|
|
Səhifələr : # « 1 2 3 4 5 6 7 8 » #
|
|
Vakant vəzifələrin tutulmasına 353 namizəd iddialıdır
|
|
Prezident yanında Dövlət Qulluğu Məsələləri üzrə Komissiya (DQMK) tərəfindən vakant dövlət qulluğu vəzifələrinin tutulması üçün elan edilən müsabiqə davam edir. DQMK-nin mətbuat katibliyindən KƏLAMİNFO-ya verilən məlumata görə, 5 dövlət orqanında 32 vakant vəzifənin tutulması üçün bu günə qədər 353 namizəd sənədlərini təqdim edib.
Xatırladaq ki, DQMK tərəfindən vakant dövlət qulluğu vəzifələrinin tutulması üçün müsabiqə sentyabrın 1-də elan edilib. Qaydalara görə, müsabiqədə iştirak etmək arzusunda olan Azərbaycan vətəndaşları sənədlərini setyabrın 30-dək şəxsən, yaxud poçtla təqdim etməlidirlər.
|
27.09.10 Məqaləni oxumaq
|
| |
|
|
|
İçəri Şəhər haqqında kitab çıxıb
|
Rabitə və İnformasiya Texnologiyaları Nazirliyinin (RİTN) Azərmarka şirkəti Bakının mərkəzində yerləşən tarixi-memarlıq qoruğu olan İçəri Şəhərə həsr olunmuş kitabın nəşrini təşkil edib. Bu barədə məlumatı KƏLAMİNFO-ya RİTN-nin mətbuat xidmətindən veriblər.
Azərbaycan və ingilis dillərində İçəri Şəhərin təsviri, eləcə də onun tarixi, buradakı tanınmış tikililər və abidələr haqqında bəhs edən kitab nəfis dizayna malikdir və suvenir nəşr kimi ərsəyə gətirilib. Kitabda həmçinin İçəri Şəhər haqqında Azərmarka tərəfindən bir qədər bundan əvvəl dövriyyəyə buraxılmış 12 marka və poçt bloku öz əksini tapıb. Burada hər bir markanın təsviri haqqında geniş izah da verilir.
|
|
25.09.10 Məqaləni oxumaq
|
| |
|
|
|
İran 11 sentyabr hadisələrində ABŞ-ı ittiham edib
|
İran prezidenti Mahmud Əhmədinejat Birləşmiş Millətlər Təşkilatını ABŞ-da baş vermiş 11 sentyabr hadisələrini tədqiq etmək üçün müstəqil qrup yaratmağa çağırıb. KƏLAMİNFO Rusiya mətbuatına istinadən xəbər verir ki, İran prezidenti bu terror aktının üç fərziyyəsinin olduğunu bildirib. “Birinci fərziyyəsi budur ki, bu ABŞ-ın ərazisinə böyük terror qruplaşmasının birinci müdaxiləsi olub. İkinci fərziyyəyə əsasən, ABŞ özü bu hücumu amerika iqtisadiyyatının düşməsini dayandırmaq və Yaxın Şərqdə Amerikanın təsir gücünü artrırmaq üçün edib və insanların əksəriyyəti bu fərziyə ilə razılaşır. Üçüncü versiya isə Amerika hökümətinin dəstəyi ilə hansısa terror qrupunun hücumu ilə bu hadisə törədilib”,-deyə M.Əhmədinejat vurğulayıb.
Həmçinin İran lideri 11 sentyabr hadisələrinin bu ilki ildönümündə Nyu-Yorkda Quranın yandırmasına da münasibət bildirib. O bu cür hərəkətləri yolverilməz və təhqiredici adlandırıb.
|
|
25.09.10 Məqaləni oxumaq
|
| |
|
|
|
Qəzaya uğrayan hərbçilərimiz dünyasını dəyişib
|
Müdafiə Nazirliyinin “N” saylı hərbi hissəsinə məxsus hərbi maşının qəzaya uğraması nəticəsində yaralanan iki hərbçimiz dünyasını dəyişib. Bu barədə məlumatı KƏLAMİNFO-ya Müdafiə Nazirliyinin mətbuat xidmətindən veriblər.
Qəza nəticəsində ağır yaralanan Azərbaycan Ordusunun hərbçiləri, Bərdə rayon sakini, 1975-ci il təvəllüdlü Məzahir Soltan oğlu Qasımov və Masallı rayon sakini, 1978-ci il təvəllüdlü Səbuhi Balağa oğlu Şirinov həkimlərin səyinə baxmayaraq, xəstəxanada dünyasını dəyişiblər.
