|
Səhifələr : # 1 2 3 4 5 6 7 #
Azərbaycanda folklordan qeyri-qanuni istifadəyə dair sanksiyalar mövcuddur
|
“Bu günlərdə Nazirlər Kabineti “Xarici dövlətlərin hüquqi və fiziki şəxslərinin Azərbaycan Respublikasının hüdudlarından kənarda Azərbaycan folkloru nümunələrindən kommersiya məqsədi ilə istifadəsinə icazə verilməsi Qaydalarının və istifadəyə görə haqqın məbləğinin təsdiq edilməsi haqqında” qərar qəbul edib. Qərara əsasən, xarici dövlətlərin hüquqi və fiziki şəxsləri ölkəmizin hüdudlarından kənarda Azərbaycan folkloru nümunələrindən kommersiya məqsədi ilə istifadəsinə görə vəsait ödəməlidir. Bu, çox mühüm qərardır”. Bu barədə fikirləri “KƏLAMİNFO”ya müsahibəsində Müəllif Hüquqları Agentliyinin Əsərlərin qeydiyyatı və hüquq şöbəsinin müdiri Xudayat Həsənli deyib.
|
27.10.11 Məqaləni oxumaq
|
|
|
Ermənilərin növbəti təxribatının qarşısı alınıb
|
Gənclər Təşkilatları Milli Şurasının üzv təşkilatı olan “Sağlam İnkişaf və Maarifləndirmə” İctimai Birliyinin sədr müavini Şahsuvar Hacızadə Tiflis şəhərində təşkil edilən “Bizim sakitliyə vaxtımız yoxdur” adlı Mədəniyyətlərarası və Dinlərarası Dialoq Forumunda iştirak edib. Milli Şuradan “KƏLAMİNFO”ya verilən məlumata görə, forumda Azərbaycan, Türkiyə, Gürcüstan, Rusiya, Finlandiya, Macarıstan, İslandiya, Ermənistan, Ukrayna, Rumıniya, Belçika, və Birləşmiş Krallıqdan nümayəndələr iştirak ediblər. Gənclər Forumunda müxtəlif mədəniyyətləri və dinləri təmsil edən iştirakçılar bir araya gələrək təcrübə mübadiləsi üçün platforma yaratmaq və bu münasibətləri genişləndirməyi qərara alıblar. Forum çərçivəsində gənclər arasında dinlərarası və mədəniyyətlərarası təşəbbüslərinin artırılması vasitəsilə hədəf ölkələrdə milli və beynəlxalq səviyyədə nifrət və bədbəxt hadisələrin aradan qaldırılması, həmçinin bir tolerant mühitin yaradılması, insan hüquqlarının müdafiəsi, anti-diskriminasiya və anti-irqçilik fəaliyyətinə dəstək kimi məsələlər müzakirə edilib, yeni təşəbbüslər irəli sürülüb.
|
27.10.11 Məqaləni oxumaq
|
|
|
Obama: Qəddafinin ölümü dünyadakı bütün diktatorlar üçün xəbərdarlıqdır
|
Müəmmar Qəddafinin ölümü dünyadakı bütün diktatorlar üçün xəbərdarlıqdır. «KƏLAMİNFO»un məlumatına görə, bunu ABŞ prezidenti Barak Obama NBC telekanalına müsahibəsində deyib. Obamanın bildirdiyinə görə, Birləşmiş Ştatlar Liviyada hökumət əleyhinə çıxışdan sonra Qəddafiyə ölkəsində demokratik islahatlar keçirmək üçün şans veribmiş. Amma liviyalı diktator bu imkandan istifadə etməyib, etirazlara qarşı güc tətbiq edib. Bu gün NATO ölkələrinin oktyabrın 31-dək Liviyada əməliyyatlara son qoymaq məsələsini götür-qoy edəcəkləri gözlənilir.
