|
|
Səhifələr : # 13 14 15 16 17 18 19 20 21 #
|
|
Arif Həşimov: “İstəyirik ki, mart ayında doktoranturaya qəbula başlayaq”
|
|
Doktoranturaya qəbulla bağlı elanın nə vaxt veriləcəyi hələlik məlum deyil, ancaq istəyirik ki, proses bu ayın sonuna kimi reallaşsın və mart ayında qəbul başlanılsın. Bu barədə açıqlamanı KƏLAMİNFO-ya müsahibəsində Azərbaycan Milli Elmlər Akademiyasının birinci vitse-prezidenti, akademik Arif Həşimov söyləyib.
Akademik bildirib ki, Nazirlər Kabineti “Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların siyahısı”nı təsdiq edib və hazırda müəssisələr tərəfindən hökumətə qəbul planının təqdim edilməsi prosesi gedir. Onun sözlərinə görə, qəbulla bağlı elan planın təqdim edilməsi prosesi Təhsil Nazirliyi, AMEA-nın rəyindən sonra baş tutacaq.
Xatırladaq ki, Nazirlər Kabineti ötən ilin sonlarında “Doktoranturalar yaradılan Azərbaycan Respublikasının ali təhsil müəssisələrinin və elmi təşkilatların siyahısı”nı təsdiq edib. Siyahı hazırlanarkən aidiyyəti nazirlik, komitə və təşkilatların təklifləri, AMEA və Təhsil Nazirliyinin rəyləri nəzərə alınıb. Siyahıya əsasən, təhsil müəssisələrinin qəbul planının təqdim edilməsi prosesinə dekabrın 20-dən start verilir.
|
06.01.11 Məqaləni oxumaq
|
| |
|
|
|
DAAD-ın bir qrup nümayəndə heyəti Azərbaycana gələcək
|
|
Yanvarın 10-11-i tarixlərində “Alman Akademik Mübadilə Xidməti” (DAAD) təşkilatının bir qrup nümayəndə heyəti Azərbaycana gələcək. Bu barədə KƏLAMİNFO-ya Almaniyanın ölkəmizdəki səfirliyinin mətbuat xidmətinin rəhəbəri Orxan Səttarov məlumat verib.
O qeyd edib ki, səfər çərçivəsində nümayəndə heyətinin Təhsil Nazirliyinin rəsmiləri ilə görüşü olacaq. Onun sözlərinə görə, görüşdə əsasən növbəti bir qrup azərbacanlı gəncin Almaniyada təhsil almasını təmin etmək məsələləri müzakirə ediləcək.
Xatırladaq ki, Almaniya ilə ali təhsil sahəsində əməkdaşlıq əlaqələrinin təməli hələ sovet dövründə Zigen Universiteti ilə Azərbaycan Dövlət Neft Akademiyası arasında və “Alman Akademik Mübadilə Xidməti (DAAD)” təşkilatı vasitəsilə qoyulub.
|
|
06.01.11 Məqaləni oxumaq
|
| |
|
|
|
Ötən il rabitə və informasiya texnologiyaları sahəsi üçün uğurlu olub
|
Ötən il ərzində informasiya-kommunikasiya texnologiyaları (İKT) və poçt sektorundan əldə olunan gəlirlərin həcmi 2009-cu ilə nisbətən 31,3% artaraq 1158,9 mln. manata çatıb. Bu barədə məlumatı KƏLAMİNFO-a rabitə və İnflrmasiya Texnologiyaları Nazirliyindən veriblər.
Ötən il rabitə və informasiya texnologiyaları sahəsində bir sıra vacib işlər görülüb və mühüm uğurlar qazanılıb.
Belə ki, regionların telekommunikasiya şəbəkəsinin tam elektronlaşması başa çatdırılıb, ölkənin ən ucqar yaşayış məntəqələrində müasirtipli elektron ATS-lərin qurulması təmin edilib.
|
|
06.01.11 Məqaləni oxumaq
|
| |
|
|
|
Qabil Hüseynli: “Müsavatdan istefam şəxsi deyil, siyasi xarakter daşıyır”
|
|
“Müsavat Partiyasından istefa verməyim şəxsi deyil, siyasi xarakter daşıyır”. Bu barədə KƏLAMİNFO-ya müsahibəsində partiyanın sabiq sədr müavini, politoloq Qabil Hüseynli bildirib.