Digər hərbçi Bakı şəhəri, Yasamal rayon sakini, 1975-ci il təvəllüdlü Elşad Yaşar oğlu Məmmədov isə qəza zamanı hadisə yerində keçinib.
Qeyd edək ki, hadisə sentyabrın 23-ü saat 14.30 radələrində Sumqayıt-Xızı yolunda qeydə alınıb.
|
|
25.09.10 Məqaləni oxumaq
|
| |
|
|
|
Azərbaycanla Qrenada arasında kommünike imzalanıb
|
Xarici işlər naziri Elmar Məmmədyarov Nyu-Yorkda Qrenadanın xarici işlər naziri Peter David ilə görüşüb. Bu barədə məlumatı KƏLAMİNFO-ya Xarici İşlər Nazirliyindən veriblər.
Nazirlər “Azərbaycan Respublikası və Qrenada arasında Diplomatik Əlaqələrin qurulması haqqında birgə kommünike” imzalayıblar.
E.Məmmədyarov həmkarına Azərbaycanın iqtisadi durumu və inkişafı, ölkənin apardığı enerji siyasəti haqda geniş məlumat verib.
Görüşdə iki ölkə arasında əməkdaşlığının gələcək perspektivləri müzakirə edilib.
|
|
25.09.10 Məqaləni oxumaq
|
| |
|
|
|
“Moskva Bakı ilə yumşaq münasibət qurmağa məcburdur”
|
Türkiyə ilə Azərbaycan arasında yaranan yeni Strateji Əməkdaşlıqdan sonra Moskva Bakı ilə münasibətdə ən azı yumşaldıcı istiqamət götürmək məcburiyyətindədir. Bunu KƏLAMİNFO-ya müsahibəsində politoloq Cümşüd Nuriyev bildirib.
C.Nuriyevin fikirincə, Rusiya bu addımı atmasa əks təqdirdə “mərkəzdənqaçma” qüvvəsi sayəsində post-sovet məkanında nəinki Azərbaycan və digər türkdilli ölkələr Moskvadan uzaqlaşacaq, hətta Tatarıstan və Başqırdıstan kimi muxtariyyətlər də Rusiyaya baş bəlası olacaqlar. “Onsuzda hazırda Rusiya Şimal Qafqazdan, Dağıstandan bərk narahatdır. Hesab edirəm Rusiya hakimiyyətində ağıllı adamlar var və belə bir vəziyyəti dəyərləndirməyi bacararlar. Rusiya həqiqəti anlamaldır ki, NATO üzvü olan Türkiyə ilə Strateji Əməkdaşlıq Azərbaycanı regionda böyük söz sahibi edir və artıq o, Ermənistanın tayı deyil”,-deyə politoloq açıqlayıb.
|
|
24.09.10 Məqaləni oxumaq
|
| |
|
|
|
“Mənim şüara ehtiyacım yoxdur”
|
Ədalət Partiyasının sədri, millət vəkili İlyas İsmayılov seçkidə şüarsız da qalib gələcəyinə inanır
Parlament seçkilərinə rəsmən start verilməsi ilə siyasi fəallığın artması eyni vaxta təsadüf edir. Siyasi partiyalar yanaşı, fərdi namizədlər də noyabrın 7-də şanslarını sınamaq istəyirlər. Məhz bu səbəbdəndir ki, deputat olmaq istəyənlərin sayı gündən-günə artır. Artıq Mərkəzi Seçki Komissiyasından imza vərəqəsi götürən namizədliyə iddialıların sayı 1000 nəfərə yaxınlaşmaqdadır. Amma təbii ki, namizədliyini verənlərin heç də hamısının seçilmək şansları yüksək deyil. Bu baxımdan, seçilmək şansı daha yüksək olan şəxslərin, millət vəkillərinin, siyasi partiya təmsilçilərinin seçki prosesi ilə bağlı rəyləri maraq doğurur. Bütün bunları nəzərə alaraq Ədalət Partiyasının sədri, millət vəkili İlyas İsmayılova müraciət etdik. Qeyd edək ki, bu seçkilərə В«İslahatВ» seçki blokunun tərkibində qatılan Ədalət Partiyası bu seçkilərdə Böyük Quruluş və Bütöv Azərbaycan Xalq Cəbhəsi partiyaları ilə tərəfdaş olacaq. Hazırda namizədliyini irəli sürmək üçün Tovuzda olan İ.İsmayılov seçki prosesi ilə bağlı fikirlərini bizimlə bölüşdü.
