|
|
Səhifələr : # « 4 5 6 7 8 9 10 11 12 » #
|
|
Ukraynada 1 gündə 501 yanğın qeydə alınıb
|
|
Ukraynada dünən günün sonuna qədər 501 yanğın qeydə alınıb. KƏLAMİNFO Ukrayna mətbuatına istinadən xəbər verir ki, yanğının 117-i yaşayış yerlərinə yaxın ərazilərdə baş verib. Yanğınlar nəticəsində 1 nəfər həyatını itirib. Ukrayna FHN-i məlumat verib ki, 3 iş yeri, 15 maşın, 44 bina və 48 ton qida zərər görüb.
Bir günlük yanğının vurduğu ziyan isə 715 min dollara bərabərdir.
|
16.08.10 Məqaləni oxumaq
|
| |
|
|
|
ABŞ, Böyük Britaniya və Qazaxıstan birgə təlimlərə başlayıb
|
|
Bu gün Qazaxıstanda ABŞ, Böyük Britaniya və Qazaxıstan silahlı qüvvələrinin birgə təlimi başlayır. KƏLAMİNFO Rusiya mətbuatına istinadən xəbər verir ki, 10 gün davam edəcək hərbi təlimlərdə 1000-dən artıq hərbçi iştirak edəcək.
Təlimlər Almatı şəhəri yaxınlığındakı İlinski hərbi paliqonunda keçiriləcək. Hər il keçirilən bu təlimlər NATO-nun Sülh Naminə Tərəfdaşlıq Proqramının tərkib hissəsidir.
|
|
16.08.10 Məqaləni oxumaq
|
| |
|
|
|
Bu gün prezident Abdullah Gül Azərbaycana rəsmi səfərə gəlir
|
|
Bu gün Türkiyə prezidenti Abdullah Gül Azərbaycana rəsmi səfər edəcək. KƏLAMİNFO xəbər verir ki, iki günlük səfər zamanı A.Gül, Azərbaycan prezidenti İlham Əliyevlə təkbətək və nümayəndə heyətlərinin iştirakı ilə görüşlər keçirəcək.
Türkiyə prezidentinin Baş nazir Artur Rəsizadə, Milli Məclisin sədri Oqtay Əsədov və Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə ilə görüşləri də nəzərdə tutulub. Görüşlərdə ikitərəfli aktual məsələlər, hər iki ölkəyə aidiyyəti olan regional və qlobal proseslər hərtərəfli müzakirə olunacaq.
A.Gülü müşayiət edəcək nümayəndə heyətinə enerji və təbii ehtiyatlar naziri, Türkiyə-Azərbaycan birgə iqtisadi komissiyasının həmsədri Taner Yıldız və digər rəsmi şəxslər daxildir.
İki gün Azərbaycanda olacaq Türkiyə prezidentinin Şəki rayonuna səfəri də nəzərdə tutulub.
|
|
16.08.10 Məqaləni oxumaq
|
| |
|
|
|
Telefon Məlumat Mərkəzinə 4100-dən çox müraciət daxil olub
|
|
Cari ilin iyul ayı ərzində İqtisadi İnkişaf Nazirliyinin 195-2 Telefon Məlumat Mərkəzinə 430-dan çox müraciət daxil olub. İİN-nin mətbuat xidmətindən KƏLAMİNFO-ya verilən məlumata görə, müraciətlər əsasən, İqtisadi İnkişaf Nazirliyinin Sahibkarlığa Kömək Milli Fondu tərəfindən verilən güzəştli kreditlər, sahibkarlıq fəaliyyəti, istehlakçıların hüquqlarının müdafiəsi, eləcə də nazirliyin səlahiyyətlərinə aid olan digər məsələlərilə bağlı olub. Ümumilikdə isə, bu ilin əvvəlindən Telefon Məlumat Mərkəzinə 4100-dən çox müraciət daxil olub.
Telefon Məlumat Mərkəzinə daxil olan müraciətlər operativ şəkildə cavablandırılıb, şikayət xarakterli müraciətlər isə müvafiq qaydada qeydiyyata alınaraq, Nazirliyin aidiyyəti strukturları tərəfindən qanunvericilikdə müəyyən olunan müddətdə baxılıb və nəticəsi barədə müraciətçilərə məlumat verilib.
