|
|
Səhifələr : # « 1 2 3 4 5 6 » #
|
|
Səhiyyə Nazirliyi səhiyyə mütəxəssislərinin sertifikasiya prosesinin müsahibə mərhələsinin nəticələrini açıqlayıb
|
Səhiyyə Nazirliyi yanvarın 26-da keçirdiyi praktik tibb və əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesinin növbəti ikinci - müsahibə mərhələsinin nəticələrini açıqlayıb. Bu barədə məlumatı KƏLAMİNFO-ya nazirliyin mətbuat xidmətindən veriblər.
Müsahibədə 12.01.2011-ci il tarixində anesteziologiya-reanimatologiya ixtisası üzrə test imtahanı verən və birinci mərhələdən uğurlu nəticələr əldə edən həkimlər iştirak ediblər. Sertifikasiya komissiyanın yekdil qərarına görə, müsahibədə iştirak edən 7 həkim növbəti mərhələni də uğurla keçiblər.
|
28.01.11 Məqaləni oxumaq
|
| |
|
|
|
Mədəniyyət və Turizm Nazirliyinin kollektivi Fəxri Xiyabanı ziyarət edib
|
Mədəniyyət və Turizm Nazirliyinin kollektivi nazirliyin yaradılmasının 5 illiyi münasibətilə bu gün Fəxri Xiyabana gələrək ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil və gül dəstələri qoyublar.
KƏLAMİNFO xəbər verir ki, görkəmli oftalmoloq alim, akademik Zərifə xanım Əliyevanın məzarı üzərinə də tər çiçəklər düzülüb.
|
|
28.01.11 Məqaləni oxumaq
|
| |
|
|
|
Yaradılışın fəlsəfəsi
|
|
Planetimizin bizə bənzər canlı olmasını təsdiq edən dəlillərin mövcudluğu barədə müasir elm aləmində yetərli məlumatlar var. Cismimizin dəri qatının sayı ilə planetin qatlarının sayının eyni olması isə hamıya bəllidir. Belə ki, cismimizin dəri qatının ruh pərdəsi ilə əhatə olunduğu kimi planetin qatlarının alimlərin neytral zona adlandırdığı qatın da, planetin qatlarını əhatə etdiyi məlumdur. Bu qat planetin son - ruh qatıdır. Bu qatın sayəsində Yer üzərində olanlar kosmik fəzaya dağılmaqdan qorunurlar. Yerin bütün qatları onun özəyinə qədər, xaricdən bu təbəqə adi şəffaf qat kimi görünür.
|
|
28.01.11 Məqaləni oxumaq
|
| |
|
|
|
ATƏT-in fəaliyyətdə olan sədri Bakıya martın 14-də gələcək
|
|
Litvanın xarici işlər naziri, ATƏT-in fəaliyyətdə olan sədri Audronyus Ajubalis bu il martın 14-də Azərbaycana səfər edəcək. KƏLAMİNFO xəbər verir ki, bu, Litvanın xarici işlər nazirinin ATƏT-in fəaliyyətdə olan sədri kimi regiona ilk səfəri olacaq.
Səfər ərəfəsində rəsmi Bakı ilə həm ATƏT çərçivəsində, həm də ikitərəfli formatda əməkdaşlıq məsələlərinin müzakirə olunacağı gözlənilir. Danışıqlarda əsas diqqət Ermənistan-Azərbaycan, Dağlıq Qarabağ münaqişəsinin nizamlanması məsələsi, münaqişənin həllində Litvanın ATƏT-in sədri kimi səylərinə yönəldiləcək.
|
|
28.01.11 Məqaləni oxumaq
|
| |
|
|
|
Qəbələ Rayon Mərkəzi Xəstəxanasında könüllü qanvermə aksiyası keçirilib
|
|
Səhiyyə Nazirliyinin təşkilatçılığı, Mərkəzi Qan Bankının və onun Şəki bölməsinin iştirakı ilə Qəbələ Rayon Mərkəzi Xəstəxanasında könüllü qanvermə aksiyası keçirilib. Bu barədə məlumatı KƏLAMİNFO-ya Səhiyyə Nazirliyindən veriblər.
Aksiya zamanı 230 nəfər könüllü olaraq qan verib. Tədarük olunan qan və qandan hazırlanan preparatlardan hemofiliyalı və talassemiyalı, həmçinin qana ehtiyacı olan bütün xəstələrin müalicəsində istifadə olunacaq.
|
|
28.01.11 Məqaləni oxumaq
|
| |
|
|
|
Mədəniyyət və Turizm Nazirliyinin 5 illik yubileyi ilə əlaqədar kitab sərgisi keçiriləcək
|
|
Sabahdan etibarən M.F.Axundov adına Azərbaycan Milli Kitabxanasında Mədəniyyət və Turizm Nazirliyinin 5 illik yubileyi ilə əlaqədar 2006-2010-cu illərdə işıq üzü görmüş nəşr məhsullarından ibarət kitab sərgisi başlayacaq. Bu barədə məlumatı KƏLAMİNFO-ya nazirliyin mətbuat xidmətindən veriblər.
Eyni zamanda 3 dildə nəşr olunan “Mədəniyyət” kataloqunun 4-cü sayının və “Bizim nəşrlər” kataloqunun təqdimat mərasimi keçiriləcək. Sərgidə təqdim olunan kitabların əksəriyyəti mədəniyyət, incəsənət, ədəbiyyat, kulturologiya, mədəni irsin qorunması və turizm sahələrini əhatə edir.
|
|
28.01.11 Məqaləni oxumaq
|
| |
|
|
|
TQDK sınaq imtahanlarının nəticələrini açıqlayıb
|
|
Tələbə Qəbulu üzrə Dövlət Komissiyası (TQDK) yanvarın 23-də Bakı, Naxçıvan, Sumqayıt, Gəncə, Lənkəran, Şəki, Quba, Göyçay, Şirvan, Ağcabədi və Mingəçevir şəhərlərində keçirdiyi sınaq imtahanlarının nəticələrini açıqlayıb. Bu barədə məlumatı KƏLAMİNFO-ya TQDK-nın mətbuat xidmətindən veriblər.
