|
|
Səhifələr : # « 1 2 3 4 5 6 » #
|
|
Moskvada milli kinomatoqrafiyaların forumu keçiriləcək
|
|
Avqustun 28-dən sentyabrın 3-dək Moskvada milli kinematoqrafiyaların XIV forumu keçiriləcək. KƏLAMİNFO xəbər verir ki, forumu Kinematoqrafçılar İttifaqları Konfederasiyası MDB Dövlətlərarası Humanitar Əməkdaşlıq Fondunun dəstəyi ilə təşkil edir.
Tədbirin proqramına Azərbaycan, Belarus, Qazaxıstan, Litva, Qırğızıstan, Rusiya, Tacikistan, Özbəkistan, Ukrayna və Estoniya kinematoqraflarının 10 tammetrajlı bədii filmi daxil edilib. Azərbaycan rejissoru Rüstəm İbrahimbəyov “Kabusun gözü ilə” filmini təqdim edib.
Mərkəzi Kino Evində keçiriləcək açılış mərasimində MDB və Baltikyanı ölkələrin Kinematoqrafçılar İttifaqları Konfederasiyasının sədri Rüstəm İbrahimbəyov iştirak edəcək.
|
28.08.10 Məqaləni oxumaq
|
| |
|
|
|
Xüsusi mühafizə olunan təbiət əraziləri ölkənin 10,3 faizini təşkil edir
|
|
Azərbaycanda xüsusi mühafizə olunan təbiət əraziləri ölkə ərazisinin 10,3 faizini təşkil edir. KƏLAMİNFO xəbər verir ki, bu barədə yap.org.az saytına müsahibəsində ekologiya və təbii sərvətlər naziri Hüseyn Bağırov məlumat verib.
H.Bağırov bildirib ki, bioloji müxtəlifliyin qorunub saxlanılması və inkişaf etdirilməsi nazirliyin fəaliyyətində əsas istiqamətlərdən biridir. Onun sözlərinə görə, aparılmış tədbirlər nəticəsində xüsusi mühafizə olunan təbiət ərazilərinin sahəsi 2003-cü ildən etibarən 478 min hektardan 890 min hektaradək artırılıb və hazırda 8 Milli Park, 11 Dövlət Təbiət Qoruğu və 24 Dövlət Təbiət Yasaqlığından ibarət şəbəkə ölkə ərazisinin 10,3 %-ni təşkil edir.
|
|
28.08.10 Məqaləni oxumaq
|
| |
|
|
|
O.Zalov: “Bütün hallarda qanunsuz aksiyaların qarşısı alınacaq”
|
|
Yerli polis orqanlarına noyabrın 6-dək 18 yaşı tamam olan şəxslərin şəxsiyyət vəsiqəsi ilə təmin olunması tapşırılıb. KƏLAMİNFO xəbər verir ki, bu barədə daxili işlər nazirinin müavini Oruc Zalov jurnalistlərə müsahibəsində bildirib.
O.Zalov seçki ərəfəsində kütləvi aksiyaların keçirilməsinə də münasibət bildirib. “Seçki kampaniyası zamanı kütləvi aksiyalar yerli icra orqanlarına xəbərdarlıq edildikdən sonra və həmin qurumların göstərdiyi konkret yerlərdə keçirilə bilər. Qalan bütün hallarda qanunsuz aksiyaların qarşısı alınacaq”-deyə O.Zalov vurğulayıb.
O, sentyabrın 1-dən 9-dək Gəncə, Yevlax, Mingəçevir, Xaçmaz, Mingəçevir, Şirvan və Bakı şəhərinin Nərimanov rayonunda seçkilərlə bağlı polislər üçün zona seminar-məşğələləri keçiriləcəyini söyləyib.
|
|
27.08.10 Məqaləni oxumaq
|
| |
|
|
|
DİN-də seçkilərlə bağlı xüsusi tədbirlər planı hazırlanıb
|
|
Daxili İşlər Nazirliyində cari il noyabr ayının 7-də keçiriləcək parlament seçkisi ilə bağlı xüsusi tədbirlər planı hazırlanaraq təsdiqlənib. KƏLAMİNFO xəbər verir ki, bu barədə açıqlamanı jurnalistlərə daxili işlər nazirinin müavini Oruc Zalov verib.
