|
|
Səhifələr : # 33 34 35 36 37 38 39 40 41 #
|
|
Əlillərin müdafiəsi ilə bağlı tədbirlər dövlət büdcəsi vəsaiti hesabına birbaşa maliyyələşdiriləcək
|
|
Bundan sonra Azərbaycanda əlillərin və sağlamlıq imkanları məhdud uşaqların müdafiəsi ilə bağlı tədbirlər dövlət büdcəsi vəsaiti hesabına birbaşa maliyyələşdiriləcək. “KƏLAMİNFO” xəbər verir ki, bu, ötən həftə Milli Məclisdə təsdiq olunmuş “Əlilliyin və uşaqların sağlamlıq imkanları məhdudluğunun qarşısının alınması, əlillərin və sağlamlıq imkanları məhdud uşaqların reabilitasiyası və sosial müdafiəsi haqqında” qanuna əlavə və dəyişikliklərdə nəzərdə tutulub. İndiyə qədər isə qanunda göstərilirdi ki, həmin tədbirlər dövlət büdcəsi vəsaiti hesabına yalnız müvafiq Dövlət Proqramına uyğun olaraq maliyyələşdirilə bilərdi. Dövlət Proqramı isə hər il müvafiq icra hakimiyyəti orqanı tərəfindən təsdiq edilirdi.
|
04.10.11 Məqaləni oxumaq
|
| |
|
|
|
2040-cı ildə çap qəzetləri olmayacaq
|
|
Ənənəvi qəzet kağızları 2040-cı ildə yoxa çıxacaq və onları rəqəmli daşıyıcılar əvəz edəcək. Bu ehtimalı BMT himayəsi altında fəaliyyət göstərən Dünya İntellektual Mülkiyyət Təşkilatı bəyan edib. «KƏLAMİNFO»nun məlumatına görə, «Tribune de Geneve»yə müsahibəsində təşkilatın baş direktoru Frensis Harri bildirib ki, bir neçə il ərzində bizim artıq gördüyümüz çap qəzetləri olmayacaq: «Bu, təkamüldür və burada onun yaxşı və yaxud pis olduğunu deməyin yeri yoxdur. Tədqiqatlar aparılıb və onların 2040-cı ilə qədər məhv olunacağı gözlənilir. ABŞ-da isə bu, daha tez - 2017-ci ilə kimi baş verəcək. Onun qənaətincə, təkamül prosesi qarşısıalınmazdır. ABŞ-da artıq rəqəmli daşıyıcılar kağızdan daha yaxşı satılır, şəhərlərdə isə kitabxana tapmaq çox çətindir. Lakin hadisələrin inkişafı bir sıra problemlər də yarada bilər - bunlardan biri jurnalistlərin əməyinin ödənilməsidir». Onun sözlərinə görə, mükafatlandırma üzrə xüsusi təminat sistemi olmalıdır. «Əks təqdirdə jurnalistlər yaşaya bilməzlər» - deyə o əlavə edib.
|
|
04.10.11 Məqaləni oxumaq
|
| |
|
|
|
Nəqliyyatın intellektual idarə edilməsi üçün 2200 kv.km ərazinin xəritəsi hazırlanıb
|
|
Bakı şəhəri və Abşeron yarımadasında nəqliyyatın intellektual idarə edilməsi layihəsi üzrə şəhərin 2200 kv.km ərazisində nəqliyyatın intellektual idarə edilməsi üçün Dövlət Torpaq və Xəritəçəkmə Komitəsi tərəfindən rəqəmsal xəritələr hazırlanıb. “KƏLAMİNFO” xəbər verir ki, bu barədə məlumatı DTXK sədri Qərib Məmmədov yap.org saytına müsahibəsində deyib. Onun sözlərinə görə, bu xəritələrdə 57 növdə 3d formatında məlumatlar həm mətn, həm də qrafiki formada hazırlanıb, aidiyyəti üzrə təhvil verilib. Q.Məmmədov bildirib ki, bu işin əsas sifarişçisi Nəqliyyat Nazirliyidir və işin yerinə yetirilməsi Koreyanın SKCS şirkətinə həvalə edilib. İşin əsas hissəsi olan rəqəmsal xəritələr əsasında Bakı şəhərinin və Abşeron yarımadasının ərazilərində nəqliyyat vasitələrinin hərəkəti üçün yolların gediş istiqaməti, yol nişanları, döngələr, binalar, bina nömrələri, yolların adları, strateji obyektlərin adları və ünvanları, parklar və s. barədə vizual görüntü yaranır və eləcə də istənilən yerdən tələb olunan yerə qədər olan məsafə və vaxt tez bir zamanda təyin edilir.