Qeyd edə ki, Nazirliyin 195-2 Telefon Məlumat Mərkəzi 2009-cu ilin 1 sentyabr tarixində fəaliyyətə başlayıb.
|
|
16.08.10 Məqaləni oxumaq
|
| |
|
|
|
Qırğızıstanda 57 partiya seçkilərdə iştirak edəcək
|
|
Oktyabrın 10-da Qırğızıstanda keçiriləcək parlament seçkilərində iştirak etmək üçün 57 partiya namizədliyini irəli sürüb. KƏLAMİNFO xarici mətbuata istinadən xəbər verir ki, avqustun 26-na qədər namizədlər qeydiyatdan keçməlidir. Sentyabrın 10-dan seçim kompaniyasına başlayan partiyaların 9 oktyabrda kampaniyaları sona çatacaq. Konstitusiyaya görə hər bir partiya 65 namizəd irəli sürə bilər. Deputatlarının sayı 50-dən çox olan partiya höküməti qurmaq hüququ qazanır.
|
|
16.08.10 Məqaləni oxumaq
|
| |
|
|
|
“Azərbaycan” kinoteatrı yeni formatda film nümayişinə başlayacaq
|
Növbəti mövsümdə “Azərbaycan” kinoteatrı 3D formatlı kino nümayişinə başlayacaq. Bu barədə məlumatı KƏLAMİNFO-ya Kinoteatrdan veriblər.
Bu formatda film nümayişi üçün lazım olan avadanlıqlar yaxın zamanlarda Azərbaycana gətiriləcək. Hələlik üç filmin – “Böyük beyin”, “Taxt-tac: miras”, “Harri Potter və ölüm bacarığı: birinci hissə” filmlərinin sözügedən formatda təqdimatı müəyyən olunub. Kinoteatrdan bildiriblər ki, gələn aydan burada 4D və 5D formatında da filmlərin nümayişi mümkün olacaq.
|
|
14.08.10 Məqaləni oxumaq
|
| |
|
|
|
QMİ məlumat yayıb
|
Qafqaz Müsəlmanaları İdarəsi (QMİ) mollaların attestasiyası ilə əlaqədar bir sıra KİV-lərdə yer alan yazılarala bağlı məlumat yayıb. Bu barədə məlumatı KƏLAMİNFO-ya QMİ-nin mətbuat xidmətindən veriblər.
Məlumatda qeyd olunub ki, mollaların attestasiyası ilə bağlı Qazilər Şurasının son iclasında idarə sədrinin səsləndirdiyi fikirlərdən sonra mətbuatda yer alan qərəzli, qeyri-obyektiv fikirlərə cavab olaraq bildirilir ki, bütün sahələrdə çalışan mütəxəssislər arasında olduğu kimi, din xadimlərinin attestasiyası da onların öz vəzifələrini həyata keçirməyə yararlığını müəyyən etməyə xidmət edən idarədaxili tədbirdir.
|
|
14.08.10 Məqaləni oxumaq
|
| |
|
|
|
Təhsil Nazirliyi “udin dili” dərsliyi hazırlayıb
|
İlk dəfə olaraq Təhsil Nazirliyi II siniflər üçün “udin dili” dərsliyi hazırlayıb. Bu barədə açıqlamanı KƏLAMİNFO-ya müsahibəsində Təhsil Nazirliyinin Dərslik və nəşriyyat şöbəsinin müdiri Faiq Şahbazlı verib.
Azərbaycanda yaşayan etnik qrupların dərslik və müləllim vəsaitləri ilə təmin olunmasının diqqət mərkəzində saxlanıldığını vurğulayan F.Şahbazlı qeyd edib ki, bu vaxta qədər udinlər üçün I sinif dərslikləri və müllim vasaiti mövcud olub. O, II siniflər üçün “Ərəb dili” dərsliyinin də hazılandığını söyləyib. Bildirib ki, həmin dərslik qiymətləndirmə ərəfəsindədir. F.Şahbazlı etnik qruplar üçün dərsliklərin hazırlanması və onun tədrisi üçün kadr qıtlığının hiss olunduğunu da dilə gətirib.
