|
|
Səhifələr : # « 10 11 12 13 14 15 16 17 18 » #
|
|
Parisdə Işçi Qrupun növbəti iclası keçirilir
|
|
Bu gün Parisdə Ümumdünya Mədəniyyətlərarası Dialoq Forumu İşçi qrupunun növbəti iclası keçiriləcək. İclasda mədəniyyət və turizm nazirinin müavini Sevda Məmmədəliyevanın rəhbərliyi ilə nümayəndə heyəti iştirak edir. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər.
Növbəti günlərdə isə forumla bağlı YUNESKO katibliyi, Fransa rəsmilərilə müzakirələrin aparılması, həmçinin Azərbaycanın qeyri maddi mədəni irs nümunələrinin YUNESKO-nun Qeyri maddi irsin Reprezentativ siyahısına daxil edilməsi, Azərbaycan nümayəndəsinin YUNESKO qeyri maddi irs üzrə Komitəsində işləməsi üçün namizədliyinin təqdim edilməsi, Luvr muzeyi ilə əməkdaşlıq məsələlərinə dair danışıqlar aparılacaq.
Qeyd edək ki, 2011-ci ilin aprel ayında Bakıda Ümumdünya Mədəniyyətlərarası Dialoq Forumunun keçirilməsi nəzərdə tutulur. Forumla bağlı YUNESKO, Avropa Şurası, BMT-nin Sivilizasiyalar Alyansı, Avropa Şurasının Şimal-Cənub Məkəzi və nazirliyin nümayəndələrindən ibarət işçi qrup müvafiq sənədləri hazırlayır.
|
13.09.10 Məqaləni oxumaq
|
| |
|
|
|
Akademik Milli Dram Teatrının açılışı təxirə salınıb
|
|
Azərbaycan Akademik Milli Dram Teatrının payız mövsümündə açılışı tyəxirə salınıb. Səbəb teatrda aparılan təmir işləridir. KƏLAMİNFO xəbər verir ki, bu barədə teatrdan məlumat verilib.
Milli Dram Teatrı yeni mövsümü gələn il martın 27-də Beynəlxalq Teatr Günündə açacaq. Açılış gününə kimi teatrda bir neçə tamaşa yeni quruluşda səhnələşdiriləcək. Xalq yazıçısı İlyas Əfəndiyevin əsəri əsasında teatrın baş rejissoru Mərahim Fərzəlibəyovun quruluş verdiyi “Hökmdar və qızı” tamaşasının məşqləri artıq başlanıb. Nəzərdə tutulan digər tamaşaların məşqlərinə isə oktyabrın 1-dən başlanacaq.
|
|
13.09.10 Məqaləni oxumaq
|
| |
|
|
|
BMT Gürcüstandakı münaqişələrə dair qətnamə qəbul edib
|
|
BMT Baş Assambleyasında gündəliyə daxil edilmiş “GUAM məkanında həlli uzadılmış münaqişələr və onların beynəlxalq təhlükəsizlik, sülh və inkişafa təsiri” bəndi üzrə müzakirələr keçirilib. KƏLAMİNFO xəbər verir ki, iclasda “Abxaziya (Gürcüstan) və Cənubi Osetiyanın (Gürcüstan) Sxinvali rayonundan olan qaçqın və məcburi köçkünlərin durumu” adlı qətnamə qəbul edilib. Qətnamədə Gürcüstanda münaqişələr nəticəsində demoqrafik durumun zorla dəyişdirilməsindən narahatlıq ifadə olunur. Baş Assambleya etnik mənsubiyyətindən asılı olmayaraq qaçqın və məcburi köçkünlərin və onların nəsillərinin Gürcüstan ərazisindəki, o cümlədən Abxaziya və Cənubi Osetiyadakı evlərinə qayıtmaq hüququnu tanıyıb. Qətnamədə Gürcüstandakı münaqişələrin qurbanı olan qaçqın və məcburi köçkünlərin mülkiyyət hüquqlarının qorunmasının vacibliyi vurğulanır. Bu qətnaməni 50 dövlət dəstəkləyib, 17 dövlət sənədin əleyhinə çıxıb, 86 ölkə bitərəf qalıb.
|
|
09.09.10 Məqaləni oxumaq
|
| |
|
|
|
Həmsədrlər cəbhə bölgəsinə səfər ediblər
|
|
ATƏT-in Minsk Qrupunun həmsədrləri Robert Bradtke (ABŞ), Bernar Fasie (Fransa), İqor Popov (Rusiya) və ATƏT-in fəaliyyətdə olan sədrinin şəxsi nümayəndəsi Anjey Kaspşik (Polşa) cəbhə bölgəsinə səfər ediblər. KƏLAMİNFO xəbər verir ki, bu gün səhər Bərdə rayonuna gələn diplomatlar rayon İcra Hakimiyyətində görüş keçirdikdən sonra Tərtərə yollanacaqlar. Onlar Tərtər rayon İcra Hakimiyyətində də görüş keçirdikdən sonra Azərbaycan və Ermənistan qoşunlarının təmas xəttində keçiriləcək monitorinqi izləyəcəklər. Monitorinq zamanı onların təmas xəttinin qarşı tərəfinə keçməsi planlaşdırılır.