O.Zalov bildirib ki, həmin tədbirlər planı artıq yerli polis orqanlarına göndərilib. “Tədbirlər planında seçki prosesi zamanı asayişin qorunması, seçkinin gedişinə, seçkinin gedişi zamanı “exit-poll” keçirilməsinə müdaxilənin və digər qanunazidd halların qarşısının alınması yer alıb”,-deyən O.Zalov tədbirlər planının 2-ci bəndində noyabrın 5-dək 9-dək Azərbaycan polisinin gücləndirilmiş iş rejimində çalışmasının nəzərdə tutulduğunu vurğulayıb.
Nazir müavini onu da qeyd edib ki, Azərbaycan polisi həmişə gücləndirilmiş rejimdə işləyir.
|
|
27.08.10 Məqaləni oxumaq
|
| |
|
|
|
“Moskva Azərbaycan-Ermənistan arasında sənəd imzalanmasına cəhd edir”
|
|
Rusiyanın Ermənistanla olan son müqaviləsi, Moskvanın post-sovet məkanında uzun müddətli strategiyasını və həmçinin Azərbaycanın Ermənistanla etmək istədiyi müharibənin ehtimal xaricində olduğunu ortaya qoydu. KƏLAMİNFO rus mətbuatına istinadən xəbər verir ki, bunları “Carnegie Moscow Center”in rəhbəri, ekspert Dmitri Terin bəyan edib.
Onun fikirincə, bu müqavilə həm də Ermənistanın uzun müddətə ərazi bütövlüyünün təminatçısıdır. “Ermənistan artıq Rusiyadan lazım olan təminatları alıb. Azərbaycan da bu addımı atsa, onun üçün perspektivli olardı. Çünki, ən azı hazırda Dağlıq Qarabağ məsələsi gərgin durumdadır. Bakı birdəfəlik anlamalıdır ki, müharibə onun mənfəətlərinin təminatçısı deyil. Moskvanın da hazırkı cəhdi odur ki, nə olur olsun Azərbaycan-Ermənistan arasında sülh sənədi imzalatsın”,-deyə ekspert açıqlayıb.
|
|
27.08.10 Məqaləni oxumaq
|
| |
|
|
|
ETSN Binəqədi, Novxanı, Goradil və Fatmaidə cərimə tətbiq edib
|
|
Ekologiya və Təbii Sərvətlər Nazirliyi (ETSN) və Daxili İşlər Nazirliyinin əməkdaşları tərəfindən Binəqədi rayonu Xəzər sahili ərazilərdə bərk məişət tullantılarının qanunamüvafiq qaydada idarə olunması vəziyyətini yoxlamaq məqsədilə reyd keçirilib. Bu barədə məlumatı KƏLAMİNFO-ya ETSN-nin mətbuat xidmətindən veriblər.
Binəqədi rayonu Novxanı çimərliyində bərk məişət tullantılarının müvafiq qaydada idarə olunmamasına görə iş icraçısı Ş.Umudov, S.Allahverdiyev və İ.Əzimov hər biri fiziki şəxs qismində inzibati qaydada 500 manat məbləğində cərimə olunublar.
Goradil çimərliyində olan iaşə obyektində formalaşan bərk məişət tullantılarının müvafiq qaydada idarə olunmamasına görə iş icraçısı T.Abdullayev fiziki şəxs qismində inzibati qaydada 500 manat məbləğində cərimə edilib.
|
|
27.08.10 Məqaləni oxumaq
|
| |
|
|
|
S.Ohanyan: “Raketlər düşmənlərimizin strateji obyektlərinə yönəldiləcək”
|
|
Rusiyanın Azərbaycana satdığı S-300 raketdən müdafiə sistemləri, rəsmi Bakıya Dağlıq Qarabağ münaqişəsində “strateji üstünlük vermir”. Azərbaycan tərəfindən Dağlıq Qarabağa yaradılacaq təhlükə Ermənistan üçün yaranan təhlükəyə çevrilərsə şübhəsiz ki, Rusiya özünün müqavilədən irəli gələn müttəfiqlik öhdəliklərini yerinə yetirəcək. KƏLAMİNFO rus mətbuatına istinadən xəbər verir ki, bunu Ermənistanın müdafiə naziri Seyran Ohanyan bildirib.