|
|
04.10.11 Məqaləni oxumaq
|
| |
|
|
|
Müdafiə Sənayesi Nazirliyində müstəqilliyimizin 20 illiyi ilə bağlı tədbir keçirilib
|
|
Müdafiə Sənayesi Nazirliyində “Dövlət müstəqilliyinin bərpasından keçən 20 ildə müdafiə sənayesində əldə olunmuş nailiyyətlər və perspektivlər”ə həsr edilmiş yığıncaq keçirilib. “KƏLAMİNFO” nazirliyin mətbuat xidmətinə istinadən xəbər verir ki, yığıncaqda nazir Yavər Camalov ötən 20 ildə respublika üzrə əldə olunmuş uğurlardan danışıb. Bildirib ki, 2010-cu ildə Dövlət Müdafiə Sifarişi Proqramında nəzərdə tutulmuş müdafiə təyinatlı məmulatların yaradılması üzrə aparılmış işlər 2007-ci illə müqayisədə 5,3 dəfə artıb. Cari ilin 8 ayında ümumi məhsul istehsalının həcmi ötən ilin müvafiq dövrü ilə müqayisədə 1,9 dəfə artıb ki, bunun da tərkibində müdafiə təyinatlı məmulatların xüsusi çəkisi 52,7 faiz təşkil edir.
|
|
04.10.11 Məqaləni oxumaq
|
| |
|
|
|
Vakant dövlət qulluğu vəzifələrinin tutulması ilə bağlı müsabiqə və ümumi müsahibə elan edilib
|
|
Azərbaycan Prezidenti yanında Dövlət Qulluğu Məsələləri üzrə Komissiya tərəfindən dövlət orqanlarında vakant dövlət qulluğu vəzifələrinin tutulması ilə bağlı müsabiqə və ümumi müsahibə elan edilib. DQMK-dən “KƏLAMİNFO”ya verilən məlumata görə, müsabiqəyə 73 dövlət orqanından 363 vakant vəzifə üzrə 456 vakant yer çıxarılıb.
Müsabiqədə iştirak etmək istəyənlər namizədliklərinin qeydə alınması üçün oktyabrın 4-dən noyabrın 3-dək DQMK-nin internet saytı (www.csc.gov.az, və ya www.dqmk.gov.az ) vasitəsilə qeydiyyatdan keçməlidirlər. Ümumi müsahibəyə isə 10 dövlət orqanından 78 vakant vəzifə üzrə 79 vakant yer çıxarılıb. Ümumi müsahibəyə çıxarılan yerlər arasında 3 məhkəmə orqanından 3 vakant yer də var. Ümumi müsahibədə iştirak etmək istəyən vətəndaşlar isə oktyabrın 24-dək namizədliklərinin qeydə alınması üçün müvafiq sənədlərlə şəxsən və ya poçt vasitəsilə Komissiyaya müraciət etməlidirlər.
|
|
04.10.11 Məqaləni oxumaq
|
| |
|
|
|
Bakıda İran filmləri nümayiş olunacaq
|
|
Bakıda keçiriləcək İran Mədəniyyət Günləri çərçivəsində oktyabrın 4-də və 5-də İran İslam Respublikasının filmlərinin nümayişi keçiriləcək. Mədəniyyət və Turizm Nazirliyindən “KƏLAMİNFO”ya verilən məlumata görə, film nümayişi proqramına 4 film daxil olunub. Oktyabrın 4-də “Günəş diyarı” və “Ağlayan söyüd”, oktyabrın 5-də isə “8-ci səma” və “Həzrət Süleyman səltənəti” filmlərinə baxış keçiriləcək.
Xatırladaq ki, baxışlar göstərilən tarixlərdə saat 15:30-da Muzey Mərkəzində başlayacaq.
|
|
04.10.11 Məqaləni oxumaq
|
| |
|
|
|
Rusiya qazı Ermənistanda bərpa olundu
|
|
Rusiya Ermənistanı yenə qazla təmin etdi. "KƏLAMİNFO" “armtodayinfo”-ya istinadən xəbər verir ki, Rusiyanın Cənubi Qafqazdan keçən qaz kəmərinin 52 km-də təmirin başa çatmasıyla Ermənistana ötürülən maye qaz bərpa olunub.