O, istefanın səbəbləri üzərində çox dayanmaq istəmədiyini bildirib. “Bundan sonra mənimlə bir yerdə istefa verən partiyanın divan üzvü Adil Qeybulla ilə birlikdə “Müsavat irsi və müasirlik” adlı yeni maarifləndirici qurum təsis etmək qərarına gəlmişik. Hazırda fəaliyyətimizi bu istiqamətdə qurmağı planlaşdırırıq”,-deyə Q.Hüseynli vurğulayıb.
|
|
06.01.11 Məqaləni oxumaq
|
| |
|
|
|
E.Hüseynov: “İstehlakçı hüququnu qoruyacaq yeni mükəmməl mexanizm yaradılacaq”
|
|
Azad İstehlakçılar Birliyi (AİB) tərəfindən istehlakçıların huquqlarının daha mükəmməl qorunması üçün yeni mexanizm yaradılacaq. Bu barədə KƏLAMİNFO-ya AİB sədri E.Hüseynov məlumat verib.
Təşkilat sədri deyib ki, yeni mexanizm yaratmaq məqsədilə Avarasiya Fonduna dəstəklənməsi üçün dəyəri 28 300 dollar olan “İnfilyasiyanın aşağı düşməsi üçün istehlakçıların kollektiv məsuliyyətinin artırılması” adlı layihə təqdim edilib. E.Hüseynov bildirib ki, 8 aya həyata keçiriləcək 3 mərhələdən ibarət olacaq layihə çərçivəsində istehlakçı hüququnu qoruyacaq yeni mükəmməl mexanizm yaradılaraq hökumətə, biznesmenlərə təqdim olunacaq.
|
|
06.01.11 Məqaləni oxumaq
|
| |
|
|
|
DƏM-in əsasnaməsi və təşkilati strukturu üzrə qaydalarla bağlı təkliflər hazırlanacaq
|
|
Ötən ilin iyul ayından etibarən Dövlət Əmək Müfəttişliyinin (DƏM) beynəlxalq tələblərə cavab verən strategiyasının həyata keçirilməsi ilə bağlı Fəaliyyət Planına dəstək verilməsi məqsədi ilə hazırlanmış Dövlət Əmək Müfəttişliyinin Potensialının Artırılması layihəsinin icrasına başlanılıb.
DƏM-in mətbuat xidmətindən KƏLAMİNFO-ya verilən məlumata görə, 3 illik layihə çərçivəsində yerli və beynəlxalq ekspertlərin Azərbaycanda toplanacağı, DƏM-in rəhbər işçiləri ilə sıx əməkdaşlıq edərək, adıçəkilən qurumun potensialının gücləndirilməsinə dəstək vermək məqsədi ilə bir çox fəaliyyətlər həyata keçirəcəyi nəzərdə tutulur. Bu fəaliyyətlər peşə qəzaları və xəstəliklərinin azaldılması, iş şəraitinin yaxşılaşdırılması, işəgötürənlər, işçilər və ictimaiyyətin məlumatlandırılması səviyyəsinin artırılması və iş yerlərində qəzaların qarşısının alınması məsələsinə sosial tərəfdaşların (işəgötürənlər birlikləri və həmkarlar ittifaqları) cəlb olunmasına xidmət edəcək.
|
|
06.01.11 Məqaləni oxumaq
|
| |
|
|
|
DSMF-ya 49 614 müraciət ünvanlanıb
|
|
Ötən il ərzində Dövlət Sosial Müdafiə Fondunun (DSMF) "190" nömrəli telefon məlumat xidmətinə ümumilikdə 49 614 müraciət ünvanlanıb. DSMF-nin mətbuat xidmətindən KƏLAMİNFO-ya verilən məlumata görə, sorğu və müraciətlərin 54%-i canlı rejimdə, birbaşa olaraq məsləhətçi-operatorlar tərəfindən cavablandırılıb. Telefon məlumat xidmətinə daxil olan müraciətlərin 46%-i isə qeyri-iş günlərinə təsadüf edib və bu zaman suallara avtomatik olaraq elektron operator tərəfindən standart formada cavablar verilib.
|
|
06.01.11 Məqaləni oxumaq
|
| |
|
|
|
Elmir Quliyev: «Son illər Azərbaycanda dini təhsil sistemində müsbət irəliləyişlər nəzərə çarpır»
|
Bir neçə gün əvvəl milli islamşünas, Quranı rus dilinə tərcümə etmiş fəlsəfə doktoru Elmir Quliyev «İlahiyyat təhsilində müəllimlərin ixtisasının artırılması və pedaqoqun rolunun gücləndirilməsi» mövzusunda beynəlxalq konfransda iştirak etdiyi Moskva şəhərindən qayıdıb. Müxbirimiz səfərdən aldığı təəssüratlarını, Azərbaycanda və xaricdə islam təhsilinin gələcəyinə dair fikirlərini bizimlə bölüşməyi ondan xahiş edib.
- Elmir bəy, Moskvadakı konfrans kim tərəfindən təşkil olunmuşdu və orada kimlər iştirak edirdi?