Qeyd edək ki, həmsədrlər sentyabrın 7-də Bakıda Azərbaycan prezidenti İlham Əliyev və xarici işlər naziri Elmar Məmmədyarovla danışıqlar aparıb, “Azərbaycan Respublikasının Dağlıq Qarabağın bölgəsinin azərbaycanlı icması” İctimai Birliyinin üzvləri ilə görüşüblər.
Onların bu gün Xankəndində, sabah isə İrəvanda görüşləri nəzərdə tutulur.
|
|
09.09.10 Məqaləni oxumaq
|
| |
|
|
|
Ağsuda aparılan arxeoloji tədqiqatlarla bağlı konfransı keçiriləcək
|
|
Sentyabrın 14-də AMEA Milli Azərbaycan Tarixi Muzeyində “Ağsu şəhərində arxeoloji tədqiqatlar və Azərbaycanda son orta əsr şəhər problemi” mövzusunda elmi-nəzəri respublika konfransı keçiriləcək. Bu barədə məlumatı KƏLAMİNFO-ya AMEA-dan veriblər.
Konfransdan öncə “Ağsu möcüzəsi” sərgisinin açılışı, həmçinin “Ağsu şəhəri orta əsrlərdə” kitab-albomunun II buraxılışının təqdimatı keçiriləcək.
Konfransa təqdim edilən məruzələr Ağsuda aparılan arxeoloji tədqiqatlar və Azərbaycanda son orta əsr şəhər problemninin öyrənilməsi, Azərbaycan-Avropa əlaqələri, Ağsuda sikkə zərbi və pul tədavülü, daş məmulatı və daşişləmə sənəti, Azərbaycan Şərq-Qərb ticarət əlaqələrinin qovşağında və başqa mövzuları əhatə edir.
Qeyd edək ki, Ağsu şəhərində aparılan arxeoloji tədqiqatlar və Azərbaycanın son orta əsr şəhərlərinin öyrənilməsindəki ümumi problemlərin müzakirəsinə həsr olunmuş konfransın təşkilatçıları AMEA Milli Azərbaycan Tarixi Muzeyi, AMEA Arxeologiya və Etnoqrafiya İnstitutu, Ağsu arxeoloji ekspedisiyası və “MİRAS” Mədəni İrsin Öyrənilməsinə Kömək İctimai Birliyidir.
|
|
09.09.10 Məqaləni oxumaq
|
| |
|
|
|
ARTE kanalında DQ balğı filmin nümayişi dayandırılıb
|
|
Fransanın ARTE kanalında “Dünyanın bütün dağları” silsilə verlişləri çərçivəsində “Dağlıq Qarabağ: Gomehassar” adlı sənədli film nümayiş etdirilib. Xarici İşlər Nazirliyindən KƏLAMİNFO-ya verilən məlumata görə, sənədli filmdə kanalın müxbirləri Azərbaycanın işğal altındakı Dağlıq Qarabağ regionuna qanunsuz səfər edərək yerli əhalidən müsahibə götürüb, əhalinin pis vəziyyətdə yaşamasını, lakin tezliklə bu regiona sülhün gəlməsini arzu etdiyini göstərib.
Sənədli filmin Kütləvi İnformasiya Vasitələrində işıqlandırılmasına qarşı səfirliyimiz dərhal ARTE televiziya kanalının rəhbərliyinə etiraz məktubu ünvanlayıb. ARTE kanalının prezidenti Jerom Kleman səfirliyimizə göndərdiyi cavab məktubunda “Dünyanın bütün dağları” silsilə verilişlərinin məqsədinin heç də dağlıq regionların geosiyasəti ilə məşğul olmaq olmadığı, sadəcə mənzərənin, ənənələrin, mifologiyanın və ya yerli inkişafın əsas meyarlarının işıqlandırılması olduğunu qeyd edib, Dağlıq Qarabağla bağlı verilişdə məsələnin bütün aspektlərini qısa vaxt ərzində verilməsinin qeyri mümkün olduğu vurğulanıb.