"Armrosqazprom" şirkətinin yaydığı məlumata əsasən, maye qaz bu gün günorta saatlarında ölkəyə verilib və qazın ötürülməsi adi həə həyata keçirilir.
Xatırladaq ki, sentyabrın 28-dən adıçəkilən qaz kəmərində təmirlər başlayıb və bununla əlaqədar olaraq Ermənistan əhalisi qazsız qalmışdı.
|
|
04.10.11 Məqaləni oxumaq
|
| |
|
|
|
Azərbaycan məktəbliləri 109 medal qazanıb
|
|
Son illər dünya və beynəlxalq fənn olimpiadalarında Azərbaycan məktəbliləri 11 qızıl, 38 gümüş, 60-dan çox bürünc medala layiq görülüb. “KƏLAMİNFO” xəbər verir ki, bu barədə məlumat təhsil naziri Misir Mərdanovun “Azərbaycan təhsili müstəqillik illərində” başlıqlı məqaləsində əks edilib.
Məqalədə qeyd edilib ki, əhalisinin sayının az olmasına baxmayaraq, medalların sayına görə Azərbaycan dünya ölkələri arasında ilk onluqda yerini qoruyub.
Məktəbdənkənar təhsil müəssisələrinin yetirmələri də müxtəlif səviyyəli yarışlarda əhəmiyyətli nailiyyətlər əldə ediblər. Məktəblilərimiz son illər respublika və beynəlxalq yarışlarda 1886 medal, o cümlədən Avropa, dünya birinciliyi və çempionatlarında 178 medal qazanıblar.
|
|
04.10.11 Məqaləni oxumaq
|
| |
|
|
|
Ziyafət Əsgərov: Azərbaycanda tam formalaşmış demokratik seçki sistemi yaranıb
|
|
Bu gün postsovet ölkələri arasında Azərbaycan tam oturuşmuş, formalaşmış demokratik seçki sisteminə görə lider ölkələrdəndir. “KƏLAMİNFO” xəbər verir ki, bunu Milli Məclisin vitse-spikeri Ziyafət Əsgərov bildirib. Onun sözlərinə görə, Azərbaycan müstəqil olduqdan sonra əsas məqsədlərimizdən biri demokratik seçki ənənələrinin formalaşdırılması idi. “1993-cü ildən bu yana Azərbaycanın demokratik seçki ənənəsi formalaşmağa başladı. Azərbaycanda tam oturuşmuş, formalaşmış demokratik seçki sistemi yaranıb. Azərbaycanda 4 prezident, 4 parlament, 4 referendum və 3 bələdiyyə seçkisi keçirilib” - deyə Z.Əsgərov vurğulayıb. O qeyd edib ki, ötən illərdə Azərbaycan xalqı seçki mədəniyyətini kifayət qədər mənimsəyib. “Eyni zamanda, Azərbaycan postsovet məkanında seçki sahəsində qabaqcıl təcrübəni öyrənməyə, maraqlı və ağlabatan tövsiyələri qəbul etməyə hazırdır” - deyə o, əlavə edib.
|
|
04.10.11 Məqaləni oxumaq
|
| |
|
|
|
TÜRKPA-nın Bakıda konfransı keçirilir
|
|
Bu gün Milli Məclisdə Azərbaycan, Qazaxıstan, Qırğızıstan, Özbəkistan və Türkmənistanın dövlət müstəqilliyinin 20-ci ildönümü münasibəti ilə Türkdilli Ölkələrin Parlament Assambleyası (TÜRKPA) tərəfindən “XXI əsrdə qadınların rolu: qadın siyasətçilərin məsuliyyəti” adlı beynəlxalq konfrans keçirilir. “KƏLAMİNFO” xəbər verir ki, tədbirdə TÜKPA-nın baş katibi Ramil Həsənov tədbirin əhəmiyyətindən, dövlət müstəqilliyi tarixində Azərbaycan qadının cəmiyyətdəki rolunun inkişafından danışıb.
|
|
04.10.11 Məqaləni oxumaq
|
| |
|
|
|
Səhifələr : # 33 34 35 36 37 38 39 40 41 # |
|
Torpaqlarımızı qaytaraq..
|
| |
|
|
|
Açılış Səhifəsi et 