O, qeyd edib ki, yeni sazişə görə, Ermənistanın təhlükəsizliyinin təmin edilməsində Rusiya qoşunlarına əvvəlkindən daha geniş səlahiyyət verilir. “Saziş Ermənistan və Rusiya arasında strateji müttəfiqliyin uzunmüddətli xarakterini bir daha təsdiqləyir. O ki, qaldı Rusiyadan alınan raketlərə, bu Azərbaycanla Ermənistan arasında qüvvələr balansını ciddi şəkildə dəyişdirməyəcək. Ona görə ki, biz həmin sistemlərlə çox yaxından tanışıq.
|
|
27.08.10 Məqaləni oxumaq
|
| |
|
|
|
Şəkidə qəbul imtahanlarında yüksək nəticə göstərən gənclərlə görüş olub
|
|
Şəki şəhər İcra Hakimiyyətində builki qəbul imtahanlarında 500-700 bal toplayıb ali məktəblərə daxil olan gənclər və onların valideynləri ilə şəhər rəhbərliyinin görüşü olub. Şəki İcra Hakimiyyətindən (İH) KƏLAMİNFO-ya verilən məlumata görə, İH başçısının müavini Zərinə Cavadova bildirib ki, Şəki təhsili öz zəngin ənənələri ilə respublikada həmişə seçilib. O qeyd edib ki, Şəki məzunları ənənələrə sadiq qalaraq, ötən illərdə olduğu kimi, builki qəbul imtahanlarında da çox yüksək nəticələr əldə edib.
Təhsil şöbəsinin müdir əvəzi Bəhyəddin Qüvvətov bildirib ki, bu il ümumtəhsil məktəblərini bitirən 1656 məzundan 1165 nəfəri ali məktəblərə qəbul olunmaq üçün sənəd verib, onlardan 517 nəfəri tələbə adını qazanıb. Qəbul imtahanlarında məzunlardan 90 nəfər 500-dən 600 baladək, 29 nəfər isə 600 baldan yuxarı nəticə göstərib.
|
|
27.08.10 Məqaləni oxumaq
|
| |
|
|
|
Bu gün Azərbaycanın birinci xanımının ad günüdür
|
|
Bu gün Azərbaycanın birinci xanımı, Heydər Əliyev Fondunun prezidenti, YUNESKO və İSESKO-nun xoşməramlı səfiri, millət vəkili Mehriban xanım Əliyeva ad günüdür. KƏLAMİNFO xəbər verir ki, Mehriban xanım Əliyeva Bakıda ziyalı ailəsində dünyaya gəlib. Atası Milli Elmlər Akademiyasının akademiki, fizika-riyaziyyat elmləri doktoru, professor, Milli Aviasiya Akademiyasının rektoru Arif Mir Cəlal oğlu Paşayev, anası şərqşünas alim, filologiya elmləri doktoru, professor, Milli Elmlər Akademiyasının Şərqşünaslıq İnstitutunun direktoru olmuş, ərəb ədəbiyyatı sahəsində mütəxəssis Aida Nəsir qızı İmanquliyevadır.
Mehriban xanım Əliyeva 1982-ci ildə Bakıda 23 saylı orta məktəbi qızıl medalla bitirib, Nəriman Nərimanov adına Azərbaycan Dövlət Tibb İnstitutunun Müalicə işi fakültəsinə daxil olub. İkinci kursdan təhsilini İ.M.Seçenov adına Birinci Moskva Dövlət Tibb İnstitutunda davam etdirib, 1988-ci ildə bu institutu fərqlənmə diplomu ilə bitirib. 1988-92-ci illərdə Moskva Göz Xəstəlikləri Elmi-Tədqiqat İnstitutunda işləyib.
|
|
26.08.10 Məqaləni oxumaq
|
| |
|
|
|
Cümə axşamının Ramazan təqvimi
|
|
Hicri təqvimi – 1431, Miladi təqvimi – 26 avqust 2010-cu il. Ramazan ayının 16-cu günü.
Sübh namazı İmsaq: 05:47, Axşam namazı iftar: 20:37.
Bu günün duası: (“Allahummə vəffəiqni fihi limuvaqətil-əbrar. Və cənnibni fihi murfəqətəl-əşrar. Bi ilahiyyətikə ya ilahəl-aləmin”).
(İlahi, bu gün yaxşı bəndələrin tayı olmağı mənə nəsib et! Məni pis adamlarından uzaqlaşdır! Səni Allahlığına and verirəm, Öz rəhmətinlə məni əbədi məkan olan Cənnətinlə mükafatlandır! Ey aləmlərin Allahı!)
Qeyd edək ki, imsaq və iftar vaxtları Qafqaz Müsəlmanları İdarəsi (QMİ) tərəfindən müəyyən edilmiş təqvim əsasında yazılır.
Xatırladaq ki, İmsak vaxtının son həddi sübh namazının vaxtından 20 dəqqiqə əvvəldir.
|
|
26.08.10 Məqaləni oxumaq
|
| |
|
|
|
Səhifələr : # « 1 2 3 4 5 6 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
