|
|
Səhifələr : # « 13 14 15 16 17 18 19 20 21 » #
|
|
Bilgə Cankorel parlamentə ümid edir
|
Ümid edirik ki, parlament seçkilərindən sonra Milli Məclis ölkədə media azadlığının inkişafına müsbət təsir edəcək “Diffamasiya haqqında” Qanunun müzakirəsinə başlayacaq. KƏLAMİNFO xəbər verir ki, bu barədə məlumatı jurnalistlərə açıqlamasında ATƏT-in Bakı ofisinin rəhbəri Bilgə Cankorel söyləyib.
Səfir KİV-lə bağlı məsələlərin Azərbaycan hakimiyyətinin təmsilçiləri ilə mütəmadi müzakirə olunduğunu qeyd edib. Təmsil etdiyi qurumla Mətbuat Şurasının həyata keçirdiyi birgə layihə çərçivəsində hazırlanan “Azərbaycan Jurnalistlərinin Peşə Davranışı Qaydaları”nı şərh edən B.Cankorel bildirib ki, yeni variant Azərbaycan mətbuatının inkişafına daha bir təkan vermiş olacaq. O, ümid etdiyini bildirib ki, “Azərbaycan Jurnalistlərinin Peşə Davranışı Qaydaları” və bu standartlara dair Mətbuat Şurasının yenilənmiş öhdəlikləri Azərbaycanda təhqir, böhtan və diffamasiyanın dekriminallaşdırılmasına təkan verəcək.
|
06.09.10 Məqaləni oxumaq
|
| |
|
|
|
Ümumtəhsil məktəblərində 1 mln. 359 min 900 şagird təhsil alacaq
|
2010-2011-ci tədris ilində ölkəmizin 4546 ümumtəhsil məktəbində 1359900 şagird təhsil alacaq. Onların təlim-tərbiyəsi ilə 169498 müəllim məşğul olacaq. Bu barədə məlumatı KƏLAMİNFO-ya Təhsil Nazirliyindən veriblər.
Yeni dərs ilində I sinif şagirdlərinin sayının 120844 nəfər olacağı proqnozlaşdırılır. Ötən tədris ilində isə təhsil ocaqlarının I sinfinə 118581 şagird qəbul olunub.
Növbəti tədris ilində 36 dövlət ali təhsil müəssisində 116930, 15 özəl ali məktəbdə isə 19430 tələbə təhsil alacaq.
Qeyd edək ki, dövlət ali təhsil ocaqlarında 12800, qeyri-dövlət ali məktəblərində isə 2090 müəllim çalışır.
|
|
06.09.10 Məqaləni oxumaq
|
| |
|
|
|
Bakıda Azərbaycan, Gürcüstan və Rumıniya prezidentlərinin görüşü keçiriləcək
|
Sentyabrın 14-də Bakıda Azərbaycan, Gürcüstan və Rumıniya prezidentlərinin görüşü keçiriləcək. KƏLAMİNFO Gürcü mənbələrinə istinadən xəbər verir ki, prezidentlər Avropaya qaz tədarükünün birgə layihəsini müzakirə edəcəklər.
Qeyd edək ki, prezidentlər İlham Əliyev-Mixail Saakaşvili-Trayan Beseskunun görüşü üçün nəzərdə tutulmuş bütün lazımi sənədləri razılaşdırmaq üçün bu gün Bakıda işçi qruplarının, sentyabrın 13-də isə üç ölkənin energetika nazirləri səviyyəsində görüşlər keçiriləcək.
Xatırladaq ki, mayeləşdirilmiş qazın emalı və nəqli sahəsində əməkdaşlıq haqqında AGRI layihəsi üzrə Memorandum cari ilin aprel ayının 13-də Buxarestdə imzalanıb.
|
|
06.09.10 Məqaləni oxumaq
|
| |
|
|
|
Bakıda mediaya həsr olunan konfrans keçirilib
|
Bu gün Bakıda “Medianın özünütənzimləməsi vasitəsilə ifadə azadlığının qorunması” mövzusunda konfrans keçirilib. KƏLAMİNFO xəbər verir ki, konfrans çərçivəsində “Azərbaycan Jurnalistlərinin Peşə Davranışı Qaydaları”nın yeni variantı təqdim olunub.