- İlyas müəllim, artıq seçki kampaniyasına start verilib. Seçki mühitini necə qiymətləndirirsiniz?
- Məncə, seçkilərin keçirilməsi üçün çox yaxşı şərait yaradılıb. Kim istəyir namizədliyini irəli sürür. Bütün namizəd olmaq istəyənlər kimi biz də çox rahat şəkildə bu prosesə qoşulmuşuq. İndiyədək seçki ilə bağlı atdığım addımlarda heç bir maneə ilə üzləşməmişəm.
|
|
24.09.10 Məqaləni oxumaq
|
| |
|
|
|
Prezident İlham Əliyev BMT BA-da bu gün çıxış edəcək
|
|
BMT Baş Assambleyasının 65-ci sessiyasında iştirak edən Azərbaycan prezidenti İlham Əliyevin çıxışı bu gün nəzərdə tutulub. KƏLAMİNFO BMT-nin rəsmi saytına istinadən xəbər verir ki, sentyabrın 23-də sessiyada ümumi siyasi diskussiyalar başlayacaq. Diskussiyalarda 100-dən artıq dövlət və hökumət başçısı və xarici işlər naziri iştirak edəcək.
İlk olaraq Braziliyanın xarici işlər naziri və ABŞ prezidenti çıxış edəcəklər. Sonra Ukrayna, Türkiyə, Keniya və Tacikistan prezidentlərinin çıxışları nəzərdə tutulub.
Günün ikinci yarısında çıxış edəcək prezidentlər arasında Gürcüstan, İran, Azərbaycan, İraq, Kamerun və Çili prezidentləri var.
|
|
24.09.10 Məqaləni oxumaq
|
| |
|
|
|
Sumqayıtda tələbə adına layiq görülmüş gənclərlə görüş keçirilib
|
|
Sumqayıt şəhər Gənclər və İdman Baş İdarəsi ali məktəblərə qəbul imtahanlarında 600-dən çox bal toplayaraq tələbə adına layiq görülmüş gənclərlə görüş keçirib. Bu barədə KƏLAMİNFO-ya Sumqayıt şəhər Gənclər və İdman İdarəsindən xəbər veriblər.
Görüş şəhər Uşaq və Yeniyetmələrin Yaradıcılıq Mərkəzində baş tutub. Görüş iştirakçılarını əldə etdikləri nailiyyətlərə görə təbrik edən Baş İdarənin rəisi Musa Həsənov Sumqayıt gənclərinin təhsil sahəsində əldə etdiyi nailiyyətləri sadalayaraq bu sahədə şəhərin ölkənin bütün regionlarından fərqləndiyini qeyd edib. O, şəhərdə gənclərlə iş və idman sahəsində görülmüş işlər və əldə edilmiş uğurlardan danışıb.
Qeyd edək ki, tədbirdə çıxış edən tələbələr və valideynlər göstərilən diqqətə, əldə etdikləri nailiyyətlərə görə, ölkə və şəhər rəhbərliyinə, təhsil işçilərinə öz minnətdarlıqlarını bildiriblər.
Sonda görüş iştirakçılarına Baş İdarənin hədiyyələri təqdim edilib.
|
|
24.09.10 Məqaləni oxumaq
|
| |
|
|
|
“Serj Sarkisyanın DQ-la bağlı bəyanatı məqsədli təxribatdır”
|
|
Ermənistan prezidentinin Dağlıq Qarabağın müstəqiliyi ilə bağlı bəyanatı ciddi və məqsədli təxribatdır. Bu danışıqlar prosesinə müsbət töhfə verməyən Ermənistan əhalisinə hesablanmış bir addımdır. KƏLAMİNFO rus mətbuatına istnadən xəbər verir ki, bu barədə Belçikada Avropa Siyasi Mərkəzinin Cənubi Qafqaz ölkələri üzrə eksperti Amanda Pol açıqlama verib.
Onun sözlərinə görə, böyük ehtimalla Ermənistan prezidenti S.Sarkisyanın bəyanatı daxil tələbat üçün edilib. “Təəssüf ki, bu DQ münaqişəsi üzrə sülh prosesini yalnız pozur, Ermənistan və Azərbaycan arasında münasibətləri gərginləşdirir. Onsuzda son vaxtlar dalana dirənmiş münaqişənin nizamlanmasını daha da ümüdsiz edir”,-deyə ekspert açıqlayıb.
|
|
24.09.10 Məqaləni oxumaq
|
| |
|
|
|
Səhifələr : # « 1 2 3 4 5 6 7 8 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