- Konfransı Moskva İslam Universiteti ilə Sankt-Peterburq Dövlət Universiteti birgə təşkil etmişdi. Bu artıq üçüncü belə tədbirdir və çox ehtimal ki, ənənə halını alacaqdır. Forum iştirakçıları arasında Rusiya Müftilər Şurasının sədri, müfti Ravil Qaynuddin, İslam Təhsili Şurasının sədri, Moskva İslam Universitetinin rektoru Marat Murtazin, Böyük Britaniya, İndoneziya, Pakistan, Türkiyə, İran və Səudiyyə Ərəbistanından olan nüfuzlu ilahiyyatçılar, Rusiya dövlət strukturlarının və ali təhsil müəssisələrinin nümayəndələri də var idi. Təşkilatçıların müzakirəyə çıxardığı problemin aktuallığı, zənnimcə, heç bir şübhə doğurmur. Rusiyada və ümumiyyətlə, postsovet məkanında dini təhsilin inkişafı bu gün ölkələrimizin müsəlman əhalisi qarşısında duran ən mühüm vəzifələrdən biridir. Rusiyada da bu addımın əhəmiyyəti ən yüksək səviyyədə dərk edilir.
|
|
06.01.11 Məqaləni oxumaq
|
| |
|
|
|
“M.Brayzanın Azərbaycana səfir təyin olunması Ermənistanın xarici siyasətində cərəyan edən uğursuzluğun nəticəsidir”
|
|
“Metyu Brayzanın Azərbaycana səfir təyin olunması Ermənistanın daxili siyasətində başlayan uğursuzluğun son aylar xarici siyasətində cərəyan edən davamıdır”. Bu barədə KƏLAMİNFO-ya müsahibəsində Prezident yanında Geostrateji Araşdırmalar Mərkəzinin direktor müavini, politoloq Elman Nəsirov bildirib.
Onun fikirincə, bu, Ermənistanın xarici siyasətində son zamanlar yaranan dərin çatların təzahür formalarından biridir. “Nəzərə alaq ki, Ermənistanın son bir ildə xarici siyasətinin əsas prioritetlərindən biri M.Brayzanın Azərbaycana səfir kimi gəlməsinin qarşısını almaq idi. Lakin, bu şəxsən ABŞ prezidenti tərəfindən baş verdi. Çünki, İrəvan 2010-cu ildə xarici siyasətdə, xüsusən də ABŞ-la münasibətdə özü üçün heç də xoşa gəlməz sürprizlərlə üzləşdi. Bunların da kulminasiya nöqtəsi ilin sonuna yaxın erməni lobbisinin Birləşmiş Ştatlarda törətdiyi dəhşətli cinayətin üstünün açılması oldu. Bu ABŞ-a 100 milyonlarla ziyan vuran 150 nəfərdən ibarət erməni mafiyasının tutulmasıdır. Həmin qrupun da birbaşa Ermənistan prezidentinin qardaşı ilə, dolayısı ilə Serj Sarkisyanın özü ilə bağlı olmasının aşkarlanması erməni hakimiyyətinin xarici ümidlərini puç etdi”,-deyə ekspert vurğulayıb.
|
|
06.01.11 Məqaləni oxumaq
|
| |
|
|
|
Təhsil Nazirliyinin “qaynar-xətt” xidmətinə 14239 müraciət daxil olub
|
|
Ötən il ərzində Təhsil Nazirliyinin “qaynar-xətt” xidmətinə 14239 müraciət daxil olub. Bu barədə məlumatı KƏLAMİNFO-ya müsahibəsində Təhsil Nazirliyi Ali və orta ixtisas təhsili şöbəsinin baş məsləhətçisi, “qaynar-xətt”in xidmətinin koordinatoru Ənvər İmanov söyləyib.
Ə.İmanov bildirib ki, müraciətlərin 70 faizi sorğu, qalanları isə şikayət xarakterli olub. Onun sözlərinə görə, sorğular operativ olaraq cavablandırılıb, şikayətlər isə araşdırılaraq müvafiq tədbirlər görülüb. Ə.İmanov “qaynar-xətt” xidmətinin və Korrupsiyaya Qarşı Mübarizə üzrə İşçi Qrupun ötən ilki fəaliyyəti ilə bağlı hesabatın artıq hökumətə və Baş Prokuror yanında Korrupsiyaya Qarşı Mübarizə İdarəsinə göndərildiyini söyləyib.
Qeyd edək ki, Təhsil Nazirliyndə, “qaynar-xətt” xidməti ilə yanaşı, Korrupsiyaya Qarşı Mübarizə üzrə İşçi Qrupu da fəaliyyət göstərir.
|
|
06.01.11 Məqaləni oxumaq
|
| |
|
|
|
Səhifələr : # 13 14 15 16 17 18 19 20 21 # |
|
Torpaqlarımızı qaytaraq..
|
| |
|
|
|
Açılış Səhifəsi et 
