|
|
Səhifələr : # « 1 2 3 4 5 6 7 8 9 » #
|
|
Bugünədək 510 dini icma Dini Qurumlarla İş üzrə Dövlət Komitəsində qeydiyyatdan keçib
|
|
Bugünədək 510 dini icma Dini Qurumlarla İş üzrə Dövlət Komitəsində qeydiyyatdan keçib. KƏLAMİNFO xəbər verir ki, bu barədə yap.org.az saytına açıqlamasında Dini Qurumlarla İş üzrə Dövlət Komitəsinin sədri Hidayət Orucov bildirib.
H.Orucov qeyd edib ki, 30 icmanın yenidən qeydiyyata alınmasından isə imtina olunub.
“Dini etiqad azadlığı haqqında” Qanuna edilmiş sonuncu əlavə və dəyişikliklərdən sonra dini icmaların yenidən qeydiyyatına başlanıb. Hazırda bu proses davam edir. Əvvəllər qeydiyyatdan keçmiş dini icmalar 2010-cu ilin yanvar ayının 1-dək Dövlət Komitəsinə müraciət etməli idilər. Həmin dini icmaların böyük əksəriyyəti müraciət ediblər. Müraciətlərə baxılmış və icmaların çoxu qeydiyyata alınıb. Sənədlərində nöqsan və uyğunsuzluq olanların isə qeydiyyata alınmasından imtina edilib.”,-deyə komitə sədri vurğulayıb.
|
25.01.11 Məqaləni oxumaq
|
| |
|
|
|
Ölkə üzrə havanın temperaturu kəskin qalxacaq
|
|
Sabahdan etibarən respublika üzrə havanın temperaturu kəskin qalxacaq. Bu barədə məlumatı KƏLAMİNFO-ya Milli Hidrometeorologiya Departamentindən veriblər.
Bakıda və Abşeron yarımadasında havanın sabah dəyişkən buludlu, əsasən yağmursuz keçəcəyi, gecə və səhər bəzi yerlərdə duman olacağı ehtimal olunur. Cənub-qərb küləyinin əsəcəyi, arabir güclənəcəyi gözlənilir. Havanın temperaturu gecə 3-6, gündüz 10-14 dərəcə isti təşkil edəcək. Azərbaycanın rayonlarına isə, sabah hava şəraitinin əsasən yağmursuz keçəcəyi, gecə və səhər bəzi yerlərdə zəif duman olacağı ehtimal olunur. Cənub küləyinin əsəcəyi, əsasən dağlıq ərazilərdə arabir güclənəcəyi gözlənilir. Havanın temperaturu gecə 3 dərəcə şaxtadan 2 dərəcəyədək isti, gündüz 9-14 dərəcə isti, dağlarda gecə 2-7 dərəcə şaxta, gündüz 6-11 dərəcə isti təşkil edəcək.
|
|
25.01.11 Məqaləni oxumaq
|
| |
|
|
|
Xəzər dənizinin Azərbaycan sektoruna mənsub sahil zolağında 1427 ekoloji monitorinq keçirilib
|
|
Ekologiya və Təbii Sərvətlər Nazirliyinin Xəzər Kompleks Ekoloji Monitorinq İdarəsi (XKEMİ) 2010-cu il ərzində Xəzər dənizinin Azərbaycan sektorunun sahil zolağında, çimərlik ərazilərində, eləcə də, dənizdə fəaliyyət göstərən müəssisə və obyektlərdə, üzən vasitələrdə və təyin edilmiş koordinatlar üzrə açıq dənizdə, Xəzər dənizinin Azərbaycan sektoruna mənsub sahil zolağında 1427 ekoloji monitorinq keçirib.Bu barədə məlumatı KƏLAMİNFO-ya ETSN-dən veriblər.