Əlavələr edilmiş sənədin məqsədi jurnalistlərin təcrübəsini institusional səviyyədə təkmilləşdirmək və media mənsublarının gündəlik fəaliyyətində etik standartların tətbiqini təşviq etməkdir. Mətbuat Şurasının əvvəlki Peşə Davranışı Qaydalarına əsaslanan yeni sənəddə məlumatların toplanması və açıqlanması, cinayət hadisələri haqqında məlumatların verilməsi və təqsirsizlik prezumpsiyası, eləcə də medianın müstəqilliyi və jurnalistlərin hüquqlarına dair məsələlərə xüsusi diqqət yetirilib.
|
|
06.09.10 Məqaləni oxumaq
|
| |
|
|
|
Bakıda “Kibernetika və informatika problemləri” konfransı başlayıb
|
|
Bu gün Bakı şəhərində “Kibernetika və informatika problemləri” (PCİ 2010) III Beynəlxalq konfransı öz işinə başladı. KƏLAMİNFO xəbər verir ki, konfransda rabitə və informasiya texnologiyalar naziri Əli Abbasov və Türkiyə, Rusiya, Gürcüstan, İran, ABŞ, Almaniya, İtaliya, İspaniya, Koreya, Polşa, Belarus, Ukrayna, Latviya, Yeni Zelandiya, Sinqapur, Qazaxıstan və Özbəkistandan olan 40-dan çox alim və mütəxəssis iştirak edirdi.
|
|
06.09.10 Məqaləni oxumaq
|
| |
|
|
|
“Medvedevin Bakıya gəlməsinə ehtiyac yox idi”
|
Rusiyanın Ermənistanla imzaladığı protokollardan sonra regiondakı geosiyasi proseslərdə müəyyən dönüş yarandı. Bununla əlaqədar olaraq regoinda liderlik statusuna malik Azərbaycan ekspertlərin daha çox müzakirə obyektinə çevrildi. Cənubi Qafqazda gərgin münaqişə ocaqlarından biri olan Azərbaycanın itirilmiş torpaqları bu proseslərin fonunda qaynar bir nöqtəyə çatıb. Bu və ya digər məsələləri keçmiş dövlət müşaviri, politoloq Vəfa Quluzadə KƏLAMİNFO-ya şərh edib.
- Vəfa müəllim, Rusiya adətən Ermənistanla əməkdaşlıqda bu ölkənin təhlükəsizliyini, Azərbaycanla əməkdaşlıqda isə daha çox iqtisadi və ikitərəfli əməkdaşlığı önə çəkir. Bu fərqli yanaşmanı necə izah edərdiz?
- Məsələnin acınacaqlı halı ondan ibarətdir ki, Cənubi Qafqazda Rusiya etdiklərinin əksinin göstərən nə bəyanat verirsə, hamı az qala ona inanır. Moskva İrəvanla bağladığı protokollarla Ermənistanın təhlükəsizliyini önə çəkərək, əslində Azərbaycanın Ermənistan tərəfdən zəbt olunmuş ərazisi – Qarabağın işğalını əbədiləşdirir. Həmin sənədlərlə Rusiya bunu təsdiq etdi. Düzdür əbədi heç nə yoxdur, lakin bu o demək oldu ki, nə qədər Rus imperiyası var, Qarabağ da işğal altında olacaq. Eyni zamanda hadisələri yaxından izləyən şəxs kimi onu da deməliyəm ki, Rusiyanın da varlığına çox qalmayıb. Onun xarici siyasətdə göstərdiyi aktivlikdən asılı olmayaraq, yaxın 10 ilə Rusiya özü parçalanacaq. Ən əlverişli zaman da o vaxt yetişəcək ki, Azərbaycan Ermənistanla öz haqq-hesabını çəksin. O ki, qaldı Rusiyanın Azərbaycanla canfəşanlıq göstərdiyi əməkdaşlığa, onlar əsasən də son imzalanan sənədlərlə bizə vurduqları zərbəni yumşaltmaq üçün, əhəmiyyətsiz də olsa mövzular ortaya atıb Bakı ilə müzakirələr təmasında olmaq istəyirlər. Sərhədlərin delimitasiyası və digər mövzuları ortaya atmaqla Moskva bizim başımızı qatır. Bu delimitasiya məsələsi 1990-cı ildən başlayıb, hələ də Rusiyanın əlində Azərbaycanla danışıqlar aparmaq üçün mövzudur. Bütün bunlar faktiki olaraq əhəmiyyətsiz əməkdaşlıqdır və Bakının gözündən “pərdə asmaq” kimi bir şeydir.
|
|
06.09.10 Məqaləni oxumaq
|
| |
|
|
|
Bazar ertəsinin Ramazan təqvimi
|
|
Hicri təqvimi – 1431, Miladi təqvimi – 6 sentyabr 2010-cu il. Ramazan ayının 27-ci günü.