|
27.10.11 Məqaləni oxumaq
|
|
|
Fizuli Ələkbərov: “Layiqli əməyin təminatı üzrə” ikinci Dövlət Proqramı hazırlanır
|
“Layiqli əməyin təminatı üzrə” ikinci Dövlət Proqramı hazırlanma mərhələsindədir. “KƏLAMİNFO” xəbər verir ki, bu barədə jurnalistlərə açıqlamasında əmək və əhalinin sosial müdafiə naziri Fizuli Ələkbərov deyib. Qeyd edək ki, 2007-2010-cu illəri əhatə edən birinci dövlət proqramı artıq yekunlaşıb. Nazir qeyd edib ki, hər bir çalışan insanın əməkhaqqı onun bütün ehtiyaclarını ödəməli, əmək hüquqları qorunmalı və karyera imkanları təmin olunmalıdır. F.Ələkbərovun sözlərinə görə, dövlət proqramının birinci mərhələsində əsasən əmək qanunvericiliyinə dəyişikliklər edilib: “Hazırda isə əmək standartları, peşə standartları işlənib hazırlanır. Eyni zamanda, iqtisadiyyatın müxtəlif sahələri üzrə minimum əməkhaqqının tətbiqi haqqında düşünürük. İşəgötürənlərlə daha sıx əlaqə yaradaraq təhlükəsiz əmək şəraitinin yaradılması istiqamətində böyük işlər görülüb, amma hesab edirik ki, perspektivdə daha geniş tədbirlərə ehtiyac var”.
|
27.10.11 Məqaləni oxumaq
|
|
|
ABŞ Azərbaycanı BMT Təhlükəsizlik Şurasına qeyri-daimi üzv seçilməsi münasibətilə təbrik edib
|
ABŞ Dövlət Departamentinin mətbuat xidmətinin rəsmisi bəyanatla çıxış edərək Azərbaycanın BMT Təhlükəsizlik Şurası seçkilərindəki qələbəsi ilə bağlı Amerikanın mövqeyini ifadə edib. “KƏLAMİNFO” xəbər verir ki, diplomat bildirib ki, biz, Azərbaycanı 2012-2013-cü illərdə BMT Təhlükəsizlik Şurasına qeyri-daimi üzv seçilməsi ilə bağlı təbrik edirik. Birləşmiş Ştatlar BMT nizamnaməsində əks edilən prinsiplərinin dəstəklənməsi, Şuranın səmərəliliyi və təsirliyinə töhfə verilməsi və onun beynəlxalq sülh və sabitliyin qorunmasında rolunun artması üçün Azərbaycanla yaxından işləyəcəyinə ümid edir.
|
27.10.11 Məqaləni oxumaq
|
|
|
Azərbaycanlı deputatlar Astanaya gedir
|
Bu gün Milli Məclisin deputatları Əhməd Vəliyev və Musa Quliyev “Davamlı inkişaf: ənənələr və müasir təcrübə” mövzusunda keçiriləcək beynəlxalq seminarda iştirak etmək üçün Qazaxıstanın paytaxtı Astanaya səfər edəcəklər. Bu barədə məlumatı “KƏLAMİNFO”ya parlamentdən veriblər. Tədbirdə insan hüquq və azadlıqlarının təmin olunması, adət və ənənələrin qorunması, xalqlar arasında əməkdaşlığın genişləndirilməsi, qarşılıqlı anlaşma və etimadın artırılması məsələləri müzakirə olunacaq. Millət vəkilləri mövzu ilə bağlı fikirlərini açıqlayacaq, ölkəmizdə bu sahədə mövcud durum, görülmüş işlər barədə məlumat verəcəklər. Səfər oktyabrın 29-da başa çatacaq.
|
27.10.11 Məqaləni oxumaq
|
|
|
Abdulla Gül: “Vanlı qardaşlarımız heç bir zaman yalnız olmadıqlarını görəcəklər”
|
Türkiyə prezidenti Abdulla Gül Vanda baş verən zəlzələ ilə bağlı yeni açıqlama verib. «KƏLAMİNFO» TRT-yə istinadən xəbər verir ki, Gül: «Şərqdən qərbə, cənubdan şimala hər kəs ən yaxınını bu zəlzələdə itirmiş kimi qaçır. Bütün vanlı qardaşlarımız heç bir zaman yalnız olmadıqlarını görəcəklər» deyib. Prezident bölgəyə edəcəyi səfəri yardım fəaliyyətlərini ləngitməmək üçün təxirə saldığını açıqlayıb və ən qısa zamanda Vana gedəcəyini bildirib. Prezident: «Bütün millətimizin belə bir kədər qarşısında bütövləşdiyini görməkdən böyük məmnunluq duyuram» deyib.