Monitorinqin məqsədi dənizdə və sahil zolağında fəaliyyət göstərən, birbaşa və ya dolayı yolla (kollektor, kanal, çay və s. vasitəsilə) Xəzər dənizinə antropogen təsir göstərən müəssisələrdə formalaşan bütün növ (maye, qaz, bərk və s.) tullantıların dəniz suyuna, flora və faunasına, həmçinin digər su obyektlərinə göstərdiyi təsiri təhlil və tədqiq edərək məlumat toplamaq, təsirin minimuma endirilməsi istiqamətində tədbirlərin həyata keçirilməsinə nail olmaqdır.
|
|
25.01.11 Məqaləni oxumaq
|
| |
|
|
|
Binəqədi qəsəbə icra nümayəndəliyi ötən ilin yekunları ilə bağlı hesabat verdi
|
|
Binəqədi qəsəbə icra nümayəndəliyində ötən ilin yekunları ilə bağlı hesabat yığıncağı keçirilib. KƏLAMİNFO xəbər verir ki, yığıncaqda Binəqədi rayon İcra Hakimiyyətinin (RİH) başçısı Alı Qocayev və digər rəsmi şəxslər iştirak edib.
Ötən ilin yekunları ilə bağlı hesabatı təqdim edən qəsəbə icra nümayəndəsi Salam Əsgərəlizadə 2010-cu ildə müxtəlif məhəllədaxili yollarda ümumilikdə 1 km məsafəyə asfalt örtüyü döşəndiyini, qəsəbə ərazisində Böyük Vətən Müharibəsi iştirakçılarının xatirəsinə salınmış “1941-1945-ci il xatirə abidəsi” parkında bərpa-abadlıq işləri aparıldığını, Binəqədi-Novxanı yolu ətrafında abadlıq işləri görüldüyünü, III mədən korpus 119-dan 112-ci korpusadək olan 800p/m-in avtomobil yolunun cari təmir olunduğunu, eyni zamanda qəsəbənin müxtəlif yerlərində ümumilikdə 238 ədəd ağac əkildiyini vurğulayıb.
|
|
25.01.11 Məqaləni oxumaq
|
| |
|
|
|
Ombudsman Milli Məclisə amnistiya elan edilməsi ilə bağlı müraciət edib
|
|
Ombudsman E.Süleymanova Milli Məclisə amnistiya elan edilməsi ilə bağlı müraciət edib. Bu barədə məlumatı KƏLAMİNFO-ya Ombudsman Aparatının mətbuat xidmətindən veriblər. Müraciətdə qeyd olunub ki, insan hüquqlarının müdafiəsi sahəsində həyata keçirilən islahatlar sırasında amnistiya və əfvetmə xüsusi yer tutur.
Bildirilib ki, müstəqil Azərbaycan dövlətində amnistiya siyasətinin əsası ulu öndərimiz Heydər Əliyev tərəfindən qoyulub və bu siyasət onun layiqli davamçısı prezident İlham Əliyevin rəhbərliyi ilə uğurla həyata keçirilir. Aparılan demokratik-hüquqi islahatların və dövlətin cinayət-hüquq siyasətinin humanistliyinin təzahürünün tərkib hissəsini təşkil edən 9 amnistiya aktı qəbul olunub və 48 əfv fərmanı imzalanıb, on minlərlə insan ailəsinə və cəmiyyətə qovuşub.
|
|
25.01.11 Məqaləni oxumaq
|
| |
|
|
|
Bakıda “Quran elmə yol göstərir” adlı elmi konfrans təşkil edilib
|
Bakıda Gənclərin “Mənəvi İnkişafı” İctimai Birliyi tərəfindən 350 nəfərin iştirak etdiyi “Quran elmə yol göstərir” adlı elmi konfrans təşkil edilib. Gənclərin “Mənəvi İnkişafı” İctimai Birliyindən KƏLAMİNFO-ya verilən məlumata görə, konfransda alimlər, tədqiqatçılar, QHT rəhbərləri, media nümayəndələri və tələbələr iştirak edib. Konfransın əsas məqsədi kainatı, Yer kürəsini, canlıları tədqiq etməyin və Allahın yaratma sənətini kəşf edərək insanlara açıqlamağın yollarından birinin elm olduğunu bildirmək olub. Bundan başqa, konfransda Quran və elmin paralelliyini göstərən elmi faktlar da sadalanıb.