Sübh namazı İmsaq: 06:00, Axşam namazı iftar: 20:19
Bu günün duası: (“Allahummərzuqni fihi fəzlə ləylətil-qədr. Və səyyir umuri fihi minəl-usri iləl-yusr. Vəqbəl məaziri və huttə ənniz-zənbə vəl-vizr. Ya rəufən bi-ibadihissalihin”).
(İlahi, bu gün mənə Qədr gecəsinin fəzilətini nəsib et! Bu gün mənim üçün işlərimi çətinlikdən asanlığa yönəlt! Ey saleh bəndələrinə qarşı mehriban olan Allah!)
Qeyd edək ki, imsaq və iftar vaxtları Qafqaz Müsəlmanları İdarəsi (QMİ) tərəfindən müəyyən edilmiş təqvim əsasında yazılır.
Xatırladaq ki, İmsak vaxtının son həddi sübh namazının vaxtından 20 dəqqiqə əvvəldir.
|
|
06.09.10 Məqaləni oxumaq
|
| |
|
|
|
Bakıda “ASAİF” İctimai Birliyi təsis edilib
|
|
Bakıda Xaricdə Təhsil Almış və Məzun Olmuş Azərbaycanlı Gənclərin Beynəlxalq Forumu (ASAİF) İctimai Birliyinin təsis yığıncağı keçirilib. KƏLAMİNFO xəbər verir ki, təsis yığıncağında 15 ölkənin tələbə və məzunlarını təmsil edən 30 gənc iştirak edib.
Təşkilatın təsis olunmasının təşəbbüskarı qismində 6 gənc çıxış ediblər. Elə ilk olaraq təsisçilər “ASAİF” İctimai Birliyinin yaranmasının aktuallığından danışıblar.
Təsisçilər çıxış etdikdən sonra Azərbaycan qanunvericiliyinin tələblərinə uyğun olaraq iclasın sədri seçilib və mərhələli şəkildə iclasın katibliyi və say komissiyası üzvləri seçildikdən sonra təşkilatın nizamnaməsi təsdiq edilib.
Daha sonra təşkilatın seçkili strukturlarına namizədlər qeydə alınıb və “ASAİF” İB Mərkəzi Nəzarət Təftiş Komissiyasına (MNTK) 3 nəfər, İdarə Heyətinə 17 nəfər, Məclis üzvlüyünə 21 nəfər seçilib.
|
|
06.09.10 Məqaləni oxumaq
|
| |
|
|
|
Bernar Fasie Bakıya gəlib
|
|
ATƏT-in Minsk Qrupunun fransalı həmsədri Bernar Fasie Bakıya gəlib. KƏLAMİNFO xəbər verir ki, İqor Popov (Rusiya) və Robert Bradtkenin (ABŞ) də bu gün Bakıya gələcəyi gözlənilir.
Sabah isə vasitəçilər Azərbaycan rəhbərliyi ilə görüşlər keçirəcəklər. Səfərin əsas məqsədi işğal olunmuş Dağlıq Qarabağ və ətraf rayonlarda qeyri-qanuni məskunlaşmanı araşdırmaq üçün yaranacaq fakt-araşdırıcı missiyanın detallarını müzakirə etməkdir.
Sentyabrın 8-9-da vasitəçilər İrəvan və Xankəndində analoji görüşlər keçirəcəklər.
|
|
06.09.10 Məqaləni oxumaq
|
| |
|
|
|
Azərbaycan parlament nümayəndə heyəti Londonda səfərdədir
|
|
Milli Məclisin Azərbaycan-Böyük Britaniya parlamentlərarası əlaqələr üzrə işçi qrupunun üzvləri Çingiz Əsədullayev, Aydın Abbasov, Fuad Muradov və parlament Aparatının rəhbəri Səfa Mirzəyev Londonda səfərdədir. Parlamentdən KƏLAMİNFO-ya verilən məlumata görə, səfər çərçivəsində Milli Məclisin nümayəndə heyəti Böyük Britaniya parlamentində fəaliyyət göstərən Azərbaycan üzrə işçi qrupunun üzvləri, parlamentin deputatları, qanunvericilik orqanı katibliyinin rəhbərliyi ilə bir sıra görüşlər keçirəcək.
Görüşlərdə qarşılıqlı əməkdaşlığın perspektivləri, parlamentlərarası əlaqələrin inkişafı, Ermənistan-Azərbaycan Dağlıq Qarabağ münaqişəsi, ölkəmizdə seçki sistemi və digər mövzularda fikir mübadiləsi aparılacaq.
|
|
06.09.10 Məqaləni oxumaq
|
| |
|
|
|
Səhifələr : # « 13 14 15 16 17 18 19 20 21 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