|
26.10.11 Məqaləni oxumaq
|
|
|
Qəddafinin öldürülməsi ilə bağlı Haaqa məhkəməsinə müraciət ediləcək
|
Liviya lideri Müəmmar Qəddafinin öldürülməsi ilə bağlı Beynəlxalq Haaqa Məhkəməsinə müraciət ediləcək. İddianı Qəddafinin ailəsi qaldırıb. Onların Qəddafinin öldürülməsi faktını hərbi cinayət adlandırıblar. «KƏLAMİNFO»nun məlumatına görə, Qəddafi ailəsinin vəkili Marsel Sessaldi Fransanın «Europe1» radiostansiyasına verdiyi açıqlamada bildirib ki, onlar hərbi cinayət faktı üzrə iddia qaldıracaqlar. «NATO vertolyotları onun getdiyi kortejə atəş açıblar. Bu kortej mülki əhali üçün bir təhlükə törətmirdi. Bu, Qəddafinin öldürülməsi üzrə NATO-nun planlaşdırdığı bir əməliyyat idi» - deyə vəkil vurğulayıb. Qəddafinin ailəsi, həmçinin keçmiş liderin meyiti üzərində təhqirlərə yol verilməsindən də qəzəblənib.
|
26.10.11 Məqaləni oxumaq
|
|
|
Azərbaycanlı miqrantlar Rusiyada sayca üçüncüdür
|
Rusiyada sayına görə azərbaycanlı miqrantlar 3-cü yerdə gəlir. “KƏLAMİNFO”nun məlumatına görə, bunu Azərbaycanda səfərdə olan Rusiya Federasiyası Əmək və Məşğulluq Xidmətinin rəis müavini İvan Şklovets deyib. Onun sözlərinə görə, 1-ci və 2-ci yerləri Ukrayna ilə Özbəkistan bölüşür. İ.Şklovets Rusiyadakı azərbaycanlı miqrantların sayı ilə bağlı dəqiq məlumata malik olmadığını deyib. Qeyd edib ki, ümumilikdə federasiyada 3-4 milyon qanuni miqrant fəaliyyət göstərir. Qonaq qeyri-qanuni formada Rusiyada yaşayan miqrantların sayını da söyləyə bilməyəcəyini deyib.
|
26.10.11 Məqaləni oxumaq
|
|
|
Azərbaycanda demoqrafiya və sağlamlıq sorğusu keçirilib
|
Səhiyyə Nazirliyi Azərbaycanda Demoqrafiya və Sağlamlıq Sorğusu (DSS-2011) keçirib. “KƏLAMİNFO” nazirliyin mətbuat xidmətinə istinadən xəbər verir ki, sorğunun əhatə etdiyi iqtisadi regionlara Bakı, Abşeron, Gəncə-Qazax, Şəki-Zaqatala, Quba-Xaçmaz, Aran, Lənkəran, Yuxarı Qarabağ, Dağlıq Şirvan daxildir. Ümumilikdə isə bu sorğu 9 iqtisadi region üzrə 68 rayonda aparılıb. Sorğu üçün 9 iqtisadi rayon üzrə 321 klaster, onların hər birində isə təsadüfi üsulla 24 ev təsərrüfatı seçilib və son seçməyə 7704 ev təsərrüfatı düşüb. Sorğu respublika üzrə müəyyən olunmuş 10 marşrut üzrə aparılıb. Hər bir marşrut üzrə komandalar əvvəlcədən müəyyən olunmuş rayon, kənd, klaster və ev təsərrüfatları haqqında məlumatla təmin olunublar. Sorğunun səyyar işləri avqustun 1-dən oktyabrın 24-nə kimi aparılıb. Statistik təhlilin nəticələri və son hesabat 2012-ci ilin sonuna kimi təqdim olunacaq.
|
26.10.11 Məqaləni oxumaq
|
|
|
|
Səhifələr : # 1 2 3 4 5 6 7 #
|
Torpaqlarımızı qaytaraq..
|
|
|
|