. Azərbaycan və ya Sloveniyanın seçilməsi üzrə səsvermənin bir neçə raundu isə nəticəsiz qalmışdı.
|
26.10.11 Məqaləni oxumaq
|
|
|
“Özümü həmişə ikinci plana atdım”
|
Günay Kılıc: “Qadını güclü olmayan cəmiyyət çökməyə məhkumdur”
Azərbaycan Jurnalist Qadınlar Assosiasiyasının tərkibində fəaliyyət göstərən “Qadın jurnalistlər klubu”nun qonağı bu dəfə Türkiyənin Azərbaycandakı səlahiyyətli səfiri Hulusi Kılıcın xanımı Günay Kılıc olub. O, xanım jurnalistlərin suallarını cavablandırıb. “KƏLAMİNFO” səfirin xanımı ilə müsahibəni təqdim edir.
- Günay xanım , təklifimizi qəbul etdiyinizə görə sizə təşəkkür edirik. Xanımlarımız üçün maraqlıdır, özünüzü bir ana və bir həyat yoldaşı kimi necə xarakterizə edə bilərsiniz?
- Ailə quranda 22 yaşım var idi. Ailədən aldığım tərbiyə və dinimizin gərəyi olaraq ailəni daima müqəddəs qəbul etdim. Atam bizə belə deyərdi: “İçəridə nə yaşarsanız yaşayın, amma kənarda həmişə dik durun. Probleminizi evdə buraxın, gözəllikləri kənara çıxarın”. Bu nəsihət mənim və üç bacımın evlilik fəlsəfəsi oldu. Ailəmizi, dolayısıyla həyat yoldaşımızı hər zaman ön planda tutduq. Böyüklərimizin ifadəsiylə həyat yoldaşımızı “evimizin dirəyi” qəbul etdik. Amma bununla bərabər, öz mənliyimizi və gücümüzü də mühafizə edə bildik. Mən 23 yaşımda ana oldum. Oğlumu qucağıma alanda bənzərsiz sevginin xoşbəxtliyini yaşadım. Eyni zamanda, üzərimdə olan çox böyük məsuliyyəti də hiss etdim. Övladıma verəcəyim hər şeyin vətənə geri dönəcəyini düşündüm. Oğlum iki yaşında olanda Fransaya getdik.
|
25.10.11 Məqaləni oxumaq
|
|
|
Şimali Amerikada jurnalistlər üçün ən təhlükəli ölkə Meksikadır
|
Şimali Amerikada jurnalistlər üçün ən təhlükəli ölkə Meksika elan edilib. «KƏLAMİNFO» «Lenta.ru»ya istinadən xəbər verir ki, BMT-nin və Amerika Dövlətlər Təşkilatı (ADT) mütəxəssislərinin birgə hazırladığı hesabatda bu il Meksikada 13 jurnalistin öldürüldüyü qeyd edilir. Həmçinin hesabatda o da göstərilir ki, 2000-ci ildən bu günə qədər Meksikada 70 jurnalist öldürülüb. BMT-nin İnsan Hüquqları Şurasının söz azadlığı üzrə komissarı da Meksikanın jurnalistlər üçün dünyanın ən təhlükəli beşinci ölkə olduğunu göstərir.
|
25.10.11 Məqaləni oxumaq
|
|
|
Liviya da terror məkanına döndü
|
Ötən həftə Müəmmar Qəddafinin öldürüldüyü Şiirt şəhərində güclü partlayış baş verib. Partlayış və ardınca da yaşanan yanğın zamanı 100-dən artıq insan ölüb, 50 nəfər isə yaralanıb. Liviya Milli Keçid Şurasının nümayəndəsi Leyt Məhəmməd bildirib ki, partlayışdan sonra yanğın baş verib. «KƏLAMİNFO» «İTAR TASS»-a istinadən xəbər verir ki, küçələr başsız bədənlərlə doludur. İnsidentin nədən baş verdiyi açıqlanmır. Lakin şübhə edilmir ki, bu, Qəddafi tərəfdarlarının əli ilə törədilib.
|
25.10.11 Məqaləni oxumaq
|
|
|
Azad Rəhimov: Son illər gənclər təşkilatları ölkəmizin milli maraqlarının qorunması istiqamətində fəal iş görür
|
Azərbaycan Gənclərinin 5-ci Forumundan ötən dövr ərzində gənclər təşkilatlarının 294 layihəsi dövlət büdcəsi hesabına maliyyələşib. “KƏLAMİNFO” xəbər verir ki, bunu Azərbaycan Gənclərinin 6-cı Forumunda gənclər və idman naziri Azad Rəhimov deyib.
A.Rəhimov bildirib ki, bununla yanaşı Avropa Gənclər Fondu tərəfindən isə 42 layihə maliyyələşib. A.Rəhimov deyib ki, 2009-2010-cu illərdə Azərbaycan Avropa Gənclər Fondundan ən çox qrant əldə etmiş ölkə olub. Onun sözlərinə görə, bu gənclərin ictimai həyatda kifayət qədər fəal olduqlarını bir daha təsdiq edir. Nazir bildirib ki, ötən forumdan sonra 40 gənclər təşkilatı dövlət tərəfindən qeydiyyata alınıb. “2008-2011-ci illər ərzində Azərbaycanın gənclər təşkilatları 11 beynəlxalq təşkilata üzv qəbul olunublar. Son illər Azərbaycan gəncləri ölkənin hüdudlarından kənarda təşkilatlanaraq ölkəmizin mili maraqlarının qorunması, xalqımızın tarixini və zəngin milli mədəni irsini beynəlxalq aləmdə təbliğ edilməsi istiqamətində fəal iştirak edir”-deyə A.Rəhimov vurğulayıb.