Tədbirdə mühazirələrlə yanaşı, sərgi də təşkil olunub. Sərgidə təkamül nəzəriyyəsinin əsassızlığını sübut edən, canlıların qətiyyən təkamül keçirmədiyini göstərən milyonlarla il yaşı olan fosillər (daşlaşmış canlı və bitki qalıqları) nümayiş etdirilib.
|
|
25.01.11 Məqaləni oxumaq
|
| |
|
|
|
P.Semnebi: “Avropa İttifaqının Azərbaycanın ərazi bütövlüyü ilə bağlı mövqeyi dəyişməzdir”
|
Avropa İttifaqının Azərbaycanın ərazi bütövlüyü ilə bağlı mövqeyi dəyişməzdir. KƏLAMİNFO xəbər verir ki, bunu Aİ-nin Cənubi Qafqaz üzrə xüsusi nümayəndəsi Piter Semnebi Bakıda jurnalistlərə müsahibəsində deyib.
Diplomat bildirib ki, səfəri çərçivəsində Azərbaycan hökumətinin nümayəndələri ilə məsləhətləşmələr aparacaq, Ombudsman Elmira Süleymanova və vətəndaş cəmiyyətinin təmsilçiləri ilç görüşəcək. “Məni Avropa Komissiyası rəhbərinin Azərbaycana səfərindən sonra xarici siyasətlə bağlı məsələlər maraqlandırır. Gündəlikdə Dağlıq Qarabağ münaqişəsinin nizamlanması ilə bağlı müzakirələr var. Qarabağ probleminin həll olunmamış qalması bizi narahat edir. Biz münaqişənin həlli üçün edilən bütün cəhdlərə diqqət yetiririk. J.M.Barrozunun dediklərinin saytdan çıxarılması ilə bağlı deyilənlərə gəlincə, bunu şişirtmək istəməzdim. Saytda mətnin əvvəlki versiyası olub”,-deyə P.Semnebi vurğulayıb.
|
|
25.01.11 Məqaləni oxumaq
|
| |
|
|
|
Mədəniyyət və Turizm Nazirliyi Bakıda Beynəlxalq Gənclər İlinə həsr olunan konsert keçirəcək
|
Mədəniyyət və Turizm Nazirliyinin dəstəyi ilə yanvarın 28-də Azərbaycan Dövlət Filarmoniyasında Beynəlxalq Gənclər İlinə və 2 Fevral Gənclər Gününə həsr olunmuş “Gəncliyin səsi” layihəsi çərçivəsində konsert keçiriləcək. Bu barədə məlumatı KƏLAMİNFO-ya nazirliyin mətbuat xidmətindən veriblər.
Beynəlxalq müsabiqələr laureatı Əyyub Quliyevin rəhbərliyi ilə Ü.Hacıbəyli adına Azərbaycan Dövlət Simfonik Orkestri maraqlı proqram ilə çıxış edəcək. Proqramda gənc bəstəkarların simfonik əsərləri ilk dəfə səslənəcək. Konsertin solisti kimi gənc pianoçu, Beynəlxalq müsabiqələr laureatı Zakir Əsədov çıxış edəcək.
Qeyd edək ki, 2010-cu ilin avqust ayından 2011-ci ilin avqust ayına qədər BMT tərəfindən dünyada Beynəlxalq Gənclər günü elan edilib. Azərbaycan bu layihədə aktiv iştirakçıdır.
|
|
25.01.11 Məqaləni oxumaq
|
| |
|
|
|
|
|
|
|
Səhifələr : # « 1 2 3 4 5 6 7 8 9 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