İmtahanın nəticələri TQDK-nın rəsmi internet səhifəsində yerləşdirilib. Sınaq imtahanında iştirak etmək üçün 31 min 126 abituriyent qeydiyyatdan keçib ki, onlardan da 1460 nəfəri imtahanda iştirak etməyib. 29 nəfər qaydalara zidd hərəkətlərə yol verdiklərinə görə, imtahandan xaric olunub. Qeyd edək ki, növbəti sınaq imtahanlarının müntəzəm olaraq aprel ayından etibarən keçirilməsi nəzərdə tutulub.
|
|
28.01.11 Məqaləni oxumaq
|
| |
|
|
|
Serj Sarkisyan: "Azərbaycan istənilən sayda hərbi sursat almaq iqtidarındadır”
|
|
Dağlıq Qarabağ münaqişəsi nəticəsində yaranmış humanitar problemlərin çözümü yalnız konflikt siyasi həllini tapdıqdan sonra mümkündür. KƏLAMİNFO xəbər verir ki, bu barədə Ermənistan prezidenti Serj Sarkisyan bildirib.
Onun sözlərinə görə, indiki zamanda humanitar məsələlərin həllində mühüm nəticələr gözləmək olduqca çətindir. "Mən uzunmüddətli sülh barədə danışanda insanların psixoloji hallarını da nəzərə alıram. Azərbaycanda elə bir antierməni ab-hava yaranıb ki, hətta “bütün ermənilərə ölüm” ifadəsi onlarda terminə çevrilib",- deyə S.Sarkisyan vurğulayıb. Humanitar məsələlərə gəlincə isə erməni prezident bildirib ki, bunu 1995-ci ildə həll etsəydik, daha düzgün olardı və 1994- cü ildəki dərdimizi unutmaq üçün daha əlverişli addım sayılardı. “Lakin təəssüf ki, Azərbaycan rəhbərliyi başqa yolu seçdi. Onlar bunu fasilə kimi qəbul edib neftin daha çox fontan vurmasını gözlədi”,-deyə S.Sarkisyan bəyan edib. O həmçinin bugün Azərbaycanın vəsaiti çox olduğunu, hərbi məsələni həll etmək üçün istənilən sayda hərbi sursat almaq iqtidarında ola biləcəyini də təsdiqləyib.
|
|
28.01.11 Məqaləni oxumaq
|
| |
|
|
|
2030-cu ildə dünya müsəlmanlarının sayı 2.2 mlrd. olacağı gözlənilir
|
|
2030-cu ildə dünyadakı müsəlmaların nüfuzu son 20 ildə 35% artacağı gözlənilir. KƏLAMİNFO Türkiyə mətbuatına istinadən xəbər verir ki, 2010-cu ildə Türkiyədə müsəlmanları sayı 74 mln. 660 min nəfər olub, 2020-ci il üçün isə bu rəqəmin 82 mln. 715 min olacağı bildirilir.
Keçən il ən çox müsəlmana sahib ölkə kimi liderliyi İndoneziya, ikinci yeri Pakistan, üçüncü yeri isə Hindistan tutur. Türkiyə bu sırada 8-cidir. Dünyada keçən ilin hesablamalarına görə, 1.6 mlrd. müsəlman yaşayır. 2030-cu ildə isə bu rəqəmin 2.2 mlrd-a qədər artacağı qeyd olunur. Avropada hazırda 44 mln. 138 min müsəlman yaşayır. Bu rəqəm 2030-cu ildə 58 mln. 209 minə qədər artacaq.ABŞ-da isə müsəlmanların nüfuzu 2.5 qat artacaq. Ötən il ABŞ-da 5 mln. 265 min müsəlman yaşayırdısa, 2030-cu ildə bu say 10 mln. 927 minə qədər artacağı proqnozlaşdırılır.
|
|
28.01.11 Məqaləni oxumaq
|
| |
|
|
|
Müdafiə sənayesi naziri Y.Camalovun rəhbərlik etdiyi nümayəndə heyəti Çexiyada rəsmi səfərdə olub
|
|
Müdafiə sənayesi naziri Yavər Camalovun rəhbərlik etdiyi nümayəndə heyəti Çexiya Respublikasının Sənaye və Ticarət Nazirliyinin dəvəti ilə bu ölkədə rəsmi səfərdə olub. Bu barədə məlumatı KƏLAMİNFO-ya Müdafiə Sənayesi Nazirliyindən veriblər.
Səfər çərçivəsində nazir Y.Camalov Çexiyanın müdafiə naziri Aleksandr Vondra, sənaye və ticarət nazirinin müavini Milan Hovorka, xarici işlər nazirinin müavini Tomaş Dub və bu ölkənin hərbi sənaye kompleksinə daxil olan şirkət və müəssisələrin rəhbərləri ilə görüşüb. Görüşlərdə Azərbaycanla Cexiya arasında müdafiə sənayesi üzrə əməkdaşlığın perspektivlərinə dair geniş fikir mübadilələri aparılıb və bu sahədə ümumi razılıq əldə olunub.
Nümayəndə heyəti Cexiyanın hərbi sənaye kompleksinə daxil olan şirkət və müəssisələrlə yaxından tanış olublar.
|
|
27.01.11 Məqaləni oxumaq
|
| |
|
|
|
Səhifələr : # « 1 2 3 4 5 6 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