|
|
09.09.10 Məqaləni oxumaq
|
| |
|
|
|
ATƏT-in Baş katibi Tiflidə səfərdədir
|
|
ATƏT-in Baş katibi Mark Perrin de Brişambo Gürcüstanda səfərdədir. KƏLAMİNFO Gürcüstan mətbuatına istinadən xəbər verir ki, ATƏT-in Baş katibi Gürcüstan prezidenti Mixail Saakaşvili, parlamentin spikeri David Bakradze və xarici işlər naziri Grigol Vashadze ilə görüşəcək. Görüşdə Gürcüstanın Avropaya inteqrasiya məsələsi müzakirə olunacaq.
|
|
08.09.10 Məqaləni oxumaq
|
| |
|
|
|
Bütün cəbhə boyu döyüş gedir
|
|
Ermənilər dünən saat 21.30-dan 22.10-dək Ermənistanın Noyemberyan rayonu ərazisindəki adsız yüksəkliklərdə yerləşən mövqelərdən Qazax rayonu ərazisindəki adsız yüksəkliklərdə yerləşən mövqelərimizi, saat 20.40-dan 21.05-dək Füzuli rayonu ərazisindəki adsız yüksəkliklərdə yerləşən mövqelərdən, saat 20.40-dan 21.05-dək Cəbrayıl rayonu Çaxırlı kəndi yaxınlığında və adsız yüksəkliklərdə yerləşən mövqelərdən, saat 17.10-dan 17.20-dək, 18.45-dən 19.00-dək, 21.55-dən 22.25-dək Goranboy rayonu ərazisindəki adsız yüksəkliklərdə və Tapqaraqoyunlu kəndi yaxınlığında yerləşən mövqelərdən, saat 18.45-dən 19.00-dək, sentyabrın 8-də saat 00.30-dan 00.50-dək, və 05.20-dən 05.45-dək Ağdam rayonu Qaraqaşlı, Cəvahirli və Yusifcanlı, saat 00.20-dən 00.40-dək isə Tərtər rayonunun Qızıl Oba kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutub. Bu barədə məlumatı KƏLAMİNFO-a Müdafiə Nazirliyi mətbuat xidmətindən veriblər.
Düşmən cavab atəşi ilə susdurulub, itki yoxdur.
|
|
08.09.10 Məqaləni oxumaq
|
| |
|
|
|
Qazaxıstanlı diplomatın SAM-da məruzəsi olacaq
|
|
Azərbaycan Prezidenti yanında Strateji Araşdırmalar Mərkəzinin (SAM) dəvəti ilə Qazaxıstan Prezidenti yanında Strateji Araşdırmalar Mərkəzinin direktoru Bulat Sultanov sentyabrın 12-dən 15-dək Bakıda səfərdə olacaq. SAM-ın mətbuat xidmətindən KƏLAMİNFO-ya verilən məlumata görə, səfər çərçivəsində sentyabrın 13-ü B.Sultanov Fəxri Xiyabanda ulu öndər Heydər Əliyevin və Şəhidlər Xiyabanında Azərbaycanın azadlığı və suverenliyi uğrunda şəhid olan qəhrəman Vətən övladlarının məzarlarını ziyarət edəcək.
Həmin gün o, SAM-da təşkil olunacaq “Azərbaycan-Qazaxıstan: ikitərəfli münasibətlər və qarşılıqlı regional əlaqələr” mövzusunda Dəyirmi masada əsas məruzəçi qismində iştirak edəcək. SAM-ın və XİN-in məsul əməkdaşları, millət vəkilləri, Azərbaycanda akkreditə olunan diplomatik nümayəndəliklərin təmsilçiləri, regional və beynəlxalq münasibətlər üzrə mütəxəssislərin də iştirak edəcəyi toplantıda iki ölkə arasında mövcüd siyasi, iqtisadi və mədəni əlaqələrə nəzər yetiriləcək, münasibətlərin inkişaf perspektivləri müzakirə ediləcək, regional və beynəlxalq məsələlərə dair fikir mübadiləsi aparılacaq.
|
|
08.09.10 Məqaləni oxumaq
|
| |
|
|
|
Yeni rabitə obyektləri əhalinin istifadəsinə verilir
|
|
Müqəddəs Ramazan bayramı münasibətilə Rabitə və İnformasiya Texnologiyaları Nazirliyinin müəssisələri yeni rabitə obyektlərini əhalinin istifadəsinə verir. RİTN-nin mətbuat xidmətindən KƏLAMİNFO-ya verilən məlumata görə, Aztelekom İstehsalat Birliyi tərəfindən bu günlərdə Astara rayonu Səncərədi kəndində, İmişli rayonu Aranlı və Məzrəli kəndlərində, Göyçayın Qaraxıdır kəndində 256/30 nömrə tutumlu yeni elektron tipli ATS quraşdırılaraq əhalinin istifadəsinə verilib.
|
|
08.09.10 Məqaləni oxumaq
|
| |
|
|
|
Səhifələr : # « 10 11 12 13 14 15 16 17 18 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