O, bu il ilk dəfə olaraq VIII siniflər üçün “Rəsmxətt” dərsliyinin də hazırlandığını diqqətə çatdırıb.
Xatırladaq ki, hazırda Azərbaycan məktəblərində ləzgi, avar, talış və digər etnik qrupların dilləri tədris olunur.
|
|
14.08.10 Məqaləni oxumaq
|
| |
|
|
|
“Bizim institut intellektual sərvət yaradır”
|
AMEA-nın akademik Z.M.Bünyadov adına Şərqşünaslıq İnstitutunun direktoru, filologiya elmləri doktoru, millət vəkili Gövhər Baxşəliyevanın müsahibəsi
- Gövhər xanım, son dövrlər Azərbaycan elminin inkişafı, onun yüksəlişi istiqamətində ciddi addımların atılması məsələsi diqqət mərkəzindədir. Bu baxımdan Şərqşünaslıq İnstitutu elmimizə töhfə olacaq yeni ideyalar üzərində çalışırmı?
- Son illər Azərbaycan elminin inkişafı üçün dövlət tərəfindən çox önəmli addımlar atılır. Bildiyimiz kimi, hörmətli Prezidentin müvafiq Fərmanı ilə Azərbaycan elmində islahatların aparılması üzrə Dövlət Komissiyası yaradılmışdı. Bu komissiya Azərbaycan elminin inkişafı üçün Milli Strategiya və bu Strategiyanı həyata keçirmək üçün 2009-2015-ci illəri əhatə edən Dövlət Proqramı hazırladı. Həmin proqram da prezident tərəfindən təsdiq olundu. Növbəti addım kimi, Azərbaycan elminin maliyyələşmə prinsiplərini təkmilləşdirmək, ümumiyyətlə elmin inkişafını daha da stimullaşdırmaq üçün Prezident yanında Elmin İnkişafı Fondu yaradıldı. Təbii ki, respublikanın digər elmi mərkəzləri, institutları kimi, bizim institut da Elmin İnkişafı Fonduna müəyyən layihələr hazırlayıb təqdim edəcək. Bu baxımdan biz də, elmimizin inkişafında maraqlıyıq və yeni ideyalar üzərində çalışırıq.
- Elmin inkişafında hansı problemlər, maneələr görürsünüz?
- Azərbaycan elminin inkişafının Milli Strategiyasında elmin qarşısında hansı məsələlərin durduğu, həmçinin yaxın vaxtlarda hansı məsələlərin öz həllini tapması müəyyənləşib. Bu, ilk növbədə azərbaycançılıq məfkurəsinə xidmət etmək, elmin Azərbaycan cəmiyyətinin sosial-iqtisadi və mədəni problemlərinin həllinə yönəldilməsi, Azərbaycan elminin çevikliyinin təmin olunmasıdır.
|
|
14.08.10 Məqaləni oxumaq
|
| |
|
|
|
Bakıda Beynəlxalq görüş-seminar keçiriləcək
|
Cari ilin 16-20 avqust tarixlərində Bakı şəhərində yerli və əcnəbi yaradıcı gənclərin iştirakı ilə “Gənclər bu gün” adlı beynəlxalq görüş-seminar keçiriləcək. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər.
Tədbirdə teatr, kino və moda sahələri üzrə Azərbaycanla yanaşı, Rusiya, Türkiyə, Gürcüstan, Ukrayna və Belarusdan da yaradıcı gənclər iştirak edəcək. Seminar müddətində qeyd edilən sahələr üzrə müzakirələr aparılacaq, sərgilər və moda nümayişi təşkil olunacaq, filmlər göstəriləcək. Bundan başqa yerli və əcnəbi mütəxəssislərin gənclərlə ustad dərsləri planlaşdırılır.
|
|
14.08.10 Məqaləni oxumaq
|
| |
|
|
|
Səhifələr : # « 4 5 6 7 8 9 10 11 12 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