|
25.10.11 Məqaləni oxumaq
|
|
|
Həmsədrlər: Tərəflər arasında inam artırılmalıdır
|
Dağlıq Qarabağ münaqişəsinin nizamlanması üzrə ATƏT-in Minsk qrupunun həmsədrləri noyabrın sonunda münaqişə tərəfləri arasında gələcək görüşlərin keçirilməsinə zəmin yaratmaq üçün regiona səfər edəcəklər. Bu barədə həmsədrlərin yaydığı bəyanatda bildirilir. Bəyanatda deyilir ki, ATƏT-in Minsk qrupunun həmsədrləri Bernar Fasye, Robert Bradtke və İqor Popov və səfir Anjey Kasprşik oktyabrın 21-24-də Yerevan, Dağlıq Qarabağ və Bakıya səfər ediblər Onlar səfərləri müddətində Azərbaycan və Ermənistan prezidentləri İlham Əliyev və Serj Sarkisyanla, o cümlədən qondarma Dağlıq Qarabağ rejiminin rəhbərliyi ilə görüşüblər.
|
25.10.11 Məqaləni oxumaq
|
|
|
Elnur Aslanov: “Azərbaycan artıq qlobal müstəvidə öz sözünü deyən dövlətdir”
|
“Azərbaycanın BMT Təhlükəsizlik Şurasının qeyri-daimi üzvü seçilməsi Azərbaycanın son illər ərzində regional və qlobal səviyyədə həyata keçirdiyi diplomatiyasının uğurudur”. “KƏLAMİNFO” xəbər verir ki, bu barədə Prezident Administrasiyasının şöbə müdiri Elnur Aslanov Respublika Gənclərinin 4-cü Forumunda deyib. Şöbə müdirinin sözlərinə əsasən, bu hadisə ölkə başçısı İlham Əliyevin diplomatik səylərinin uğurla nəticələnməsinin bariz nümunəsidir. “Azərbaycan artıq bölgədə lider, qlobal müstəvidə öz sözünü deyən dövlətdir. BMT Təhlükəsizlik Şurasında Azərbaycanın təmsil olunması ölkəmizin haqq səsinin dünya birliyinə çatdırılması, Dağlıq Qarabağ məsələsi və digər mühüm məsələlərin qaldırılmasında bizə məkan və zəmin yaradacaq” - deyə o, diqqətə çatdırıb.
|
25.10.11 Məqaləni oxumaq
|
|
|
Əli Əhmədov: “Azərbaycanın beynəlxalq aləmdə oynadığı rol xeyli dərəcədə fəallaşacaq”
|
“Bu gün Azərbaycanın gənc bir dövlət olaraq dünyanın ən mötəbər təşkilatı olan BMT-nin Təhlükəsizlik Şurasına qeyri-daimi üzv seçilməsi dövlətin həyata keçirdiyi siyasətə dünyada verilən qiymətin bariz ifadəsidir”. “KƏLAMİNFO” xəbər verir ki, bu barədə jurnalistlərə açıqlamasında hakim Yeni Azərbaycan Partiyasının sədr müavini, millət vəkili Əli Əhmədov bildirib. O qeyd edib ki, bu, Azərbaycanın dünya siyasətində, beynəlxalq aləmdə mövqeyinin əhəmiyyətli dərəcədə yüksəlməsini bir daha ortaya qoydu. “Azərbaycanın BMT TŞ-yə qeyri-daimi üzv seçilməsi Azərbaycanın beynəlxalq aləmdə oynadığı rolun xeyli dərəcədə fəallaşmasına, artmasına gətirib çıxaracaq. İnanmaq istəyirəm ki bu, Dağlıq Qarabağ münaqişəsinin nizama salınması istiqamətində aparılan diplomatik səylərin əhəmiyyətini artıracaq. Azərbaycan BMT Təhlükəsizlik Şurasının qeyri-daimi üzvü kimi terrorizmə qarşı mübarizənin daha səmərəli aparılmasına da öz böyük töhfəsini verəcək” - deyə Ə.Əhmədov vurğulayıb.
|
25.10.11 Məqaləni oxumaq
|
|
|
|
Əli Əhmədov Hindistanın ölkəmizdəki səfiri ilə görüşüb
|
Bu gün Yeni Azərbaycan Partiyasının (YAP) sədr müavini-icra katibi Əli Əhmədov Hindistanın ölkəmizdəki fövqəladə və səlahiyyətli səfiri Debnat Şau ilə partiyanın mənzil qərargahında görüşüb. Partiyanın mətbuat xidmətindən “KƏLAMİNFO”ya verilən məlumata görə, görüşdə Azərbaycan ilə Hindistan arasındakı qarşılıqlı əlaqələrin, dostluq və əməkdaşlıq münasibətlərinin mövcud durumu və inkişaf perspektivləri barədə ətraflı fikir mübadiləsi aparılıb.
Görüşdə, həmçinin Yeni Azərbaycan Partiyası ilə Hindistan Milli Konqresi arasındakı əlaqələrdən bəhs edilib.
|
25.10.11 Məqaləni oxumaq
|
|
|
|
Səhifələr : # 3 4 5 6 7 8 9 10 11 #
|
Torpaqlarımızı qaytaraq..
|
|
|
|